Atom Feed (xml)
2014 တက္ကသိုလ်ဝင် စာမေးပွဲ အချိန်စာရင်း
Friday, December 20, 2013
Saturday, November 30, 2013
တွဲလက်များ ပရဟိတ အဖွဲ့ နှင့် အင်တာဗျူး
ကလေးမြို့မှာ ရှိတဲ့ တွဲလက်များ ပရဟိတ အဖွဲ့ မှ ကို ကျော်မိုး နှင့် အင်တာဗျူး ဖြစ်ခဲ့ ပါတယ် ။
မေး။ ။ တွဲလက်များ အဖွဲ့ ကို ဘယ်အချိန်ကများ စဖွဲ့ ဖြစ်ပါသလည်း ။
ဖြေ။ ။တွဲလက်များ အဖွဲ့ ကို ၂၀၁၂ ခုနှစ် သြဂုတ်လ ၁၈ ရက်နေ့မှာ စဖွဲ့ ဖြစ်ပါတယ် ။
မေး ။ ။ ဘယ်လို ရည်ရွယ်ချက်တွေနဲ့ စဖွဲ့ ဖြစ်တာ ပါလည်း။
ဖြေ။ ။ ဒီလိုဗျ .. ၂၀၁၀ ၀န်းကျင်လောက်က စ ကလေးတွေရဲ့ ပညာတွေ အကြောင်း ပြောဖြစ်ကြတယ် ..။ လိုအပ်နေတာလေးတွေ မြင်ပြီး ဖြည့်ဆည်း ပေးချင်တဲ့ စိတ်ရှိခဲ့တာ ..။ လုပ်နိုင်တာလေးတွေ လေးတွေ လုပ်ကြမယ်ပေါ့ ..။ အခု မြစ်ကြီးနား ရောက်နေတဲ့ သူငယ်ချင်းက မတည်ပြီး တိုက်တွန်းတာက နေ စလုပ်ဖြစ်ကြတာ ..။ ဘာကို အဓိက ထား ပြီး လုပ်ကြမလည်းလို့ ဆွေးနွေးကြတော့ “ ပညာရေး ၊ ကျန်းမာရေး ” ကို အဓိက ကူညီမယ်ဆိုတဲ့ ရည်ရွယ်ချက်ပေါ့ ..။
မေး။ ။ ဘယ်လို ဖွဲ့စည်းထားပြီး အင်အား ဘယ်နှစ်ယောက်လောက် ရှိပါလည်း ..။
ဖြေ။ ။ အားလုံး စိတ်တူကိုယ်တူ သူငယ်ချင်းတွေချည်းပါပဲ ..။ ဆရာ ဦးမျိုးလွင်နှင့် ကိုကြည်ဝင်းလှိုင် တို့ကတော့ နာယက တွေပါ ။ သူတို့တွေ ရဲ့ အကြံ ပေးမှုတွေ နဲ့ လုပ်ဖြစ်ကြတာပါ ။ အဖွဲ့ ၀င် အနေနဲ့ ကတော့ (၁၅) ယောက်လောက် ရှိပါတယ် ..။ စီမံတဲ့ အပိုင်း ကိုတော့ ကိုမျိုးက လုပ်တာ များတယ် ..။
မေး။ ။ ပညာရေး အတွက် ဘယ်လို ကဏ္ဍမျိုးတွေမှာ ဆောင်ရွက်ဖြစ်ပါသလည်း ။
ဖြေ၊ ။ အဓိကတော့ ကလေးတွေ အတွက်ပေါ့ ..။ ကျေးလက် ဒေမှာ ရှိတဲ့ ပညာသင်ကြားရေး အတွက် အခက်ခဲ ရှိတဲ့ ကလေးတွေ လုပ်ဖြစ်တယ် ..။ အခု ကျွန်တော်တို့ နိုင်ငံက “ ဒီမို ကရေစီ” အုပ်ချုပ်ရေးကို ကူးပြောင်းတဲ့ အချိန်ရောက် နေပြီ။ ကလေးတွေ ပညာ များများ တတ်ဖို့ လိုတယ် ..။ စာ များများ ဖတ်ဖို့ လိုတယ်..။ ဒါမှ သူတို့ အသုံချခံ တွေ မဖြစ်မှာ ..။ လောလော ဆယ်တော့ ကျွန်တော်တို့ တတ်နိုင်တာလေးတွေ လုပ်ပေးနေတာ ..။ အဓိကတော့ ဗလာစာအုပ် ခဲတံ ပေတံ ကျောင်းသုံး ပစ္စည်းတွေ လှူကြတာပါ .။
မေး။ ။အကိုတို့ အဖွဲ့ အနေနဲ့ ဘာတွေ များ ဆောင်ရွက်ခဲ့ ပြီးပြီလည်း ခင်ဗျာ ..။
ဖြေ။ ။ ၂၀၁၂ ခုနှစ်မှာ သာစည်ရွာ မိဘမဲ့ ပရဟိတ ကျောင်း၊ အောင် ရွာ ဘုန်းတော်ကြီးသင် ပညာရေး ကျောင်း၊ ကျွန်းတောရှေရင် ဘုန်းတော်ကြီးသင် ပညာရေး ကျောင်း စုစုပေါင်း ကျောင်းသား (၄၅၀) လောက်ကို လှူဖြစ်ခဲ့တယ် ..။ အင်းဒင်ရွာ တို့ကျေားရွာ စာ ကြည့်တိုက်အတွက် စာအုပ်တွေ လှူဖြစ်ခဲ့တယ် ..။
ကျွန်းတောမှာ သွားလှူတုန်းကဆို ကလေးတစ်ယောက်က ဗလာ စာအုပ် ပါမလာဘူး။ စာရွက်လေးတွေပဲ ပါလာတာ ။ မေးကြည့်လိုက်တော့ မောင်နှမတွေကို ဗလာစာအုပ် တစ်အုပ်စီ မပေးနိုင်လို့ စာရွက်ကို ဖြုတ်ပြီး ဝေပေးတာတဲ့..။ ခဲတံကျတော့ကော ဆိုတော့ ခဲတံကို ပိုင်းပြီး ဝေပေးတာတဲ့ ..။ တော်တော် စိတ်မကောင်း ဖြစ်မိတယ်..။
မေး။ ။ အကိုတို့ အဖွဲ့ Fan Page လုပ်ထားတယ်ဆို
ဖြေ။ ။ရှိတယ်ဗျ “တွဲလက်များ ပရဟိတ အဖွဲ့ - ကလေးမြို့ ” ဆိုပြီး လုပ်ထားတာ ။ အခုတော့ မရှိတော့ဘူး။ Hack ခံ လိုက်ရတယ် ..။ တော်တော်ဆိုးတယ်ဗျ .။
မေး။ ။ ဘယ်သူတွေ Hack သွားတယ်လို့ ထင်ပါသလည်း.။
ဖြေ။ ။ ကျွန်တော့် အမြင် ပြောရရင် ဘာသာရေးဆိုင်ရာ ပဋိပက္ခ ဖြစ်စေချင်တဲ့ အဖွဲ့ လို့ ထင်တယ် ..။ On Line ပေါ်မှာ ကျွန်တော်တို့ အဖွဲ့လို Fan Page တွေ အများကြီး ရှိတာ ..။ ကျွန်တော်တို့ ဖွဲ့ ဆိုတာကလည်း နာမည်ကြီးတဲ့ အဖွဲ့ အင်အားကောင်းတဲ့ အဖွဲ့ လည်း မဟုတ်ဘူး။ ဒါကို လာပြီး Hack သွားတာ ထူးဆန်းတယ် ..။
မေး။ ။ ဒီနှစ်ကော ဘာတွေ လှုပ်ရှား ဖြစ်ပါလည်း။
ဖြေ။ ။ ၂၀၁၃ ထဲမှာ အောင်ရွာ မြလင်း အေးရိပ်မွန် လှူ ပြီး သွားပြီ ။ ပြီးတော့ ရေကြီးတုန်းက အိမ်ပါသွားတဲ့ မိသားစုတွေကို လည်း လှူ ဖြစ်လိုက်တယ် ။ ဒီဇင်ဘာ လထဲမှာ ကျွန်းတောရယ် ဖေါင်ကူးရွာက စာသင်ကျောင်းရယ် သွားလှူဖြစ်ယ် .။ ဒီနှစ်ကျောင်းသား (၇၀၀) လောက် လှူဖြစ်မယ် ။
မေး။ ။ ကျန်းမာရေး ဆိုင်ရာမှာ ကော ဘာတွေများ ကူညီဖြစ်ပါသလည်း ။
ဖြေ။ ။ ကျန်းမာရေး ကဏ္ဍက မလုပ်နိုင်သေးဘူးဗျ ။ ကျွန်းတောမှာ တော့ ရေတွင်းရယ် ရေစင် ရေစုပ်စက် လှူဖြစ်တယ် ။ ရေအခက်အခဲ ဖြစ်နေတာကို တွေ့တာနဲ့ လုပ်ဖြစ်သွားတာ .။ အဲ့ဒီတုန်းက အစ အဆုံး အဖွဲ့ တွေ ၀ိုင်းလုပ်ကြတာဆိုတော့ ပျော်စရာ တော်တော် ကောင်းတယ် ။ ငြင်းကြ ခုန်ကြ နဲ့ ကိုဌေးဝင်း၊ ကိုကြည်ဝင်းလှိ်ုင် တို့ အင်ဂျင်နီယာတွေ ၀င်လုပ်မှ ပဲ ပြီးတော့တယ် . ။ တကယ့် အမှတ်ရစရာပါပဲ . ။
မေး။ ။ ရှေ့ နှစ်တွေ မှာကော ဘာတွေ လုပ်ဖို့ အစီစဉ် ရှိပါသလည်း ။
ဖြေ။ ။ ကလေးတွေ အတွက် ပညာရေး အထောက်အပံ့ကတော့ မဖြစ်မနေ လုပ်မယ် ။ ရံပုံငွေ အင်အား ကောင်းပြီး တတ်နိုင်ရင် အသက်မွေးဝမ်းကြောင်း ပညာရပ် ကို Donate လုပ်ဖို့ အစီစဉ် ရှိတယ် . ။ ဥပမာ - ကွန်ပျုတာလို ပညာရပ်မျိုး၊ ပြီးတော့ ဖုန်း - Android Os တို့ နည်းပညာကို လုပ်ပေးဖို့တော့ ရှိတယ် ..။ ကျွမ်းကျင်သူတွေ ရှိတယ် ..။ အခြေခံ ပစ္စည်းတွေတော့ လိုသေးတယ် ..။
မေး။ ။ တွဲလက်များ အဖွဲ့ ကို ဆက်သွယ်ရင် ဘယ်လို ဆက်သွယ်ရမလည်း ခင်ဗျ ။
ဖြေ။ ။ မောင်ကိုမောင်(ကလေး) ဖုန်း- 0947072090 ၊ ကိုအောင်ဆန်းလင်း ဖုန်း - 09400465111 ကိုသက်နိုင်ဦး ဖုန်း - 09400533811 တို့ကို ဆက်သွယ်လို့ ရပါတယ် ။
အခုလို ဖြေကြားပေးတဲ့ ကို ကျော်မိုးကို ကျေးဇူးတင်ပါတယ် ..။
လင်းသစ်မွန်
Wednesday, November 20, 2013
ကလေးမြှို အထက (၁) အာစရိယ ပူဇော်ပွဲ
ကလေးမြို့
အထက(၁) ကျောင်းသား/ကျောင်းသူ ဟောင်းများ၏
(၁၇) ကြိမ် မြောက် အာစရိယ ပူဇော်ပွဲ
သူငယ်ချင်းတို့ ရေ .......
အထက(၁) ကျောင်းတော်ကြီးမှာ
တို့ တတွေကို ပညာ သင်ကြားပေးခဲ့သော
အငြိမ်းစားယူ အသက် (၆၀) ပြည့် ဆရာ /ဆရာမကြီး များအား
လက်အုပ်ချီမိုး ရှိခိုးပူဇော် ကန်တော့ ကြဖို့
ဆက်ဆက်လာကြနော် ...........။
ရက်စွဲ ----- ၂၉-၁၂-၂၀၁၃ (တနင်းဂနွေနေ့)။
အချိန်------- နေံ့လယ် (၁း၀၀) နာရီ။
နေရာ ------- အထက(၁) ရွှေရတု ခန်းမ။
Friday, November 15, 2013
ကလေးမြို့ Apllication သုံးစွဲသူများ ခင်ဗျား ...
ကလေးမြို့ Apllication တွင် ကလေးမြို့ နှင့် အခြား ပတ်ဝန်းကျင်မြို့ များ၏ နာရေးများကို နာရေး ကြေငြာများ အခမဲ့ ထည့်သွင်းနိုင်ပါပြီ ။ ထည့်သွင်းလိုပါက kalaymyo.ads@gmail.com သို့ ပေးပို့သူ အမည် နေရပ်လိပ်စာ အပြည့်စုံနှင့် ပေးပို့ပြီး ထည့်သွင်းနိုင်ပါသည်။
Admin
Saturday, August 3, 2013
ကလေးမြို့ ရှစ်လေးလုံး အမှတ်တရ (၂)
ရေးသူ - ဘကြူး
စစ်အာဏာရှင်စနစ်ဆန့်ကျင်ရေးအတွက် ၁၃.၃.၈၈ စက်မှုတက္ကသုိလ်ကျောင်းသား ဖုန်းမော် အရေးအခင်း၊၁၆.၃.၈၈ အင်းယားကန်ဘောင်ပေါ်မှာ ကျောင်းသားကျောင်းသူတွေ ရိုက်နှက်ခံရတဲ့ တံတားနီအရေးအခင်း၊၁၈.၃.၈၈ အာဇာနည်ကျောင်းသား ၂၀ လောက်က ဗန္ဓုလပန်းခြံမှာ ချီတက်ပြီး တရားဟောကြတော့ ပြည်သူလူထုနဲ့ပေါင်းမိပြီး ကျောင်းသားနဲ့လူထုဆန္ဒပြပွဲကြီးပေါ်ပေါက်လာပုံတွေကို ဘီဘီစီ ဗွီအိုအေ အသံလွှင့်ဌာနတွေက အချိန်နဲ့ တပြေးညီ လွှင့်ထုတ်ပေးခဲ့တယ်လေ..ကေ...ျာင်းပိတ်ချိန်ဆိုတော့ ငါတို့မြို့လေးမှာ ရန်ကုန်၊မန္တလေး၊မုံရွာ ကျောင်း ၃ ကျောင်းက ကျောင်းသားတွေ ပြန်ဆုံကြတဲ့ အချိန်လေ. အဲဒီတုန်းက ကုဋေစိုး၊ရသာမြိုင်၊ယင်းမာ၊ဆွ်ိနိုက် စတဲံ့ လဘက်ရည်ဆိုင်တွေမှာ ရန်ကုန်ကျောင်းသားတွေက အင်းယားကန်ဘောင်အရေးအခင်းကို ကုိုယ်တိုင်ပါဝင်ဆင်နွဲခဲ့ပုံတွေကို ပြန်ပြောပြကြတော့ ငါတို့ကျောင်းသားစိတ်ဓာတ်တွေဟာ ရင်ထဲမှာ ခံပြင်းဝမ်းနည်းဒေါသတွေ ဆူခဲ့ရပြီလေ..တံတားနီအရေးအခင်းမှာ ငါတို့မြို့က ရန်ကုန် စီးပွားရေးတက္ကသိုလကျောင်းသား အောင်ငြိမ်းထွဋ်(ဖိုးပိန်)ယခုမန္တလေး နဲံ့ ဥပဒေတန်းတက်နေတဲ့ ကျော်ဆန်းလွင်(ခေါင်းဖြူ) တို့ စစ်တပ်လုံထိန်းတွေက ရိုက်နှက်ဖမ်းဆီးခံရပြီး ထောင်ထဲကို အချုပ်ကားတွေနဲ့ ပြည့်ကျပ်အောင် တင်ပြီး ရောက်သွားပုံတွေကို ငါတုိ့နားထောင်ရင်း သွေးဆူခဲ့ရတယ်...အစိုးရက အချုပ်ကားထဲမှာ ကျောင်းသား မွန်းကြပ်ပိတ်လှောင်ပြီး ၄၁ ယောက် သေဆုံးသွားတာကြားလိုက်ရတော့ ကျောင်းသားတွေဟာ အလိုလိုကိုယ့်အသိနဲ့ကိုယ် စည်းရုံးပြီးသား ဖြစ်နေကြပြီလေ......
ဇွန်လမှာ ကျောင်းတွေ ပြန်ဖွင့်တယ်..ဇွန် ၂၁ မှာ မြေနီကုန်း အရေးအခင်း ဖြစ်တယ်..အ ထ က ကျောင်းသားလေးတွေ လုံထိန်းရဲကားတွေနဲ့ တိုက် သတ် ကြတယ်..မြေနီကုန်းလူထုက ကျောင်းသားတွေနဲ့ပေါင်းပြီး ပြန်ချတော့ ရဲ ၆ ယောက်သေတယ်..ဇွန်လ အရေးအခင်းတွေထဲမှာ တောင်ဥက္ကလာသားတွေဖြစ်ကြတဲ့ မင်းကိုနိုင်၊မိုးသီးဇွန်၊မိုးဟိန်း တုိ့ ပေါ်ထွန်းလာခဲ့တယ်...ဇွန် ၂၃ မှာ ပဲခူး လူထုအုံကြွမှုကြီး၊ ၇ ဇူလိုင် အမှတ်တရ၊တောင်ကြီး နှင့် ပြည် က ဘာသာေ...ရးပဋိပက္ခတွေ ဟာ ဆက်တိုက်ဖြစ်လာတယ်..ကျောင်းတွေ ပြန်ပိတ်..
ဇူလိုင် ၂၃ မှာ မ ဆ လ ပါတီ အရေးပေါ်ညီလာခံခေါ်ပြီး ပါတီဥက္ကဌကြီး ဦးနေ၀င်း၊သမတ ဦးစန်းယု၊အတွင်းရေးမှုး ဦးအေးကို(ကျော်ဟိန်းယောက္ခမ)၊ကာကွယ်ရေးဝန်ကြီး သူရကျော်ထင် တုိ့ နှုတ်ထွက်ခဲ့ကြပြီး ဇူလိုင်၂၅ မှာ သားသတ်သမား ဦးစိန်လွင် သမတ နေရာကို တမင်ရွယ်ပြီး ခန့်ထားလိုက်တယ်..ဦးစိန်လွင်ဟာ ပညာအရည်အချင်း ၆ တန်းအောင် အဆင့်ပဲရှိပါတယ်..ဆဲဗင်းဂျူလိုင် ၁၉၆၂ မှာ ကျောင်းသားသမဂ္ဂအဆောက်အဦကြီးကို ဖြို ကျောင်းသားတွေကို အထက်အမိန့်အရ သတ်ပစ်ခဲ့တဲ့ လူပေါ့..သူက မွန်ပြည်နယ် ပေါင်မြို့သား ဦးနေ၀င်း ရဲ့ တပ်ရင်း ၄ က တပည့်ရင်း..
ဆက်လက်ဖြစ်နေတဲ့ အရေးအခင်းတွေကို ချေမှုန်းကွပ်မျက်ဖို့ စစ်အင်အား သောင်းချီ ရန်ကုန် ကို ခေါ်ထားလိုက်တယ်..
(ဆက်လက်ဖေါ်ပြပေးပါမည်)
Thursday, August 1, 2013
ရှစ်လေးလုံး အမှတ်တရ
ရေးသူ- ဘကြူး
၈၈၈၈ အရေးတော်ပုံကြီး ငွေရတု(၂၅ နှစ်) ရောက်တော့မယ်..
မနေ့က ကိုကျော်(မိုက်ကယ်ဝင်းကျော်) အိမ် ၈၈၈၈လှုပ်ရှားမှုအင်အားစု ရုံးခန်းမှာ ကလေးမြို့ ၈၈၈၈ အရေးတော်ပုံ မြို့လုံးကျွတ်နယ်လုံးနီးပါး တစ်ပါတီအာဏာရှင်စနစ်ကို တော်လှန်တိုက်ပွဲဝင်ကြပုံ သမိုင်းဖြစ်ရပ်မှန်ကို ရေးကြဖို့ ဆွေးနွေးကြတယ်..
ဦးအေးမြင့်၊ဦးမြင့်သိန်း၊ဦးသောင်းရွှေ၊ကိုလေး၊ကိုရွှေ၊၀င်းစိန်၊မိုက်ကယ်ဝင်းကျော်၊အောင်သက်တင်(ဘကြူး) တို့ အမှတ်တရ ပြန်ပြောပြီး လွမ်းမောရင်ခုန်စွာ နဲ့ ဆွေးနွေးကြတယ်..
၈၈၈၈ အရေးတော်ပုံကို ကလေးမြို့မှာ ၈ရက်၈လ၁၉၈၈ ည ၇ နာရီ ၃၀ မိနစ် အောင်မင်္ဂလာ ဇာတ်ရုံရှေ့ မြက်ခင်းပြင်မှာ ကျောင်းသားပြည်သူ ၃၂ ယောက်ကနေ ရဲရဲရင့်ရင့် စတင်သပိတ်မှောက်ခဲံကြတယ်..
အားလုံးမမှတ်မိတော့ပေမဲ့ မှတ်မိသလောက်ကတော့...
မိုက်ကယ်ဝင်းကျော်၊ဘကြူး၊၀င်းစိန်၊၀င်းဗိုလ်(မြဆင့်ချယ်)၊ကိုပေါက်(ကျော်သူရ)၊ဌေးအောင်(တက္ကသိုလ်ကင်တင်းဆုိင်)၊ချစ်သိန်းထွန်း(ABSDF အနောက်မြောက်စစ်ရေးတာဝန်ခံ)၊ချမ်းငြိမ်း၊မြင့်အေး(ကြေးကုလား)၊မြင့်စိုး(ရွှေပြည်သစ်)၊မောင်ကောင်း(ဘုန်းကြီးဝတ်)၊ကိုအာလူး(ကွယ်လွန်)၊ညွန့်မောင်(ကျန်ဖိုင်းမှာ CNF ကသတ်တာခံရ)၊အောင်ဆန်းလင်း(သြစတြေလျ)၊သန်းထွန်းအောင်(ရေနံ)၊
ဒီလောက်ပဲ မှတ်မိတော့တယ်..
ကျန်တဲ့လုများကို မှတ်မိသူများရှိရင် ဖုန်း ၄၀၀၃၀၇၇၀၀ ကို ဆက်သွယ်ပေးကြပါ..
ရန်ကုန်မှာ ကျင်းပမဲ့ ၈၈၈၈ ငွေရတုမှာ မှတ်တမ်းတင်ချင်လို့ပါ..
၁၉၈၈ ရှစ်လေးလုံး အရေးတော်ပုံကြီးဟာ ၁၃၅၀ ပြည်းအရေးတော်ပုံကြီးလို့လည်း ခေါ်တယ်..
၈.၈.၈၈ ရက်ကနေ စစ်တပ်အာဏာသိမ်းတဲ့ ၁၈.၉.၈၈ ရက်ထိဆိုရင် တစ်လခွဲ နီးပါးကြာပြီး ရှစ်လေးလုံးရဲ့ အစဦးနိဒါန်းဖြစ်တဲ့ ဖုန်းမော် အရေးအခင်း ကနေ ဆုိရင် ၆ လ ကျော်ကျော် ကြာခဲ့တော့...မ ဆ လ စစ်အာဏာရှင်စနစ်ကို တော်လှန်ပုန်ကန်တဲ့ အရေးအခင်းတွေထဲမှာ အကြာဆုံးပေါ့..လူတန်းစားပေါင်းစုံ အဆင့်အလွှာပေါင်းစုံ တောင်တန်းဒေသ ပြည်နယ် ပြည်မ တောရော မြို့ပါမကျန် ပင်လယ်ကမ်းရိုးတန်း လွင်ပြင်ချိုင့်ဝှမ်း လှည်းနေလှေအောင်းမြင်းဇောင်းမကျန် နေရာအနှံ့ ကြီးမားကျယ်ပြန့်ခဲ့တဲ့ ပြည်လုံးကျွတ် အရေးတော်ပုံကြီးပါ...
အုပ်စိုးသူ အာဏာရှင် သမတ ၃ ဆက်ကို ဖြုတ်ချခဲ့တဲ့ အရေးတော်ပုံ...
ကြီးမားသော လူထုဆန္ဒပြပွဲကြီးတွေ. သမဂ္ဂပေါင်းစုံ သပိတ်ကော်မတီပေါင်းစုံ ပေါ်ထွန်းခဲ့တဲ့ အရေးတော်ပုံ...ဟောပြောပွဲ ရင်ဖွင့်ပွဲ ပြည်သူ့ခံစားချက်မျိုးစုံ ကို ကိုယ်စားပြုတဲ့ အရေးတော်ပုံ..
သေနတ် ဘက်နက် မျက်ရည်ယှိုဗုံး တွေကြားထဲက ရဲရဲဝံ့ဝံ့ အသေခံသွားကြရှာတဲ့ အာဇာနည် ကျောင်းသားပြည်သူရဟန်...းသံဃာတွေ..တစ်ဘ၀လုံးအစွန့်လွတ်ခံရ..မိသားစုတွေ ကွဲကွာ ပြိုပျက် ပျက်စီး ဆင်းရဲ ကြရ..အဖိနှိပ်ခံပြည်သူတွေ နောက်ဆုံး ရုန်းကြွခဲ့ရတဲ့ အရေးတော်ပုံကြီး ဟာ ငွေရတု တိုင်ခဲ့ပါပြီ.....
အနာဂတ်အမိ မြန်မာနိုင်ငံတော်ကြီးအတွက် နိုင်ငံသားကောင်း သမီးကောင်းတွေ ..မျိုးချစ်နိုင်ငံရေးခေါင်းတောင်တွေ ကို မွေးဖွားသန့်စင်ပေးခဲ့ပါတယ်..
ဒါပေမဲ့....ဒီ အရေးတော်ပုံကြီးဟာ တစ်ပါတီအာဏာရှင်စနစ်ကို ဖြုတ်ချနိုင်ခဲ့ပေမဲ့..တချိန်တည်းမှာပဲ စစ်အာဏာရှင်လူတစ်စုနဲ့ အပေါင်းပါ တိုင်းရင်းသား လက်ဝါးကြီးအုပ် သွေးစုပ် အရင်းရှင် ခရိုနီ(crony) တွေကို မွေးဖွားခွင့် အလွယ်တကူပေးလိုက်ရတယ်..ငါတို့ ၈၈၈၈ လှုပ်ရှားမှုမှာ ပါဝင်တဲ့သူတွေ တာဝန်မကြေခဲ့ကြဘူး..ငါတို့ ရှုံးခဲ့တယ်....
(ဆက်လက်ဖေါ်ပြပေးပါမည်)
Monday, July 8, 2013
ချင်းတောင်ပေါ်က ပန်းရိုင်း
ချင်းတောင်ပေါ်က ပန်းရိုင်း
@ မြန်မာ့ခေတ်
ကားလမ်းမှာ လျှပ်စစ်မီး အလင်းရောင် အလျဉ်းမရှိ။ ပျို့အန်လာမည့် ရောင်နီကို မျှော်လင့်ရင်း အမှောင်ထုက ကြီးစိုးနေဆဲပင် ဖြစ်သည်။အလင်းရောင်အားနည်းပြီး ကြမ်းတမ်းသော ခရီးလမ်းပေါ်တွင် အပျိုဖော်ဝင်စ မိန်းမငယ် ၃ ဦးခြေလျှင်ခရီးဖြင့် မနားတမ်း တရွေ့ရွေ့ ဆင်းလာနေသည်။၂၁ မိုင်ရှည်သည်။သစ်ခွပန်းပလိုင်းလေးကို ကျောပိုးလွယ်ပြီး လက်ထဲမှာလည်းပွင့်နေဆဲသစ်ခွပန်းပင်တွေကို ခပ်ဖွဖွဆုပ်ကိုင်ထားသည့် ကောင်မလေးများကိုမြင်လိုက်ရုံဖြင့် ချင်းတိုင်းရင်းသူလေးများဆိုသည်ကို သိပြီးသားဖြစ်၏။
ရိုးရာ ပလိုင်းလေးများကို ခေါင်းအားဖြင့် သယ်မ ထားကြသည်။လက်ထဲတွင်လည်း သစ်ခွပန်းကလေးများ ကိုယ်စီ ကိုင်ထားကြသည်။ သူတို့၏မျှော်လင့်ချက်က
ကလေးမြို့ပေါ်တွင် သစ်ခွပန်းများ ရောင်းရန်ဖြစ်သည်။
ဈေးရောင်းသည့် အချိန်တွင် တစ်စုတစ်စည်းထဲ ရောင်းကြခြင်းမဟုတ်။ တစ်ဦးချင်း လမ်းခွဲကာ ကလေးမြို့ထဲတွင်လှည့်လည်ရောင်းကြခြင်းဖြစ်သည်။သူတို့အထဲမှ အသက်အငယ်ဆုံး ကလေးမလေးမှာ အသက်(၁၄)နှစ်ဝန်းကျင်အရွယ်ခန့်ရှိပေမည်။ အဖြူ၊အပြာ၊ အ၀ါနှင့် ရောင်စုံသစ်ခွပန်းစည်းများက
သူ့ကျောပေါ်ရှိ ပလိုင်းထဲတွင် ပြည့်နေသည်။
ကလေးမြို့သို့ရောက်သည့်အချိန်ကား မနက် ၇ နာရီ ရှိချေပြီ။ နေ၏ အလင်းရောင် ထွက်သည်နှင့်ပူစပ်စပ် နေရောင်က ကျလေသည်။ ခေါင်းဆောင်းစရာမပါသာ ချင်းတိုင်းရင်းသူကလေးမှာချွေးများစို့၍ မောပမ်းနွမ်းလျပုံပေါ်နေ၏။
ချင်းတောင်ပေါ်မှခူးလာပြီး တကူးတက လာရောင်းသည့် သစ်ခွပန်းလေးများကို တစ်စုံတစ်ယောက်များ ၀ယ်လေမလားဟူသည့် မျှော်လင့်ချက်သမ်းနေသောအကြည့်များ သူမ၏မျက်ဝန်းတွင်ပြေးလွှားနေသည်။
ဗမာစကား သိပ်မတက်ကြဘူးလေ။ မြို့ပေါ်မှာ တစ်လမ်းဝင် တစ်လမ်းထွက်လျှောက်သွားနေတာ။ ၀ယ်ချင်တဲ့သူက ခေါ်တော့မှ သူတို့ သစ်ခွပန်းကိုရောင်းကြတယ်ဟု ကလေးမြို့မှ အသက် ၅၀ ကျော်ခန့်ရှိ အမျိုးသမီး တစ်ဦးကပြောသည်။ အချိန်ကား နေ့လယ်(၁၁)နာရီခွဲခန့်ရှိနေပြီ။ နေအပူရှိန်က ပို၍ အားကောင်းလာသည်။ မြို့ထဲတွင် လှည့်လည်ရောင်းနေဆဲဖြစ်သည်။
ပန်းက နှစ်စီးကို ငါးရာပါဟု ချင်း အသံဝဲ၀ဲကလေးဖြင့် ထိုကလေးမက ဗမာလို ပြောသည်။သစ်ခွပန်း ဆယ့်နှစ်မျိုးခန့်ပါရှိပေသည်။ ပန်းများသည် အကြီး အသေး၊ အရောင်အသွေး မျိုးစုံလှသည်။ နှစ်ပင်ခန့်ကို တစ်စည်းသတ်မှတ်သည်။အပင်ကြီးသည့် ပန်းများကို တစ်ပင်တည်းဖြင့် တစ်စည်းသတ်မှတ်သည်။တောင်ပေါ်တွင် ပွင့်သည့် ပန်းများဖြစ်သည့်အတွက် ငွေရင်းစိုက်ထုတ်ရန်မလို။ သစ်ပင်အမြင့်ကြီးများထိပ်တွင် တွယ်ကပ်ပေါက်နေတတ်သော
သစ်ခွပန်းများကို စွန့်စားခူးယူခဲ့ကြရသည်။ နှစ်စီးကိုငါးရာဟုဆိုသော် ထိုကလေးမတွင် ပါလာသည့် ပန်းစည်းများအားလုံး၏ တန်ဖိုးမှာ
ကျပ် ခုနှစ်ထောင်မှ တစ်သောင်း ၀န်းကျင်ခန့်သာရှိပေမည်။ နေမွန်းတည့်ချိန်သို့ ရောက်လုနီးပြီ။ ပုလိုင်းထဲတွင် ပန်းများက ထက်ဝက်ပင် မကျိုးလှသေး။ မောပန်းနွမ်းလျမှုနှင့်အတူ ဆာလောင်မွတ်သိပ်ခြင်းတို့က ပေါင်းဖက် နှိပ်စက်နေဟန်တူ၏။
အခု ချိန်ထိ ထမင်းမစားရသေးဘူး ဟု သူမ၏ ဗမာလိုပြောလိုက်သည့် အသံက ၀ဲသည့်အပြင် ရှက်စ်ိတ်နှင့် သိမ်ငယ်စိတ်ကလေးများ ရောထွေးနေသည်။
သို့သော် နောက်ထပ်ပွင့်အန်လာသည့် စကားလုံးများထဲတွင် သူမ၏စိတ်ခွန်အားများကို ထိတွေ့ခွင့်ရလိုက်သည်။ ၉ တန်းအောင်ပြီး ကျောင်းနားထားရသည်ဟု ဆိုသော်လည်း နောက်နှစ်တွင် ကျောင်းပြန်တက်မည့် ရည်မှန်းချက်က ခိုင်မာနေသည်။ တတိယမြို့တော်ကြီးတွင် ၁၀ တန်းပြန်တက်ရန်အတွက် စိတ်အားထက်သန်နေသည်။မိသားစု စားဝတ်နေရေးအတွက်
သူ့ပုခုံးထက်မှာ သူနိုင်သမျှထမ်းနေခြင်းလည်းဖြစ်၏။
ကျောင်းပညာဆက်သင်ယူဖို့ စိတ်ထက်သန်မှုပြင်းပြနေသော သစ်ခွပန်းရောင်းသူလေးကဲ့သို့ ပညာရေးနှင့် မိသားစုစားဝတ်နေရေးအတွက် ချင်းတောင်တန်းကြီးပေါ်တွင်မည်မျှရှိမည်ကို မခန့်မှန်းနိုင်တော့ပေ။
ယခုလိုမိုးရာသီတွင် ချင်းတောင်တစ်ခုလုံး ညှို့မှိုင်းအုံ့ဆိုင်းပြီး မိုးက သည်းသည်းထန်ထန်ရွာသွန်းတတ်ပေသည်။ ထိုကဲ့သို့ မိုးရွာလျှင်
ချင်းတောင်ကိုပြန်တက်ရမည့် အပြန်ခရီးက ခက်ခဲပင်ပန်းလှပေမည်။
သို့သော် ချင်းတောင်တန်းကြီးအိပ်တန်းမ၀င်ခင် ၂၁ မိုင်ဝေးသော အိမ်ပြန်လမ်းကို ခရီး နှင်ရပေဦးတော့မည်။
ကျော်သူစိုး(ကလေးမြို့)
Wednesday, June 12, 2013
ချင်းပြည်နယ်မှအပင်များ.."Stinking passion
flower" စူကာ၊တောစူကာ၊ခြင်းကြားပင် ...မျိုးရင်းက Passifloraceae ပါ
botanical name ကတော့ Passiflora foetida L. ပါ Habit: Climber/Creeper:
ဖြစ်ပြီး Common Names ကတော့ Sukar-gale, Taw-suka.လို့ခေါ်ပါတယ်..ဆေးဖက်ဝင်အပင်လည်းဖြစ်တယ်.ဒီမျိုးရင်းဝင်အပင်တွေထဲက
စားလို့ရတဲ့ ပင်မှဲ့သီး(Passiflora edulis Sims) ကတော့
လူသိများထင်ရှားလှပါတယ်၊ ချင်းပြည်နယ်တ၀ိုက်မှာတော့ ပင်မှဲ့သီးပင်တွေကို
အိမ်ရှေ့မှာစဉ်ထိုးပြီး စိုက်ကြတယ်၊ ဒီအပင်ကတော့ Genus တူပြီး species
ကွဲတဲ့ အရိုင်းပင်ပါ၊ သူ့အသီးကစားလို့မရပါဘူး၊ စူကာပင်လေးတွေက
ကားလမ်းနဘေးမှာနွယ်အနေနဲ့ အရိုင်းပေါက်ကြတယ်၊ ခုလို မိုးရာသီမှာ
ပွင့်ကြသီးကြပြီး နွေမှာတော့မတွေ့ရပါဘူး၊ အသီးက
ခြင်းတောင်းအကြားလေးနဲ့တူလို့တချို့က ခြင်းကြားပင်လို့တောင်ခေါ်ကြပါတယ်၊
သူ့ရဲ့ Stigma နဲ့ anthers များက တခြားပန်းများနဲ့မတူ ထူးခြားလှပါတယ်
(Thetnaingookalayun 6-13)
By- Dr.ThetNaingOo (Kalay University ) Facebook မှ
ချင်းပြည်နယ်မှအပင်များ.."ခရမ်းပန်း"..မြန်မာလိုမသိလို့ ကိုယ့်ဘာသာ ပေးလိုက်တဲ့အမည်ပါ၊ သေသေခြာခြာကြည့်တော့ ခရမ်:အပွင့်နဲ့အရမ်းတူတာ၊ ဒါပေမဲ့သူက ပိုကြီးပြီးအရောင်ပိုတောက်တယ်၊ ပြီးတော့အဆုပ်လိုက်လည်းပွင့်တယ်၊ မျိုးရင်းက ခရမ်းမျိုးရင်း Solanaceae ပါ မျိုးစု Genus ကတော့ Solanum ဖြစ်ပါတယ်၊ species ကတော့ရှာဆဲပါ၊ အဝေးကကြည့်ရင်အရမ်းလှပါတယ်၊ ခုဟာက အပွင့်နဲနဲကျသွားပြီ၊ ကြို့သုံးပင်ကျေးရွာ၊ အိမ်တအိမ်ရဲ့ရှေ့မှာအလှစိုက်ထားတာပါ၊ မျိုးက တီးတိန်က ယူခဲ့ပြီးရအောင်စိုက်ထားတယ်လို့သိရတယ်၊ ကိုင်းချိုးပြီးစိုက်တာ ၃ ကိုင်းမှာတကိုင်းဘဲရှင်တာလို့ပြောပြတယ်၊ တီးတိန်မှာတော့ ပိုပြီးလှမှာပါ ရာသီဥတုအေးမြတာရော အစိုဓါတ်ပါဆိုတော့ပန်း ပိုခံမှာပါ၊ အိမ်ရှင် ချင်းအမျိုးသမီးကြီးကတော့ မင်္ဂလာဆောင်ပွဲတွေတောင် ဒီပန်းကို ပန်ကြတယ်လို့ပြောပြတယ်၊ ဘာဘဲပြောပြော PhD လုပ်နေတဲ့ ဆရာမလေးအတွက်တော့ ၀မ်းသာစရာ Specimen တခုပါ..(Thetnaingookalayuni:6-13)
By- Dr.ThetNaingOo (Kalay University ) Facebook မှ
ချင်းပြည်နယ်မှအပင်များ..".
By- Dr.ThetNaingOo (Kalay University ) Facebook မှ
Wednesday, May 1, 2013
အရင်တုန်းကနဲ့ အခု
Min Di Min
အရင်တုန်းက တစ်ပတ်နွမ်းကားလိုင်းတွေနဲ့ လမ်းကြမ်းကို ဖြတ်သန်းရင်း ခရီးသွားခဲ့ကြရတဲ့ ကလေးဒေသခံတွေဟာ ခုဆို အဆင့်မြင့် အဲကွန်းလေအိတ်ကားလိုင်းတွေ အလျှိုအလျှိုပေါ်လာလို့ စတိုင်ကျကျနဲ့ ခရီးသွားနိုင်ကြပါပြီ။ တစ်ချိန်တုန်းကဆိုရင် ခရီးသည်တင်လိုင်းတွေ ဘယ်လောက်များ တာဝန်မဲ့ခဲ့ကြသလဲဆို လမ်းမှာ ကားပျက်ရင်တောင် တာဝန်ယူပို့ဆောင်ပေးခြင်းမရှိခဲ့ကြ၊ ခရီးသည်သက်သာရေးထက် ကုန်ပိုတင်နိုင်ရေးသာ အရေးပေးခဲ့လို့ ခရီးသည်တွေမှာ ကားစီးနေစဉ် ခြေချခွင့်တောင်မရဘဲ တရားထိုင်သလို ထိုင်လိုက်ခဲ့ကြရ၊ အောက်က စပရိန်မွေ့ယာရွဲ့စောင်းနေတာကြီးကို ငယ်ပါစောင်းအောင် သည်းခံစီးခဲ့ကြရ ၊ ထွက်ချင်တဲ့အချိန်ထွက်လို့ ခရီးသည်အရေးကို တစ်စက်ကလေးမှ ဂရုမစိုက်ခဲ့ကြတဲ့ ကားဂိတ်များဟာ ခုဆို ဈေးလျှော့ပြီး ခရီးသည်ကို ဓားပြလို လိုက်လုနေကြရပါပြီ။ တစ်ချို့လည်း ခါတော်မီပြုပြင်ကြပြီး သူများလေအိတ်ဆို ကိုယ်လည်းလေအိတ်နဲ့ လိုက်ပြိုင်ကြပါတယ်။ ဘယ်လိုပဲပြိုင်ပြိုင် ခရီးသည်တွေအပေါ် စေတနာမထားခဲ့ကြတာမို့ သူတို့ရဲ့ သစ္စာရှိဖောက်သည်တွေကို စုဆောင်းမထားနိုင်ကြတာဟာ ရေရှည်မှာ ရည်တည်ဖို့လွယ်မှာမဟုတ်ပါဘူး။ ခရီးသည်တင်လိုင်းအသစ်တွေ ပေါ်လာတာ ၀မ်းသာစရာပါ။ လမ်းများကောင်းဦးမယ်ဆိုရင်တော့ ငွေရွှင်တဲ့ကလေးသားတွေဟာ နိုင်ငံပတ်နေကြဦးတော့မှာဖြစ်ပါတယ်။
နောက်တစ်ခုက အထူးကုဆေးခန်းတွေ အလျှိုအလျှိုပေါ်လာတာပါပဲ။ ဒီမှာတော့ အထူးကုဆေးခန်းတိုင်းက ပါရဂူဆရာဝန်တွေကို အချိန်ပိုင်းနဲ့လိုက်ချိတ်ပြီး ထိုင်ခိုင်းရတာမို့ ထူးခြားတဲ့တိုးတက်မှု ရှိမလာပါဘူး။ လူနာကို ၃း၃၀ ချိန်းပြီး ဆရာဝန်က ည ၈ နာရီလောက်မှ ရောက်ချင်ရောက်တာမို့ သေစရာရှိရင် သေဖို့လုံလောက်ပါတယ်။ ဘယ်အထူးကုဆေးခန်းကမှ ပိုကောင်းတယ်၊ ပိုစိတ်ချရတယ်ဆိုတဲ့ သတင်းကောင်း ပြန့်မလာပါဘူး။ ဆေးခန်းတွေက စေတနာအရည်အသွေးမပြည့်ကြပေမယ့် မြို့ခံတွေကတော့ အထူးကုရောဂါစွဲနေကြပါပြီ။ ဘာဖြစ်ဖြစ် အထူးကုနဲ့မှ ပြချင်ကြတော့တာကလား။ အထူးကုဆရာဝန်ကြီးတွေဟာ ဆေးခန်းများမှာ အချိန်တွေပိုင်းထိုင်ကြပါတယ်။ စမ်းသပ်ခက လူနာတစ်ဦး ၅၀၀၀ ကျပ်ပါ။ ကျန်တဲ့ ဘာညာတွေလုံးဝမပါဘဲကို ပေးရတဲ့ကြေးပါ။ ဆေးခန်းတစ်ခန်းကတော့ သူတို့ဆီမှာ လူနာ ၁၅ ဦးပဲလက်ခံပါသတဲ့။ တစ်ချို့ဆေးခန်းတွေကတော့ ဆေးရောင်းရတဲ့အပေါ်ကနေ လူနာရှင်တွေဆီက ငွေသဲ့ယူကြပြီး အချို့ဆေးခန်းတွေကတော့ စွယ်စုံစစ်ဆေးချက်တွေနဲ့ သဲ့ယူကြပါတယ်။ လူနာဆိုတာကတော့ ဖြစ်လာရင် ကုန်မှာပဲလို့သဘောထားကြတာမို့ ငွေကုန်တာထက် စိတ်သက်သာရာရရေးတော့ မျှော်လင့်ကြပါတယ်။ ကျွန်တော့် သူငယ်ချင်းက သူ့ဆိုင်ကယ်နဲ့ထိခိုက်မိလို့အမျိုးသမီးတစ်ဦးကို ဆေးခန်းပြပေးတာ သွေးချို၊ ဆီးချို၊ နှလုံး၊ သွေးတိုး၊ စတဲ့ ရောဂါစုံ အကုန်စစ်ပစ်လိုက်တာ တစ်ခါတည်း ၂သောင်းခွဲကုန်ပါသတဲ့။ အစမ်းသပ်ခံရတဲ့ အမျိုးသမီးဟာ နောက်နေ့မှာ လေးလလောက်ငုပ်နေတဲ့ မီးယပ်တွေ ပြန်ပေါ်လာတယ်လို့ ပြသနာရှာတာမို့ နောက်ထပ်ဆေးဖိုး ငါးသောင်းထပ်ကုန်ကျခံရပါသတဲ့။
ဗိုက်နာနာနေလို့ တောကနေတက်လာတဲ့ ခယ်မတော်ကတော့ အထူးကုနဲ့ပြပြီး အထွေထွေစစ်ဆေးမှု ခံယူ၊ စီတီစကင်ရိုက်ပြီး နောက်နေ့အဖြေသိဖို့ ပြန်ချိန်းတာ ဆရာဝန်ကြီးရောက်မလာလို့ ည ၁၀နာရီခွဲထိ စောင့်ခဲ့ရပါတယ်။ နောက်နေ့လည်း အဲဒီဆရာဝန်ကြီး လာဖို့မသေချာတာမို့ လက်ထောက်ဆရာဝန်နဲ့သာ အဖြေတွေသိဖို့ပြခဲ့ရပါတယ်။ ညည နာလွန်းလို့မအိပ်နိုင်တဲ့သူ့အတွက် တစ်မိသားစုလုံး စိတ်ဆင်းရဲကြရပါတယ်။ ဆရာဝန်ကြီးနဲ့ပြထားတာမို့ ဗမာဆေးလည်းမတိုက်ရဲ၊ ဘာဆက်လုပ်ရမှန်းလည်းမသိဖြစ်ကြရပါတယ်။ အထူးကုဆေးခန်းက စာရေးမလေးလည်း လူနာနဲ့ ဆရာဝန်ကြားမှာ ဗျာများရပါလေတယ်။
ကျွန်တော့်ရဲ့ ဇနီးသည်မိခင်လောင်းကိုတော့ စစ်ဆေးရုံက အထူးကုနဲ့အပ်ထားပါတယ်။ ပြုစုစောင့်ရှောက်မှု အလွန်ကောင်းတယ်လို့ စစ်ဆေးရုံဟာ ခုတစ်လော နာမည်ရနေပါတယ်။ ပြည်သူ့ဆေးရုံက အရပ်သားဆရာဝန်များ ကောင်းတဲ့ဘက်ကို ယှဉ်နိုင်ကြစေချင်ပါတယ်။ ခွဲခကတော့ တစ်သိန်းလောက်ကျနိုင်တယ်လို့ အရင်တက်ဖူးသူများက ကြိုတင်ရှာဖွေထားဖို့ သတိပေးထားလေရဲ့။ ဇနီးသည်ကတော့ စစ်သားဆရာဝန်လေးငါးယောက်က ၀ိုင်းပြီး မွေးပေးကြမယ့်အဖြစ်ကို ကြိုတွေးလို့ ရှက်နေရှာပါတယ်။ ရွာပြန်ပြီး အရပ်လက်သည်နဲ့မွေးမယ် တကဲကဲလုပ်နေလို့ ကျန်းမာရေးကိစ္စပဲ ၊ ရှက်မနေနဲ့လို့ပြောထားရပါတယ်။
သေချာတာကတော့ ကလေးမြို့ ဆေးခန်းတွေနဲ့ ဆေးဝန်ဆောင်မှုဟာ ပြသနာများစွာရှိနေဆဲပါပဲ။
ကားလိုင်းအသစ်တွေ တိုးလာလို့ ခရီးသွားရတာအဆင်ပြေသလို အထူးကုဆေးခန်းတွေလည်းတိုး၊ လူနာတွေလည်းအဆင်ပြေစေချင်ပါတယ်။ စေတနာနဲ့ကုသပေးပြီး သစ္စာရှိဖောက်သည်တွေ စုမထားနိုင်ကြရင်တော့ နာမည်ကောင်းကျန်မှာမဟုတ်သလို ရေရှည်လည်း မြဲနိုင်ကြမှာမဟုတ်ပါဘူး။
Tuesday, April 23, 2013
Friday, April 19, 2013
Thursday, April 18, 2013
New Apk File
အခုသုံးနေတဲ့ Apk File လေး အဆင်မပြေရင် အောက်က လင့်မှာ ဒေါင်းပါ ... Last Version ပါ ။
ဒေါင်းရန်
.jpg)
.jpg)
Subscribe to:
Posts (Atom)
Contact
ဆက်သွယ်ဝေဖန်အကြံပေးနိုင်ပါသည်။
