Welcome


Download Apk File

ကလေးမြို့ရဲ့ သတင်းတွေကို Android ဖုန်းထဲကနေ ကြည့်လို့ရတဲ့ Apk file လေးပါ ..။အောက်က လင့်လေးမှာ Down လို့ရပါတယ် ...။ အခုထိတော့ Link မသေသေးပါဘူး ...။
http://www.sendspace.com/file/yud6dl

Thursday, September 29, 2016

Mizoram ပြည်နယ်မှာကျင်းပတဲ့ Anthurium Festival 2016 ပွဲတော် Fashion ပုံရိပ်များ

Mizoram ပြည်နယ်မှာကျင်းပတဲ့ Anthurium Festival 2016 ပွဲတော် Fashion ပုံရိပ်များ 

























ဆက်လက်ဖတ်လိုလျှင် ....>>

အစိုးရဟောင်းရော အစိုးရသစ်ပါ လျစ်လျူရှုခံထားရတဲ့ ရေဘေးဒုက္ခသင့်ပြောင်းရွေ့ရွာကလေး


အစိုးရဟောင်းရော အစိုးရသစ်ပါ လျစ်လျူရှုခံထားရတဲ့ ရေဘေးဒုက္ခသင့်ပြောင်းရွေ့ရွာကလေး
……………………….


“ကိုယ်ဝန်အရင့်အမာကြီးနဲ့ဆုံးသွားတဲ့အသုဘအလောင်းကို မြေမြှုပ်ခွင့်မပြုနိုင်ဘူးတဲ့။သူတို့ရွာလက်အောက်မှာ ရပ်ကွက်အဖြစ်ဝင်မှ အသုဘချခွင့်ပြု မယ်ဆိုပြီး အကြပ်ကိုင်နေတယ်ရှင်။ ကျွန်မတို့ ရွာကလေးဟာ ရေဘေးဒုက္ခရောက်လို့ ရွာလုံးကျွတ် ပြောင်းရွေ့ခဲ့ရပေမယ့် အခုချိန်ထိ အစိုးရရဲ့တာဝန်ယူ ကူညီမှု လုံးဝမရှိသေးဘူး။ကျွန်မတို့မှာ အားကိုးရာမဲ့နေရပါတယ်ရှင်..”

ငိုရှိုက်သံတွေ တိမ်ဝင်သွားလိုက် အားယူပြောလိုက်နဲ့ ရင်ဖွင့်စကားပြောလိုက်သူကတော့ စစ်ကိုင်းတိုင်းဒေသကြီး၊စခန်းကြီးကျေးရွာအုပ်စု(ယခင်)၊ အထဲရွာသူ ဒေါ်မာမာဦးပါ။
ပြီးခဲ့တဲ့ သြဂုတ်လ(၃)ရက်နေ့က အထဲရွာမှာ ကိုယ်ဝန်(၇)လနှင့်အမျိုးသမီးတစ်ဦး ဆုံးပါးခဲ့ပါတယ်။၂၀၁၅ခုနှစ်ရေဘေးကြောင့် ရွာပြောင်းပြီးတဲ့နောက် ရွာသစ်မှာလူသေတာ ပထမဆုံးပါ။ပြဿနာက လူသေကိုမြှုပ်ဖို့ သင်္ချိုင်းနေရာမရှိတာပါ။အထဲရွာသစ်နဲ့ တစ်ဆက်တည်းရှိတဲ့ မော်လိုက်ကလေး(တောင်)ရွာဆိုတာ ကလည်း ရေဘေးကြောင့်ပြောင်းရွေ့လာရတဲ့ ရွာသစ်ပါပဲ။ကျေးရွာအုပ်စုတွေခွဲကြတော့ အဲဒီမော်လိုက်ကလေးတောင်ရွာက ကျေးရွာအုပ်စု ဥက္ကဌ ရွေးခံထားရတာပါ။ရေဘေးကြောင့်ရွာသစ်ပြောင်းရွေ့ရပေမယ့် မော်လိုက်ကလေးတောင်ရွာသစ်ကိုတော့ ရွာမြေနေရာရရှိရေး၊ နေအိမ်များပြန်လည် ရရှိ ရေး၊ရေတွင်း၊ရေကန်ရရှိရေးကအစ သုဿာန်မြေနေရာသတ်မှတ်ပေးတာအဆုံး အစိုးရပိုင်းက တာဝန်ယူဆောင်ရွက်ပေးခဲ့ပါတယ်။အဲဒီ သုဿာန်မြေ နေရာမှာပဲ အထဲရွာမှာဆုံးတဲ့ကိုယ်ဝန်ဆောင်အမျိုးသမီးအလောင်းကို မြေမြှုပ်ဖို့ မြေကျင်းတူးချိန်မှာ မော်လိုက်ကလေးတောင်ရွာသစ်ရွာသူရွာသား တွေက ကန့်ကွက်ပါတယ်ဆိုပြီး ဥက္ကဌကတားမြစ်ပါတယ်။အသုဘကလည်း ညနေ(၃)နာရီချမှဖြစ်မှာပါတယ်။ရပ်ဓလေ့ ရွာဓလေ့အရ လပြည့်လကွယ် ဆုံးပါးရင် လမကူးခင်အသုဘချကြရပါသတဲ့။အဲဒီ အသုဘမြေမြှုပ်ဖို့မြေနေရာမရှိတဲ့ ပြဿနာက စာရေးသူခေါင်းပေါ် ရောက်လာပါတော့တယ်။ စာရေးသူလည်း ခရိုင်အုပ်ချုပ်ရေးမှူးဆီဖုန်းဆက်ပြီး ကျိုးကြောင်းရှင်းပြလိုက်ပါတယ်။မော်လိုက်ကလေးတောင်ရွာသစ်ဆရာတော်ကလည်း အသုဘချဖို့မြေနေရာကိစ္စနဲ့ပတ်သက်ပြီး ရွာနှစ်ရွာတင်းမာနေကြတာမို့ စာရေးသူလာပေးဖို့ ဖုန်းဆက်ခေါ်ပါတယ်။စာရေးသူက-
“အရှင်ဘုရား…။တပည့်တော်တို့က ထေရ၀ါဒဗုဒ္ဓဘာသာဝင်တွေပါ။အခြားအရပ်တစ်ပါးကနေ ကိုယ့်ရပ်ကိုယ့်ရွာမှာ ဆုံးပါးကွယ်လွန်ခဲ့သူရှိရင်တောင် အသုဘချလက်ခံကြရသေးတာပဲ။အခုဟာကလည်း ရေဘေးဒုက္ခရောက်ခဲ့ကြတဲ့ ကိုယ့်ရွာနားက ကိုယ့်ဗုဒ္ဓဘာသာဝင်တစ်ဦးဆုံးတာပါဘုရား။ဒီတော့ ကိုယ့်ရွာအောက်ကို ရပ်ကွက်အဖြစ်ဝင်မှ အသုဘချခွင့်မြေပေးမယ်။ရပ်ကွက်အဖြစ်လက်မခံရင် အသုဘချခွင့်မပြုဘူးဆိုပြီး အသုဘနဲ့အကြပ်ကိုင်သလို ဖြစ်နေရင်တော့ မကောင်းပါဘုရား။နာရေးမိသားစုဝင်တွေရဲ့ ခံစားချက်ကိုလည်း တွေးကြည့်ပြီး ကိုယ်ချင်းစာစေချင်ပါတယ်။ရပ်ကွက်အဖြစ် ၀င်ရေး၊ မ၀င်ရေးတွေကို နောက်မှ ဆွေးနွေးကြပြီး ကနေ့ညနေချရတော့မယ့် အသုဘကိုတော့ ချခွင့်ပြုနိုင်ရင်တော့ ကောင်းလိမ့်မယ်လို့ တပည့်တော်အနေ နဲ့မြင်မိပါတယ်ဘုရား။ဒါက တပည့်တော်အမြင်သာဖြစ်လို့ ခွင့်ပြုခြင်း၊မပြုခြင်းကို မဆုံးဖြတ် နိုင်ပါ။အရှင်ဘုရားနှင့်မော်လိုက်ကလေးတောင်ရွာက ရွာသူရွာသားတွေသာ ကောင်းမယ်ထင်သလိုစီစဉ်ကြပါဘုရား…”လို့လျှောက်ထားလိုက်ရပါတယ်။
စိတ်ထဲမကောင်းဘဲ ညနေ အသုဘချချိန်ထိ စိတ်တထင့်ထင့်နဲ့ နားစွင့်နေမိတယ်။နာရေးချပြီးချိန်လောက်မှာ အထဲရွာတာဝန်ခံဦးထက်ရှားဆီ ဖုန်းဆက်ကြည့်လိုက်တော့ ချခွင့်ရလို့ မနက်ကမြေကျင်းတူးတဲ့နေရာမှာပဲ အသုဘချခဲ့ပါပြီလို့ သိလိုက်ရမှ နှစ်ဦးနှစ်ဖက်အတွက် စိတ်အေးခဲ့ရတဲ့ အဖြစ်ပါ။
စာရေးသူက သတင်းနှင့်စာနယ်ဇင်းသမား တစ်ယောက်သာဖြစ်ပါတယ်။စာရေးသူက အုပ်ချုပ်ရေးဌာနက တာဝန်ရှိပုဂ္ဂိုလ်လည်းမဟုတ်၊ တစ်လ(၁၀) သိန်းစားလွှတ်တော်ကိုယ်စားလှယ်လည်းမဟုတ်ပါ။ဒါပေမယ့် ဒီအထဲရွာကလေးရဲ့အခက်အခဲဟူသမျှ စာရေးသူရဲ့ခေါင်းပေါ်ရောက်လာတတ်တယ်။
အထဲရွာဆိုတာ ၂၀၁၅ခုနှစ်၊ရေဘေးမတိုင်မီအထိ စစ်ကိုင်းတိုင်းဒေသကြီး၊ကလေးမြို့နယ်၊စခန်းကြီးကျေးရွာအုပ်စုဝင်ရွာတစ်ရွာပါ။အထဲရွာဆိုတာ ဟိုးနှစ်ပေါင်းများစွာကတည်းက ရွာအဖြစ်ခိုင်ခိုင်မာမာတည်ရှိခဲ့ပြီးသားပါ။ရွာသူရွာသားတွေရဲ့ အိမ်ထောင်စုစာရင်း၊မှတ်ပုံတင်မှာလည်း အထဲရွာအဖြစ် ရေးသွင်းဖော်ပြခံထားရလို့ မြန်မာနိုင်ငံ၊စစ်ကိုင်းတိုင်းဒေသကြီး၊ကလေးမြို့နယ်အတွင်းမှာ တကယ်ရှိတဲ့ရွာပါ။
အထဲရွာမှာ အိမ်ခြေ(၂၈)အိမ်၊အိမ်ထောင်စု(၂၈) စု၊လူဦးရေ(၁၂၈)ဦးရှိပါတယ်။
စစ်ကိုင်းတိုင်းဒေသကြီး၊ကလေးမြို့နယ်မှာ ၂၀၁၅ ခုနှစ်ရေဘေးဒုက္ခကြောင့် ရွာလုံးကျွတ်ပြောင်းရွေ့ကြရမယ့်ကျေးရွာပေါင်း(၁၃)ရွာရှိခဲ့ပါတယ်။အဲဒီ(၁၃)ရွာက ကျောက္ကာရွာ၊အေးသာယာရွာ၊ကျီကုန်းရွာ၊နတ်ကြီးကုန်းရွာ၊ မော်လိုက်ကလေး(တောင်ရွာ)၊ မော်လိုက်ကလေး(မြောက်ရွာ)၊နန်းစောင်းပုရွာ၊ နန်းကျင်းဆောင်ရွာ၊ကံကြီးရွာ၊ အနောက်ခုံသာရွာ၊ကြက်ဖနက်ရွာ၊နတ်နန်းရွာနှင့်အထဲရွာ ဖြစ်ပါတယ်။
ဒါပေမယ့် အစိုးရက အထဲရွာကို ရေဘေးသင့်ပြောင်းရွေ့ရွာစာရင်းထဲမထည့်ဘဲ လျစ်လျူရှုချပ်လှပ်ထားခဲ့တယ်။ဒါကြောင့် အစိုးရကတာဝန်ယူပေးမယ့် ရွာသစ်နေရာ၊နေအိမ်ရရှိရေးကအစ ဘာအကူအညီမှ မရဘဲကျန်နေခဲ့တယ်။
ရွာသူရွာသားတွေက သက်ဆိုင်ရာ ကျေးရွာအုပ်စုအုပ်ချုပ်ရေးမှူးကနေတစ်ဆင့် မြို့နယ်၊ခရိုင် အုပ်ချုပ်ရေးအဆင့်ဆင့်ကို သွားရောက်သတင်းပို့ခဲ့ပေမယ့် ဘယ်သူကမှ အသိအမှတ်မပြုခဲ့၊တာဝန်မယူခဲ့ပါဘူး။
ရေဘေးဒုက္ခသည် အထဲရွာ ရွာသူရွာသားတွေဟာ ရေဘေးဒုက္ခကြောင့် ပြောင်းရွေ့နေကြရတဲ့ အခြားရွာများနည်းတူ ရေဘေးကင်းလွှတ်ရာ ကလေး-တမူးကားလမ်းဘေးမှာ ၂၀၁၅ခုနှစ်၊သြဂုတ်လကတည်းက ယာယီတဲတွေထိုးပြီး နေခဲ့ကြရတယ်။အစိုးရရဲ့ ထောက်ပံ့မှုကို မရတဲ့အတွက်အရပ်ဘက်အဖွဲ့ အစည်းတွေ လာလှူဒါန်းတဲ့ အပေါ်မှီတည်နေခဲ့ရကြရရှာတယ်။
အဲဒီလို ကားလမ်းဘေးမှာနေကြချိန်မှာလည်း  မြို့နယ်အုပ်ချုပ်ရေး၊ခရိုင်အုပ်ချုပ်ရေးကစေခိုင်းတယ်ဆိုပြီး လမ်းဘေးမှာမနေကြဖို့၊တစ်နေရာကို ပြောင်းရွေ့ဖို့ ဖိအားပေးခံခဲ့ကြရတယ်။အထဲရွာသူရွာသားတွေအနေနဲ့ရွာဟောင်းကိုလည်း ပြန်နေလို့မရ၊ ရွာသစ်ပြောင်းရွေ့ နေထိုင်စရာ မြေနေရာ လည်းမရှိတဲ့အပြင်ဌာနဆိုင်ရာတွေရဲ့ဖိအားပေးမှုကိုသာ ခါးစည်းခံနေခဲ့ရတယ်။
အဲဒီလို ကားလမ်းဘေးမှာ ယာယီတဲ့တွေနဲ့နေကြတဲ့အချိန်မှာပဲ မော်လိုက်ကလေးရွာသစ်ဘုန်းတော်ကြီးကျောင်းထိုင်ဆရာတော်က“ကလေးလွင်ပြင် ရေဘေး ကူညီထောက်ပံ့ရေးအဖွဲ့”က ဦးတင်ဇော်ညွှန့််ဆီ  ဖုန်းဆက်ပြီး အထဲရွာအတွက် အကူအညီတောင်းခံခဲ့တယ်။ စာရေးသူတည်ထောင် ခဲ့တဲ့ “ကလေးလွင်ပြင် ရေဘေးကူညီထောက်ပံ့ရေးအဖွဲ့”မှ စာရေးသူနှင့်အဖွဲ့ဟာ ဆန်၊ဆီ၊ပဲ၊မုန့်၊အ၀တ်အထည်၊ရေသန့်ဗူးအပါအ၀င် ရိက္ခာခြောက်တွေ သွားရောက်လှူဒါန်းခဲ့တဲ့အချိန်မှ အထဲရွာသူရွာသားတွေရဲ့ အခက်အခဲတွေကို မျက်ဝါးထင်ထင် မြင်တွေ့ကြားသိခဲ့ရတယ်။
အဲဒီတုန်းက အထဲရွာက ဦးကျော်သူ၊ဦးထက်ရှားနှင့်စာရေးသူတို့ ကလေးခရိုင်အုပ်ချုပ်ရေးမှူးဦးမောင်ထူးဆီသွားတွေ့ပြီး အထဲရွာလေးရဲ့အခြေအနေ တွေကို တင်ပြပြောဆိုခဲ့ကြတယ်။ရေဘေးသင့်ပြောင်းရွေ့ရွာသစ်နေရာရရှိနိုင်ရေး၊နေအိမ်များရရှိနိုင်ရေးအပါအ၀င် အစိုးရရဲ့ ကူညီထောက်ပံ့မှုတွေရရှိဖို့ ပြောဆိုခဲ့ပါတယ်။ဒါပေမယ့် ခရိုင်အုပ်ချုပ်ရေးမှူးက ပေါ့ပေါ့ပါးပါးပဲဖြေခဲ့တယ်။အထဲရွာဟာ ပြည်ထဲရေးစာရင်းမပေါက်လို့၊ ရေဘေးသင့်ပြောင်းရွေ့ရွာ စာရင်းမှာ မပါလို့၊ အစိုးရရဲ့ကူညီထောက်ပံ့မှုတွေ လုံးဝမရပါဘူးတဲ့။
တော်တော်အံ့သြမိပါတယ်။ရေဘေးဒုက္ခကြုံလို့ ပူဆွေးသောကရောက်နေကြတဲ့ ပြည်သူတွေ ကိုယ့်မျက်စိရှေ့မှာ သက်ရှိထင်ရှားရှိနေကြပါလျက် ရွာကပြည်ထဲရေးစာရင်းမပေါက်လို့ အစိုးရအကူအညီလုံးဝမရပါဘူးတဲ့။အထဲရွာသူရွာသားတွေရဲ့ အိမ်ထောင်စုစာရင်း၊မှတ်ပုံတင်တွေမှာ အထဲရွာ လို့ရေးသွင်းသတ်မှတ်ခံထားပါလျက် ပြည်ထဲရေးစာရင်းမပေါက်ဘူးဆိုတာ စဉ်းစားလို့မရဘူး။
ဒီအချိန်မှာသူတို့နဲ့ အငြင်းပွားနေဖို့ထက် လက်ငင်းဒုက္ခကိုဝိုင်းကူဖြေရှင်းပေးဖို့ စာရေးသူဆုံးဖြတ်ခဲ့တယ်။ဦးခေါင်းမီးလောင်ခံနေရသူရှေ့မှာ ဒီမီးက ဘာကြောင့်လောင်တယ်၊ဘယ်လိုလောင်တယ်ဆိုတာစဉ်းစားနေဖို့မလိုဘူး။အဓိကက မီးကိုငြိမ်းပေးဖို့ပဲ မဟုတ်လား။
ဒါကြောင့် စာရေးသူအနေနဲ့ အစိုးရကပစ်ပယ်ထားခဲ့တဲ့ အထဲရွာအတွက် စားနှပ်ရိက္ခာထောက်ပံ့ရေးမှအစ ရွာသစ်မြေနေရာ ရရှိရေး၊နေအိမ်သစ်များရရှိရေးအထိ အလှူရှင်များရှာဖွေချိတ်ဆက်ကူညီပေးခဲ့တယ်။
မေတ္တာဝါဒီပရဟိတအဖွဲ့၊တောဓလေ့ချစ်သူများ အွန်လိုင်းဂရု၊ဒိန်းမတ်နိုင်ငံရောက်မြန်မာနိုင်ငံသားများ၊ပင်လုံဆေးရုံကြီး(SSC)၊ရန်ကုန် စတဲ့အလှူရှင် တွေရဲ့ စုပေါင်းအလှူငွေကျပ်သိန်း(၆၀)နဲ့ အထဲရွာသစ်မြေနေရာကို ၀ယ်ယူခဲ့ရပါတယ်။မြေနေရာဟာ အင်ဒိုင်းကုန်းနေရာဖြစ်ပြီး ညီညာမှုမရှိတဲ့အတွက် အိမ်ဝင်းမြေနေရာချနိုင်ဖို့ ၂၀၁၅ခုနှစ်၊ဒီဇင်ဘာ ပထမပတ်ထဲမှာ စက်ယန္တယားနဲ့ထိုးပြီးမြေညှိခဲ့ရတယ်။
အဲလိုမြေညှိရာမှာ မြေထိုးစက်ယန္တရားကြီးတွေနဲ့မှရမှာပါ။ဒါပေမယ့် မြေထိုးစက်ယန္တရားကြီးတွေကိုဌားရင် တစ်နာရီရှစ်သောင်းကျပ်လောက်ငှားခ ပေးနေ ရချိန်ပါ။ရွာကလေးအနေနဲ့ဘယ်လိုမှ မငှားနိုင်ပါဘူး။အဲဒီအချိန်မှာ မော်လိုက်ကလေးတောင်ရွာအပါအ၀င် ရေဘေးပြောင်းရွေ့ရွာသစ်နေရာ တွေကို မြေထိုးပေးနေတဲ့စက်တွေဟာ အထက်ကဆီမရသေးလို့ဆိုပြီးရပ်နားထားတဲ့အချိန်ဖြစ်နေပါတယ်။ဒါကြောင့် အဲဒီတုန်းက ကလေးခရိုင် အုပ်ချုပ် ရေးမှူး ဦးမောင်ထူးဆီသွားပြီး စက်ယန္တရားတစ်စီးဌားပေးဖို့၊စက်ယန္တရားအတွက် စက်သုံးဆီကို ကျွန်တော်တို့ကစိုက်သုံးပါမယ်ဆိုပြီး တောင်းဆိုခဲ့လို့ စက်ယန္တ ရားတစ်စီးသုံးခွင့်ရပါတယ်။အဲဒီစက်ယန္တရားကို အသုံးပြုပြီး တောင်ကမူတွေကိုဖြတ်ထုတ်၊လျှိုမြောင်ချောက်လေးတွေကို မြေဖို့ညှိကာ (၄)ရက်လောက် လုပ်လိုက်ရပါတယ်။အဲဒီ မြေထိုးစက်ယန္တရားအကူအညီကလွဲလို့ အစိုးရကဘာတာဝန်ယူမှုမှမရှိခဲ့ပါဘူး။

အဲဒီလိုမြေထိုးမြေညှိပေးပြီး ရွာသူရွာသားတွေအတွက်အိမ်ဝင်းကွက်ရိုက်ပေးဖို့ စီစဉ်ရပါတယ်။မြို့နယ်မြေစာရင်းဦးစီးမှူးဦးမင်းသူအောင်ကို ပုဂ္ဂိုလ်ရေး အရ အကူအညီတောင်းပြီးမြေကွက်ရိုက်ခဲ့ကြပါတယ်။မြေတိုင်းစာရေးဦးဇော်ဌေးနှင့်အခြားတစ်ယောက်၊ကလေးလွင်ပြင်က ဦးတင်ဇော်ညွှန့်၊ဦးမောင်ကြီး၊ ဦးအောင်ဝင့်သူနှင့်ကျွန်တော်အပါအ၀င် အထဲရွာသူရွာသားတွေဝိုင်းဝန်းပြီး မြေကွက်ရိုက်ခဲ့ကြပါတယ်။အိမ်ဝင်းတစ်ဝင်းကို ပေ(၆၀)xပေ(၅၀)လောက် ရမယ်ထင်ခဲ့ပေမယ့် မရခဲ့ပါဘူး။ဝယ်ထားတဲ့မြေဧရိယာနှင့် အိမ်ဝင်း(၂၈)၀င်းရအောင်ခွဲရပါတယ်။ယာထားကြည့်ပြီး အကွက်ဆွဲလိုက်၊ပြန်ပြင်လိုက်နဲ့ တစ်နေကုန် အကွက်ရိုက်လိုက်မှ နောက်ဆုံး ၂၀၁၅ခုနှစ်၊ဒီဇင်ဘာ(၈)ရက်နေ့မှာ (၄၅)ပေx ပေ(၄၀)မြေကွက်(၂၈)ကွက်ရိုက်နိုင်ခဲ့ပါတယ်။နေပူကျဲကျဲထဲ မြေကွက်ရိုက်ရာမှာ ၀ိုင်းဝန်း လုပ်ဆောင်ခဲ့ကြတဲ့ ကလေးလွင်ပြင်ဝိုင်းတော်သားတွေဖြစ်ကြတဲ့ ဦးမောင်ကြီး၊ဦးအောင်ဝင့်သူတို့လည်း ညနေမှ သက်ပြင်းချနိုင်ခဲ့ကြပါတယ်။ မြေမျက် နှာသွင်ပြင်အနေအထားပေါ်မူတည်ပြီး ရွာပုံစံကျမယ့် အိမ်ဝင်း ကွက်တွေဖော်ပေးနိုင်ခဲ့ပါတယ်။ ပေ(၂၀)ကျယ်တဲ့ အရှေ့နောက်လမ်းမကြီး၊ (၁၅)ပေ ကျယ်တဲ့ ဒုတိယလမ်းသွယ်လေးဖောက်ပြီး လမ်းဘေးဘယ်ညာမှာ ညီညာတဲ့အိမ်ဝင်းကွက်လေး တွေဖော်ဆောင်ပေးနိုင်ခဲ့ပါတယ်။
အိမ်ဝင်းကွက်တွေရိုက်ပြီး အိမ်ဝင်းတွေကို မဲဖောက်ပေးဖို့ စီစဉ်ကြရပြန်ပါတယ်။အိပ်ဝင်းမြေကွက်အလွတ်တွေပေါ်မှာ (၁)ကနေ(၂၈)ထိရေးထားတဲ့ နံပါတ်ပြားလေးတွေကို အိမ်ဝင်းမြေကွက်တွေမှာ လိုက်ရိုက်ထားလိုက်ပါတယ်။ပြီးတော့ ၂၀၁၅ခုနှစ်၊ဒီဇင်ဘာ(၈)ရက်နေ့မှာပဲ ရွာသူရွာသားတွေအားလုံးကို ယာယီမိုးကာတဲထဲမှာ ခေါ်စုပြီး အိမ်ဝင်းမြေကွက်တွေကို မဲဖောက်ပေးလိုက်ပါတော့တယ်။မဲနှိုက်ကြတဲ့ ရွာသူရွာသားတွေရဲ့မျက်နှာတွေ ရွှင်ပျဝင်းပလို့၊မျက်လုံးလေးတွေ ပီတိရောင်တွေ  တောက်လို့ ။တစ်ချို့က မဲနှိုက်ပြီး ခုန်ပေါက်အော်ဟစ်ပျော်ရွှင်မြူးတူးကြလေရဲ့။ရွာသူရွာသားတွေရဲ့ ကြည်နူးပျော်ရွှင် ၀မ်းမြောက်မှုတွေကိုကြည့်ပြီး ကျွန်တော်တို့ ရင်ထဲမှာလည်း ….။
ရွာတစ်ရွာဖြစ်တည်လာတော့ အုပ်ချုပ်ရေးကလိုပြီ။အထဲရွာလေးမှာ အုပ်ချုပ်ရေးမှူးရွေးပေးဖို့ ကလေးမြို့နယ် အုပ်ချုပ်ရေးမှူးကိုပြောကြည့်တော့ လုပ်ပေးလို့မရဘူးတဲ့။ဘာကြောင့်လဲတော့မပြောတတ်တော့။ဒါကြောင့် အိမ်ဝင်းမဲဖောက်တဲ့နေ့မှာပဲ ရွာသူရွာသားတွေအားလုံးရှေ့မှာ အုပ်ချုပ်ရေးမှူးကို တိုက်ရိုက်ဒီမိုကရေစီစနစ်နဲ့ ရွေးချယ်တင်မြှောက်ပေးထားလိုက်တယ်။
အိမ်ဝင်းတော့ရကြပြီ။
အစိုးရအုပ်ချုပ်ရေးပိုင်းကလည်း လမ်းဘေးကနေ အတင်းရွှေ့ခိုင်းနေပြီ။
လမ်းဘေးမှာနေတာထက်စာရင် ကိုယ်ရတဲ့အိမ်ဝင်းလေးတွေထဲ ပြောင်းရွေ့ကြဖို့ ရွာသူရွာသားတွေကို အကြံပြုခဲ့ပါတယ်။အိမ်မဆောက်နိုင်သေးလည်း ရှိတဲ့ပစ္စည်းလေးတွေနဲ့ မိုးကာတဲလေးဖြစ်ဖြစ် ယာယီတဲထိုးနေထိုင်ကြဖို့သာ စိတ်မကောင်းစွာအကြံပြုခဲ့ရပါတယ်။၂၀၁၅ခုနှစ်၊ဒီဇင်ဘာ(၁၂)ရက်နေ့ နံနက်ခင်းမှာ ရွာသူရွာ သားတွေလည်း ကလေး-တမူးကားလမ်းဘေးက တဲလေးတွေကိုဖျက်၊ပစ္စည်းလေးတွေ ထုတ်ပိုးသယ်ရွက်ပြီး ရွာသစ်မြေနေရာက အိမ်ဝင်းအသစ်လေး တွေဆီ ရွေ့ကြပါတော့ တယ်။ဆောင်းမနက်ရဲ့ နှင်းမှုန်တွေကြားထဲ ရွေ့ပြောင်းသယ်နေကြတဲ့ချွေးစက်တွေ စိုလို့ ….။
အထဲရွာသစ်ကလေးက တောင်ကုန်းမို့မို့ပေါ်မှာ ထင်ထင်ရှားရှား။မြေကွက်အသစ်လေးတွေပေါ်မှာ အင်ဒိုင်းသားမျှောတိုင်လေးတွေ၊ ၀ါးလုံး၊၀ါးခြမ်း လေးတွေ၊မိုးကာလေးတွေနဲ့  ဖြစ်သလိုဆောက်ထားကြတဲ့ မြေစိုက်အိမ်လေးတွေ အစီအရီဖြစ်တည်လာခဲ့တယ်။
ကုန်းမို့မို့ပေါ်တည်ထားတဲ့ရွာသစ်ကလေးဆိုတော့ သစ်ပင်ဝါးပင်မရှိသေး။နေပူရင် ခြစ်ခြစ်တောက်ပူသလို လေတိုက်ရင်လည်း လေကွယ်ရာမရှိ။အဆိုး ဆုံးက ဆောင်းရာသီရဲ့မြောက်ပြန်လေနှင့်အအေးဒဏ်။အနွေးထည်၊စောင်မလုံလောက်သလို အိမ်လေးတွေကလည်း လေးဒဏ်၊မိုးဒဏ်မလုံခြုံ။ ရွာသစ် ကလေးပေါ်ကို ရောက်မှမီးဖွားသူတစ်ယောက်ရှိလာတယ်။ဝမ်းသာကြရတယ်။မီးဖွားပြီးစမိသားစုနေအိမ်လေးအတွက် မိုးကာ၊စောင်နှင့်အခြား စားနှပ်ရိ က္ခာလေးတွေ ထပ်ပိုးထောက်ပံ့ပေးကြတယ်။နွေးထွေးကြပါစေပေါ့ …။
အစိုးရအနေနဲ့ အထဲရွာသစ်မြေနေရာ၊အိမ်ဝင်းရရှိအောင်ထိ တာဝန်မယူခဲ့ပေ အိမ်လေးတွေရရှိအောင်တာဝန်ယူပေးရင် ကောင်းမှာပဲလို့ ရူးရူးမိုက်မိုက် တွေးခဲ့ဖူးပါတယ်။အဲသလိုတွေးမိပြီးမှ လမ်းဘေးမှာနေတာတောင် မောင်းထုတ်နေတာ ဘယ်ကလာ တာဝန်ယူမှာလဲ၊ရေဘေးသင့်ပြောင်းရွေ့စာရင်း ထဲလည်းမပါလို့ အစိုးရအနေနဲ့အိမ်ဆောက်ပေးဖို့ဆိုတာလုံးမဖြစ်နိုင်ပါဘူးဆိုတဲ့ ကလေးခရိုင်အုပ်ချုပ်ရေးမှူး ဦးမောင်ထူးရဲ့စကားကို ပြန်ကြားယောင် မိပြီး အိမ်လေးတွေရအောင် အစိုးရကလုပ်ပေးဖို့ဆိုတာ ဘယ်လိုမှမဖြစ်နိုင်ဘူးဆိုတဲ့အသိနဲ့ အတွေးမိုက်ကို ဖယ်ထုတ်ခဲ့ရတယ်။
၂၀၁၆ခုနှစ်၊ဒီဇင်ဘာလထဲမှာပဲ  ရှိတဲ့အမိုးအကာလေးတွေနဲ့ နေအိမ်လေးတွေဆောက်ထားတဲ့ အထဲရွာသစ်လေးဖြစ်တည်လာတယ်။ရွာသူရွာသားတွေလည်း စားဝတ်နေရေးအတွက် ဟိုဟိုဒီဒီအငှားလိုက်လို့ ၀မ်းစာရှာဖွေကြလို့…။တစ်ခါတစ်ရံ အရပ်ဘက်အဖွဲ့အစည်းတွေ၊ပြည်တွင်းပြည်ပ ပရဟိတအဖွဲ့အစည်းတွေက လာထောက်ပံ့တဲ့ပစ္စည်းတွေကို လက်ခံရင်း ရပ်တည်နေကြတယ်။
ကျွန်တော်ကတော့ တည်ကာစရွာသစ်ကလေးဆီ လိုအပ်တာတွေကူညီပေးနိုင်ဖို့ နေ့တိုင်းနီးပါးရောက်တယ်။တစ်ညနေတော့ ရွာသစ်ကလေးကို ဧည့်သည်(၃)ယောက် ရောက်လာတယ်။သူတို့က “မျှဝေရွှင်လန်းခြင်းအသင်း”ကပါတဲ့။ရွာကလေးရဲ့ အကြောင်းတွေကိုမေးတယ်။ကျွန်တော်ကလည်း အထဲရွာလေးရဲ့အခြေနေတွေကို ရှင်းပြလိုက်တော့ သူတို့စိတ်ဝင်စား သွားသလို ဂရုဏာသက်ဟန်လည်းတူရဲ့။မင်္ဂလာသတင်းလို့ ဘာကြောင့်ပြောရသလဲဆိုတော့ အဲဒီအဖွဲ့က အထဲရွာသစ်အတွက် အိမ်ကလေးတွေ ဆောက်လှူချင်ပါသတဲ့ဗျာ…။ကဲ….ဘယ်လောက်ဝမ်းသာဖို့ကောင်းသလဲ။သူတို့ဘက်ကဆောက်လုပ်ပေးနိုင်တဲ့ အိမ်ပုံစံနဲ့ ကုန်ကျခံနိုင်မယ့်ငွေပမာဏ တွေပြောပါတယ်။(၄)လက်မတိုင်၊သံဖိနပ်ခံ၊၀ါးဇလီကပ်ကာ၊၀ါးကြမ်းခင်း၊သွပ်မိုး၊(၁၅)ပေပတ်လည် အိမ်ကလေးတွေ ဆောက်ပေးနိုင်မယ်လို့ပြောပါတယ်။ ခန့်မှန်းတွက်ချက်ပါဦးမယ်ပြောပြီး ပြန်သွားပါတယ်။အဲဒီလိုလှူမယ့်အဖွဲ့ကို ကျေးဇူးတင်မိပေမယ့် ကျွန်တော့်စိတ်ထဲကတော့ ဒီအဖွဲ့ရဲ့ အလှူကိုငြင်းခွင့်ရပါစေလို့ ဆန္ဒပြုမိပါတယ်။တမျိုးမထင်လိုက်ပါနဲ့။
ဘာကြောင့်လဲဆိုတော့ သူတို့လှူမယ့်အိမ်အမျိုးအစားထက် ပိုကောင်းတဲ့အိမ်လေးတွေရအောင် ကျွန်တော်ကြိုးစားထားမိလို့ပါ။
ဟုတ်ပါတယ်။အဲဒါကတော့ မြန်မာနိုင်ငံရုပ်ရှင်အစည်းအရုံးဥက္ကဖြစ်သူ အကယ်ဒမီလူမင်းဆီကို အထဲရွာသစ်ပြောင်းရွေ့နိုင်ရေးအတွက် ကျွန်တော်အလှူ ခံထားလို့ပါပဲ။မြန်မာနိုင်ငံရုပ်ရှင်၊သဘင်၊ဂီတအနုပညာရှင်တွေရဲ့ ရေဘေးအတွက်အလှူခံထားတဲ့ရံပုံငွေတွေထဲက အထဲရွာသစ်ပြောင်းရွေ့ရေးအားလုံး ကိုတာဝန်ယူလှူပေးနိုင်ဖို့  ဦးလူမင်းက သူ့အဖွဲ့ကိုတင်ပြဦးမယ်ဆိုပြီး ပြီးခဲ့တဲ့ ၂၀၁၆၊စက်တင်ဘာကတည်းက စကားခံထားတာရှိပါတယ်။အစိုးရက ရေဘေး သင့်ပြောင်းရွေ့ကျေးရွာတွေကိုဆောက်ပေးနေတဲ့ အိမ်ပုံစံလေးတွေအတိုင်းဆောက်ပေးနိုင်ဖို့ ပုံလေးတွေကိုလည်း ဗိုက်ဘာကနေပို့ပေးထားခဲ့ တာပါ။ ဒါကြောင့် အထဲရွာသစ်အတွက် ကောင်းမွန်တဲ့နေအိမ်လေးတွေရစေချင်တဲ့စေတနာနဲ့ ဦးလူမင်းဆီကို ဖုန်းဆက်အကြောင်းကြားလိုက်ပါတယ်။ ဦးလူမင်း က အထဲရွာပြောင်းရွေ့ရေး၊နေအိမ်အားလုံးရရှိရေးအတွက် အားလုံးကိုတာဝန်ယူကြောင်း၊ပြောင်းရွေ့လိုက်ပါတော့လို့ တာဝန်ယူပြောလိုက် တဲ့အချိန် အထဲရွာကလေးအတွက် ကျွန်တော်ဝမ်းသာခဲ့ရပါတယ်။မြေနေရာအတွက် ဘယ်လောက်ကုန်ကျမလဲလို့ ဦးလူမင်းကမေးတော့ ရွာသစ်မြေ နေရာကိုတော့ အလှူရှင်(၄)ဖွဲ့ရဲ့အလှူငွေနဲ့ဝယ်ပြီးကြောင်း၊နေအိမ်တွေပဲလိုတော့ကြောင်း ပြန်ပြောခဲ့ပါတယ်။အစိုးရက သတ်မှတ်ပေးတဲ့အိမ်ပုံစံ၊ ကုန်ကျစရိတ်က အိမ်တစ်လုံးကို သိန်း(၂၀)ဖြစ်တဲ့အကြောင်း အားလုံးပြောပြလိုက်ပါတယ်။သူကလည်း လက်ခံပါတယ်။အဲဒီလိုနဲ့ ဦးလူမင်းဆီက မင်္ဂလာသတင်းကို အထဲရွာသူရွာသားတွေကို ပြန်ပြီးပြောပြခဲ့ပါတယ်။ရွာသူရွာသားတွေက အံ့သြ၀မ်းသာကုန်ကြတယ် …။သူတို့ လုံးဝမျှော်လင့်မထားတဲ့ အခြေအနေ မဟုတ်လား …..။
နောက်ရက်ပိုင်းမှာပဲ ဦးလူမင်းဆီကဖုန်းလာပါတယ်။အထဲရွာနေအိမ်(၂၈)လုံးအတွက် ကုန်ကျမယ့်ငွေကျပ်သိန်းပေါင်း(၅၆၀)ကို ရွှေFM(၆)နှစ်ပြည့်အခမ်း အနားမှာပေးလှူချင်တဲ့အကြောင်း၊ကိုယ်စားလှယ်အနေနဲ့တက်ယူပေးဖို့ ပြောပါတယ်။ကျွန်တော်စဉ်းစားပါတယ်။ကျွန်တော်ကိုယ်တိုင်သွားယူတာထက် ပိုကောင်းမယ့်အစီစဉ်တစ်ခုကို ကျွန်တော်ရွေးချယ်လိုက်ပါတယ်။အဲဒါကတော့ ကလေးမြို့ဇာတိလည်းဖြစ်ပြီး ရုပ်ရှင်နှင့်ဗီဒီယိုသရုပ်ဆောင်လည်းဖြစ်တဲ့ ညီငယ်တစ်ယောက်ကို ကလေးလွင်ပြင်ကိုယ်စားတက်ယူစေဖို့ပါ။သူ့ကိုဖုန်းဆက်လိုက်တော့ သူ့ကိုလည်း အဲဒီအခမ်းအနားတက်ဖို့ဖိတ်ထားတယ်ဆိုလို့ အံဝင်သွားတယ်။အခုလို သူ့မြို့ကလေးအတွက် ကိုယ်စားပြုကာ အလှူငွေလက်ခံပေးခွင့်ရလို့ သူကလည်းအတိုင်းမသိပျော်နေပါတယ်။သူကတော့ ရုပ်ရှင်နှင့်ဗီဒီယိုသရုပ်ဆောင် ဟိန်းသီဟ ပဲဖြစ်ပါတယ်ခင်ဗျာ….။
မြန်မာနိုင်ငံရုပ်ရှင်၊သဘင်၊ဂီတအနုပညာရှင်များ၏ မြန်မာနိုင်ငံရေဘေးသင့်ပြည်သူများအတွက်ရံပုံငွေမှ လှူဒါန်းတဲ့ ငွေသိန်းပေါင်း(၅၆၀)ကျပ်ကို ကျွန်တော့်နာမယ်နဲ့လွှဲပေးတာကို လက်ခံခဲ့ပါတယ်။ကျွန်တော်လက်ခံရရှိတဲ့ အလှူငွေတွေကို ကလေးလွင်ပြင်ရေဘေးကူညီထောက်ပံ့ရေးအဖွဲ့ရဲ့ ရံပုံငွေစာရင်းမှာသွင်းခဲ့ပါတယ်။ကလေးလွင်ပြင်ရေဘေးကူညီထောက်ပံ့ရေးအဖွဲ့ရံပုံငွေတွေကို ဦးဌေးအောင်၊ဦးငြိမ်းအောင်၊ဦးအောင်လွင်တို့ နာမယ်နဲ့ မြန်မာ့ရှေ့ဆောင်ဘဏ်မှာ အပ်နှံထားတာပါ။
အထဲရွာသစ်မှာနေအိမ်ဆောက်လုပ်လှူဒါန်းဖို့အတွက် ကလေးလွင်ပြင်က ဦးမောင်ကြီး၊ဦးအောင်ဝင့်သူ၊ဦးကြည်ရအောင်၊ဦးတင်ဇော်ညွှန့်နှင့် ကျွန်တော် ပါဝင်တဲ့(၅)ဦးကော်မတီဖွဲ့ပြီး အထဲရွာသစ်နေအိမ်(၂၈)လုံးကိုဆောက်ပေးခဲ့ကြပါတယ်။
အိမ်(၂၈)လုံးကို ၂၀၁၆ခုနှစ်၊ဇန္န၀ါရီလ၊ပထမပတ်ကနေ ဖေဖော်ဝါရီလ ဒုတိယပတ်အတွင်း အပြီးဆောက်လုပ်ပေးနိုင်ခဲ့ရပါတယ်။ ရတဲ့အလှူငွေကို အပြည့်အ၀အသုံးပြုပြီး အလှူခံစဉ်ကသတ်မှတ်အိမ်ပုံစံတွေထက်ပိုမြင့်ပြီး အိမ်အောက်ထပ်မှာလူနေလို့ရအောင်ထိ နှစ်ထပ်ပုံစံဖြစ်အောင် အိမ်လေးတွေ ကို ဆောက်လုပ်ပေးနိုင်ခဲ့ပါတယ်။အိမ်တွေကိုဆောက်ဖို့ လက်သမားအဖွဲ့ရွေးချယ်ငှားတဲ့နေရာမှာ အစိုးရကတာဝန်ယူကာ ကန်ထရိုက်ပေးပြီးဆောက်ခိုင်းသလို မလုပ်ခဲ့ပါဘူး။ဘာကြောင့်လဲဆိုတော့ ကန်ထ ရိုက်တွေဟာ အနည်းနဲ့များတော့ အမြတ်အစွန်းကျန်အောင် ယူကြမယ်။လက်ခတွေက အိမ်တစ်လုံးကို(၆)သိန်းလောက်တောင်းတယ်။အင်သား သစ်ဈေးတောင် ဈေးကိုအဆမတန်သတ်မှတ်တယ်။အိမ်ကလေးတွေရဲ့အရည်အသွေးပိုင်းမှာလည်းအားနည်းတယ်။ကျွန်တော်တို့က ဒီရွာလေးအတွက် ရတဲ့အလှူငွေကို အပြည့်အ၀အသုံးပြုပြီး သေသပ်ခိုင်ခံ့ကောင်းမွန်တဲ့ အိမ်လေးတွေဖြစ်စေချင်တယ်။ဒါကြောင့် ကန်ထရိုက်တွေတောင်းတဲ့ငွေကြေး လောက်ဈေးမခေါ်ဘဲ အိမ်တွေကိုလည်း ထောင့်ချုပ်တွေမှာမူလီစွဲပေးတဲ့အထိ ပရဟိတစိတ်စေတနာအခြေခံတဲ့လက်သမားအဖွဲ့တစ်ဖွဲ့ကို ရွေးချယ်ခဲ့ပါတယ်။
တကယ်ဆို အစိုးရစာရင်းပေါက် ရေဘေးသင့်ပြောင်းရွေ့ကျေးရွာအိမ်တွေဆောက်ဖို့ဆိုပြီး အစိုးရက ရေဘေးပြန်လည်ထူထောင်ရေးခေါင်းစဉ်နဲ့ သစ်တွေ ခွဲပြီးအလွယ်တကူရောင်းပေးခဲ့တာပါ။ကလေးမြို့နဲ့အနီးတ၀ိုက်မှာ သစ်ခွဲစက်တွေထောင်ခွင့်၊သစ်ခွဲခွင့်ယာယီခွင့်ပြုပြီး သစ်တွေထုတ်ပေးခဲ့တာပါ။ ကလေးမြို့နယ် ရေဘေးသင့်ပြောင်းရွေ့(၁၂)ရွာအတွက်အိမ်တွေဆောက်လို့ပြီးသွားတဲ့အခါ အဲဒီယာယီသစ်ခွဲစက်တွေကို ပိတ်ပစ်လိုက်ပါတယ်။
အထဲရွာလေးအတွက် ဘာအစီအစဉ်မှ မပါခဲ့ဘူး။အဲဒီလို သစ်စက်တွေကိုပိတ်ပြီးတဲ့အချိန်ကျမှ အထဲရွာလေးကို အိမ်ဆောက်ပေးရတော့ သစ်ရရှိဖို့ အင်မတန်ခက်ခဲခဲ့ပါတယ်။သစ်ရရှိဖို့ ခရိုင်အုပ်ချုပ်ရေးကို စာတင်ရတဲ့အခါ ဘယ်နေ့၊ဘယ်အချိန်၊ဘယ်ကား၊ကားနံပတ်ဘယ်လောက်၊ ယာဉ်မောင်း ဘယ်သူ၊ဘယ်ကနေဘယ်ကို ၊ဘာသစ် အမျိုးအစား၊ ပမာဏဘယ်လောက် သယ်ယူပါမည်ဆိုတဲ့ စာကိုရမှာ သစ်ကိုသယ်ယူခဲ့ရတယ်။အဲလိုတင်ရတဲ့စာ ကို ခရိုင်အုပ်ချုပ်ရေးမှူးက လက်မှတ်ထိုးခွင့်ပြုပြီး စာရမှ အဲဒီစာကို သစ်သယ်မယ့်ကားဆရာကိုပေးမှ သယ်ရပါတယ်။အစပိုင်းမှာတော့ သူတို့ပြောသလို လိုက်လုပ်ခဲ့ပေမယ့် ပြဿနာက အဲဒီစာရဖို့ ၊ ခရိုင်အုပ်ချုပ်ရေးမှူးလက်မှတ်ရဖို့က ကြန့်ကြာမှုတွေရှိလာတယ်။ခရိုင်အုပ်ချုပ်ရေးမှူးမို့ အလုပ်များတိုင်း သာစောင့်နေရရင် အိမ်တွေကဆောက်ရတော့မှာ မဟုတ်ဘူး။ဒါကြောင့် အလုပ်မြန်ဆန်ပြီးမြောက်ဖို့ နောက်ပိုင်းမှာ မျှောစာမယူတော့ဘဲ ဖုန်းနဲ့ အကြောင်းကြားဆောင်ရွက်ခဲ့လို့သာ အထဲရွာသစ်အိမ်လေးတွေ တစ်လအတွင်းရုပ်လုံးပေါ်ခဲ့ရတာပါ။အစိုးရဟောင်းဟာ ရေဘေးသင့်အထဲရွာအတွက် တာဝန်ယူမှုလုံးဝမရှိခဲ့ပါဘူး။အဲဒီတုန်းက ၀န်ကြီးချုပ်ဦးသာအေးဟာ မော်လိုက်ကလေးတောင်ရွာသစ်ကိုရောက်ခဲ့လို့ အထဲရွာယာယီတာဝန်ခံက ရွာကလေးရဲ့အခြေအနေကို တင်ပြခဲ့ပေမယ့် ၀န်ကြီးချုပ်ဘ၀ကသာချုပ်ငြိမ်းသွားတယ် ရွာအတွက်လိုအပ်တဲ့ ရေတွင်း၊အိမ်သာ၊တံတားတွေကို ပါးစပ်ကသာ ကူညီပေးခဲ့ပြီး တစ်ခုမှရောက်မလာခဲ့ပါဘူး။
အထဲရွာသစ်အတွက်လိုအပ်တာတွေကို ကူညီပေးကြတဲ့ World Vision၊IOM၊WFP စတဲ့NGOတွေတော့ရှိခဲ့ပါတယ်။အထဲရွာသစ်လေးအတွက် အိမ်သာတွေကို World Vision ကလှူဒါန်းပေးခဲ့ပါတယ်။ပြီတော့ ပေ(၄၀၀)နက်တဲ့အ၀ီစိရေတွင်းတစ်တွင်းကို World Vision ကတူးပေးခဲ့ပေမယ့် ရေမအောင်ခဲ့ပါဘူး။အဲဒီလို အထဲရွာသစ်ကလေးမှာ သောက်သုံးရေအခက်အခဲကြောင့် ရန်ကုန်မြို့၊ပင်လုံဆေးရုံအဖွဲ့က ရေတွင်းနှင့် ရေကန် လှူဒါန်းခဲ့ပါတယ်။ရေတွင်းကို ပေ(၂၀၀)အထိတူးခဲ့ပြီး အစပိုင်းမှာရေအောင်ပေမယ့် နောက်ပိုင်းမှာ ရေဆုတ်သွားလို့ အဲဒီရေတွင်းလည်း မအောင်မြင်ခဲ့ပြန်ပါဘူး။အခု မိုးရာသီမှာအနီးဝန်းကျင်က ရေရလို့အဆင်ပြေပေမယ့် ဆောင်းနှင့်နွေမှာ သောက်သုံးရေအခက်အခဲကို ထပ်ပြီး ကြုံကြ ရဦးမှာပါ။
ပြီးခဲ့တဲ့ ၂၀၁၆၊ဇူလိုင်လ(၁၈)ရက်နေ့ကတော့ မော်လိုက်ကလေးတောင်ရွာသစ်မှာ စာသင်ကျောင်းဆောင်ဖွင့်ပွဲလာတက်တဲ့ ကလေးမြို့၊ပြည်သူ့လွှတ် တော်ကိုယ်စားလှယ်ဒေါ်ရှားမီးနှင့်တိုင်းဒေသကြီး၊အမှတ်(၁)လွှတ်တော်ကိုယ်စားလှယ် ဒေါ်သန့်ဝေကျော်တို့ကို လမ်းကြောင်းသင့်နေတဲ့အတွက် အထဲရွာလေး ကိုလိုက်ကြည့်ပေးဖို့ မေတ္တာရပ်ခံခဲ့ပါတယ်။အထဲရွာလေးကိုရောက်ကြတော့မှ လွှတ်တော်ကိုယ်စားလှယ်တွေ အံ့အားသင့်ရပါတယ်။ အစိုးရအကူအညီ မရဘဲ တည်ထောင်ပေးထားရတဲ့ရွာလေးရဲ့အခြေအနေတွေ၊ကြိုးစားအားထုတ်ခဲ့ရတာတွေကို သူတို့မျက်ဝါးထင်ထင်မြင်ခဲ့ပါပြီ။ သူတို့တတ်နိုင်တဲ့ဘက်က ကူညီပေးပါမယ်လို့ပြောခဲ့ပါတယ်။အခုချိန်ထိတော့ အစိုးရသစ်ဟာလည်း အထဲရွာကလေးကို ဘာမှတာဝန်ယူမှုမရှိသေး ပါဘူး။လွှတ်တော်ကိုယ်စားလှယ်သစ်များလည်း ဦးသာအေးကတိလို မဖြစ်ပါစေနဲ့လို့တော့ ဆုတောင်းမိပါတယ်။
အခုဆိုရင် ရွာမြေနေရာလည်းရပြီ၊အိမ်တွေလည်းရပြီဘာတွေလိုနေသေးလို့လဲလို့ မေးစရာရှိပါမယ်။အရေးကြီးလိုအပ်တာတွေရှိပါ သေးတယ်။ ရွာသူရွာသားတွေရဲ့နံပါတ် တစ်ဆန္ဒက အထဲရွာကလေးကို ပြည်ထဲရေးအမည်ပေါက်အသိအမှတ်ပြုပေးဖို့ကိစ္စ၊အစိုးရကအသိအမှတ်ပြုပြီး တရားဝင် အုပ်ချုပ်ရေးရှိစေဖို့ကိစ္စ၊ တိုးချဲ့ မိသားစုတွေရှိလာမှာ ဖြစ်လို့ ရွာအရှေ့ဘက်တစ်ဆက်တစ်စပ်တည်း မြေလွတ်နေရာတွေကို ရွာမြေအဖြစ် တိုးချဲ့ ပေးနိုင်ဖို့ကိစ္စနှင့် အခြားပညာရေး၊ကျန်းမာရေး၊ဘာသာရေးကိစ္စတွေရှိပါသေးတယ်။ ဒါတွေက လွှတ်တော် ကိုယ်စားလှယ်တွေနဲ့ အစိုးရက လုပ်ပေးမှ ရမှာပါ။ပရဟိတအဖွဲ့တွေဆိုတာ အစိုးရမနိုင်သေးတဲ့ ၀န်ကို ခဏ၀န်ထမ်းပေးထားတဲ့ သဘောပါ။
အထဲရွာသစ်ဖြစ်တည်လာဖို့ ကလေးလွင်ပြင်ရေးဘေးကူညီထောက်ပံ့ရေးနာမယ်နဲ့ စာရေးသူက ကြိုးစားတည်ထောင်ပေးခဲ့တာကို ရွာသူရွာသားတွေက ကျေးဇူးတင်လွန်းလို့ဆိုပြီး ရွာသစ်လေးကို “လွင်ပြင်လေးကျေးရွာ”လို့ အမည်သစ် ကင်ပွန်းတပ်ကြပါတယ်။ဒါကြောင့် အစိမ်းရောင်အောက်ခံမှာ ရွှေဝါရောင်ဖောင်းကြွစာလုံးလေးနဲ့ ရေးထားတဲ့“လွင်ပြင်လေးကျေးရွာမှ ကြိုဆိုပါ၏” ဆိုတဲ့ ရွာအ၀င်မုခ်ဦးဆိုင်းပုဒ်လေးကိုလည်း စိုက်ထူထားလိုက်ပါပြီ။
ရေဘေးကြောင့်မျောပါလာတဲ့ သစ်တုံးတစ်တုံးပေါ်မှာ တစ်ဖက်စွန်းကမြွေ၊အခြားတစ်ဖက်စွန်းမှာ ကြွက်တစ်ကောင်ရှိခဲ့ပေမယ့် ဒုက္ခသည်ချင်းမို့ မြွေကသူ့အစာဖြစ်ပေမယ့်ကြွက်ကို မစားပါဘူးဆိုတာမျိုးကြားဖူးပါရဲ့။ဒုက္ခသည်ချင်းဆိုတဲ့ အသိက တိရစ္ဆာန်တွေမှာတောင်ရှိပါတယ်။အခုဟာက လူသားတွေပါ။လူသားအချင်းချင်းမှာတောင် ရေဘေးဒုက္ခကြုံခဲ့ရသူတွေပါ။ဒါကြောင့် သက်ဆိုင်ရာ လွှတ်တော်ကိုယ်စားလှယ်များ၊အစိုးရ၀န်ကြီးဌာနများ အနေနဲ့ ဆင်တစ်ကောင်လုံးမြင်နေမှတော့ ဆင်ခြေရာရှာမနေကြတော့ဘဲ အထဲရွာခေါ်လွင်ပြင်ကလေးရွာမှ ပြည်သူတွေရဲ့ဘ၀ကို တာဝန်ယူစောင့် ရှောက်နိုင်ကြစေဖို့ မျှော့်လင့်လျက် ….။

ဒီနိုင်း
………………….

ဆက်လက်ဖတ်လိုလျှင် ....>>

Contact

Image Hosting by imagefra.me ဆက်သွယ်ဝေဖန်အကြံပေးနိုင်ပါသည်။