Welcome


Download Apk File

ကလေးမြို့ရဲ့ သတင်းတွေကို Android ဖုန်းထဲကနေ ကြည့်လို့ရတဲ့ Apk file လေးပါ ..။အောက်က လင့်လေးမှာ Down လို့ရပါတယ် ...။ အခုထိတော့ Link မသေသေးပါဘူး ...။
http://www.sendspace.com/file/yud6dl

Friday, April 30, 2010

ကဆုန်လပြည့်နေ့


ကလေးမြို့နယ်လုံးဆိုင်ရာ ရတနာပုံ ရွှေဘုံသာ စေတီတော်မြတ်ကြီး တွင် ကဆုန်လပြည့်နေ့ တွင် ဗောဓိ ညောင်ပင်အား ညောင်ရေသွန်း လောင်းလှုပွဲကို ကျင်းပပြုလုပ်ရာ ရွှေဘုံသာ ဓမ္မစင်္ကြာ အသင်းမှ ဓမ္မစင်္ကြာ ရွက်ဖတ်ပူဇော်ခြင်း၊ အလှုရှင်များမှ ရွှေရင်အေး စတုဒီသာ တိုက်ကျွေးခြင်း၊ နေသာ ပညာဒါနမှ ကျောင်းသား/ကျောင်းသူများမှ ညောင်ရေသွန်း လောင်းလှုခြင်း တို့ ပြုလုပ်ခဲ့ကြပါသည်။ ကလေးမြို့နယ် ဆည်တော်ဦး ကျေးရွာ တွင်လည်း နှစ်စဉ် ကျင်းပ ပြုလုပ်မြဲ ဖြစ်သော ညောင်ရေသွန်းပွဲကို ခြင်း အလှခတ်ပြိုင်များ ထည့်သွင်း၍ အစဉ်အလာ မပျက် ပြုလုပ်ခဲ့သည်ဟု သိရှိရပါသည်။

ဆက်လက်ဖတ်လိုလျှင် ....>>

Saturday, April 24, 2010

ကလေးသင်္ကြန်ကို လည်ကြည့် ကြသူများ

ခြောက်လေအဝေ့မှာ မိုးသစ်ရနံ့တွေက ကျွန်တော် ထိုင်နေတဲ့ အိမ်ရှေ့ ပိတောက်ပင်အောက်က ခုံတန်းလျားနဲ့ ပတ်ဝန်းကျင်ကို နုပြို ဆင်းကျဲပြန့် နေရာယူကြသည်။ တန်ခူးလေ ဆိုတာရော ပိတောက်တွေ ရဲရဲ ပွင့်ဖို့ ရေကြည်ဆွတ်ဖျန်းမယ့် သင်္ကြန်ကြိုတဲ့ မိုးသက်တွေ ကြွေကာ ဖျန်းတော့မယ်ဆိုတာရော စိတ်က အလိုလို သိပြီး ဖြစ်တယ်။
နှစ်ဟောင်းကုန်လို့ နှစ်သစ်ရောက်ခဲ့ပြီ …။ ပြီးခဲ့တဲ့ အတိတ်တွေကို ချန်ထား ရစ်ခဲ့ လို့ ….. စိတ်ကူးသစ် အိပ်မက် သစ်တွေနဲ့ ဘ၀ကို ဖြတ်သန်းဖို့ စဉ်းစားနေတုန်း သူငယ်ချင်း ရွှေလင်းထန် ရောက်လာပြီး “သင်္ကြန် ဘာ အစီအစဉ် ရှိတုန်းတဲ့” ကျွန်တော်ကလဲ တစ်ကိုယ်တည်း သမားဆိုတော့ “ဘာအစီအစဉ်မှ မရှိဘူး” “သင်္ကြန်တွင်း ဖွင့်မယ့် လဖက်ရည်ဆိုင် လိုက်ရှာနေတယ်……..အဲ့ဒီမှာထိုင်ပြီး သင်္ကြန်လည်မယ့် အလန်းမ လေးတွေ ကြည့်ဖို့ ချောင်းနေတယ်လို့ ပြောတော့ ” “ ငါကအကျနေ့ ကျရင် လက်ဆေးကန်သွားမှာ” ဆိုပြီး အစီအစဉ်တွေ ပြောပြနေတယ် “ လိုက်တော့ဘူးလို့” အားနာနာနဲ့ ငြင်းမိတယ်………
ညနေပိုင်းရောက်တော့ ရည်းစားက “သင်္ကြန်အတူ လိုက်လည် မပေးနိုင်ဘူး ” ဆိုလို့ အသည်းကွဲနေတဲ့ ညီမ မီးမီးက မနက်ဖြန် “ သင်္ကြန်လည်ရအောင်” ဆိုပြီး ဖုန်းဆက်တော့ လည်ဖြစ်ရင် ခေါ်ပါ့မယ်လို့ မတင်မကျ စကား ဂတိ ကိုပြောထားလိုက်တယ်…… လဖက်ရည်ဆိုင်ရောက်တော့ လွမ်းဆက်နွယ်ဆိုတဲ့ အသက် လေးဆယ်ကျော် လူပျိုကြီးက သူလည်း သင်္ကြန်လည်ချင်ပါသ တဲ့ ……… မိန်းမကြောက်ရတဲ့ ကဗျာဆရာ သစ်မှိုင်းလွင်ကလဲ ထိုမာသင်္ကြန်ကို တစ်ခါမှ မရောက်ဖူးဘူးတဲ့…. သူငယ်ချင်း ကိုဂျာနယ်လစ်ကြီးကလည်း “ထိုမာ သင်္ကြန် ဓါတ်ပုံရိုက်ချင်တယ်တဲ့” မနက်ဖြန်လိုက်ခဲ့ပါဆိုပြီး ဖုန်းဆက်ပြီးခေါ်ပါလေရော…..ဒါဆို ငါမနက်ဖြန် အတွက်အစီအစဉ် ဆွဲပါ့မယ်လို့……………..
အကြတ်နေ့ အိပ်ယာနိုးနိုးချင်းပဲ………. ညီမလေးဆီ အရင်ဆုံး ဖုန်းဆက်ရတော့တယ် (ဂေါ်မစွံ၏ ကြော်ငြာကဏ္ဍ) သင်္ကြန်မလည်ဘူးလို့ ကတိ ပေးထားတာဆိုတော့ ထုံးစံအတိုင်းပေါ့ “သူငယ်ချင်းတွေ အတင်းခေါ်လို့ လိုက်ရမှာဆိုပြီး” ပြောရတော့တာ ညီမလေးကော လိုက်မလားမေးတော့ “မလိုက်တော့ဘူး ဘုန်းကြီးကျောင်း သွားမယ် ပြောတော့” ရင်တစ်ဝက် အေးသွားတယ်…… စိတ်ထဲမှာတော့ အလန်းလေး တွေကြည့် လိုက်အုန်းမယ်ပေါ့…….
ပထမဆုံး ရွှေလင်းထန် အိမ်ကိုသွား သူကလဲ ၀ိရီယ ကောင်းစွာနဲ့ ကျွန်တော်ကိုစောင့်နေတယ်….. ကလေးသင်္ကြန် တစ်ခါမှ မလည်ဖူးဘူးတဲ့၊ ရင်ခုန်သလိုလိုပဲတဲ့ အရေးထဲနှလုံးသားက နုနေလိုက်သေးတယ်……. လူပျိုကြီးတို့ထုံးစံအတိုင်း …… သွားရအောင်လို့ လောဆော်ပြီး မီးမီး ကိုအရင်သွားခေါ်မယ်ဆိုပြီး ထွက်လာခဲ့တယ်….. ဒီနောက်ဂျာနယ်လစ်စီ သွားတော့ ဘိုတိုးရယ် ဂျာနယ်လစ်ရဲ့ အမျိုးသမီးရယ် ကလေးတွေရယ် အရံသင့်စောင့်နေတော့ ကားပေါ်တစ်ခါတည်း တင်ပြီး အသက်လေးဆယ်ကျော် လူပျိုကြီး လွမ်းဆက်နွယ်က တီရှပ်ပန်းကြား နဲ့ ဘောင်းဘီတိုနဲ့ နုပျိုနေလိုက်တာ ကားရှေ့ ဘောနပ်ပေါ်တက်ထိုင်ပါလေရော ……… အသက်ကြီး လို့ရှေ့ခန်းမှာစီးပါဆို တာတောင် မရတော့ဘူး……သစ်မှိုင်းလွင် အိမ်ရောက်တော့ ဘုန်းကြီးကျောင်းက မပြန်သေးလို့ စောင့်နေရသေးတယ် …….. မိန်းမကို ဘယ်လို ဘတ်ပြီးတော့ လိုက်ခဲ့လဲတော့မသိဘူး အင်္ကျီဖြူ လက်ရှည်နဲ့ ထမင်းစားပုဆိုးကြီး ၀တ်ပြီး လိုက်ခဲ့တော့တာပါပဲ……. သူငယ်ချင်းတွေ အားလုံးက ဂေါပကလည်း သင်္ကြန်လည်တာပဲလို့ စနေကြ တာ အဲ့ဒီဂေါပက ပေါ့ အလန်းလေး နှစ်ယောက် ထပ်ပြီး တင်လာခဲ့သေးတယ်…….
သတိရလို့ ပြောလိုက်အုန်းမယ် ….. မီးမီးကလည်း ဘောင်းဘီတိုအင်္ကျီအကြပ် ၀တ်လာခဲ့လို့ ဒီပုံနဲ့တော့မဖြစ်ဘူး ထင်တယ်ဆိုပြီး ပါလာတဲ့ တဘက်ကို မချွတ်တမ်းခြုံထားပါဆိုပြီး ပြောရသေးတယ် ……. ဒီလိုနဲ့ အဆီအငေါ်မတည့်တဲ့ ကျွန်တော်တို့အဖွဲ့ ထိုမာသင်္ကြန်ဆီ ချီတက်လာခဲ့တယ် ……. ထိုမာရွာအ၀င်မဏ္ဍပ် လည်းရောက်တော့ ကားတန်းကြီး ကိုစတွေ့ရတော့တယ်……… လမ်းအပြည့် လူတွေကလည်း ကွေးညွတ်နေအောင် ကလို့ ကိုရွှေဂျာနယ်လစ်ကြီး ကတော့ ကားပေါ်က အပြေးတပိုင်း ဆင်းပြီး ပါလာတဲ့ ကင်မရာကိုထုတ် တဖျောက်ဖျောက် နဲ့ပေါ့ ……… ရွှေလင်းထန်ကတော့ ကားထဲကို စိတ်ထဲ့ပြီး မောင်းနေရတော့ မအီမလည်မျက်နှာကြီးနဲ့ ….. အသက်လေးဆယ်ကျော် လူပျိုကြီးကတော့ ဘောနပ်ဖုံးပေါ်မှာ စည်ချက်နဲ့အညီ ခြေမြှောက်မြှောက် လက်မြှောက်မြှာက်နဲ့ ပေါ့.. ဗိုက်က ပူပူ ဘောင်းဘီ ပွင့်ကြားကြီးနဲ့ ဖြစ်နေလိုက်ပုံများ မြင်ကြည့်လိုက်စမ်းပါ။ ဘေးနားက ကားပေါ်က ကောင်မလေးတွေ က တော့ ဦးတိပွားကြီး ကနေ တယ်တယ်တဲ့ …။ ဦးတိပွားရဲ့ ကဲပုံများ ဂျာနယ်လစ်ကြီးရဲ့ နဖူးအတိုင်းပဲ …။ ကျွန်တော်လဲ အညံ့ ဘယ်ခံမလဲ … ကားပေါ်က ဆင်းပြီး အလန်းလေးတွေ ရေလိုက်လောင်းဖို့ ချောင်းနေတာပေါ့ … ကားဆီ ပြန်ကြည့်လိုက်တော့ ဂေါပက လူကြီးက ကားရှေ့ခန်းမှာ သမာဓိ ပိုးကြီးနဲ့ ပြုံးပြုံးကြီးပေါ့ … အသဲကွဲတဲ့ မီးမီး ကလည်း ဘဲဘဲ ကို သတိရပြီး ငိုပါလေရော …။ သင်္ကြန်ရေနဲ့ မျက်ရည်တွေ ရောလို့ပေါ့ … သူငယ်ချင်း ဘိုတိုးကြီးကလည်း ဗိုက်ဆာလို့ ဆိုပြီး ပါလာတဲ့ ကွမ်းယာတွေ တစ်ယာပြီးတစ်ယာ စားစားနေ တော့တယ်……။
ဒုတိယ မဏ္ဍပ်ရှေ့ ရောက်တော့ ကျွန်တော်တို့ ကားကို ရေ သိတ်မပက်ကြတာ “ရှေ့မှာ ဦးတိပွားကြီး ထိုင်နေလို့” တဲ့ ဆိုပြီး ကားပေါ် ပါလာတဲ့ ကောင်မလေးတွေက ပြောနေကြတယ်။ တတိယ မဏ္ဍပ်ရှေ့ ရောက်တော့ လူပျို အသိုးကြီးက ကျွန်တော်နဲ့ သစ်မှိုင်းလွင်ကို ဆွဲခေါ်ပြီး ရှေ့မဏ္ဍပ်က ပိုစည်တယ် …။ လမ်းလျှောက်ပြီး အရင် သွားနှင့်အောင်တဲ့ ကျွန်တော်လည်း ယောင်ပေပေနဲ့ ပါသွားပါလေရော …။ သွားရင်း လာရင်း ကားတွေ ရေကြည့်ခဲ့တာ အစင်း (၅၀) တောင် ကျော်နေပြီ ..။ ရှေ့မှာလည်း အများကြီး ပါပဲ၊ အောက်က ရေကလည်း ဒူးဆစ်လောက်ရှိတယ်။ ဂေါပက ကတော့ ဖိနပ်ကြီး ခါးကြားထိုးလို့ ပုံပျက် ပန်းပျက်.. အိမ်အပြန် ဖိနပ်မပါရင် မိန်းမက ရိုက်မှာတဲ့၊ လူပျို အသိုးကြီးရဲ့ လက်ထဲ မှာတော့ ရယ်ဒီမိတ် တစ်ပက်ပါတဲ့ ၀ီစကီ ဘူးလေးတွေနဲ့။ အရှိန်တော့ ရနေတဲ့ ပုံပါပဲ …။ မဏ္ဍပ်မှာလဲ သူချည်းခဲ ကဲ ပြီးတော့ အမြင့် ပေ နှစ်ဆယ်လောက်ရှိတဲ့ ရေပက်စင်ပေါ်က ကောင်မလေးတွေ ဆီ သွားချင်တယ် လုပ်ပါလေရော …။ ဂျာနယ်လစ်က ဘယ်ကနေ ဘယ်လို ရောက်လာမှန်း မသိဘူး အမိအရ မှတ်တမ်း တင်နေတယ် …။ ဒီလိုနဲ့ ဆယ်တစ်ခု မြောက် မဏ္ဍပ်ရှေ့ ရောက်တော့ ရွှေလင်းထန် မနေနိုင်တော့ ဘူး … ကားကို လမ်းဘေး ထိုးပြီး အပြေးအလွှား ခုန်ဆင်း မဏ္ဍပ်ရှေ့မှာ ကပါလေရော ..။ ဂျာနယ်လစ်ကြီး ကလဲ ကျွန်တော့်ကို ကင်မရာ ပေးပြီး သူပါ ရောသမ လေရဲ့ ။ ကျွန်တော်လည်း လက်ထဲ ရှိတဲ့ ကင်မရာနဲ့ အမိအရပေါ့ ။ ကျွန်တော့် လက်ကိုဆွဲပြီး အဓမ္မ ခေါ်လေတော့ က ရတော့တာပေါ့ ။(ညီမလေးများ သိများ သိရင် အပြောခံနေရအုန်းမှာ လို့ စိတ်ထဲ တွေးမိတယ်။)
နေ့ခင်း နှစ်နာရီထိုးတော့ ထိုမာရွာက ပြန်ထွက်ခဲ့ကြတယ် နေ့လည်စာ စားဖို့ စားသောက်ဆိုင်မှာ နားရင်း ဂျာနယ်လစ်ကြိးရဲ့ ကင်မရာကိုကြည့်တော့ သတင်းဓါတ်ပုံထက် အလန်းလေးတွေရဲ့ခပ်ရဲရဲ ခပ်ကဲကဲ ပုံတွေက များနေတယ်…… အိမ်ပြန်ရောက်ရင် ဗိုက်ခေါက်ကို မိန်းမက လိမ်ဆွဲတာ ခံရမှာကို မြင်ယောင် မိသေးတယ်…. သင်္ကြန်လည်လို့ ဥပုဒ်ကျိုးတာချင်း အတူတူ ဆိုပြီး ဂေါပက က ဘီယာသောက်မယ်တဲ့…. လူပျိုကြီးဆီကို သူကြိုက်တဲ့ ကောင်မလေးဆီက ဖုန်းလာတာကို မီးမီးကမပြောလို့ ဆိုပြီး စိတ်ကောက်လိုက်သေးတယ်(အရွယ်ကြီးနဲ့ မလိုက်အောင်ပေါ့) …..ဘိုတိုးကြီးကတော လိမ်မာ နေလိုက်တာ…. သူမသောက်တာ ကြာပြီတဲ့….. စိတ်ထောင်းလို့ကိုယ်ကြေ ဖြစ်နေတဲ့ မီးမီးက ဘီယာတစ်ခွက်ဆိုပြီး သောက်တော့…….. မူးပြီး ကြမ်းမှာကို ကျွန်တော်က လန့်လာတယ်………… ရွှေလင်းထန်က သွားရင်းလာရင်း နှစ်ပက်ကစ်လာတော့ အရှိန်လေးနဲ့ပေါ့………. ဒီလိုနဲ့ ကိုးမိုင်ချောင်းကို ရောက်တော့ ကလေးမြို့ရဲ့ ချောင်းသာလို့တောင်ပြောရ မယ်ထင်တယ်………..လူတွေအရမ်းများလွန်းလို့ ကျွန်တော်တို့အတွက် နေရာတောင် အတော် ရှာယူခဲ့ရတယ် ……… ရွှေလင်းထန်နဲ့ ဂေါပကရယ် အလန်းမလေး နှစ်ယောက်က တစ်နေရာ…….. ဂျာနယ်လစ်မိသားစုက တစ်နေရာ လူပျိုသိုးကြီးရယ် ကျွန်တော်ရယ် မီးမီးရယ်က တစ်နေရာ ………အသီးသီးရေစိမ်ကြတာပေါ့ ……….. ဂျာနယ်လစ်က ပါလာတဲ့ ကင်မရာနဲ့ အလုပ်ရှုပ်(အရှုပ်တွ လုပ်) လို့ ပေါ့ ……………. ကျွန်တော်လည်း မီးမီးကို “ အပျိုပိန်ပိန် ရေစိမ်တော့……..” လို့ လိုက်စနေမိသေး တယ် …။
မြင်ကွင်းကတော့ လန်းတယ်ဗျာ။ ချောင်းရဲ့ တစ်မိုင်ကျော်ကျော် အရှည်မှာ လူတွေ ပြွတ်ခဲ သိပ်လို့။ တစ်ချို့လဲ ပုလင်းတွေနဲ့ ၀ိုင်းဖွဲ့၊ တစ်ချို့လည်း အလန်တွေ နဲ့ ၀ိုင်းဖွဲ့၊ ကိုယ်စီကိုယ်စီပေါ့ ..။ လူပျိုကြီးတွေ ဇတ်လမ်း က စ ပြီ ..။ လွမ်းဆက်နွယ်က မိန်းမ တစ်ယောက်ရဲ့ အလှဆုံး အချိန်ဟာ ရေချိုးချိန်တဲ့၊ ဘိုတိုးကလည်း ရေချိုးပြီးစ အချိန်တဲ့ မယုံရင် ကြည့်နေပါတဲ့။ ဂေါပက ကတော့ အတူတူပါပဲတဲ့။ တရား သဘောတောင် ပါလိုက်သေး ..။ ကျွန်တော်က လက်ရှိ ကိုပဲ စိတ်ဝင်စားသူဆိုတော့ အရှိအတိုင်းပဲ နေလိုက်တယ်..။ နှစ်နာရီ ကျော်ကျော်လောက် ရေစိမ်ပြီး အပြန်ခရီးကို ဆက်ခဲ့ကြတယ် ..။ ကားပေါ်ရောက်မှ အသဲကွဲတဲ့ မီးမီး ရဲ့ လက်ကိုကြည့်လိုက်တော့ ပဲကြီးကို ရေစိမ်ထားတဲ့ အတိုင်းပါပဲ..။ “ နင်တော့ အခြေအနေ မကောင်းဘူး ” လို့တောင် ပြောမိသေးတယ် ..။ ကိုးမိုင် ရွာ အ၀င်ရောက်တော့ ချင်းအမျိုးသား အဖိုးကြီးက ကားရှေ့မှာ ရပ်ပြီး ကားကို တားကာ “ ရေလောင်းရင် နေကောင်းတယ်နော်” ဟု ဆိုကာ ကားပေါ်ပါသူ အားလုံးကို ရွှဲ စိုအောင် လောင်းလေတော့တယ် …။ ဗဟို မဏ္ဍပ်ရှေ့ ရောက်တော့ စတိတ်ရှိုး စင်ပေါ်က ဘောင်းဘီတိုတို အင်္ကျီ ကြပ်ကြပ် နဲ့ ဆိုနေတဲ့ ကောင်မလေးကို မြင်တော့ ထိန်းမရ သိမ်းမရနဲ့ ကားကြီးကို ပုခက်လွှဲထား တဲ့ အတိုင်း လှုပ်ရမ်းလို့ ..။ အချိန်က နေရောင် ပျောက်ပြီ ဆိုတော့ အားလုံးကို လမ်းခွဲ ဖို့ အတင်းပြောရတော့တယ် ..။
ညပိုင်းရောက်တော့ ညီမလေးဆီ အပြေးအလွှား သွားရသေးတယ်။ သူက ဥပုဒ် ယူထားတာဆိုတော့ သိတ်တော့ မပြောပါဘူး။ နေ့လည်က ရန်ကုန် X2O သင်္ကြန်မဏ္ဍပ်ရှေ့မှာ ဗုံးပေါက်တယ်တဲ့၊ နောက်ရက်ကို သင်္ကြန် မလည်စေချင် ဘူးတဲ့။ “အခု တရားနာ သွားမှာ လိုက်ခဲ့ပါလားတဲ့” ကျွန်တော်လည်း နေ့လည်က သင်္ကြန် လည်ထားတာဆိုတော့ မလိုက်ချင်ဘူး လို့ ..။
အတက်နေ့ မနက်ခင်းမှာတော့ ထိုင်နေကျ လဖက်ရည်ဆိုင်မှာ လူပျို အသိုးကြီးကို တွေ့ပါတယ်။ မနေ့က ရေပက်တဲ့ အကြောင်းတွေ စားမြုံ့ ပြန်ရင်း ရေမပက်ပဲ လေ ပက်တဲ့ အကြောင်းကို ကျွန်တော်တို့ မြို့ ရဲ့ အသက်ကြီးဆုံး လူငယ် စာရေးဆရာ နဲ့ ပြောနေတော့တယ်..။ လတ်တလော ကလေးမြို့မှာ နာမည်ကြီးနေတဲ့ ကဗျာဆရာရဲ့ ရန်ကုန်ခရီး ကြွားလုံးတွေကို ကျုရှင်ဆရာနဲ့ ပေါင်းပြီး လေပက်ခံရတဲ့ အကြောင်း ပြောနေကြတယ်။ လူပျို အသိုးကြီးက “ သူမှ ရန်ကုန်မရောက်ဖူးတာ သူတို့ ပြောသမျှခံရတာပေါ့” တဲ့ …။ အဲ့ဒီအချိန်မှာပဲ သူငယ်ချင်း ရွှေလင်းထန် ရောက်လာပြီး သွားရအောင် ဆိုလို့ ကျွန်တော်ရယ်၊ လူပျို အသိုးကြီးရယ်၊ မီးမီးရယ် ပေါ့..။ ဘယ်သွားမှာလဲ မေးတော့ “ထိုမာ” တဲ့ ..။ ရွှေလင်းထန်က မနေ့က မကျေပွဲ နွဲချင်သေးတာ တဲ့ ..။ နှစ်ခါ မညှိ လိုက်ရပါဘူး။ ထိုမာ ရောက်လာခဲ့တော့ တာပါပဲ ..။ အဲ့ဒီ ရောက်မှ သင်္ကြန် မိုးက သဲကြီးမဲကြီး ရွာပါတော့တယ်..။ မိုးရေနဲ့ သင်္ကြန်ရေ အောက်မှာ နောက်ဆုံးရက် ဆိုပြီး လူတွေ ပိုကဲ နေသလား ထင်ရတယ် ..။ ထိုမာ ရွာက ပြန်တော့ …..
နေ့လည်စာ စားဖို့ မြစ်သာ ရှု့ခင်းဆီ ရောက်လာခဲ့တယ်..။ အသဲကွဲတဲ့ မီးမီးက ဖရဲသီး စားချင်တယ် ဆိုလို့ ကျီကုန်းမှာ သွားဝယ်တော့ ဖရဲသီး မရပဲ စာကလေး ကြော် နှစ်ကောင်နဲ့ ပြန်ရောက်ခဲ့တယ် ..။ “ ဒီနား ရောက်မှတော့ မထူးတော့ ပါဘူး ” ဆိုပြီး ရေဆန်ကျွန်း ဘုရားကို တက်ဖူးကြတယ် ။ ဘုရားရင်ပြင်မှာတော့ ဘုရားဖူးတွေနဲ့ပေါ့ ..။ မီးမီးကို ကြည့်လိုက်တော့ မျက်နှာက မကောင်းဘူး။ ဒါနဲ့ ကျော်ကြည့်လိုက်တော့ ခုံတန်းလေးတွေ ပေါ်မှာ “ ကြားလေသွေးရင် တောင် ဝေးမှာ စိုးတယ် ” ပုံစံနဲ့ ထိုင်နေတဲ့ အတွဲတွေ ရှိတာကို …။ ဘဲဘဲ ကြီးကို သတိရနေပြန်ပြီ ထင်တယ်..။ ရွှေလင်းထန်က သူ “အဲ့ဒီခုံမှာ ထိုင်ဖူးတယ်” တဲ့ ၊ အကြွားခံရမှာ စိုးလို့ မသိသလိုပဲ နေလိုက်တယ် ..။ စိတ်ထဲ မှာ တော့ အဲ့ဒီနေရာကို အသေမှတ်၊ အဆင်ပြေရင် ညီမလေးနဲ့ လာထိုင်းအုန်းမယ် ဆိုတဲ့ အတွေးနဲ့ပေါ့ …။
ဘုရားမှာ ခဏ နားပြီး၊ ဇီးချောင်း ခရီးကို ရိက္ခာ အပြည့် အစုံနဲ့ပေါ့ ..။ ထူးကြီးဆည်ကို ရောက်တော့ နေ့လည် (၃) နာရီ ထိုးနေပြီ ..။ ချင်းတွင်းမြစ် ဘေးမှာ မွေးခဲ့တဲ့ မီးမီး ရေမကူးတတ်တော့ ရေ အနက်ဟာ ကျွန်တော့်ရဲ့ နိုင်ကွက် ဖြစ်လာတယ်…။ ဂျာနယ်လစ် ကြီးက ကျွန်တော်တို့ လည်တာ သတင်းရပြီး “သူ့ မခေါ်လို့ တွေ့မယ်တဲ့” ဆိုပြီး ဖုန်းဆက်ကာ ခြိမ်းချောက်နေတယ် ..။ ညီမလေးက လည်း “ဓါတ်ပုံတွေ ပြန်ပေးရမယ်” တဲ့။ ကျွန်တော်တော့ မနက်ဖြန် ဘယ်လို ရင်ဆိုင်ရမယ်ဆိုတာ သတ္တိတွေ မွေးရအုန်းမယ် ..။
တစ်ချို့က တစ်နှစ်တာရဲ့ ညစ်နွမ်းနေတဲ့ စိတ်တွေကို သင်္ကြန်ရေနဲ့ လျှော်ဖွတ်ကြတယ်..။ ဥပုသ် သီလတွေ ဆောက်တည်လို့ ဘာဝနာ ရေစီးကို ရှည်စေတယ် ..။ နှစ်သစ်ဦးမှာ ကောင်းမှုတွေ ပွားစည်း တိုးဝေ စေတယ်..။ တစ်ချို့က သေရည်နဲ့ လွှမ်းရုံပြီး ကုသိုလ်ရှေ့က အ အက္ခရာကို ရှေ့တန်းတင်ပြီး အကုသိုလ်ကြတယ် ..။
ကဲ … အားလုံးပဲဗျာ … ခင်ဗျားတို့ကော ဘာတွေ မြင်ကြလဲ ..။ ကျွန်တော်တော့ စာတစ်ဖောင်၊ ပေတစ်ရွက်နဲ့ ရေးခဲ့ပြီ…။ လွန်တာတွေ ရှိရင်လည်း အားလုံး….အားလုံး….၀ိန္ဒာမိ ပါ….

ယွန်းအိမ်

www.rezarmyomyo.co.cc မှ ကူးယူဖေါ်ပြသည်။

ဆက်လက်ဖတ်လိုလျှင် ....>>

Wednesday, April 21, 2010

KALAY THINGYAN









ထိုမာ သင်္ကြန် အမှတ်တရ




ဆက်လက်ဖတ်လိုလျှင် ....>>

KALAY THINGYAN













ဆက်လက်ဖတ်လိုလျှင် ....>>

KALAY THINGYAN

PHOTO NEWS






ဆက်လက်ဖတ်လိုလျှင် ....>>

Saturday, April 17, 2010

ချစ်ဇနီးသို့

ပရိယေသန ၀ဲဂယက်ထဲ
တစ်ဝဲ၀ဲ တလည်လည်ဆိုတော့
ကိုယ့်ယုံကြည်ရာ အိပ်မက်စီးကြောင်းဘက်ကို
လွှဲမထွက်နိုင်ခဲ့ဘူးပေါ့ …။

ခေါက်သိမ်းထားတာ ကြာတော့လည်း
ဖုန်အလိမ်းလိမ်းတက်နေတဲ့
ငါ့ရဲ့ ကစဉ်ကလျှားအိပ်မက်တွေ
အရောင်မလက်ဘူး မလတ်ဆတ်တော့ဘူး။
မှတ်မှတ်ရရ
ငါ့တစ်မျက်နှာကို ညည်းတစ်ရွာထင်နေတုန်းကတည်းက ..။

အသွေးထဲ အသားထဲကနေ
မွတ်သိပ်ခြင်းစစ်စစ်တွေရဲ့ လင်းရှမှုလိုမျိုးနဲ့
မနက်ဖြန်ရဲ့ အိပ်မက်လမ်းတွေပေါ်
အဆက်မပြတ် ပျံသန်းချင်ခဲ့
အဖတ်မတင်ဘဲ ကြွေကြွေသွားတဲ့
ငါ့ရဲ့ အိပ်မက် အသီးကင်းတွေကိုကြည့်ပြီး
ညည်းပြောမယ်ဆိုလဲ ပြောလောက်ပါပေရဲ့ …။

ဒါပေမယ့်ကွာ
တောမှောက်ပြီး တောချောက်ခံနေရတာမဟုတ်တော့
လမ်းမလွဲလောက်ပါဘူး
ငါ့အိပ်မက်လမ်းက ဒီလမ်းအတိုင်းပဲ။
ငါ့ကို ဆက်လျှောက်ခွင့်ပြုဦး ညည်းကလေးရေ …။

မောင်ကိုမောင်(ကလေး)

၂၀၁၀၊မေလထုတ် ပေဖူးလွှာ မဂ္ဂဇင်းမှ ကူးယူဖေါ်ပြသည်။

ဆက်လက်ဖတ်လိုလျှင် ....>>

Thursday, April 15, 2010

နာမည်ကြီးတဲ့ မြို့

အဲ့ဒီမြို့မှာ
ပြောင်းပြန်စီးတဲ့ မြစ်တစ်စင်းရှိတယ်
မြို့ရဲ့ အလယ်တည့်တည့်မှာ လေယာဉ်ကွင်းကြီးရှိတယ်
အရှေ့အနောက် သွယ်တန်းနေတဲ့ တောင်ကန့်လန့် တစ်ခုရှိတယ်
သူ့ကိုယ်သူ အာဆီယံ ကဗျာဆရာပါ ဆိုတဲ့သူရှိတယ်
သူ့ကိုယ်သူ ပရော်ဖက်ရှင်နယ် ဂျာနယ်လစ် ဆိုတဲ့သူရှိတယ်
လင်းကြက်မတွန်ခင် ဖယောင်တိုင်မီးနဲ့ ထွန်းရောင်းတဲ့ ဈေးရှိတယ်
ကိုလိုနီ ခေတ်ကလို ရေနံတွင်းပိုင်တဲ့ သူဌေးတွေရှိတယ်
ပရဟိတ လုပ်ငန်းတွေမှာ သူ့နာမည် အမြဲပါအောင် လုပ်တဲ့သူရှိတယ်
အဆိုတော် အငြိမ်းစား ဆိုတဲ့သူလဲ ရှိတယ်
စာတွေ အများကြီးရေးရင် စာရေးဆရာ ဖြစ်တယ်ဆိုတဲ့သူလည်း ရှိတယ်
CDMA ဖုန်းကြီးနဲ့ ကမ္ဘာလုံးချီ ပြောတဲ့သူလည်း ရှိတယ်
စာအုပ်တွေ ရောင်းပေးရင် ကဗျာပါတဲ့ ကဗျာဆရာရှိတယ်
ချစ်စရာ ဓလေ့နဲ့ ရိုးရာ ခေါင်ရည်ဆိုင်ရှိတယ်
မိုးရေးကို နေ့ချင်းပြေးနိုင်တဲ့ အမြန်လမ်းမကြီးရှိတယ်
OnLine ပေါ်မှာပဲ စာရေးတယ်တို့ သူလည်းရှိတယ်
အဲ့ဒီမြို့လေးပေါ့
သူ့ကိုယ်သူ ကလေး ကလေးနဲ့ နေလာခဲ့တာ
နှစ်ပေါင်း တစ်ထောင်ကျော်ပြီဆိုပဲ …။

ဇမင်းခက်

ဆက်လက်ဖတ်လိုလျှင် ....>>

Saturday, April 10, 2010

ကလေးမြို့ရဲ့ မဟာသင်္ကြန်

ကလေးမြို့ရဲ့ သင်္ကြန်ကတော့ မြို့ပေါ်မှာတော့ ဌာနဆိုင်ရာမဏ္ဍပ်နှင့် ရပ်ကွက် မဏ္ဍပ် ဆယ်ခု ခန့် ရှိမည်ဟု သိရပါသည်။ ကလေးမြို့နယ် ထိုမာကျေးရွာတွင်လည်း နှစ်စဉ်နှစ်တိုင်းပြုလုပ်မြဲ ဖြစ်တဲ့ ရိုးရာ ဓလေ့နဲ့ ခေတ်သင်္ကြန် အဖြစ် အိမ်ခြေ တစ်ထောင်ကျော်ရှိသောရွာတွင် မဏ္ဍပ် ရှစ်ခု ခန့် ရှိမည်ဟု သိရပါသည်။ ထိုမာကျေးရွာတွင် သင်္ကြန်လည်သူများအား မုန့်လုံးရေပေါ် များ သာကူကြို ဆန်ပြုတ် စသည်တို့ တိုက်ကျွေးကြပါသည်။ အမြင့်ပေ နှစ်ဆယ်ခန့် ရှိသော ရေပက်စင်များဖြင့် သင်္ကြန်ပွဲ ကို ဆင်နွဲကြပါသည်။ သင်္ကြန်လည်များ နေ့လည်းခင်းတွင် ကိုးမိုင်ချောင်း တွင် အနားယူသူများ စည်ကားလိမ့်မည်ဟု သင်္ကြန်လည်မည့်သူ တစ်ဦး က ပြောပါတယ်။ ရေဆန်ကျွန်း ဘုရားတွင် အနားယူသူများ နှင့် သင်္ကြန်ရေကြောက် သူများကတော့ တီတိန်မြို့နယ် သိုင်းငင်းကျေးရွာ တွင် အနားယူကြလိမ့်ဟု သိရပါသည်။ ဒီနှစ်သင်္ကြန်လည်း အရင်နှစ်သင်္ကြန်လိုပဲ ထူးမခြား သင်္ကြန်ပါတဲ့။ အခုရက်ပိုင်း အတွင်း နေကလည်း တော်တော်ပူနေတဲ့အတွက် ဘီယာဆိုင်များကတော့ အထူး ရောင်းကောင်းလိမ့် မယ်လို့ မျှော်လင့်နေကြပါတယ် ။ ရည်းစားနှင့် အဆင်မပြေသူများ မိန်းမကြောက် သူများကတော့ ရိပ်သာစခန်းတွေမှာ အလျှိုလျှို ဒုလ္လဘ ၀တ်ကုန်ကြပြီတဲ့ ..။ ကလေးမြို့က အလန်းမလေးတွေကတော့ ကြိုးတစ်လုံး အင်္ကျီများ အပြိုင်အဆိုင် ၀ယ်နေကြပါတယ်တဲ့ ။ ကလေး မြို့ပေါ်ရှိ စတိုးဆိုင်များကတော့ ဒီနှစ် သင်္ကြန်ကာလမှာ စကဒ်အတိုများ ဘောင်းဘီ တိုတိုလေးများ အထူးရောင်းကောင်းကြောင်း သိရပါတယ်။

ဆက်လက်ဖတ်လိုလျှင် ....>>

စော်ဘွားရေရှင်ရွာတွင် မီးလောင်း

ကလေးမြို့နယ်၊ စော်ဘွားရေရှင်ရွာ တွင် (၉ -၄-၂၁၀၁) ရက်နေ့ နေလည် (၃) နာရီခန့်တွင် မီးလောင်မှု ဖြစ်ပွားရာ အိမ်ခြေ အလုံး (၃၀) ခန့် လောင်ကျွမ်းသွားကြောင်း သိရှိရပါသည်။

ဆက်လက်ဖတ်လိုလျှင် ....>>

Thursday, April 8, 2010

ကလေးမြို့ ရဲ့ ၂၀၁၀ အဝေးပြေး လမ်းများ

ကလေးမြို့ နှင့် အခြားမြို့များသို့ ဆက်သွယ်ထားသော လမ်းမများ အား လမ်းပြုပြင် ထိန်းသိမ်းခြင်း လုပ်ငန်းများအား ပုဂ္ဂလိက လုပ်ငန်း ကုမ္ပဏီများသို့ ကန်ထရိုက်စနစ်ဖြင့် လွှဲပြောင်းရယူထားကြပါသည်။ အိန္ဒိယ မြန်မာ ချစ်ကြည်ရေးလမ်းမ ဖြစ်သော ကလေး-တမူး လမ်းပိုင်း နှင့် ကလေး-ကလေးဝ လမ်းများအား အေးအေးနိုင် ကုမ္ပဏီ မှ တာဝန်ယူထား ပါသည်။ ကလေး-ကလေးဝ လမ်းပိုင်းတွင် လမ်း/တံတားများ ရေရှည်ကြံ့ခိုင်ရေးအတွက် တန်ပို တင်ဆောင်ထားသော ကားများအား လုံးဝ ဖြတ်သန်းခွင့် မပြုပဲ တွေ့ရှိပါက တန်ပိုခ ပေးဆောင်ရန် မလိုပဲ ရဲစခန်းတွင်သာ အမှုဖွင့်၍ တရားစွဲဆိုခြင်းသာ ခံရပါသည်။ ကလေး- ဂန့်ဂေါ ကားလမ်း ပိုင်းတွင်လည်း ပန်းမွန်ချောင်း တံတားနှင့် ကမ္ဘာနီ တံတားတို့အား ပြုပြင် ထိန်းသိမ်းခြင်း လုပ်ငန်းအတွက် (၂၀၁၀-၂၀၁၁ ဘဏ္ဍာရေး နှစ်အတွက် ) ပုဂ္ဂလိက လုပ်ငန်းရှင်များသို့ ပေးအပ်ထားပါသည်။ ပေ ၂၅၀ ခန့်ရှိသော ပန်းမွန်ချောင်း တံတားတွင် တံတားဖြတ်သန်းခ အဖြစ် ဂျစ်ကား တစ်စီလျှင် အသွား နှစ်ထောင်ကျပ် အပြန် နှစ်ထောင်ကျပ် ပေးဆောင်ရကြောင်း သိရှိရပါသည်။

ဆက်လက်ဖတ်လိုလျှင် ....>>

Thursday, April 1, 2010

ရာဇဂြိုဟ် မှာ မိုးသီများကြွေ

ကလေးမြို့နယ် မြောက်ဘက် မိုင်(၃၀) ခန့်အကွာရှိ ရာဇဂြိုဟ် ကျေးရွှာတွင် မတ်လ (၂၉) ရက်နေ့တွင် လေပြင်းတိုက်၍ အာလူးသီးခန့် ရှိသော မိုးသီးများ ကျ၍ နေအချို့ ခေါင်မိုးများ ပျက်စီးပြီး ရွာ အစွန်ရှိ အိမ်အချို့မှာ အမိုးများ ပြုတ်ထွက်ခဲ့ကြောင်း ဤရွာနေသူ တစ်ဦးမှ ပြောကြားခဲ့ပါသည်။ ကလေးမြို့တွင်လည်း မိုးများ ရွာသွန်းသည်မှာ (၃)ရက်ခန့်ရှိပြီ ဖြစ်ပြီး ဒီနှစ် သင်္ကြန်တွင် ပိတောက်ပန်းများ ပွင့်လိမ့်မည်ဟု လူအများက မျှော်လင့်နေကြပါသည်။

ဆက်လက်ဖတ်လိုလျှင် ....>>

Contact

Image Hosting by imagefra.me ဆက်သွယ်ဝေဖန်အကြံပေးနိုင်ပါသည်။