ရိုမန်တစ် ကဝေ

လွမ်းတယ်...
အလိုက်ကမ်းဆိုးမသိတတ်တဲ့
မင်းရဲ့ နှုတ်ခမ်းအိုးလှလှလေးတွေကိုလွမ်းတယ်။
လွမ်းတယ်
မြားပေါင်းများစွာလက်တည့်စမ်းထားတဲ့
မင်းရဲ့နှလုံးသားလှလှလေးကိုလွမ်းတယ်။
လွမ်းတယ်
အစိမ်းရောင်ခြုံထည်တလွလွနဲ့
ကလေးမြို့ကတောင်တန်းတွေကိုလွမ်းတယ်။
လွမ်းတယ်
တောင်ကနေ မြောက်ကိုစီးတဲ့
မြစ်သာမြစ်ရဲ့ပြောင်းပြန်ခရီးမယ်လိုဒီကိုလွမ်းတယ်။

လွမ်းတယ်
ကလေးမြို့ဗိုလ်ချုပ်လမ်းပေါ်က
ငါတို့ရဲ့အညတရကဗျာညတွေကိုလွမ်းတယ်။
လွမ်းတယ်.....လွမ်းတယ်
အတိတ်ကအရိပ်လှလှတွေနဲ့
မိုးဦးကျကဗျာတွေကိုလွမ်းတယ်။
လပေါင်းအသင်္ချေ...နွေအနန္တ
မိုးညပျက်သုဉ်း...ဆောင်းလည်းပြုန်းထိ
လွမ်းမိနေဦးမှာပါပဲ။ ။

အောင်မှုးဝေ


ရတီမဂ္ဂဇင်း၊အောက်တိုဘာ၊၂၀၀၆

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အရပ်အခေါ် ဆင်တုတ်ကွေး

အန္ဒိယ- မြန်မာ နယ်စပ်မြို့ ဖြစ်တဲ့ တမူးမြို့နယ်တွင် အရပ်အခေါ် ဆင်တုတ်ကွေး ဟု ခေါ်သော အဖျားရော ဂါ တစ်မျိုး ဖြစ်ပွားနေသည်ဟု သိရှိရပါသည်။ ကလေးမြို့ နယ်တွင်းရှိ ကျေးရွာများ နှင့် မြို့ပေါ်ရှိ လူအချို့မှာလည်း ထိုရောဂါမျိုး ဖြစ်ပွားသည်ဟု သိရှိရပါသည်။ ၎င်း ရောဂါ၏ လက္ခဏာမှာ အကြောများ တစစ်စစ် ကိုက်ခဲခြင်း၊ အရိုးအဆစ်များ ကိုက်ခဲခြင်း၊ အသားများ ရောင်လာ၍ အားအင်ကုန်ခမ်းကာ ဖျားလာကြောင်း သိရှိရပါသည်။ အနောက်တိုင်း အကိုက်အခဲ ပျောက်ဆေးများ စားလျှင် ပိုမို ကိုက်ခဲကြောင်းနှင့် မြန်မာ တိုင်းရင်းဆေး တစ်မျိုးမှာ ရောဂါ သက်သာကြောင်း သိရှိရပါသည်။ အဆိုပါ ရောဂါသည် မိသားစုတွင်းတွင် ကူးစက်ကြောင်း သိရှိရပါသည်။ ဒေသခံ ဆရာဝန်များ အနေဖြင့် ထိုရောဂါအား အမည် မတပ်နိုင်သေးကြောင်း သိရှိရပါသည်။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

နေသာပညာဒါန (၁၀) တန်းအောင် ဂုဏ်ပြုပွဲ

ယခုနှစ်တွင်လည်း နေသာပညာဒါန (၁၀) တန်းအောင် ကျောင်းသားကျောင်းသူများနှင့် ဂုဏ်ထူးရ ကျောင်းသားကျောင်းသူများ အား ဂုဏ်ပြုပွဲ အခမ်းအနားကို ၂၀၁၀ ခုနှစ် ဇွန်လ (၂၀) ရက်နေ့တွင် ပြုလုပ်ခဲ့ ပါသည်။ နေသာ ပညာဒါနမှ တက္ကသိုလ်ဝင်တန်းဖြေဆိုသူပေါင်း (၁၃၆)ဦး ရှိပါပြီး အောင်မြင်သူပေါင်း (၁၃၃)ယောက်၊ ကျရှုံးသူ (၃)ဦးသာ ရှိခဲ့ပါသည်။ ဂုဏ်ထူးရှင်ပေါင်း (၆၇) ဦး နှင့် အောင်ချက်ရာခိုင်နှုန်း ( ၉၇.၇၉ % ) ဖြစ်ပါသည်။
* ၅-ဘာသာ - ၂ - ဦး
* ၄-ဘာသာ - ၅ - ဦး
* ၃-ဘာသာ - ၅ - ဦး
* ၂-ဘာသာ - ၁၄ - ဦး
* ၁-ဘာသာ - ၄၁ - ဦး
မြန်မာစာ (၁၁ ) ဦး၊ အင်္ဂလိပ် (၉ )ဦး ၊သင်္ချာ (၅) ဦး၊ရူပ (၂၇ ) ဦး၊ ဇီဝ (၁၈) ဦး၊ ဘောဂ(၄၃) ဦး
ဖြစ်သည်ဟု သိရှိရပါသည်။

ဓါတ်ပုံများကို ဒီမှာကလစ်ပြီး ကြည့်ရှု့နိုင်ပါတယ် ။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

မြဆင့်ချယ် အမှတ်တရ

၂၀၁၀ ခုနှစ်၊ဇွနန်လ (၁၇) ရက်တွင် မြဆင့်ချယ် ကွယ်လွန်ခြင်း (၂) နှစ်ပြည့် အမှတ်တရ အခမ်းအနားအား အောင်မူးဂယ်လာရီတွင် ပြုလုပ်ခဲ့သည်။ အဆိုပါ အခမ်းအနားတွင် ကလေးမြို့မှ စာရေးဆရာများ၊ စာပေ ၀ါသနာရှင်များ ဂျာနယ်လစ်များ တက်ရောက်၍ အမှတ်တရ စကား၊ ကဗျာရွက်ခြင်း နှင့် မြဆင့်ချယ် ရေးသားခဲ့သော စာများ ဖတ်ခြင်း တို့ ပြုလုပ်ခဲ့သည်ဟု သိရှိရပါသည်။ အမှတ်တရ စာ စကားတို့ကိုလည်း ဆက်လက်ဖေါ်ပြပေးသွားပါမည်။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အချိန်များနှင့် ခရီးသွားခြင်း

မနေ့က .......
အိပ်မက်များကို ပြန်တူးဆွတော့
စိတ်ကူးအပျက် တစ်ခုနဲ့
နာရီ ရထားတစ်စင်း
တွေ့ရှိခဲ့တယ် ......။

တချို့ကတော့ ဝေဝေဆာဖူးပွင့်လို့
တချို့ကတော့ နွမ်းရိခြောက်သွေ့
တချို့လည်းြွေကလွင့်ခဲ့ပြီ ........
ကျော်လွန်ခဲ့တဲ့ ဘူတာတွေ
လွမ်းဆွတ်နေရုံမှ ဆုပ်ဆုပ်ပိုင်းခွင့်မရှိ ။

အတိတ်ကိုပြန်ငဲ့ကြည့်
မောင်ကံချိုရှိသည် ။
မြဆင့်ချယ်ရှိသည် ။
အငြင်းအခုံများ ရှိသည် ။
စနေစာပေအဖွဲ့ရှိသည် ။
ကုက္ကိုပင်တန်းတွေရှိသည် ။
နာရီစင် ရှိသည် ။
စက်ဘီးစီး ယဉ်ကျေးရှိသည် ။
ရည်းစားများလည်း ရှိသည် ။
မိုးနတ်မယ်ဆိုင် ရှိသည် ။
အခုတော့ ......
မမြဲခြင်းကို မလွန်ဆန်နိုင်ပြီဘဲ ။

ကမ္ပည်းမှာ တင်ကျန်
အလံကို စိုက်လို့
မသေတဲ့ဆေးကို သူစား
ကျောက်သား ရာဇဝင်ကို ထုထွင်းခဲ့
တမ်းခြင်းမဲ့တဲ့ မှတ်တိုင်တွေ
ဖေါက်ခဲ့တဲ့ လမ်းပေါ်
အရံသင့် စီးဆင်းနေရုံနဲ့
ငါတို့ ကျေနပ်ကြမှာလား .......။

ကိုယ်ရည်သွေး တီးလုံးတွေမတီးဘဲ
စိမ်းလန်းတဲ့ တောအုပ် စိုက်ပျိုးကြရအောင်
အတ္တဟိတ စကားလုံးလှိုင်းတွေ
ရိတ်သိမ်းကြရအောင်
မဟောင်းသော နေ့သစ်မှာ
မှတ်တိုင်တွေသာ စိုက်ထူကြစို့ ........။

ယွန်းအိမ်

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

မြဆင့်ချယ်(ခ)ခေါင်ခါးခါး(ခ)စုကောက်စိမ်း ၏ ပုံနှိပ်ဖေါ်ပြခဲ့ပြီးသော ၀တ္တုတို / ရှည် စာစု စာရင်း

မြဆင့်ချယ်(ခ)ခေါင်ခါးခါး(ခ)စုကောက်စိမ်း ၏
ပုံနှိပ်ဖေါ်ပြခဲ့ပြီးသော ၀တ္တုတို / ရှည် စာစု စာရင်း

၁။အုန်းခြစ်နှင့်လေယာဉ်ပျံ -ခေါင်ခါးခါး
ရင်ခုန်သံမဂ္ဂဇင်း(ဇန်န၀ါရီလ၊၁၉၉၇)
၂။တံခါးခေါက်သံ -မြဆင့်ချယ်
မဟာမဂ္ဂဇင်း(မတ်၊၁၉၉၉)
၃။မိတ်ဆွေများရဲ့ချိုင်းထောက် -ခေါင်ခါးခါး
မဟာမဂ္ဂဇင်း(ဇူလိုင်၊၂၀၀၀)
၎။ဦးလေးကြီးနဲ့မလုံးတင် -မြဆင့်ချယ်
မဟာမဂ္ဂဇင်း အခန်းဆက်ဝတ္ထူရှည် (ဇူလိုင်၊၁၉၉၉-၈ လ ဆက်တိုက်)
၅။ရီဝေယံတိုက်တန်းနစ်ဆရာဟောက်ရဲ့အချစ်စ်စစ်များ -မြဆင့်ချယ်
မဟာမဂ္ဂဇင်းဝတ္ထုရှည် (မတ်၊၂၀၀၀)
၆။တောင်တန်းများရဲ့သတ်ပုံ -စုကောက်စိမ်း
ရွှေအမြူတေ(အောက်တိုဘာ၊၂၀၀၀)
၇။သူမနှင့်မသာတည်းခိုခန်း -မြဆင့်ချယ်
မိုးဂျာနယ်(ဇွန်၊၂၀၀၀)
၈။အာရုဏ်ဆွမ်းအလှူရှင်များ -ခေါင်ခါးခါး
မြှားနတ်မောင်(အောက်တိုဘာ၊၂၀၀၀)
၉။အယား -ခေါင်ခါးခါး
မြှားနတ်မောင်(မတ်၊၂၀၀၁)
၁၀။အိုကြီးအိုမများနှင့် တွေ့ဆုံခြင်း -ခေါင်ခါးခါး
ကလျာ(ဧပြီ၊၂၀၀၁)
၁၁။ခင်ဗျားတို့တငြင်းငြင်းတခုန်ခုန်ဖြစ် -ခေါင်ခါးခါး
ဖြစ်နေကြတဲ့ ပိုစ့်မော်ဒန်သပွတ်အူဝတ္ထု
စတိုင်သစ်မဂ္ဂဇင်း(မေ၊၁၉၉၉)
၁၂။ချက်ကော့သေနတ်နှင့်ကျနော့်ပုတီး -ခေါင်ခါးခါး
ရနံ့သစ်မဂ္ဂဇင်း(ဇွန်၊၂၀၀၂)
၁၃။ဖနိုင်သူနှင့်အင်တာဗျူး -မြဆင့်ချယ်
နွယ်နီမဂ္ဂဇင်း(ဇူလိုင်၂၀၀၂)
၁၄။လက်နဲ့ရေးတဲ့စာ -မြဆင့်ချယ်
မုခမဂ္ဂဇင်း(သြဂုတ်၂၀၀၂)
၁၅။ချစ်တီးမလေးရဲ့ အကုသိုလ်နှင့် -မြဆင့်ချယ်
အခြားဝတ္ထုတိုများ
နွယ်နီမဂ္ဂဇင်း(ဖေဖေါ်ဝါရ်ီလ)
၁၆။အမေ့ကုသိုလ်များမှသည် -မြဆင့်ချယ်
လုံမလေးမဂ္ဂဇင်း(ဧပြီ၊၂၀၀၂)
၁၇။တစ်ခုလပ်မီးခိုးများ -မြဆင့်ချယ်
မြန်မာ့ဓနမဂ္ဂဇင်း (သြဂုတ်၊၂၀၀၂)
၁၈။ကြွေပန်းပွင့်ချိန်နှင့်အခြားဝတ္ထုတိုများ -ခေါင်ခါးခါး
မြှားနတ်မောင်မဂ္ဂဇင်း (မေ၊၂၀၀၂)
၁၉။နေအ၀င်စောကြသူများနှင့်အင်တာဗျုး -မြဆင့်ချယ်
ချယ်ရီမဂ္ဂဇင်း(အောက်တိုဘာ၊၂၀၀၂)
၂၀။အလှပြင်ဆိုင်က မိန်းမတစ်ယောက်ရဲ့ -ခေါင်ခါးခါး
နောက်ဆုံးပေါ်မျက်ရည်
Image Magazine(ဒီဇင်ဘာ၊၂၀၀၂)
၂၁။နှင်းဆီနီရဲ့ည -ခေါင်ခါးခါး
ရွှေအမြူတေ(ဇန်န၀ါရီ၊၂၀၀၃)
၂၂။အဘိုးကြီးလေးယောက်ရဲ့ညနေခင်း -ခေါင်ခါးခါး
ရနံ့သစ် (ဖေဖေါ်ဝါရီ၊၂၀၀၃)
၂၃။မိန်းမတစ်ယောက်ရဲ့ ဆောင်း စောင်းစောင်း -မြဆင့်ချယ်
ချယ်ရီမဂ္ဂဇင်း(ဖေဖေါ်ဝါရီ၊၂၀၀၃)
၂၄။သမီးကလေးရဲ့ဓါတ်ပုံ -ခေါင်ခါးခါး
ချယ်ရီမဂ္ဂဇင်း(ဇန်န၀ါရီလ၊၂၀၀၃)
၂၅။အတတ်ပညာမပါတဲ့ဝတ္ထု -မြဆင့်ချယ်
ရနံ့သစ်မဂ္ဂဇင်း(ဇန်န၀ါရီ၊၂၀၀၃)
၂၆။မတ်တတ်စကား -ခေါင်ခါးခါး
နွယ်နီမဂ္ဂဇင်း(ဇူလိုင်၊၂၀၀၃)
၂၇။ဦးဘအောင်သို့ပြိုင်တူညတွေ -စုကောက်စိမ်း
Image Magazine (ဇွန်၊၂၀၀၃)
၂၈။ဦးဘအောင်ရဲ့အတောင်ပံများ -မြဆင့်ချယ်
မြရည်သီတာမဂ္ဂဇင်း(မေ၊၂၀၀၃)
၂၉။၂၀၀၂ခုနှစ်အတွက်နောက်ဆုံရေးတဲ့တ္ထု -ခေါင်ခါးခါး
မြရည်သီတာမဂ္ဂဇင်း(မေ၊၂၀၀၃)
၃၀။သနပ်ခါးထိန်း -ခေါင်ခါးခါး
ကလျာမဂ္ဂဇင်း(မတ်၊၂၀၀၃)
၃၁။ဖိုးလုံးနှင့်ကြောင်ကလေးများ -ခေါင်ခါးခါး
ရွှေအမြူတေမဂ္ဂဇင်း(စက်တင်ဘာ၊၂၀၀၃)
၃၂။ပိုးဖလံများနှင့် တွေ့ဆုံခြင်း -ခေါင်ခါးခါး
မှုခင်းရောင်စုံမဂ္ဂဇင်း(မတ်၊၂၀၀၄)
၃၃။လိပ်ပြာကလေးတွေရေးတဲ့ပန်းချီ -စုကောက်စိမ်း
Image Magazine(နိုဝင်ဘာ၊၂၀၀၄)
၃၄။လရောင်အောက်ကြိုးတန်းပြီး အ၀တ်လှန်းတဲ့မြို့ -ခေါင်ခါးခါး
ချယ်ရီမဂ္ဂဇင်း (နိုဝင်ဘာ၊၂၀၀၄)
၃၅။မဖတ်ချင်ဘဲဖတ်ခဲ့ရတဲ့မဝေးလှသော -ခေါင်ခါးခါး
တောင်တန်းပေါ်က ၀တ္ထုမဟုတ်တဲ့ဝတ္ထု
သည်းထိတ်ရင်ဖိုမဂ္ဂဇင်း(နိုဝင်ဘာ၊၂၀၀၄)
၃၆။လူသားဆန်တဲ့လူသားဝတ္ထု -မြဆင့်ချယ်
နွယ်နီမဂ္ဂဇင်း(မေ၊၂၀၀၄)
၃၇။တောခြောက်ကြသူများ -ခေါင်ခါးခါး
သည်းထိတ်ရင်ဖိုမဂ္ဂဇင်း(မတ်၊၂၀၀၄)
၃၈။ချစ်ခြင်းမေတ္တာများနှင့်တွေ့ဆုံခြင်း -မြဆင့်ချယ်
မှုခင်းရောင်စုံမဂ္ဂဇင်း(ဧပြီ၊၂၀၀၄)
၃၉။ချိုချို -ခေါင်ခါးခါး
နွယ်နီမဂ္ဂဇင်း(သြဂုတ်၊၂၀၀၄)
၄၀။ကမ္ဘာဦးကတည်းကသည်းခဲ့တဲ့ရောဂါ -ခေါင်ခါးခါး
ရွှေအမြူတေ(ဇန်န၀ါရီ၊၂၀၀၅)
၄၁။အဖော်ငတ်သူလေးရဲ့စာမျက်နှာ -ခေါင်ခါးခါး
ရွက်နုဝေ(ဒီဇင်ဘာ၊၂၀၀၁)
၄၂။အာရုံများရဲ့အရုဏ်ဦး -ခေါင်ခါးခါး
ရွှေအမြူတေ(ဧပြီ၊၂၀၀၈)
၄၃။တစ်နွေပျိုကထမင်းအိုးလေးရဲ့ခေါင်းဆောင်ရှင် -ခေါင်ခါးခါး
ရတီမဂ္ဂဇင်း(ဒီဖင်ဘာ၊၂၀၀၄)
၄၄။ဘ၀နံပါတ်ကိုးဆယ့်နှစ် -မြဆင့်ချယ်
စတိုင်သစ်(ဖေဖေါ်ဝါရီ၊၂၀၀၃)
၄၅။နှလုံးသားနှင့်အင်္ဂလိပ်စာ -မြဆင့်ချယ်
ရတီမဂ္ဂဇင်း(အောက်တိုဘာ၊၂၀၀၃)
၄၆။မျက်ရည်များနှင့်အင်တာဗျူး -ခေါင်ခါးခါး
မှုခင်းရောင်စုံ(စက်တင်ဘာ၊၂၀၀၃)
၄၇။ကောင်မလေးရဲ့လက်ဖ၀ါးထဲမှာရောင်ရှိသည် -မြဆင့်ချယ်
Image Magazine (ဧပြီ၊၂၀၀၂)
၄၈။တယ်လီဖုန်းတွေမြင်ရင် နာကျင်နေတတ်သူဆီက -ခေါင်ခါးခါး
ကျွန်တော်ဆီရောက်ရောက်လာသောစာများ
Image Magazine (ဖေဖေါ်ဝါရီ၊၂၀၀၃)
၄၉။သင်္ချိုင်း -မြဆင့်ချယ်
Image Magazine (ဧပြီ၊၂၀၀၃)
၅၀။သနပ်ခါးနှင့်စက်ဘီးလေး -မြဆင့်ချယ်
Faces မဂ္ဂဇင်း(စက်တင်ဘာ၊၂၀၀၄)
၅၁။အပျောက်ကောက်ခံလိုက်ရတဲ့ -ခေါင်ခါးခါး
ယောက်ကျားတစ်ယောက်ရဲ့သိက္ခာ
Image Magazine (မေ၊၂၀၀၃)
၅၂။ညီမလေးလည်းလှချင်တယ် -စုကောက်စိမ်း
လုံမလေးမဂ္ဂဇင်း(အောက်တိုဘာ၊၂၀၀၂)
၅၃။ညီမလေးရွှာတဲ့မိုး -မြဆင့်ချယ်
Image Magazine (စက်တင်ဘာ၊၂၀၀၃)
၅၄။ဒဂုန်တာရာဆန် -မြဆင့်ချယ်
ကဘော်မဂ္ဂဇင်း အမှတ်(၂)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အမှတ်တရစကားများ

ကျွန်မတို့အနေနဲ့...
ဆရာခေါင်ခါးခါး(ကလေး)ရဲ့စာအသစ်တွေမဖတ်ရတော့ဘူးဆိုတွေးမိတိုင်း
ဝမ်းနည်းရပါတယ်။ ။


မိုင်းမိုင်းမွန်(ခ)မိုးမမမွန်

စာရေးဆရာ/အယ်ဒီတာ

ဖက်ရှင်မဂ္ဂဇင်း၊ရန်ကုန်



ရေးသလောက်ကောင်းခဲ့တဲ့လူပါ.....။ ။




အောင်ဘညို(ကဗျာဆရာ)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

သက္ကရာဇ် ဗုံသံချိုချိုတွေနဲ့ လမင်းကို မျိုထားတဲ့မြို့ကလေး

ရေးသူ...အောင်မှူးဝေ

သူ့ အရင်နာမည်ကကျေးတောင်ညို
အမှောင်ဆိုရင်
ချောင်ကြိုချောင်ကြားကတောင်လက်မခံ
လရောင်ကို စားမာန်ခုတ်ခုတ်ပြီး
ခေတ်သစ်ကိုယ်ပိုင်ဟန်ရိုးရိုးကုပ်ကုပ်ကလေးနဲ့
တောင် သေလာဦးထုပ်အောက်မှာ
ကိုယ်ထူကိုယ်ထအလင်းတွေ ထုတ်လုပ်နေတဲ့မြို့
ဆိုလာပြားတွေ ၀င်းနေတဲ့မြို့
အထွေးတို့ရဲ့မြို့.........
ချိုအေးတို့ရဲ့မြို့.............
မြဆင့်ချယ်ရဲ့မြို့............
မောင်ကံချိုရဲ့မြို့...........
ဆောင်ရန်ရှောင်ရန်တွေမလိုတဲ့မြို့
ငါတို့ရာဇ၀င်တွေကိုရေလောင်းပေါင်းသင်ပေးတဲ့မြို့
ကလေးမြို့...............။


ဒီမြို့မှာ............လက်ခမောင်းပြောင်းပြန်ခတ်တဲ့မြစ်ကလေးနဲ့
ဒီမြို့မှာ............ကတ်တီးကတ်ဖဲ့ ငါလိုကဗျာဆရာတွေနဲ့
ဒီမြို့မှာ...........သူ့မဟူရာလည်ဆွဲကို
လူကြားသူကြားထုတ်ထုတ်ကြွားတတ်တဲ့
တောင်ဇလပ်ဟိုတယ်ရှေ့
မြို့လယ်ခေါင်လေယာဉ်ကွင်းကလေးနဲ့
ဒီမြို့မှာ.....သံသရာဆွဲဆန့်သလို
မြန်မာအိန္ဒိယချစ်ကြည်ရေးလမ်းကြီးနဲ့
ဆယ့်နှစ်ရာသီ............
ပန်းပွင့်နံပါတ်ဆယ့်နှခုစလုံးပဲ
မြန်မာဘုရားပွဲ.....ကုလားဘုရားပွဲ
ခရစ်ယာန်ဘုရားပွဲ...........အစ္စလာမ်ဘုရားပွဲတွေနဲ့
အစားလည်းတော်တော်ပုပ်တဲ့မြို့ကလေး
တရားလည်းတော်တော်ဟုတ်တဲ့မြို့ကလေး
ဝေးခဲ့ပေါ့
ခေတ်ဟောင်းတေးနဲ့ငါနဲ့ဝေးသလို
ငါ့မြို့ကလေးနဲ့ ငါနဲ့ဝေးခဲ့ခြင်း
လမင်းကိုမျိုမျိုပြီး
သက္ကရာဇ်ဗုံသံချိုချိုတွေနဲ့
လင်းချင်တိုင်းလင်းနေတဲ့မြို့ကလေးရေ
သင့်....တေးသံတွေကျန်းမာစွာအတောင်ပံခတ်စေကြောင်း
ဒီကဗျာရေးရင်းငါဆုတောင်းလိုက်တယ်။ ။



အောင်မှူးဝေ
၂၀၁၀-ခုနှစ် မေလ ထုတ် ဖက်ရှင်အင်းမေ့ခ်ျမဂ္ဂဇင်း

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

(၂) နှစ်ပြည့် အလွမ်း

ကလေးမြို့ မှ ကွယ်လွန်သူ စာရေးဆရာ မြဆင့်ချယ်၏ ၂၀၁၀ ခုနှစ် ဇွန်လ ၁၇ ရက်နေ့တွင် ကျရောက်မည့် ၂နှစ် ပြည့် အထိမ်းအမှတ် အဖြစ် ပြုလုပ်သွားမည်ဖြစ်ပါ၍ အမှတ်တရ စာ/ ကဗျာ/စကား များကို kalay.328@gmail.com သို့ရေးသားပေးပို့နိုင်ပါသည်။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

စာရေးဆရာ မြဆင့်ချယ်၏ ကိုယ်ရေး အကျဉ်း

အမည်ရင်း ၀င်းဗို(ခ) ၀င်းနောင်ဆင့် ဖြစ်သည်။ ၁၉၆၅ ခုနှစ် ဒီဇင်ဘာလ (၂၂) ရက် ဗုဒ္ဓဟူးနေ့ တွင် စစ်ကိုင်းတိုင်း၊ကလေးမြို့ တွင် အဘ (ဦးဆင့်) အမိ (ဒေါ်တင်မြ) တို့မှ မွေးဖွားခဲ့သည်။ မွေးချင်း (၁၂) ယောက် အနက် (၈) ယောက်မြောက် သားဖြစ်သည်။
၁၉၈၁-၈၂-၈၃ တွင် တက္ကသိုလ်ဝင်တန်းကို ၀င်ရောက်ဖြေဆို၍ မအောင်မြင် သည့်နောက် ဘ၀မျိုးစုံတွင် ကျင်လည် ခဲ့သည်။ ထိုမှ စ၍ ၁၉၈၄ ခုနှစ်တွင် “နွေဆင့်ဆင့်နှောင်း” ဟု အမည်ရသော စာအုပ် အငှားဆိုင်ကို ဖွင့်လှစ်ခဲ့သည်။
၁၉၈၃ ခုနှစ် ဇူလိုင်လ ရုပ်ရှင် အောင်လံ မဂ္ဂဇင်းတွင် “ဂျူလီဆင်မြူရယ်” အချစ်ကဗျာဖြင့် စာပေနယ်သို့ စတင်ဝင်ရောက်ခဲ့သည်။ ၁၉၉၁ ခု ဖေဖေါ်ဝါရီလ လတွင် ပေဖူးလွှာ မဂ္ဂဇင်းတွင် အသက်အငယ်ဆုံး ကဗျာဆရာအဖြစ် “တစ်စုံတရာ” ကဗျာ ဖေါ်ပြခံရသည်။
၁၉၉၅ ခုနှစ် “ကလေး - နတ်ချောင်း” ရထားလမ်းဖွင့်ပွဲ အထိမ်းအမှတ် ကဗျာ ပြိုင်ပွဲတွင် “ရထားအမေ” ကဗျာဖြင့် ပထမဆု ရရှိခဲ့သည်။
၁၉၉၆ ခုနှစ် တွင်ပင် မီးရထား ၀န်ကြီးဌာနမှ ပြုလုပ်သော စာပေပြိုင်ပွဲတွင် ၀င်ရောက်ယှဉ်ပြိုင်၍ “ အလယ်က အသံ” ဟု အမည်ရသော ၀တ္ထူဖြင့် ဒုတိယဆု ရရှိပြီး စာအုပ်အဖြစ် ထွက်လာချိန်တွင် ထိုဝတ္ထူ ဖေါ်ပြခြင်း မရှိခဲ့ပေ။
ယင်းဆုပေးပွဲမှ အပြန် “ဆုခရီးစဉ်” ဆာင်းပါးကို ဆရာ မြတ်ခိုင်၏ မန္တလေးဂျာနယ် မဂ္ဂဇင်းတွင် ဖေါ်ပြပါရှိပြီး စာပေလောကကို ဂယက်ထ စေခဲ့သည်။ “မြဆင့်ချယ်” ဟူသော ကလောင်အမည်ကို လူသိထင်ရှား ဖြစ်စေခဲ့သော ဆောင်းပါဖြစ်ပြီး စာအိုးနှင့် ဗေဒါညိုတို့၏ ဝေဖန်ခြင်းကို ပြင်းထန်စွာ ခံရသူဖြစ်သည်။
၁၉၉၆ ခုနှစ် တွင် တတိယအကြိမ် မိုးမိုးအင်လျား အမှတ်တရ ရသ ၀တ္ထူတို ပြိုင်ပွဲတွင် “ခေါင်ခါးခါး” ဟူသော ကလောင်ခွဲဖြင့် နှစ်သိမ့်ဆု တက်ယူခဲ့သည်။ ၀တ္ထူအမည်မှာ “အဖြူအမည်း မြင်ကွင်းကျယ်” ဖြစ်သည်။
၁၉၉၆ ခုနှစ်တွင် မိုးကုတ်မြို့ စိန်ပန်းပြာ ကဗျာစာပေအသင်းမှ ပြုလုပ်သော အမေကဗျာ ဖိတ်ခေါ်ပြိုင်ပွဲတွင် တတိယဆု ကိုရရှိခဲ့သည်။
၁၉၉၈ ခုနှစ်တွင် ပဉ္စမအကြိမ် မိုးမိုးအင်းလျား ၀ထ္ထုတို ပြိုင်ပွဲတွင်“ဟိုဘက်လမ်းမှာ လူဆိုးတွေရှိတယ် နှင့်အခြားဝတ္ထုတိုများ” ၀ထ္ထုဖြင့် ဒုတိယဆုကို ရရှိခဲ့သည်။ ၁၉၉၉ ခုနှစ် ဆဌမအကြိမ် မိုးမိုးအင်းလျားဝထ္ထုတိုပြိုင်ပွဲတွင်“ခုခံအား ကျဆင်းသူများရဲ့ညနေ” ၀ထ္ထုဖြင့် အထူးဆုကို ရရှိခဲ့သည်။ ထိုမှစ၍ “စုကောက်စိမ်း(ကလေးဈေး)”ဟူသော ကလောင်အမည် ကိုမွေးထုတ်ခဲ့သည်။
၁၉၉၉ ခုနှစ် ရာပြည့်အကြို ဆရာကြီးဇေယျ အထိမ်းအမှတ် ပထမအကြိမ် ၀ါမိုးအောင် ၀ထ္ထုတိုပြိုင်ပွဲတွင် “ငှက်ကလေးတွေက တသုန်သုန်”၀တ္ထု စုကောက်စိမ်း (ကလေးဈေး) ၊ကလောင်ဖြင့် အထူးဆုရရှိခဲ့သည်။ ၂၀၀၀ ခုနှစ်သတ္တမအကြိမ်မြောက် မိုးမိုး(အင်းလျား)၀တ္ထုတို ပြိုင်ပွဲတွင် “ငှက်ခြေရာ လေမှာ ထင်စေတော့ရယ်လို့” ၀တ္ထုကို စုကောက်စိမ်း(ကလေးဈေး) အမည်ဖြင့်ပင် ဒုတိယဆု ရရှိခဲပြန်၏။
၂၀၀၂ ခုနှစ်တွင် ရွှေအမြုတေ ဦးဝင်းငြိမ်း ရွေးချယ်သည့် ဒုတိယအကြိမ် မြောက် အမေ ၀တ္ထုတိုပြိုင်ပွဲတွင်“ အနောက်ဘက် ကိုင်းနေသော သစ်ပင်များ” ၀တ္ထုကို ခေါင်းခါးခါး(ကလေး) အမည်ဖြင့် အထူးဆု ရရှိခဲ့သည်။
သူ၏အခြားကလောင် အမည်များမှာ သူးသူးလှည့်၊သိခက်သွေ၊ ရှိလက်ရွှေ၊ လက်စွမ်းချို၊ စွန်းဦးတင်၊ စစ်မြချို ၊လေညှင်း(ကလေး)၊ ညီညိုညက်၊ စစ်အောင်နိုင်၊ လေးလေးချော ၊ သမီးချော(ချင်းတောင်ခြေ)၊စိုမြလွင်၊ သင့်ကိုယ်စေ၊မြမောင်းချိန်၊အိုအိုခေါင်၊မြခေါင်စု၊ရိုးရိုး(ကလေး)၊စီဆီယီရီ၊စသည့် ကလောင်ခွဲများစွာဖြင့် ရေးသားခဲ့သည်။
သူ၏နောက်ဆုံး ရေးသားခဲ့သော စာမူမှာ “အိပ်မက် ဖူးကို တူးဖော်ကြသူများ” ဆောင်းပါးဖြစ်ပြီး ၂၀၀၈ ဇူလိုင်လထုတ် မြန်မာ့ ဓန မဂ္ဂဇင်းတွင် မျက်နှာဖုံးဆောင်းပါး အဖြစ်ပါရှိခဲ့သည်။
မြန်မာ့ဓန မဂ္ဂဇင်းမျက်နှာဖုံး ဆောင်းပါးအဖြစ် (၃) ကြိမ်မြောက် နောက်ဆုံး ဆောင်းပါးဖြစ်သည်။
ပထမအကြိမ်မှာ“နယ်စပ်မျဉ်းပေါ်က ငွေနှင်းမှုန်မှုန် နန်းဖာလုံနှင့် ရင်ခုန်ရသော အခြားဝတ္ထုတိုများ”(၂၀၀၂ ခုနှစ်မတ်လ)
ဒုတိယအကြိမ်မှာ “ချင်းတောင်ခြေသွားတောလား” ၂၀၀၂ ခုနှစ် ၊ဇူလိုင်လ တွင် မျက်နှာဖုံးဆောင်းပါး အဖြစ် ပါရှိခဲ့သည်။
သူ၏အကြိုက်ဆုံး စာရေးဆရာမှာ သိန်းဖေမြင့် ဖြစ်ပြီး အကြိုက်ဆုံး နိုင်ငံတကာ စာရေးဆရာမှာ ဂျွန်စတိန်းဘက် ဖြစ်သည်။ အကြိုက်ဆုံး စာအုပ်တစ်အုပ်မှာ မောင်လွန်းကြင်၏ “မေတ္တာ မြနှင်းရည် နှင့် အခြားဝတ္ထုတိုများ” စာအုပ်ဖြစ်သည်။
၂၀၀၈ ခုနှစ် ရွှေ အမြုတေ ၀တ္ထုရှည်စာပေဆု“ အာရုံများရဲ့ အာရုဏ်ဦး” ၀တ္ထုကို ခေါင်ခါးခါး(ကလေး)ဖြင့် ရရှိခဲ့သည်။
၁၉၉၉ ခုနှစ် နိုဝင်ဘာတွင် သာသနာ့ဘောင်သို့ ၀င်ခဲ့ပြီး ဦးဝိမလဘွဲ့တော်ဖြင့် သက်တော်(၄၄) နှစ် သိက္ခာတော် (၉)၀ါ၂၀၀၈ ခုနှစ် ဇွန်လ (၁၇)ရက် ည (၁၀း၃၀) တွင် (၉၆) ပါးသော ရောဂါဖြင့် ကလေးမြို့သံဃာ ဆေးရုံ၌ ပျံလွန်တော်မူ သည်။ မြဆင့်ချယ် (ခေါ်) ဦးဝိမလသည် ၂၀၀၈ ခုနှစ်ရွှေအမြုတေ စာပေဆုပေးပွဲ တက်ရောက်ရန် ဖိတ်ကြားခြင်း ခံရပြီး ဆုပေးပွဲ ကျင်းပရက် မတိုင်မီ ရက်ပိုင်းအလို၌ ဘ၀နတ်ထံ ပျံလွန်တော် မူခဲ့ခြင်းဖြစ်သည်။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

မငွေ

ရေးသူ မြဆင့်ချယ်

မငွေ မငွေ
ခင်ဗျားက……ကံကြမ္မာကို မယုံဘူး
ဘာသာရေးကို ….အလေးမထားဘူး
ဆွေမျိုးတွေနဲ့ဝေး……၀န်းကျင်းကို အရေးမလုပ်ဘူး။

ခင်ဗျားက
ပတ်ချွဲနပ်ချွဲနဲ့
ကောင်းကောင်းယုယပြတတ်တဲ့
ယောင်္ကျားတွေကိုပဲ အားထားတယ်

မငွေ…..
ခင်ဗျားက
ခင်ဗျား တွေ့ဖူးတဲ့ ယောင်္ကျားတွေနဲ့
ခင်ဗျားအတွက် မှားသလား…..မှန်သလား
ကျွန်တော်မစဉ်းစားမိပေမယ့်
ကျွန်တော့ အတွက် ခါးသီးရတယ်ဆိုတာတော့
အားနာနာနဲ့ ပြောပါရစေ။

မငွေ….
ခင်ဗျားက ယောင်္ကျားတွေကို ငွေနဲ့ပေးဝယ်တယ်
ခင်ဗျားမလိုချင်တဲ့အခါ
ပြန်ရောင်းထုတ်လို့ ရဖူးပါသလား

မငွေ….
မမြင်ရတဲ့ အရာတွေကို
ဘာလို့များ ချောင်းကြည့်နေတာလဲဗျာ
မမြင်ရတဲ့ အရာတွေကြား
လေ…..ပြီးရင်တော့ ယောင်္ကျားတွေပါ။

မငွေ….
ကျွန်တော်အရက်ကြိုက်တော့
ခင်ဗျားက အရက်ဝယ်တိုက်တယ
ကျွန်တော် အလုပ်မရှိတော့
နေ့စဉ် အသုံးစရိတ် ထုတ်ပေးမယ်။
တောင်းမှာ အကွပ်ဆိုပြီး
ကျွန်တော့ကို အ၀တ်တွေ ဆင်ပေးတယ်။
ဒါပေမဲ့…..

ခုတော့
ခင်ဗျားက
ယောင်္ကျားတွေကို အကြိုက်လိုက်လိုက်ပေးရင်း
ယောင်္ကျားတွေကို အရွဲ့တိုက်တိုက်ပြေးရင်း
ခင်ဗျားထိုးပေးတဲ့ ပါးကလေးကို
ကျွန်တော် မွှေးမွှေးမပေးဝံ့ ခဲ့ဘူး
ကျွန်တော့်ဘ၀ကို ကျွန်တော်တွန့်တိုတော့
ခင်ဗျားငိုပြန်ရော
ဒါမျိုးကိစ္စဆိုတာ သနားလို့မှမရတာ။

မငွေ….
ခင်ဗျားက
ယောင်္ကျားတွေကို ယောင်္ကျားတွေနဲ့ အရွဲ့တိုက်တယ်။
ယောင်္ကျားဆိုတာက
မိန်းမတွေ အရွဲ့တိုက်ဖို့ရာ
လိုက်ဖက်တဲ့အရာ မဟုတ်မှန်း
ခင်းဗျား ဆန်းစစ်ခဲ့ဖို့ကောင်းတာပေါ့။
လှည်းနင်းခံနေရတဲ့ ခွေးအမကြီးနှယ်
မရှူနိုင်မကယ်နိုင် ဒုက္ခရောက်တော့
ဘယ်သူက တစ်ခေါက်လာတွေ့ဖူးပါသလဲ။

တစ်ခါတစ်ခါတော့
သတိရပါတယ်…မငွေ
လွမ်းတယ်လို့တော့ ဟုတ်ဘူးပေါ့ဗျာ
ကျေးဇူးတင်စရာတွေက အများသား
ကျွန်တော်….မူးယစ်ဆေးဝါးသားကောင်ဘ၀နဲ့
ခွေးလိုတောင် မဟောင်နိုင်တဲ့ဘ၀မှာ
ခင်ဗျားက အိမ်ပေါ်ခေါ်ပျော်အောင်ထား
စားချင်တာဝယ်ကျွေး
“အေး…..မင်းဆေးဖြတ်ရမယ်”ဆိုပြီး
ကျွန်တောဘ၀ခရီးကို တဆစ်ချိုးပေး
အမေ့ရဲ့ ဒုက္ခအိုးကလေးလို သဘောထားလို့
ကိုယ့်သွေးသားနှယ် ပြုစုခဲ့တာတွေလည်း
ခုထိ….မေ့ပါဘူးဗျာ။

ငါ့မောင်….ငါ့မောင်….နဲ့
ခင်ဗျားထောင်သာကျသွားတယ်
ခင်ဗျား ကျွန်တော့်ကို ရမသွားဘူမို့လား။
ခင်ဗျားတွေ့ဖူးတဲ့ ယောက်ျားတွေနဲ့
ကျွန်တော့ကို တစ်တန်းတည်း ထားခဲ့ပေမယ့်
ခင်းဗျား…..အားစိုက်ခဲ့ရတာပဲ အဖတ်တင်တယ်
မဟုတ်ဘူး။
ပွင့်ပွင့်လင်းလင်း ပြောရရင်တော့
ခင်ဗျားကို….ကျွန်တော် ချစ်ကြည့်ခဲ့ဖူးပါတယ်
ဖျစ်ညှစ်ပြီးကို ….ကြိုးစားချစ်ကြည့်ခဲ့ဖူးပါတယ်။

ဒါပေမဲ့…
ကျွန်တော် ချစ်ချင်စရာလို့
ခင်ဗျားမှာ အသံလေးတောင် မရှိခဲ့ဘူး၊
ဘုရားစူးစေံ
ရင်တောင် ငွေ့ငွေ့မခုန်ခဲ့ပါဘူး
စက်ဘီးတစ်စီးတည်း တူတူမစီးရဲအောင်ကို
ခင်ဗျားကို ကျွန်တော် ချစ်မရခဲ့ဘူး။
ခင်ဗျားကို ကျွန်တော် ချစ်မရခဲ့ပုံများ
ခုနေ….ပြန်တွေးတာတောင်
ယောင်ယောင်လေးမျှ ချစ်မရသေးပါဘူး
ခင်ဗျားကြီး ကျွန်တော်မချစ်ဘူး။

မငွေ…ရာ
ယောင်္ကျားတွေရဲ့ ပလီပလာအပြောကို
တော်တော်မနောခွေ့ကိုး
ယောင်္ကျားတွေ တစ်ယောက်ပြီးတစ်ယောက်
ခေါင်း…..ခေါက်…..ခေါက်…ခေါက်ပြီး
ငွေနဲ့ပေါက်ဝယ်ထားခဲ့ပုံများ
ဟော…တစ်ယောက်ဟော…တစ်ယောက်
စိတ်ဆိုးရင်လည်းဆိုးဗျာ
လင်ကုန်ကူးနေသလား အောက်မေ့ရ
အားကိုးလောက်တဲ့ယောက်ျားဆိုလို့လည်း
ယောင်္ကျားဖြစ်နေတာတွေပဲရှိခဲ့တယ်။

မငွေ ….
ခင်ဗျား အိမ်ထောင်ရှိချင်တာလား
ကာမပိုင်လင်ယောင်္ကျား အနားမှာထားချင်တလား
အိမ်ဦးနတ်အဖြစ် ကိုးကွယ်ချင်တာလား
အဆွေခင်ပွန်း အဖြစ် ပေါင်းသင်းချင်တာလား
ခင်ဗျားကိုယ်ခင်ဗျား မေးကြည့်ဖူးပါသလား။
ယောင်္ကျားတွေဆိုတာက
အဆာပြေစားရတဲ့ မုန့်တစ်မျိုးမှ မဟုတ်တာ၊
ယောင်္ကျားဆိုတဲ့ မြေလွှာတွေကို
ခင်ဗျားဘယ်လောက်ထိ
နက်နက်တူးသွားနိုင်ခဲ့ပါသလဲ
ခင်ဗျား ဘယ်လောက်ထိ နားလည်သွားခဲ့ပါသလဲ
သေချာတာကတော့……
ခင်ဗျား ကျွန်တော့်ကို ခံစားလို့ရမသွားဘူးမို့လား။
လှည့်ရှာဖောက်ပြားစရာချည်း။

ကျွန်တော်လည်း
ယောင်္ကျားစစ်စစ်ကြီးပါဗျာ
ပက်ပက်စက်စက်
မြက်မြက်ကလေး ချစ်တတ်တာပေါ့။
ဘာဆန်းလဲဗျာ
ယောင်္ကျားတစ်ယောက်အတွက်ကတော့
ချစ်ရမ္မက်ဆိုတာ
တံတွေးပစ်ကနဲ ထွေးရသလောက်ပဲမဟုတ်လား
အားတော့နာပါရဲ့
အဝေးကြည့်ဘ၀နဲ့လည်း
တမြမြ တသသ တန်ဖိုးထားလို့ရတာပေါ့။
ယောင်္ကျားဆိုမှတော့
ဖောက်ပြားမယ် ဆိုလည်း
ထောက်ထားမယ် ဆိုလည်း
ငဲ့ညှာထောက်ထားစရာချည်း
လိင်ထီးဆိုတဲ့ နာမကို
တည့်တည့်ကြီး ခ၀ါချရင်
ဘာမှမကျန်ပါဘူး
ရိုးရိုးကလေးနဲ့ ဆန်းနေတာကို
ခင်ဗျားမို့ ရှူးနှမ်းခဲ့ပုံများ
ပြောရတာတောင် အားနာစရာ
ခုတော့လည်းဒါတွေပြီးခဲ့ပြီပေါ့။

မငွေ……
မိုးတွေ တသုန်သုန်စွေနေပေါ့
လေပြည် လေပြင်းတွေ စင်ပေါ်တက်နေပေါ့
လျှပ်စီးတွေ ကဲကဲ လောင်လောင်မှာ
ငါ့မောင်….ငါ့မောင်…ဆိုတဲ့
ရမ္မက်အရောင်တွေနဲ့ အသံထူထူဟာ
ခုတော့လည်း လူသူနဲ့ဝေး
အားပေးဖော်ဆိုတာ သောကတင်းကျမ်းတွေလား
ခင်ဗျားသေသွားပြီလို့ သတင်းကြားရတဲ့ညက
ကျွန်တော် အရက်၀၀သောက်နိုင်ခဲ့တယ်။
ခင်ဗျားထိုးထိုးပေးခဲ့တဲ့ ပါးနှစ်ဖက်ဟာ
ခုတော့လည်း အကောင်းစား အမြည်းတစ်ခွက်ပေါ့
ဆားတော့ နည်းနည်းငန်တယ်။

ပြစ်မှုကြွေး ချွေးနဲ့ဆပ်ရင်း
ပြတ်တောက်သွားခဲ့ရတဲ့ ကြိုးတစ်ချောင်းဟာ
သုံးလွန်းတင်ခဲ့ရတာပဲ အဖတ်တင်ခဲ့တယ်။

လွမ်းဆွတ်ပါပေရဲ့
တစ်ခါတစ်ခါတော့
ခင်ဗျားအကြောင်း အချိန်ပေးပြီး
တွေးငေးမိတတ်ပါတယ်။

ဆူဖြိုးနေတဲ့ ခင်ဗျားရဲ့ အတွေ့အထိမှာ
အူရိုးလှတဲ့ ကျွန်တော့ အတွက်တော့
အငွေ့သွေ့သွေ့လေးပဲ မွေ့ပျော်နိုင်ခဲ့တာ
ခုတော့လည်း အားနာတယ်ဆိုတာ ထက်အားနာ
စကားရှာမရတော့ပါဘူး။

မငွေ……
တပ်မက်မှု တဏှာဆိုတာ
ဒုက္ခအားလုံးရဲ့ အရင်းအမြစ်တဲ့
လူသားအရင်းအမြစ်ကြီးထဲ
အပါအ၀င် ဖြစ်နေရတဲ့
ခင်ဗျားနဲ့ ကျွန်တော့မှာလည်း
ဒုက္ခဆိုတာကြီးနဲ့ တရင်းတနှီးပေါ့။
ဒါပေမဲ့….
ခင်ဗျားက လွန်လွန်းတယ်
ဒုက္ခကို ငွေပေးဝယ်တဲ့အထဲမှာ
ခင်ဗျားက ထည်လဲထည်ဝတ်ပေါ့။

မငွေ…….
ခင်ဗျားက ယောင်္ကျားဆိုတဲ့ သေတ္တာကြီးထဲမှာ
အမြဲခိုအောင်းလို့
အသေခတ်ထားတဲ့သော့နဲ့
တည့်တည့်ကြီးမှောင်မည်း။
ဆာလောင်ခြင်းသာ
အကောင်းဆုံး ဟင်းလျာတဲ့
ယောင်္ကျားဆို ဟင်းလျာမှမဟုတ်ပဲ
ဒါပေမဲ့ ခင်ဗျားအမြဲဆာလောင်ခဲ့တယ်။
လူဆိုတာ အံ့သြမှုကို နှစ်သက်ကြ
အဲဒီ အံ့သြမှုကပဲ သိပ္ပံဖြစ်ထွန်းမှုရဲ့ မျိုးစေ့တဲ့
မငွေရေ……
ခင်ဗျား အံ့သြခဲ့တာက ယောင်္ကျားတွေပေါ့
အံ့သြပြီးရင်းအံ့သြ
ခင်ဗျားမို့ မမောနိုင်ခဲ့တယ်။

မှတ်မိသေးတယ်
တစ်ညသားမှာ
ခင်ဗျားက ကျွန်တော့ကို အရွဲ့တိုက်ပြီး
ခင်ဗျား ကြိုက်တတ်တဲ့
ယောက်ျားတစ်ယောက်ကို ခေါ်လာ
ကျွန်တော် ပျော်ဖို့ဆိုပြီး
ခင်ဗျားရဲ့ လက်သပ် မွေးလေးနဲ့ လွှတ်ပေး
အေးဗျာ….
သွေးသားအတွက် သက်သက်ဆိုရင်တော့
နံပါတ်ဖိုးရောင်းတယ်ဆိုတဲ့
ခင်ဗျားအိမ်ပေါ် တက်နေပါ့မလား
ဆရာမာန်မြင့်ရဲ့ ခြင်တောင်ထဲမှာ
ကျွန်တော်“ခြင်မ”တောင် မသန်းပါဘူး
ခင်ဗျားကတော့ ခြင်ဖိုချောချောကြီးနဲ့
အရင်လိုပဲ အံ့သြပြီးရင်းအံ့သြလို့။

အချစ်ဆိုတာ
တံခါးတစ်ချပ် မဟုတ်လေတော့
ပွင့်ချင်မှလည်း ပွင့်မှာပေါ့။
ရမ္မက်ဆိုတာကတော့
မီးခလုတ်ကလေးပါ
မီးလင်းတာ မလင်းတာအပထား
ခလုတ်ကလေးကို ကစားနေလို့ရတာပေါ့
ခင်ဗျားက အားကြီးလက်ဆော့တယ်။

ဒါပေမဲ့…..
ခင်ဗျားဆီက စကားတစ်ခွန်းကိုတော့
ကြိုက်လွန်းလှခဲ့
ကဗျာတွေ စာတွေဆိုတာထက်
မေတ္တာဓါတ်ကသာ
လူတွေကို ကြည်နူးစေတာပါတဲ့။
အဲ့ဒီညက ကျွန်တော်က စာထိုင်ရေးလို့
ကျွန်တော့်ဘေးမှာ ခင်ဗျားက
အားရပါးရကြီးလဲလျောင်းလို့ ဖိုသီဖတ်သီ
ကလောင် အချက်ချက် တို့နေခဲ့ပေမယ့်
ခင်ဗျားရဲ့ ဆူဖြိုးလှတဲ့ခန္ဓာကိုယ်ကြီးကိုတော့
ယောင်လို့တောင်
တစ်ချက်မှ မတို့ခဲ့ဘူးမို့လား။

ခုတော့…..
ခင်ဗျား အကြောင်းတွေ ကဗျာ အဖြစ်ရေး
အနုပညာ ခံစားသူတွေကို
ပေးနေဖြစ်ပြီပေါ့။
တကယ်တော့….
ခင်ဗျားက
ကဗျာတစ်ပုဒ်မှ မရေးတတ် မဖတ်တတ်ခဲ့ပေမယ့်
ခင်ဗျားကိုယ်၌က
ကဗျာ တစ်ပုဒ်ဖြစ်နေခဲ့တယ်။
ကျွန်တော် ကိုယ်၌ကတော့
ကဗျာ တစ်ပိုဒ်တောင် မဖြစ်ခဲ့ပါဘူး။

ခုတော့…..
ခင်ဗျားနဲ့ ကျွန်တော်ပေါင်းမှ
ရှားရှားပါးပါး တစ်ပုဒ်ဖြစ်ခဲ့ရတဲ့
ကဗျာရှည်ကြီး အဆုံးသတ်တော့
ခင်ဗျားက မြေကြီးထဲမှာ ပျောက်ကွယ်သွားခဲ့ပြီ
ဒါပေမဲ့…
မြေကြီးပေါ်က လွတ်မြောက်သွားတဲ့ မငွေလို့ပဲ
ကျွန်တော် ဂုဏ်တင်ပေးလိုက်ပါပေရဲ့။

ကြီးကြီးကျယ်ကျယ် ပြောရရင်တော့
လူမှုကလာပ်စည်း ဆိုတာကြီးကို
ကျွန်တော်က စိတ်ဝင်စားတယ်။
ခင်ဗျားက…
ဖို-မ ဆိုတဲ့ အာသာဆန္ဒမှာ
ဆောင့်ကြောင့်ထိုင်လို့။

မငွေရေ….
အချို့က မြင်ယုံနဲ့ ယုံကြ
အချို့က ကြားယုံနဲ့ ယုံကြ
ကျွန်တော်ကတော့ တွေ့ထိခွင့်ရမှ ယုံချင်ပါတယ်။
ခင်ဗျားကို မယုံခဲ့တာတွေ
တွေ့ထိခွင့် ရခဲ့လို့ပေါ့။
ခင်ဗျားနဲ့ အနေကြာတော့
ဘာပဲဖြစ်ဖြစ်
ချစ်တာ မချစ်တာ အပထား
ကျွန်တော့ရဲ့ ဇနီးမယားအဖြစ်
သီးခြားဘ၀လေး ထူထောင်ပေးဖို့
စိတ်ကူးတွေ ဖောင်ဖွဲ့ဖူးပါရဲ့
ဒါပေမဲ့ဗျာ…..
ခင်ဗျားက စိတ်အလိုလိုက်လွန်းလှ
အဲ့ဒီစိတ်နောက်…..
ခင်ဗျားက စိတ်အလိုလိုက်လွန်းလှ
အဲ့ဒီ စိတ်နောက်
ခင်ဗျား ခန္ဓာကိုယ်ကြီး ပါပါသွားတော့
ကျွန်တော်က နာရမှာလား
အသာကြည့်နေရမှာလား
သွေးသားကိစ္စဆိုတဲ့ အမှောင်နက်နက်မှာ
ကျွန်တော်ကြောင်စီစီကြီးဖြစ်ခဲ့ရ။

ည…ည….
ခင်ဗျားက ယောင်္ကျားတွေအကြောင်းပြောတယ်
ပထမ၊ဒုတိယ၊တတိယ၊
တရားမ၀င်တဲ့ ခဏဧည့်သည်တွေအကြောင်း
ကျွန်တော်က ချောင်းဆိုးတိုင်း အိပ်မပျော်
ဖိတ်ခေါ်မှုတွေသာ လက်ပန်းကျ
ခင်ဗျား သက်ပြင်းချသံတွေရဲ့ ပဲ့တင်မှာ
ကျွန်တော်စိတ်ကုန်လာခဲ့ပေါ့။

ဒါပေမဲ့……
မိုးလင်းလို့ မနက်ရောက်တော့လည်း
ငါ့မောင်….ဘာသောက်မလဲ
ငါ့မောင်…ဘာစားမလဲ
ငါ့မောင်…ဘာဝယ်စရာရှိလဲနဲ့
ပျာပျာသလဲ အမူအရာမှာ
အစ်မတစ်ယောက်လို ခင်တွယ်သနား
ခင်ဗျားနားက မခွာဖြစ်ခဲ့ပြန်ဘူး။

ပတ်ဝန်းကျင် အမြင်မှာတော့
ခင်ဗျားနဲ့ ကျွန်တော်က
လင်မယား ပီပီသသကြီးပေါ့
တကယ့်တကယ် အိပ်ရာပေါ်မှာတော့
ခန္ဓာကိုယ်ချင်း မနီးခဲ့ကြတဲ့
မီးသေနေခဲ့ ဖို-မ ဓါတ်တွေ။

မငွေရေ…..
ခုလို မိုးမှာ ခင်ဗျားကို သတိရပေါ့
ငါ့မောင်….ထီးဆောင်းသွား
ငါ့မောင်…ကော်ဖီပူပူလေးသောက်လိုက်
ငါ့မောင်…နှစ်ပက်လောက် ချချင်ချလိုက်လေနဲ့
မိုးစွေစွေ အခန်းကျဉ်းကျဉ်းမှာ
သွေးသားချင်း မနီးစပ်ခဲ့တာကလွဲလို့
ကျွန်တော့်စိတ်တွေ လွန်ဆွဲခဲ့ရပုံ။

ဘာပဲဖြစ်ဖြစ်…..
ခင်ဗျားကို ချစ်ပစ်လိုက်ရတော့မလား
စဉ်းစားလွင့်မျော မောစမှာပဲ
ခင်ဗျားက ဇာတိပြလာတယ်
တစ်ညသား မိုးမည်းမည်းမှာ
ခင်ဗျားကြိုက်တတ်တဲ့ ယောင်္ကျားတစ်ယောက်ကို
အတည်ပေါက်နဲ့ အိမ်ခေါ်လာတယ်။

ကျွန်တော်သိတာပေါ့ မငွေ
အဲ့ဒီလူဟာ ဘာလဲ

မကြာပါဘူး
၁၉၉၄…
ခွေးပြေးဝက်ပြေး
မူးယစ်ဆေး ရောင်းစားနေတဲ့ခင်ဗျား
သံတိုင်တွေကြားရောက်သွားတော့
ခင်ဗျားအနားမှာ ဘယ်သူမှ မရှိခဲ့ဘူးမို့လား။
မြင်ယုံနဲ့ပဲ သိခဲ့ပါတယ်
သူ့ရဲ့ အလုပ်အကိုင်က ယောကျာင်္းပိုင်းလုံးတဲ့။
အပြုံးချိုတယ်….
စကားချိုတယ်…
ပြောရရင်…
ခန္ဓာကိုယ်ကလည်း ယောင်္ကျားပီသတယ်ပေါ့
မိန်းမတွေရဲ့ အကြောကို နေကျေနေသူပေါ့။
မိန်းမ(ခင်ဗျားလို)တွေကို
လိုချင်တာပေးပြီး
ရချင်တာဆို အဆစ်အပိုပါယူယူသွားတတ်သူပေါ့။
ကျွန်တော်က တားပါသေးတယ်
ခင်ဗျားက အပြင်မှာတွေ့နေတာကြပြီတဲ့။
ကျွန်တော်ကတားပါသေးတယ်
မင်းက ငါ့မောင်လေးပဲတဲ့။
ကျွန်တော်က တားပါသေးတယ်
ဒီလို ကိစ္စမျိုးက မင်းနဲ့မှ မဆိုင်တာတဲ့။

ဒီလိုနဲ့…..
အဲ့ဒီညက
အစ်မအိမ်က စိတ်ဆိုးပြီးဆင်းသွားတဲ့
မောင်လေးက ကျွန်တော်ပေါ့။

အဲ့ဒီက အစ….
ခင်ဗျားအိမ်ဘက် ခြေဦးမလှည့်တော့တာ
ကျွန်တော်ကလည်း
လူကောင်းတစ်ယောက် ဖြစ်ခဲ့ပြီလေ။
ခင်ဗျားမောင်ဆိုတဲ့ ကျွန်တော်တော်
ယောင်လို့မှ တစ်ခေါက်လာမတွေ့
ခင်ဗျားဘ၀ရဲ့ အချိုးအကွေ့အသစ်
“ထုံးဘို” မှာလူသွားဖြစ်တော့
ဘ၀ခြားခေတ်ခြား
အချစ်နဲ့ ရမ္မက် ဆိုတာတွေလည်း
အားလျားမှောက်ခဲ့ရပြီပေါ့။

တစ်ခါ….
မကြာပြန်ပါဘူး
ပြစ်မှုကြွေးမှာ ချွေးတွေနဲ့ ဆုံးပြီတဲ့
ကျွန်တော် အပြုံးမပျက်ခဲ့ပါဘူး
ခင်ဗျားတို့လို ဘ၀တွေက
ဒီလိုပဲ လုံးပါးပါးရမှာကိုး
ကိုယ်ပြုသမျှ ကိုယ်ပြန်ခံရတာပဲလေ။
ခင်ဗျားတို့ကြောင့် ဘ၀ပျက်ပျက်သွားရတဲ့
လူငယ်လေးတွေရဲ့ မျက်နှာကိုသာ
ကျွန်တော်စာနာမြင်ယောင်နေပေါ့။

သွားတော့….မငွေ
ကောင်းရာ သုဂတိ လားပေါစေလို့လည်း
ကျွန်တော် ဆုတောင်းမပေးလိုက်တော့ပါဘူး။
ကျွန်တော်ပြုသမျှ ကုသိုလ်တွေကိုလည်း
ခင်ဗျားကို မပေးလိုက်တော့ပါဘူး၊
ကျေးဇူးက ကျေးဇူး….
ပြစ်မှုက ပြစ်မှု…..
ခင်ဗျားလို အကုသိုလ် တင်းကျမ်းတွေနဲ့
ခင်ဗျားလမ်း ခင်ဗျား ရွေးသွားတာမို့လား။

သွားတော့….မငွေ
မငွေ….သွားတော့
ပေါ့ပေါ့ပါးပါးပဲ နှုတ်ဆက်လိုက်ပါတယ်။


(၁၉၉၁- အကြွေးမကျေခဲ့သော နေ့ရက်များသို့…….)


မြဆင့်ချယ်
ကြီးပွားရေးလမ်းညွှန်ဂျာနယ်၊အောက်တိုဘာလ၊၂၀၀၀ ခုနှစ်

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

တောက်တိုမယ်ရ နေ့ရက်များထဲက ၄၁ လမ်းပေါ်က ကိုင်းလာတဲ့ခါး

ရေးသူ ခေါင်ခါးခါး(ကလေး)

ဖိုးဇော်
ရွှေဥဒေါင်းစကား ငှားပြောရရင်
ပထမယောင်္ကျား ဦးဘပွား ကုတ်ကတ်သမျှ ဒေါ်ဖွားရင်ဖို့
ဒေါ်ဖွားရင် ချွေတာသမျှ
ဒုတိယယောင်္ကျား ဘုန်းကြီးလူထွက် ဦးကေတုဖို့ ဆိုသလိုများ
တို့တတွေ ဖြစ်နေကြပြီလား၊
ဖိုးဇော
Global အတွေးအခေါ်နဲ့
တို့တတွေ ဘေးချော် နေပြီထားလိုက်
ငါတို့ အမိုက်ရဲ့ သန္ဓေရင်း
Art is loving ……တဲ့
ဇော်ဂျီတွေ ဖိုဝင်သလို
တစ်ဘ၀ ပြောင်းလို့ရသလား။

ဖိုးဇော်
ဘ၀ဆို လျှို့ဝှက်ချက်တွေနဲ့ပါ။

ဖိုးဇော်
ငါတို့ဟာ နွားလည်တိုင်က ခလောက်တွေမဟုတ်ဘူး
ငါတို့ပေါက်လိုက်သမျှ ပန်းဖြစ်တယ်၊ နာချင်သူနာရော့၊
ငါတို့ဟာ ရေအပြည့်နဲ့အိုးတွေ
ခပ်သောက်သူ ရှိသလောက် ငါတို့ဘက်ကလောက်တယ်
လွမ်းလောက်လို့လား လာမမေးနဲ့
တို့တတွေ ချေးထူနေကြတာ အချစ်ကြီးကြလွန်းလို့၊
ငါတို့ဟာ မော်မော်ကြွားကြွား နိုင်လှပေမယ့်
မည်သူ့ကိုမျှ စော်စော်ကားကား မလုပ်ခဲ့ဘူး၊
မတော်မတရားလုပ်တာဆိုလို့
ကဗျာနဲ့ပတ်သက်ရင် အတ္တကြီးကြတာ
ဘယ်ထီးမှ လမ်းကြုံမဆောင်းခဲ့ဘူး
တို့တတွေ ၄၁ လမ်းပေါ်မှာ…..၊

ဖိုးဇော်
ငါတို့ ငိုချင်းချကြရဲ့
ကိုယ့်မျက်ရည်နဲ့ကိုယ်
သူတစ်ပါး မျက်ရည်နဲ့ သက်သေမလိုက်ဘူး
သူတစ်ပါးမျက်ရည်နဲ့ သက်သေမလိုက်ဘူး
သူတစ်ပါး မျက်ရည်နဲ့ ပြင်ဆင်ချက်မထုတ်ဘူး၊

ဖိုးဇော်
OASIS ဆိုတဲ့ မင်းလက်ဖက်ရည်ဆိုင်ထဲ
လက်ဖက်ရည်တစ်ခွက်နဲ့ မနက်မနက် လာလာထိုင်တဲ့
အသက်နုနှစ်ဆယ်ကျော် စစ်ပင်စင်စားကြီးကို
တို့တတွေ လေးစားပြီးလေးစားလို့
ငါတို့ရွာ အခြေမပျက်ဖို့
သူ့မှာ ခြေတစ်ဖက် စွန့်လွှတ်ခဲ့ရတာ

ဖိုးဇော်
မင်း“သမီး”ကိုမင်းချစ်သလိုမျိုး
သူ့ခြေထောက်ကို သူချစ်မှာပဲ
ခေတ်သစ်ထုတ်ပြ စရာလိုသေးလို့လား၊

ဖိုးဇော်
မင်းကလည်း ဟိုဘက် ကမ်းကမဟုတ်ဘူး
ငါကလည်း သည်ဘက် ကမ်းကမဟုတ်ဘူး
ဒါနဲ့များဘာကြောင့် တံတားထိုးထားရတာလဲ
အလွမ်းဆိုတာမျိုးကး အစားထိုး လို့မှမရတာ၊

ဖိုးဇော်
တယ်လီဖုန်းကြာကြာ ပြောမယ့်သူတွေ
အနွေးထည် ထူထူဝတ်ထားလို့လိုမယ်
တို့တတွေ ၄၁ လမ်းပေါ်မှာ
ဆေးလိပ်မသော်ကတတ်ပေမယ့်
မီးခြစ်ခဏခဏ ခြစ်ရတယ်
ချစ်ရသူတွေ မေတ္တာနဲ့နီးကြဖို့
ဆီမီးပူဇော်ရတာ နံနက်တိုင်းညစဉ်
တို့တတွေ ၄၁ လမ်းပေါ်မှာ…..၊
လမ်းဘေးက ပန်းသီးကို တစ်ဝကြီးငေးတယ်
ပန်းသီးထက် ပန်းသီးသည်လေးက ရှေ့ထွက်လာ၊
တစ်နေကုန် ဈေးဦးမပေါက်ခဲ့တဲ့ မြင်းလှည်းသမားလေးထက်
တစ်နေကုန် ဈေးဦးမပေါက်ခဲ့တဲ့ မြင်းလှည်းသမားလေးထက်
တစ်နေကုန် ပြေးလွှားခုန်ပေါက်နေရတဲ့ မြင်းပိန်လေးကို ပိုလို့သနား၊
အရွေးမခံရတဲ့ ကဗျာတစ်ပုဒ်ထက်
အရေးမလုပ်ခံရတဲ့ ကဗျာ ဆရာလေးကိုပိုလို့စာနာ
တို့တတွေ ၄၁ လမ်းပေါ်မှာ……၊
ကြီးလာရင် အပိုင်ဝယ်မယ်ဆိုတဲ့ အိမ်တစ်လုံး
စိတ်ကူးထဲပဲ အချိန်ဖြုန်းလို့ ကောင်းဆဲလား၊
တောင်ခြေကိုတောင် မရောက်ဖူးသူ
တောင်တန်းဆိုတာကို ရင်ခုန်ဖို့ ဖြစ်ပါ့မလား၊
တို့တတွေ ၄၁ လမ်းပေါ်မှာ…….၊

ဖိုးဇော်
မြို့တော်ကြီးတွေထဲ တိုးဝင်နိုင်မှ
တယ်လီဖုန်းကြိုးတွေနဲ့ ရစ်ပတ်နေနိုင်မယ်
ကွန်ပျူတာကီးဘုတ်ပေါ်လက်မလှုပ်နိုင်လို့
သေနေတဲ့ အရုပ်ကြီးဖြစ်နေရတာလား၊
ခံစားတတ်ရင် ခံစားတတ်သလောက်
အတိတ်တွေလည်း ကောက်ရနိုင်တာပဲ
တို့တတွေ၄၁ လမ်းပေါ်မှာ……၊
စကားတိုတို ပြောတတ်ပေမယ့်
ကဗျာ ရှည်ရှည်ရေးချင်တယ်
ခုတော့ ပဲဈေး၊နှမ်းဈေးများနဲ့
လွမ်းတေးဆိုနေရတဲ့ နယ်သတင်းထောက်၊
ကိုယ်ပိုင်သံစဉ် အင်တာဗျူးအကြောင်းထက်
ခိုးကူးခွေ ရောင်းသူသတင်းက စာမျက်နှာအပြည့်၊
တို့တတွေ ၄၁ လမ်းပေါ်မှာ…..၊
မဟုတ်ဘူးငြင်းလို့မရတဲ့ စွပ်စွဲမှုတွေ
စာလုံးမည်းကြီးတွေဆိုတာ အသည်းနှလုံးအပေါ် အသားတံ
ကိုယ်တိုင်က လေယာဉ်မစီးနိုင်ပေမယ့်
လေယာဉ်ဆင်းသံကြားတိုင်း လွှတ်ကိုပျော်ရွှင်၊
မလိုအပ်ဘဲ သွေးမသွင်းနဲ့တဲ့
ဘယ်သူက အပျော်တမ်းသွေးသွင်းနေလို့လဲ၊
တို့တတွေ ၄၁ လမ်းပေါ်မှာ……၊
၂၀၀၆ရေ
ရောက်ရာအရပ်မှာ ပျော်ရွှင်ပါစေတော့
၂၀၀၇…..ရတတ်သလောက် လွန်ဆွဲမယ်

ဖိုးဇော်
မျက်နှာသစ်တိုင်း အိပ်ရာက ထလာတာမဟုတ်ဘူး၊
အချစ်ဝတ္ထုဆိုတိုင်း ဖေတော့မောင်တော့ မဟုတ်ဘူး၊
ဘီယာဆိုတိုင်း ရေခဲစိမ်ပြီးသားမဟုတ်ဘူး၊
အေးလေ……
နေရာပြောင်းရွှေု့ စားကျက်လွင်ပြင်အသစ်ထဲ
ရေတွင်းတွေ…….တစ်တွင်းပြီးတစ်တွင်း…..
ရေတွင်းတိုင်း ရေ ထွက်မထွက်ဆိုတာ
ခုလို နွေနေ့ရက်တွေ တစ်ကျော့ ပြန်ပြန်လာတိုင်း
ကိုယ့်ခါးသာ ကိုယ်ပြန်ပြန်တိုင်းမိ
ကိုယ့်ခါး ဘယ်လောက် ကိုင်းသွားသလဲဆိုတာထက်
ကိုယ့်ခါးဘယ်လောက် ကိုင်းသွားသလဲဆိုတာထက်
ကိုယ့်ခါး ဘယ်ဘက် ပိုကိုင်းသွားသလဲဆိုတာ
ကိုယ့်ခါး ဘယ်ဘက် ပိုယိမ်းသွားသလဲဆိုတာ

ဖိုးဇော်ရေ…..
တို့တတွေ ၄၁ လမ်းပေါ်မှာ
ရွှေဥဒေါင်း စကားငှားပြောရရင်
“ပထမယောင်္ကျား ဦးဘပွားကုတ်ကတ်သမျှ ဒေါ်ဖွားရင်ဖို့
ဒေါ်ဖွားရင် ချွေတာသမျှ
ဒုတိယယောင်္ကျား ဘုန်းကြီးလူထွက် ဦးကေတုဖို့…..” ဆိုသလိုများ
တို့တတွေ ဖြစ်နေကြပြီလား
၄၁လမ်းပေါ်မှာ……။


ခေါင်းခါးခါး(ကလေး)
(FACES Magazine စက်တင်ဘလ ၂၀၀၇ ခုနှစ်)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

ညည်းဦးနှောက်မှာလည်း ပိတောက်တွေဝေပါစေ မိုနီကာလီဝင်စကီးရေ

မိုနီကာ လီဝင်းစကီးတဲ့
ခုတော့…..ကမ္ဘာကျော် ကြီးကိုဖြစ်လို့…….။

အသက်(၂၁)နှစ်သာရှိသေးတဲ့ ကျောင်းသူလေးက
အိမ်ဖြူတော်ရဲ့ ဦးခေါင်းကို
“ဒေါင်” ကနဲနေအောင် ကောင်းကောင်းကြီး ခေါက်ပြလိုက်နိုက်တာ
ဏ္ဍတ္ထိယ ကမ္ဘာအတွက် ဂုဏ်ယူစရာပေါ့…….။

အမေရိကန်ရဲ့ ကိုယ်စားလှယ်
သံတမန်တွေ အလယ်က စကားဘုရင်
အိမ်ဖြူတော်ရဲ့ အရှင်သခင်ကြီး
ဘီလ်ကလင်တန် ခေါင်းပေါ်က
ပေါင်းတင် ဆေးဆိုးထားတဲ့ ဆံပင်နက်ထူထူတွေကြား
ကားကနဲ ထွက်လာတဲ့ ဆွတ်ဆွတ်ဖြူ ဆံပင်တစ်ချောင်းကို
ရေ….လေ….မြေ ….နေမစောင်းခင်
ဘ၀ကို သိက္ခာပေါ်တင်ပြီး
သည်း…..အချိန်ကိုက် နှုတ်ယူပြနိုင်လိုက်တဲ့ အတွက်
ဏ္ဍတ္ထိယ တွေဘက်က ဂုဏ်ယူစရာဖြစ်သလို
ပုရိသတွေအတွက်လည်း သင်ခန်းစာယူစရာပေါ့ကွာ……။

အို…..မိုနီကာ….ညီမလေးရဲ့
လုပ်အားပေးတွေထဲမှာတော့
သည်းက အဆင့်အမြင့်ဆုံးပါကွာ
အိမ်ဖြူတော်မှာ လုပ်အားပေးရတာ၊
အိမ်ဖြူတော်မှာ လုပ်အားပေးရင်း
ခန္ဓာကိုယ်လေးပါ အဆစ်ပါသွားတဲ့အတွက်တော့
တို့တတွေဘက်က ဘယ်စိတ်ကောင်းပါ့မလဲ….။

ဒါပေမဲ့
အောက်ကျသွားရရှာတဲ့ ညည်းဘ၀ကို
ညည်း စကားလုံးတွေနဲ့ သည်းပြန်ကောက်ပြပြန်တော့လည်း
တို့တတွေ…….ကျေနပ်ရပြန်ရော…….။

သည်း……
ဘက်လက်တစ်ဖက်က သမ္မာကျမ်းစာကို ကိုင်လို့၊
သည်း……
ညာဘက်လက်တစ်ဖက်က လိင်ကျမ်းစာကို ကိုင်လို့၊
သည်း…..
နှလုံးသားမှာ…….လုံးလုံးကြီး ကပ်ကိုင်ထားတာက
ဏ္ဍတ္ထိယကျမ်းစာပါ……။

ဟိုတုန်းက
ကလင်တန်ရဲ့ နှလုံးပူပူလေးကို
သွေးဆူဖွယ် သည်းရဲ့အပြုံးတစ်ယှက်ဟာ
ခုတော့လည်း
တစ်ကမ္ဘာလုံးက အမျိုးသမီးထုအတွက်
ခုခံကာကွယ်ဆေးတိုက်ကျွေးခဲ့တဲ့
ပူပူနွေးနွေး အပြုံး တစ်ခွက်ပေါ့ကွာ……။

တစ်တစ်ခွခွ စကားလုံးတွေနဲ့
အိမ်ဖြူတော်ရဲ့ ခြံစည်းရိုးကို
သည်းဘ၀နဲ့ ရင်းပြီးရိုက်ချိုးပြခဲ့တာ
အင်တာနက် လမ်းမကြီး တစ်လျှောက်ပြန့်ကျဲလို့……
သည်းဘ၀နဲ့ အတူ
“ကက်သရင်းဝဲလေ့”
“ဂျနီဖာ ဖာလားဝါစ်”
“ပေါ်လာဂျူန်းစ်”တို့လည်း
ခုမှ ပြုံးနိုင်ကြတယ်ပေါ့……။

သည်းနဲ့အတူ
သူတို့တတွေလည်း
နေ့ချင်းညချင်း၊စာရေးဆရာမ……..ဆိုတဲ့ ဘ၀ကိုပိုင်
ဒေါ်လာ တစ်ထပ်ကြီး ကိုင်သုံးကြပေရော့……။

သမိုင်းစာမျက်နှာပေါ်မှာ
ဘောင်းဘီဇစ်တောင် တပ်မထားနိုင်တဲ့ သမ္မတ…….လို့
“ဟီလာရီ” ကိုယ်တိုင်က
လက်ညှိုးငေါက်ငေါက် ထိုးပြောရလောက်အောင်
မိုနီကာလီဝင်းစကီးရယ်……။

ညီမလေးရေ……လီဝင်းစကီးရဲ့
သည်းတော့သိမလားမသိ
အစ္စရေးသူ မယ်ကမ္ဘာ“လီနော်အေဘာဂျီလ်” ကလည်း
မယ်ကမ္ဘာ သရဖူကို မဆောင်းရသေးခင်
အဓမ္မပြုကျင့်တာကို အီတလီနိုင်ငံမှာ ခံခဲ့ရသေးတယ်လို့
အမျိုးသမီးထုအတွက် သာဓက ဖြစ်အောင်
မရှက်မကြောက် ဖွင့်ပြောခဲ့သေးတယ်…….။

အေးကွာ
သည်းတို့လို အမျိုးသမီးတွေရှိမှလည်း
ကလင်တန်လို ယောက်ျားထီးတွေခမျာ
…..မောင်မောင်ဆိုလေ…..ထီးရိုးမရှည်နိုင်တော့မှာ…….။

(အမျိုးသမီးဂျာနယ်၊ဧပြီလ၊၂၀၀၀ ခုနှစ်)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အာရုံများရဲ့ အရုဏ်ဦး

ရေးသူ - ခေါင်ခါးခါး(ကလေး)

တော်...တော်...တော် မင်းစကားပြောတာ တော်တော်လွန်လာပြီ။ နောက်နေ့ စားချင်ရင် ဆယ့်တစ်ထိုး အရောက်လာခဲ့”
“ဘုန်းကြီးဆီမှာတော့ မုန့်လေး၊ ငှက်ပျောသီးလေး ရှိမှာပါ”
“အောင်မာ... ဘုန်းကြီးဆီကတောင် မင်းချကျွေးရဦးမှာလား။ အဲဒါတွေက ဘုန်းကြီးဆီ လာကန်တော့ကြတဲ့သူတွေကို ဧည့်ခံဖို့ကွ။ ဖိုးဇော် မင်း ပြန်တော့၊ တုံးမောင်းထုတံနဲ့ လှမ်းပစ်လိုက်ရမလား၊ ပေကပ်ကပ်နဲ့ ”
“ဒါဆို ဆေးလိပ်ကလေးတော့ ပေးလိုက်ဦးဗျာ”
“တောက်...အရူး မဟုတ်၊ အကောင်း မဟုတ်ကွာ။ ငါ့ဆေးလိပ်သာ ဆက်သောက်သွားပေတော့။ ဘုန်းကြီး အခန်းဘက် မသွားနဲ့နော် ကျိန်းနေတာ။ စောင့်ကြည့်နေမှာနော်” ကပ္ပိယကြီးနဲ့ ဖိုးဇော်က မကြာမကြာ အဲ့သလို ကတောက်ကဆ ဖြစ်နေကျ။
ဦးဇင်းလေး ဒီရောက်ခါစကတော့ အဆန်းတကြယ်ပေါ့လေ။ ခုတော့ ရိုးသွားပြီဆို ပေမယ့် ကြုံလို့ကြားရရင်ပဲ နား ထောင်လို့ ကောင်းနေတုန်း။ ခုလည်း ဦးဇင်းလေးက ကုဋီထဲမှာ နားထောင် ကောင်းကောင်းနဲ့ အသာလေး နားထောင်နေတာ။
ဖိုးဇော် ကလည်း ဖိုးဇော်၊ ကပ္ပိယ ကြီးဆို သိပ်ခန့်တာ မဟုတ် ဘူး။ တစ်ခါတစ်ခါ ဝေယျာ ၀စ္စလာလုပ်ကြသူတွေလောက် သာ လန့်တာ။ ကပ္ပိယကြီးက ပါးစပ်ကသာ ပြောတာပါ။ ဆိုဆဲပြီးရင်လည်း ရှိတာလေး တော့ ပုံပက်ကျွေးလိုက်တာ ပါပဲ။ ဘာမှမရှိဦးတော့ သူ့ ညစာထဲက ခွဲကျွေးလိုက် တာ။ ဒီနေ့တော့ ဘယ်လိုဖြစ် တယ် မသိဘူး။
အင်း... ပြောသာပြောရတာ၊ ခုတ လောက ဆွမ်းဟင်းရတာက တော်တော်နည်းတယ်။ ဆွမ်း ချည်းသက်သက်တောင် သပိတ်မပြည့်ချင်တော့ဘူး။ ဟင်းဆိုတာကလည်း ခါ တိုင်းလို ဖွယ်ဖွယ်ရာရာ မဟုတ်ကြတော့ဘူး။ ကြက်ဥ လေးဖုံးပြီး အသီးအရွက်တွေ ပဲ လှိုင်လှိုင် လောင်းလှူကြ တော့တာရယ်။ ခါတိုင်း ဗိုက်မကောင်းလို့၊ ငယ်ငယ် ကစ ရှောင်ထားလို့ဆိုတဲ့ ကိုယ်တော်အချို့တောင် ၀က် သားဟင်း ဘုဉ်းပေးနေရပြီ။
ကြက်တို့၊ ငါးတို့ဆိုတာ အခါ ကြီးရက်ကြီးမှ အလည်လာ တတ်ကြတော့တာကိုး။ သတင်းစာထဲမှာ ဖတ်ဖတ်နေ ရတဲ့ ကမ္ဘာကြီး ပိုပူနွေးလာပြီ ဆိုတဲ့ သတင်းတွေကြောင့် လားမှ မသိတာ။ ခုတလော ဦးဇင်းလေး မှာ ဆွမ်းခံသာ ထွက်ထွက် ကြွနေရတယ်။ အရင်နှစ်တွေ လောက် စိတ်မပါတော့ဘူး။
အရင်နှစ်တွေလို့သာ ပြောရ တာပါလေ။ ဒီတစ်ခါရော ပေါင်းမှ သုံးဝါရဦးမှာ။ တောထွက်လို့ ပြောရင်လည်း ရတာပေါ့။
“ဦးဇင်းရေ... ဒီနေ့တော့ ဟင်းမကောင်းဘူး ဘုရာ့” “ကိုယ်တော်ရေ... ဒီနေ့ ဈေးမသွားလိုက်ရဘူး။ ဆွမ်းလေးပဲ လောင်းလိုက် တော့မယ်” “အရှင်ဘုရား ရယ် အငယ်မက ဖျား၊ အကြီးကောင်က စာမေးပွဲနဲ့ လုံးချာလိုက်နေတာ။ သူတို့ အဖေကလည်း စပါးစိုက်ဆို လား၊ အဲဒါဝတ္ထုငွေပဲ ကပ် လိုက်ပါဦးမယ် ဘုရား”
ဆို ပြီး ငါးကျပ်တန် နွမ်းနွမ်း လေး လောင်းထည့်လှူလိုက် တဲ့ဒကာမတွေ များလာတော့ ဦးဇင်းလေးမှာ ဘာရယ်မသိ ဘူး၊ မျက်နှာပူမိတာ အမှန်ပဲ။
ကျောင်းကို ပုံမှန်ပို့နေကြတဲ့ ချိုင့်ကြီး၊ ချိုင့်ငယ်တွေကနေ ချိုင့်ပေါက်စတွေ ဖြစ်လာကြ ပြီ။ မပို့တစ်ချက် ပို့တစ်ချက် ချိုင့်တွေ တိုးတိုးလာပြီ။ တချို့ဆို ကြွပ်ကြွပ်အိတ်ထဲ ဆွမ်းလေး တင်ထည့်ပြီး လာ ပို့ကြတာ ရှိသေး။
တစ်နေ့က ဘုန်းကြီး ဆီမှာ အခြေပြုမူလတန်း စာ ၀ါလိုက်နေတုန်း ဒကာ တစ် ယောက် ရောက်လာတယ်။ ခေါင်းပေါင်းကြီးနဲ့ ငွေသွား ကြီးနဲ့ အသက်ကတော့ တော် တော်ကြီးပုံပါ။ လက်မှာက ငွေလက်စွပ်ကြီးနဲ့ နားမှာ နား ပေါက်ရာက ထင်းထင်းကြီး နားကလည်း တွဲကျနေပြီ။ ဘုန်းကြီးက လာရင်း ကိစ္စ မိန့်မေးတော့ တော်တော် နဲ့ မလျှောက်ဘူး။ လက်အုပ် လေးချီပြီး တုန်တုန်ရီရီနဲ့ တော်တော်ကြာမှ...
“အရှင်ဘုရား ရယ်... အားနာနာနဲ့ပဲ တစ်ခါတည်း လျှောက်ထားပါရစေဦး ဘုရား။ ခါတိုင်း နေ့စဉ် ဆွမ်းခံပင့်ထားတာက ဦးဇင်း တစ်ပါး၊ ကိုရင်တစ်ပါး ရှိ တယ်။ အဲဒါ မနက်ခါက စပြီးတော့ ကိုရင်တစ်ပါး ပဲ ကြွပေးတော့ဖို့ တပည့် တော် လျှောက်ထားတောင်း ပန်ချင်ပါတယ် ဘုရား”
“အင်း... ဒီလိုပေါ့ ဒကာကြီးရယ်။ ဖြစ်သမျှ အကြောင်း အကောင်းပေါ့။ ဒကာကြီး ဆွမ်းလှည့်က ဘယ်လတုန်း”
“တန်ခူးလဆန်း ၈ ရက် ပါ ဘုရား”
“ကိုရင်ကြီး ဗီရိုအောက် ဆုံးထပ်မှာ အရုဏ်ဆွမ်း အလှူရှင်စာရင်းလို့ ရေးထား တဲ့ စာအုပ်ယူခဲ့စမ်း။ သော့ က ဗီရိုပေါ်က သပိတ်ထဲမှာ။ သော့ချိတ်အ၀ါလေးနဲ့နော်”
စာဝါလိုက်နေတဲ့ ကိုရင် ကြီး ထသွားရာနောက်ကို ဦးမောင်သိန်း မျက်လုံးတွေ က တော်လျှောက်လိုက်ပါ လို့။ တော်တော်ကြီးကို ထိ ခိုက်နှမြောတသဟန်။ ဘုန်း ကြီးလည်းမျက်နှာ မကောင်း ရှာဘူး။
“ကဲ... ဒကာကြီး လည်း ဘာမှစိတ်မကောင်း ဖြစ်မနေနဲ့။ လူ့ဘ၀ဆိုတာ ဒီလိုပေါ့။ အနိမ့်အမြင့် အတက်အဆင်းဆိုတာ တစ်ခါမဟုတ် တစ်ခါ ကြုံရ တာပဲ။ တရားလက်ကိုင်ထား ရင် စိတ်ချမ်းသာတာပဲ။ ကျောင်းလည်း အ၀င်အထွက် မပျက်စေနဲ့။ လှူတယ်ဆိုတာ ဘာကြီးလှူမှ၊ ညာကြီးလှူမှ ရယ် မဟုတ်ပါဘူး။ ပန်းလှူ လှူ၊ ရေလှူလှူ အလှူပါပဲ။ လှူတတ်ရင် မြတ်တာချည်း ပဲ။ အားတဲ့အခါ ညနေပိုင်း တရားလာထိုင်ပေါ့။ တစ် နာရီဆိုတာ ဘာမှမကြာပါ ဘူး။ သူသူငါငါ ထိုင်နေကြ တာပဲ။ အလှူတကာ့ အလှူ ထဲမှာ ၀ိပဿနာ တရားအား ထုတ်ပြီး လှူတဲ့အလှူက အမြတ်ဆုံးတဲ့။ ကဲ...ကဲ ရပြီ။ ဘုန်းကြီးလည်း စာ ဆက်ချရဦးမယ်”
ဘုန်းကြီးကို ၀တ်ချပြီး ကုပ်ကုပ်နှေးနှေးလေး ပြန် ထွက်သွားတဲ့ ဦးမောင်သိန်း ရုပ်ပုံကို ခုထိ ဦးဇင်းလေး စိတ်မကောင်းစွာ မြင်ယောင် တုန်း။
သန့်စင်ပြီး ကုဋီထဲက ထွက်လာခဲ့တော့ ဖိုးဇော်က မရှိဘူး။ ကပ္ပိယကြီးကတော့ ရေသွန်ချောင်မှာ ဆေးကြော နေတုန်း။
“ဖိုးဇော် ပြန်သွားပြီ လား”
“ပြန်သွားမှ အေးမှာ။ အရူးပါးရယ်။ တစ်နေရာရာ က စားခဲ့ပြီးသားနေမှာ။ ကျန် လိုကျန်ငြား လှည့်လာတာ ဒီကောင် နို့မို့ဆို မနေဘူး။ ဘာမှမရတော့ ဆေးလိပ်တဲ့။ လူလည်ကျတာ”
ဖိုးဇော်ဘက်က ကြည့် ရင်လည်း ဟုတ်တာပဲ။ တောင်းစားမယ်လို့ စိတ်ဒုံးဒုံး ချလာခဲ့ပြီးမှတော့ ဘာမှမရ ရင် ဘယ်ဖြစ်ပါမလဲ။ တောင်းစားတယ်လို့ အပြော ခံရကျိုးနပ်အောင် ဆေးလိပ် တစ်တိုဖြစ်ဖြစ် ရမှဖြစ်မှာ ပေါ့။
ဝမ်းမြောက်ရွှင်ဖွယ် လူ့ဘုံလယ်၌ တင့်တယ်ပေခြင်း အာခံတွင်းက သွင်းသည့်အစာ တစ်ညကြာလျှင် မျက်နှာညှိုးမှိတ် နှာခေါင်းပိတ်၍ လူဆိတ်ကွယ်ငြိမ် ကုဋီအိမ်ရောက် ဆောင့်ကြောင့်ထိုင်ကာ ဒုတ်ကိုင်ကာဖြင့် ကြည့်ကာတောင်မြောက် အောက်ပေါက်ဒွါရ အမာဝမှ ယိုကျဗျင်းဗျင်း တအင်းအင်းနှင့် ညှစ်ရင်းညှစ်ရင်း သက်ဆင်းပြေလျော အာဟာရောတည့် အဟောရွံဖွယ် ကောင်းစွာသတည်း။
ဆွမ်းဘုဉ်းပေးတော့ မယ်ဆို ဒီသံပေါက်လင်္ကာ လေးကို အလှည့်ကျ ကိုရင် တစ်ပါးပါးက ရွတ်ဆိုနေကျ။ ရွတ်ဆိုနေချိန်မှာ သံဃာတွေ အားလုံး လက်ကလေးယှက် မျက်လွှာချလို့။ လင်္ကာလေး ဆုံးမှ သာဓု... သာဓု...။ သာဓုဆိုပြီး ဆွမ်းဘုဉ်း ကြရတာ။
ဦးဇင်းလေး ရဟန်းဘောင် ၀င်ခါစက ဒီသံပေါက် နားထောင်ပြီးမှ ဆွမ်းဘုဉ်းရတာ သိပ်ကသိ ကအောက်နိုင်တာ။ စားပမ်း သောက်ပမ်းနီးကြီးကို။
နောက် ဒီဓလေ့က တခြား ကျောင်းတွေမှာ တွေ့မှမတွေ့ ဖူးတာ။ အောက်ပေါက်ဒွါရ အမာဝမှ ယိုကျဗျင်းဗျင်း တအင်းအင်းနှင့် ညှစ်ရင်း ညှစ်ရင်းဆိုတဲ့အပိုဒ်ရောက် ရင် ရှေ့က ဆွမ်းဝိုင်းကြီး ကြည့်လိုက်၊ ပြေးမြင်ယောင် လိုက်နဲ့ မ၀ံ့မရဲကို ဖြစ်ဖြစ် သွားတာ။
နောက် ဘုန်းကြီး မေးကြည့်မှ ဆွမ်းဖြောင့် ဖြောင့် ဘုဉ်းနိုင်တော့တာ ရယ်။
အစာစားတဲ့အခါ တပ် မက်တဏှာနဲ့ မစားဖို့၊ ဒကာ ဒကာမတွေ ကပ်လှူထား တာကို စားကြရတာမို့ မေတ္တာပို့ ဆင်ခြင်ပြီး စားကြ ဖို့၊ သာသနာအကျိုး ဆက် သယ်ပိုးနိုင်ဖို့ရာ ဒီရုပ်ခန္ဓာ ကြီးအတွက် အာဟာရဖြစ်စေ ဖို့သာ သတိနဲ့ ရှုမှတ်စားကြ ဖို့၊ အသိတရား သံဝေဂရနိုင် ဖို့ရာ ဒီသံပေါက်လေးကို နေ့ စဉ် ရွတ်ဆိုပေးရခြင်းကိုး။
ဒီနေ့တော့ ဦးဇင်းလေး လည်း သာဓု သွက်သွက် လေး ခေါ်ပြီး ဟင်းခွက် စနှိုက်တော့တာပဲ။
မနက်က ဓာတ်ပျက်နေတာနဲ့ အရုဏ် ဆွမ်းကို အဆာပြေလေးပဲ ဘုဉ်းထားတာဆိုတော့ ဆာ လှပြီ။ ဆွမ်းခံရတာလည်း ရွာရိုးကိုးပေါက်မို့လား။ ညောင်းတော့ ပိုဆာတယ်။ ဆွမ်းဝိုင်းက အရင်နှစ်တွေ ကလောက် စိုစိုပြည်ပြည် ကြီး မဟုတ်ပေမယ့် စားပွဲ ၀ိုင်းပေါ်တော့ ပြည့်နေတာ ပဲ။
အသားဟင်းခွက်တွေ လျော့သွားတာကလွဲလို့ ရာသီ ပေါ် အသီးနှံတွေနဲ့ ငါး ခြောက်၊ ငါးခြမ်းလေးတွေက တော့ ဖောဖောသီသီပါပဲ။ ကြက်သားရဲ့ ပင်မရေစီး ကြက်ဥလေးတွေကို အကြော် တစ်မျိုး၊ အချက်တစ်မျိုး မြင် နေရတာကိုပဲ နည်းလား။ ပဲ ဆိုလည်း ပဲပေါင်းစုံ။ အချဉ် ဆိုလည်း ခံတက်ချဉ်ကစ... ဘယ် စားသောက်ဆိုင်မှာ တောင်ရနိုင်တာ မဟုတ်ဘူး။ စားတော်ပဲသီးဆိုရင် ဦးဦး ဖျားဖျား စားရတာ။ စား တော်ပဲသီးတွေ ပီပီသသ နု လာပြီဆို အခွံနွှာပြီးဘူးနဲ့ ချင့်ရောင်းတဲ့ ဓလေ့က ဒီနယ် မှာပဲ ရှိတယ်ထင်ပါရဲ့။
ခုနှစ် တော့ တစ်ဘူးနှစ်ရာနဲ့ ဈေး ကွက်စဖွင့်တယ်။ မနှစ်က တစ်ရာရယ်။ ကလေးစား တော်ပဲက အနုနဲ့ထုတ်ရောင်း လည်း အနုဈေးမို့ အရင့်ခံ ပြီးမှ ထုတ်ရောင်းလည်း အရင့်ဈေးမို့ ဈေးကွက်မှာ သိပ်မျက်နှာပန်းလှတာ။ စား တော်ပဲနုကို လေယာဉ်နဲ့ ရန်ကုန်၊ မန္တလေး ပို့ကြရ တဲ့အထိ။
ခု ဦးဇင်းတို့ စား တော်ပဲနု လှိုင်လှိုင်ဘုဉ်းရ တာ နည်းတဲ့ကုသိုလ်လား။
“ဆာတယ်... ဆာ တယ်။ ကဲ... ဆာဦး၊ ဆာ ဦးဟဲ့။ ဟင်... ဆာသေး လား” တဖုန်းဖုန်း ရိုက်နေ သံ ကြားတော့ ဆွမ်းဘုဉ်းနေ ကြတဲ့ ကိုယ်တော်တွေ ရေ သွန်ချောင်ဘက် ပြိုင်တူ လှမ်းကြည့်လိုက်တယ်။ ဦးဇင်းလေးကတော့ လှည့် မကြည့်ဖြစ်ပါဘူး။
ဒါ မိစိန် လက်ချက်ပဲဆိုတာ တန်းသိ တယ်။ မိစိန်တို့၏ မာယာ ပေါ့။
“မိစိန်ရာ... သံဃာ တွေ ဘုဉ်းကြပြီးရင် ကျွေးမှာ ပါဟာ။ ကလေးကို အချောင် ရိုက်ပြမနေပါနဲ့” ကပ္ပိယကြီးကလည်း ရိုးနေပြီလေ။
ဖိုးဇော်တို့၊ မိစိန် တို့နဲ့ နဖူးတွေ့ ဒူးတွေ့ တွေ့ နေရ တာကိုး။ မိစိန်ခြေ မလှမ်းခင် ကတည်းက မျက် နှာကြည့်တာနဲ့ ဘယ်အရပ် ဦးတည်မယ်ဆိုတာ သိပြီး သားကိုး။
“ဟုတ်ပါဘူးတော်၊ မုန့် ဟင်းခါးဆိုလို့ မုန့်ဟင်းခါး တောင်းကျွေးရပြီးပြီ။ မကြာ ပြန်ဘူး။ ပေါက်စီတဲ့။ အသားနဲ့မှ ဆိုတာပါသေး။ ဒါနဲ့ ဖိုးလမင်းမှာ မျက်နှာ အောက်ကျို့ပြီး တောင်းကျွေး ရပြန်။ လက်ဖက်ရည်ဆိုင် ရှေ့ရောက်တော့ ချိုချို သောက်ချင်တယ်တဲ့။ မနက် တင် နှစ်ခါရိုက်ထားတာ မမှတ်ဘူး”
“ကလေးသနားလို့ ပေး ကြ၊ ကျွေးကြတော့ ညည်း ရော မစားရဘူးလား”
“ဒါတော့ ဒါပေါ့တော်၊ အားအားရှိ ခါးထစ်ခွ ဆာနေ လို့ ဖြစ်ပါ့မလား"
“အလကား ပလီတာ ကပ္ပိယကြီး၊ ဆာတာက သူရယ်။ ကလေး ဗန်းပြရိုက် တာ”
“အောင်မယ်... အရူး အစုတ်ပလုတ်တွေကများ ရာရာစစ”
“ဖိုးဇော်၊ မောင်တင့် ဟေ့ကောင်တွေ ငါသိတယ် အသာနေ။ မိစိန် ဟိုခရေပင် အောက် သွားထိုင်နေ။ ပြီးရင် ငါ ခေါ်လိုက်မယ်။ အသံ မထွက်ကြနဲ့။ မင်းတို့ကွာ”
အချိုပွဲ ဘုဉ်းပေးကြ တော့ အချိုရည်က ပါတာ မဟုတ်ဘူး။ ရေနွေးကြမ်း လေးနဲ့ပဲ ကျေနပ်ကြတော့ တာ။ ဘုန်းကြီးအတွက်က တော့ Coffee Mix တစ်ခွက် ပုံမှန်ရှိတာပေါ့လေ။ ကျန် သံဃာတွေက အလှူရှင်ရှိရှိ မှပဲ။ အချိုပွဲသာ ဆိုတာပါ။ ဖွယ်ဖွယ်ရာရာ မဟုတ်တော့ ပါဘူး။
ကိုရင်တွေ ဆွမ်းခံရ ခဲ့တဲ့ ပါပလာ၊ တို့ဟူး၊ ခရမ်း သီးကြော်လောက်ပါ။ မြေပဲ ယိုလေး၊ ထန်းလျက်လေးက တော့ မပြတ်ရှိတတ်တယ်။ လက်ဖက်တောင် မြေပဲမပါ တာ ကြာပြီကော။ ဈေးက ကောင်းတော့ တစ်နယ်တစ် ကျေး သွားပျော်နေကြတော့ တာ နေမှာပါ။ ပဲကြမ်းလေး နည်းနည်းနဲ့ နှမ်းဖြူးထားရုံ လေး။ ငှက်ပျောသီးကတော့ တစ်ပါးတစ်လုံးကျပေါ့လေ။ ဒါတောင် ငှက်ဆော်သီးလေး တွေပါ။ ဖီးကြမ်းတို့၊ ၀က် မလွတ်တို့က တစ်လုံးတစ် ဆယ်တဲ့။ ၀က်သာ မလွတ် တာ၊ ဦးဇင်းလေးတို့ လွတ်နေ တာတော့ ကြာပြီ။ ဟိုတုန်း ကတော့ ပန်းသီးတို့၊ လိမ္မော် သီးတို့က ဆိုတာ ပန်းကန်နဲ့ အမောက်။ နေ့မြင် ညပျောက် ပဲလေ။
မတည်မြဲခြင်း အနိစ္စ ကိုး။ ကိတ်မုန့်တို့၊ ဆနွင်း မကင်းတို့၊ သစ်သီးဖျော်ရည် တို့ဆိုတာ မျက်နှာကြီးပွဲတွေ ပင့်ဖိတ်မှပဲ မြင်ရတွေ့ကြရ တော့၊ ဦးဇင်းလေးက အစာ ပိတ်အနေနဲ့ ရေနွေးကြမ်းတစ် ခွက်သောက်၊ ခွက်မှောက်ချ၊ ဘုရားကန်တော့ပြီး အဆောင် ပြန်ခဲ့တော့တယ်။
ခဏတစ် ဖြုတ် ခြေအညောင်းဆန့် ကျိန်းစက်ပြီး စာဝါလိုက်ရ ဦးမှာကိုး။ စာဝါလိုက်ပြီး စိတ်ဆန့် တဲ့သဘောနဲ့ အရိပ်ရတဲ့ ခရေ ပင်အောက် လျှောက်ခဲ့တယ်။ ခရေပင်အောက်မှာ ကပ္ပိယ ကြီးက သပိတ်တွေ ဆင့်စီပြီး ၀ါးပြားလေးတွေနဲ့ ချုပ်ချည် နေတယ်။ သဲပြင်ပေါ်မှာက သပိတ်တွေ ပြန့်ကျဲလို့။
“ကပ္ပိယကြီး ဘာလုပ်ဖို့ တုန်းဗျ”
“မန္တလေးပို့အောင်လို့၊ အဖေးကွာ ဖင်ပေါက် သပိတ်ဟောင်းတွေလေ။ သုံး မရတော့တဲ့ သပိတ်တွေ။ ဒါတွေကို အသစ်နဲ့ လဲမလို့။ အလုံးတစ်ရာလောက် ရှိ မလားဘဲ။ ဟိုပို့ရင်လည်း ရှစ် လုံး၊ ကိုးလုံးလောက် ရ မလားဘဲ” “ပြန်ရတာက နည်းလှ ချည်လား”
“ဘာထူးလဲ ဦးဇင်း လေးရယ်။ သည်အတိုင်း ထားလည်း ရှုပ်တာပဲရှိတာ။ အသစ်လေးငါးလုံး တိုးဦး တော့ နည်းလား။ ဒီသပိတ် တွေက အရေအတွက်သာ များနေတာ သုံးမှမရတော့ ဘဲ။ လေးငါးလုံးတိုးလည်း လေးငါးလုံးပေါ့။ ကိုယ့် ကိုယ်တော်တွေ ဆွမ်းခံထွက် တော့ ပြောင်ပြောင်ရောင် ရောင် ရှိတာပေါ့”
“နေ့လယ်က မိစိန် ဘာ ဖောက်ပြန်တာတုန်း”
“ဒါ သူလုပ်နေကျ ဥာဏ်နီဥာဏ်နက်လေ။ ဖိုး ဇော်တို့၊ မောင်တင့်တို့က လည်း အသင့်စောင့်နေကြပြီ။ မကြည်ကို ဇလုံရွက်လာတာ မြင်ပြီးဆိုတော့ သူ့အတွက် ကောင်းကောင်း မရမှာစိုးတာ နဲ့ ကလေးဗန်းပြရိုက်တာ။ သူ့အရင် ကျွေးအောင်လို့ လေ။ မိစိန်နဲ့လည်း ခက်ပါ တယ် ဘုရား။ ပြီးခဲ့တဲ့ တန်ဆောင်မုန်းက တော်တော် ဒုက္ခပေးတာ။ သူ့ကလေး ဖျားနေတာကို သူက မသိ ဘူး။ သူကတော့ ကလေး ငြိမ်နေရင် ကြိုက်မှာကိုး။ စိတ်ကလည်း နှံ့တာ မဟုတ် တော့ သူ့ကလေး ဘာဖြစ်လို့ ဖြစ်မှန်းလည်း သိတာမဟုတ် ဘူး။ တပည့်တော်က မသင်္ကာတာနဲ့ ကလေးစမ်း ကြည့်တော့ ခြစ်ခြစ်တောက် ပူလို့။ လှုပ်နိုးကြည့်တော့ ကလေးက မျက်လုံးလေးပဲ ဖွင့်ကြည့်နိုင်ရှာတော့တယ်။ အသံလေးကို မပေးနိုင်တော့ တာ။ ဒါနဲ့ ဘုန်းကြီးလျှောက် ပိုက်ဆံယူ ဆိုက်ကားငှား ထွက်ရတော့တာပေါ့။ ဆိုက် ကားနောက်မှာက မိစိန်က ကလေးပွေ့ထိုင်လို့၊ တပည့် တော်က ရှေ့မှာ မိန့်မိန့်ကြီး။ မိသားစုတစ်စု ဆေးခန်းသွား ပြမယ့်ပုံမျိုး။ မိစိန်က ဆိုက် ကားစီးရတာ ပျော်လို့။ သူ့ သားကို လှုပ်လှုပ်နှိုးပြီး သား လေး... သားလေး မေမေတို့ ဆိုက်ကားပေါ်မှာ၊ ဆိုက်ကား ကြီး စီးနေတာနဲ့ အသံက ကျယ်တော့ ဟိုကကြည့်၊ ဒီကကြည့်နဲ့ တပည့်တော်မှာ ရှက်လိုက်တာ။ ဆိုက်ကား ဆရာကတော့ ရယ်လို့ပေါ့ လေ။ “ဒါနဲ့ ဆေးခန်းရောက် ရော ဆရာဝန်က ငေါက်တာ ပေါ့။ ခင်ဗျားတို့ဗျာ... ကိုယ့် ကလေးကိုယ် ဒီလောက်ထိ ပစ်ထားကြလားတဲ့။ တပည့် တော်မှာ အရူးမလင် အချောင် ဖြစ်လိုက်ရသေး။ ကလေး အဖေကို မေးတော့မြန်းတော့မှ ဆရာဝန်က သဘောပေါက် သွားပြီး “ဆောရီးဗျာ”တဲ့။ ဆရာဝန်က မိစိန် ကြောက် သွားအောင် ငေါက်ငမ်းမေး တော့တာ။ အစားမစားတာ ဘယ်နှရက်ရှိပြီလဲ၊ ငြိမ်နေ တာ ကြာပြီလား၊ ၀မ်းသွား သလား ဘာညာပေါ့။ မိစိန် က အဲ့ဒါတော့ မှန်အောင် ဖြေ နိုင်သား။ မသိစိတ်ထဲမှာ မိခင်စိတ်ငွေ့ငွေ့လေးတော့ ရှိဦးမှာကိုး။ ဒါနဲ့ ဆေးတစ် ချက်ထိုးပေးတယ်။ သောက် ဆေးတွေကျတော့ တပည့် တော်ဆီအပ်ပြီး ဘယ်အချိန် ဘယ်ဟာသောက် မှာတာ ပေါ့။ ဆေးဖိုးရှင်းတော့ ဆရာ ၀န်လေးက မယူဘူး။ ပိုက်ဆံ ယူလို့ ဖြစ်မလားဗျာတဲ့။ အဲဒါ ကျောင်းမှာ တစ်ပတ်လောက် ခေါ်ထားပြီး ကလေးဆေးကု ပေးရသေးတာ”
“သူ့ကလေးကို မွေးစား မယ့်သူ မပေါ်ဘူးလား”
“ပေါ်ပါတယ် ဘုရား။ ဘုန်းကြီးဆီလာကြတဲ့အထဲ မှာ တစ်နယ်တစ်ကျေးက ၀န်ထမ်းတွေလည်း ပါတယ်။ သူတို့ထဲက တောင်းတဲ့သူ ရှိတာပေါ့။ ဘုန်းကြီးက ပေး မွေးစားမယ်ဆိုလည်း တစ် နယ်တစ်ကျေးကမှ ဖြစ်မှာ တဲ့။ ဒီမြို့ခံက မွေးစားရင် ကလေးရှေ့ရေး ပူရလို့တဲ့။ ဒါပေမယ့် မိစိန်က မပေး ဘူး။ သူ့ကလေးကိစ္စ ပြော ရင် ဘုန်းကြီးကိုတောင် ပြန် ပြန်ပက်တာ။ မျက်လုံး စူးစူးကြီးနဲ့ ဘုန်းကြီးကို စိုက် ကြည့်ပြီး ဒေါသတကြီးနဲ့။ “မပေးနိုင်ဘူး၊ မပေး နိုင်ဘူး။ ကိုယ့်ကလေး ဘာ လို့ သူများပေးရမှာလဲ။ လူ တွေကြားထဲကို ငါ့ကလေး မထည့်နိုင်ဘူး။ ဘုန်းကြီးဆီ မှာပဲ ကိုရင်ဝတ်ခိုင်းမယ်။ ကျွန်မကတော့ တောင်းစား မယ် ဘာညာပြောတော့တာ ပဲ။ တစ်ခါတစ်ခါ ပြောသေး တာ။ သူ့ယောက်ျားသေရတာ ဒီလိုလူတွေကြောင့်တဲ့။ ဒီလို လူတွေကြောင့် အချောင်သေ ရတာတဲ့။ နောက်ဆုံးတစ်ခါ ကလေးမွေးစားစေဖို့ တိုက် တွန်းတော့ ငိုတာ ဘုရား၊ ဘုန်းကြီးခြေရင်းမှာ လှိမ့်နေ တာပဲ။ “အရှင်ဘုရားရယ်... တပည့်တော်မ ကလေးကို အဲဒီလူတွေနဲ့ မထည့်လိုက်ပါ ရစေနဲ့။ တပည့်တော်မ ယောက်ျား သေသွားတာ အဲ့ သလို လူတွေကြောင့်။ ငါ့ ယောက်ျားသေသွားတာ နင် တို့ လူတွေကြောင့်။ ငါ့ ယောက်ျား ကြားက အချောင်သေရတာ။ ကျွန်မ ကလေးကို ဘုန်းကြီးဆီမှာပဲ ထားပေးပါတော်။ ရှိကြီးခိုး ပါရဲ့။ လူတွေဆီပေးလိုက်ရင် အချောင်သေရပါဦးမယ်။ ဘုန်းကြီးဆီမှာပဲ ကိုရင် ၀တ် ပေးပါနော်... ဘုန်းကြီးနော် နဲ့ ချွဲတတ် ပြောတတ်လိုက် တာ ဇာတ်ခုံပေါ်က အရူးမ ကျနေတာပဲ။ နောက်တော့ ဘုန်းကြီးလည်း သနားတာနဲ့ မွေးစားဖို့ကိစ္စ မပြောတော့ ဘူး။ ရှေ့နှစ်လောက်ဆို ကလေးကို ကျောင်းခေါ်ထား တော့မယ် ပြောတာပဲ။ ရှေ့ နှစ်ဆို လေးနှစ်ပြည့်ပြီလေ။ ခုတော့ ကလေးက ငယ်သေး တော့ သူ့အမေနဲ့ပဲ ထားရတာ ပေါ့”
“ဒီကျောင်း ရောက် လာတာ ကြာပြီလား”
“ဒီကျောင်း ရောက်လာ ခါစက ကလေးက လပိုင်း ရှိသေးတာ။ ဘုန်းကြီးက သနားတာနဲ့ ဂရုစိုက်ကျွေး ထားခိုင်းတာ။ အရူးမဆို တော့ ကျောင်းခေါ်ထားလို့ လည်း မဖြစ်ဘူးလေ။ အိပ် တာကတော့ ဥပုသ်ချောင် ဘေးမှာ ကျောက်ထုတဲ့တဲ တွေပေါ် သွားအိပ်တာပေါ့။ အဲဒါ မိစိန်များ နှစ်ရက်၊ သုံး ရက် ပျောက်နေရင် ဘုန်းကြီး က စိတ်ပူပြီး ရှာခိုင်းရော။ တပည့်တော်မှာ အရူးမ ရှာပုံ တော် ဖွင့်ရတာ နည်းတဲ့ဒုက္ခ မဟုတ်ဘူး။ သူတို့အရူးတွေ က ဘယ်ကနေ ဘယ်လို သတင်းရကြတယ် မသိဘူး။အလှူတို့၊ မင်္ဂလာဆောင်တို့ ရှိရင် အဲဒီရှေ့ သွားစုနေကြ တာ။ အဲဒီမှာ မတွေ့မှ လူ များများစုတတ်တဲ့ ဈေးတို့၊ ကားဂိတ်တို့၊ စားသောက် ဆိုင်ရှေ့တွေ လိုက်ရှာရတာ။ဘုန်းကြီးက ကလေးစိတ်ပူ တော့ တပည့်တော်ပဲ ပင်ပန်း တာ”
“မိစိန်က ဒီဇာတိပဲ လား”
“ဟုတ်လောက်ဘူး ထင်တယ်။ သူတို့ ဒီရောက် လာတော့ လင်ကိုယ်မယား ဈေးဆိုင်လေး ဖွင့်နေကြတာ ပြောတာပဲ။ နေကြရင်းနဲ့ လွန် ခဲ့တဲ့ ဆယ်နှစ်လောက်က လင်မယားနှစ်ယောက်စလုံး ကြက်ပျောက် ငှက်ပျောက် ပျောက်သွားတာတဲ့။ အဲဒီ တုန်းက သိပ်သတိမထားမိ လိုက်ကြဘူး။ ငါးနှစ် လောက်ကြာတော့ မိစိန်တစ် ယောက်တည်း ပြန်ရောက် လာပြီး ခုအတိုင်းဖြစ်နေတာ။ ရောက်ခါစက တော်တော် ကြမ်းဆိုပဲ ဘုရား။ သူတို့ ဈေးရောင်းခဲ့ကြဖူးတဲ့ ဆိုင် ကလေး ရှေ့တစ်နေကုန် ထိုင်ပြီး လမ်းသွားလမ်းလာ တွေကို ထိုင်ဆဲနေတာတဲ့။ တစ်ခါတစ်ခါ စက်ဘီးစီး သွားတဲ့ လူတွေကို ဆွဲလား ရမ်းလားလုပ်လို့ အချုပ်ထဲ ၀င်ရဖူးသတဲ့။ နောက်မှ ငြိမ်သွားတာတဲ့”
“တမြန်လတုန်းက လည်း ကျောင်းရှေ့ထိုင်ပြီး အော်ဆဲနေပါသေးတယ်”
“အဲ့ဒါပေါ့ ဘုရား။ တစ်ချက် တစ်ချက် ကြမ်း ချင်တာက ခက်တယ်။ အဲဒီ တုန်းကလည်း ထောင်ဆဲနေ လိုက်တာ။ ဟ၀ှာချင်းကို မိုး မွှန်လို့။သူ့ကလေးက မငိုတဲ့ အပြင် သူ့အမေ ထောင်ဆဲနေ တာကို သဘောတကျကျနဲ့။ ကလေးသွားခေါ်တော့ အခေါ်မခံဘူး။ တပည့်တော် တောင် ဆဲလွှတ်တာ။ အဲဒါ မကြည်ခေါ်ပြီး ချော့ခိုင်းရ တယ်။ မိန်းမချင်းဆိုတော့ ၀င်ဆွဲခေါ်လည်း သင့်တော် တယ်လေ။ “မကြည်ဆိုတာက လင်မယား နှစ်ယောက်စလုံး ဒီကျောင်း စတည်ကတည်း က ထင်းခွဲ၊ ရေခပ်၊ အမှိုက် လှဲ လုပ်လာခဲ့ကြတာ။ ဒီကျောင်းမှာ ပျော်နေကြ တော့တာ။ ကျောင်းက ဘုန်း ကြီးကအစ ဝေယျာဝစ္စအဆုံး စားသောက်ကြပြီးပြီဆို ပိုတာ တွေကို ဇလုံကြီးနဲ့ထည့်ပြီး သိမ်းကျုံးယူသွားတာ။ ဟို တုန်းကတော့ အသားတွေ ရောပါမှာပေါ့လေ။ ခုတော့ ကြက်ဥဖတ်လေးတောင် ပါမှာမဟုတ်ပါဘူး။ ဒါပေ မယ့် အသီးအရွက်တွေက နည်းမှမနည်း။ ကျောင်းပို့တာ ဆိုတော့ ဆီရွှဲရွှဲ ဟင်းချိုမှုန့် နိုင်နိုင်ကိုး။ အရပ်ထဲမှာတော့ တကယ့် ဟင်းကောင်းပေါ့။ မကြည်မပေးလည်း စားမယ့် ယူမယ့်သူမှ မရှိတော့တာ။ ပိုတာကလည်း ကောင်း ကောင်းကန်းကန်း ပိုတာ မဟုတ်ဘူးလေ။ ဟိုခွက်က နည်းနည်း၊ ဒီခွက်က ဖင်ကပ်၊ ဟိုခွက်ကျတော့ ဆီကပ်လေး အနှစ် ဖတ်လေးပေါ့။ အဲဒီ အကပ်လေးတွေကစ ထမင်း နဲ့သုပ်နယ်ပြီး ယူတာ။ မကြည်တို့ မိသားစုတင် ဘယ်ကုန်မလဲ၊ ကနဦးကတော့ အိမ် နီးချင်းတွေ ဝေတာတဲ့။ အခု တော့ တစ်ပွဲနှစ်ဆယ်နဲ့ တစ်ခါပြင် ပုံစံမျိုး ပြန်ရောင်း တာတဲ့။ မကြည်အိမ်နီးချင်း တွေက မကြည် ပြန်အလာကို စောင့် မျှော်လို့။ မကြည်တို့မှာ ကုသိုလ်လည်းရ၊ ၀မ်းလည်း ၀ပေါ့။
“ဦးဇင်းလေးက သုံးဝါ သာ ဆိုတော့မှာရယ်၊ ဒီ ကျောင်းထဲ အမြဲဝင်ထွက် သွားလာနေသူတွေတောင် အကုန်သိမှာ မဟုတ်ဘူး။ ကိုယ်က နောက်ဆုံးမှ ရောက် လာတာဆိုတော့ ကိုရင်က အစ မ၀ံ့မရဲ ဆက်ဆံနေရတာ။ ကိုရင်သာဆိုတယ်၊ အလတ် တန်း အောင်ပြီးက ပါသေး တာဆိုတော့ သိပ်စပ်စပ်စုစု မလုပ်ရဲဘူးလေ။ ကပ္ပိယကြီး ကိုတောင် ခုနှစ်မှ စကားရဲရဲ ပြောဝံ့သာ။ မိစိန်တို့၊ ဖိုးဇော် တို့ဆိုတာ ရဲရဲသတိထားဖြစ် တော့တာကိုး။ ဦးဇင်းလေး အစက ထင်တာက မကြည် ဇလုံကြီးနဲ့ သယ်သယ်သွား တာ “၀က်စာ” ထင်နေသေး တာရယ်။ နောက်ပြီးတော့ မိစိန် တစ်ချက် တစ်ချက် ကြမ်းတာ သူ့ယောက်ျားကို သတိရမိသွားတဲ့အချိန် ထင် တယ်။ ဘာပြုလို့လဲဆိုတော့ သူ ကြမ်းတော့မယ်ဆို ငါ့ ယောက်ျားသေရတာ နင်တို့ လူတွေကြောင့်၊ လူတွေ ကြောင့် အချောင်သေ ရတာ စတာကိုး။
“သူ့ယောက်ျားက ဘယ်လိုသေသွားလဲ မသိ”
“ပြောတတ်ပါဘူး ဘုရား။ ဒီကနေ ဘယ်ကို ထွက်သွားကြလို့ ဘယ်ကို ရောက်ခဲ့ကြမှန်းမှ မသိတာ။ သူ့ယောက်ျား ဘယ်လိုသေခဲ့ တယ်ဆိုတာ မိစိန်မှပဲ သိ တော့မှာ။ မိစိန်ကလည်း ရူးနေတာဆိုတော့...”
“ရှေးဘ၀ကံလုိ့ပဲ ပြော ရမှာပေါ့လေ။ သူ့ကလေး ရှေ့ရေးပဲ ကျောင်းက ထိန်း ပေးရုံရှိတာပေါ့။ ဒါနဲ့ ဖိုးဇော် တို့၊ မောင်တင့်တို့ကရော”
“မောင်တင့်ကတော့ အရက်ကြောင် ကြောင်တာ ပါ။ သူက ဒီမြို့ခံ၊ ကားပိုင် ပေါ့။ တမူးလမ်း ခေတ် ကောင်းတုန်းက ဘုရင်ပေါ့။ ငွေဝင်က ကြမ်းတော့ အောက်ခြေလွတ်ပြီး ဖြစ်ချင် တိုင်း ဖြစ်သွားတာ။ လူကို ဖျက် အရက်ဆိုတာ သိပ်မှန် တာပါလား ဘုရား။ တပည့် တော်တောင် ကျောင်းကန်နဲ့ စောစောနီးခဲ့လို့။ နို့မို့ဆို မလွယ်ဘူး။ ခုအချိန်ဆို ပိုဆိုး မှာပေါ့။ အရက်တွေက မျိုးစုံ ပေါ်လာ၊ ကြော်ငြာအားက လည်းကောင်းဆိုတော့ တပည့်တော်တို့ဆီက လူတွေ ကြာလေကြာလေ ဒုက္ခဖြစ် ကြလေလေနေမှာပဲ။ မောင် တင့်ဘ၀ ဘယ်လောက် ရင် နာစရာကောင်းလဲ ဘုရား”
“ဖိုးဇော်ကရော”
“ဖိုးဇော်က ဒီမြို့ခံပဲ။ ဒီမြို့မှာ ဆယ်တန်းအောင်သူ တွေ ရှားတုန်းက အောင်ခဲ့ တာ။ ရန်ကုန်၊ မန္တလေးမှာ တက္ကသိုလ် တက်နေတဲ့သူဆို ငေးကြည့်ကြရတဲ့အထိ။ အဲဒီ ခေတ်ကတည်းက ဖိုးဇော်က ရန်ကုန်မှာ ကျောင်းတက်ခဲ့ တာ။ စက်မှုလား၊ ဆေးလား တော့ မသိဘူး၊ တစ်ခုပဲ။ ကျောင်းမပြီးလိုက်ဘူးတဲ့။ စတုတ္ထနှစ် ထင်တယ်။ သူက ဂစ်တာလည်း ကောင်း ကောင်း တီးတတ်တယ်။ အနောက်တိုင်း ယဉ်ကျေးမှု တွေ စ၀င်လာတဲ့အချိန်ပေါ့။ ပြီးတော့ ဘိန်းဖြူတို့၊ ဆေး ခြောက်တို့ စခေတ်စားတဲ့ အချိန်၊ အဲဒီသုံးနှစ်အတွင်း ရန်ကုန်မှာပဲ နေတာလား၊ တခြားတစ်နေရာပဲ ရောက် သွားလား ဘယ်သူမှ မသိနိုင် ဘူးလေ။ အဲဒီတုန်းက ရန် ကုန်နဲ့ ကလေးဆိုတာ ကူးလူး ဆက်ဆံမှုမှ မရှိသေးတာ။ လေယာဉ်တော့ ရှိတာပေါ့။ အခုလိုကြီး အိမ်ဦးနဲ့ ကြမ်း ပြင်မှ မဟုတ်သေးတာ။ သူ့ မိဘတွေလည်း ကျောင်းတွေ ဘာတွေ လိုက်လံရှာသေးပေ မယ့် သူတို့ရောက်သွားချိန်မှာ ကျောင်းက ပိတ်နေပြီ။ ဒါနဲ့ပဲ ဟိုလိုလို ဒီလိုလိုနဲ့ ပြန်ခဲ့ကြရ တော့တာပေါ့ ဘုရား။ ဖိုးဇော် ဒီလိုဖြစ်သွားတာ လူတွေက တော့ အမျိုးမျိုး ပြောကြတာ ပေါ့လေ။
“အခုတော့ သူ့မိဘတွေ ကလည်း ဆုံးတာကြာပြီ၊ သားချင်းတွေကလည်း ရူးနေ တဲ့သူဆိုတော့ အရှည် ဘယ် ကြည့်ထားနိုင်မလဲ။ ဒီ ကျောင်းရောက်လာတာပဲ ဆယ်နှစ် ကပ်တော့မယ်။ ယောက်ျားသားဆိုတော့ ကျောခင်းဖို့ကတော့ နေရာ မရှားပါဘူး။ ဒီကောင့်ထူး ခြားချက်က ဆေးလိပ်သာ သောက်တာရယ်၊ မီးညှိတာ မဟုတ်ဘူး။ ဦးဇင်း သတိ ထားမိလား”
“ဟင့်အင်း၊ မီးမညှိဘဲ ဆေးလိပ် ဘယ်လိုသောက် မတုန်း”
“သူက ဖင်ဆီခံစို အောင်သာ ဆေးလိပ်ခဲထား တာ။ မီးညှိတာ မဟုတ်ဘူး။ ဆေးလိပ်ခဲပြီး တအောင့် လောက်ကြာရင် ထိပ်ကို နည်းနည်းချင်း စချိုးတော့ တာပဲ။ နည်းနည်းလောက် ကြာအောင် ခဲနေလိုက်၊ ဆေး လိပ်ကို နည်းနည်းဖဲ့ချိုးလိုက် နဲ့ အမြဲတမ်း ဒီလိုပဲ။ တကယ် ဆေးလိပ်စွဲနေတဲ့သူ လိုပဲ။ သူလည်း ဆေးလိပ်ကို အဲ့သလိုလုပ်သောက်နေရတာ”
“စိတ္တဇတွေထဲက စိတ္တဇတစ်မျိုးပေါ့ ကပ္ပိယ ကြီးရယ်”
“ဖိုးဇော်က ရူးသာ ရူး တာ။ သန့်သန့်ပြန့်ပြန့် နေ တတ် ထိုင်တတ်တယ်။ ရိုင်း ရိုင်းစိုင်းစိုင်း အော်ဟစ်နေတာ လည်း မရှိဘူး။ တကယ်ကို ယဉ်ယဉ်လေး ရူးတာ။ သူ ဖောက်တာ၊ ကြမ်းတာကို တော်ရုံလူ မသိနိုင်ဘူး။ သူ က အမြဲ ပြုံးစေ့စေ့နေတာ မဟုတ်လား။ သူ တည်တည် ကြီး လုပ်နေပြီဆို အဲတာ ဖောက်နေပြီ။ အများအားဖြင့် တော့ ပူတဲ့ရာသီမှာ အဖောက်များတယ်။ နွေဦး ပေါ့။ နွေဦးဆိုရင် သုံးလေး ရက် ဖောက်ပြီ။ ထမင်း မစား၊ ဟင်းမစား ရူးတော့ တာ။ ဒါပေမယ့် မသိသာ ဘူး။ တပည့်တော်တောင် သူနဲ့အနေကြာလို့။ ပါးစပ်က တတွတ်တွတ် ရွတ်နေတော့ တာ။ သေသေချာချာ နား ထောင်မှ ကြားရတာ။ ဘာ တဲ့..
“မင်းတို့ထင်တာထက် ဆိုးတယ်။ ကြုံဖူးမှသိမယ်။ သိပ်ကြောက်ဖို့ ကောင်း တယ်။ လူတွေက အမျိုးမျိုး။ ဘုရား၊ တရား၊ သံဃာ၊ မိဘ ဆရာ မရှိပါ”
ဒါချည်း ထပ် ခါတလဲလဲ ဆိုနေတာရယ်။ တစ်ချက် တစ်ချက်မှသာ ဟား...ဟား... ဟား... ရယ်တောင် ရယ်သေးတယ် ဆိုပြီး အသံကျယ်ကျယ် ထွက်လာတာပဲ ရှိတယ်။
“ဒီကောင်က ဂစ်တာ တွေ ဘာတွေလည်း တီးခဲ့ တာဆိုတော့ သီချင်းတွေက ခုထိရတုန်းဘုရာ့။ သူ ခဏ ခဏ ဆိုတဲ့သီချင်းတစ်ပုဒ် ရှိ ပါတယ်။ ဟိုဟာပါဘုရား။
ဘာလဲ... သြော်... ရပြီ ရပြီ၊ အစတော့ ဟုတ်ချင်မှ ဟုတ်မှာ။ ]သူတို့တောင့်တ ရင် အာမခံမိုးပေးမယ့် တိမ် တွေလည်း လွင့်ပါးပျောက် ကွယ်... အိုငွေတောင်တန်း ရယ်...” ဆိုတဲ့သီချင်း” “အဲ့တာ ငွေတောင်တန်း ဆီသို့ သီချင်းတစ်ပုဒ်လေ။ စိုင်းထီးဆိုင်ရဲ့ သီချင်းပေါ့။ ဦးဇင်းသိပ်ကြိုက်တာ။ လူ့ ဘ၀တုန်းက သူငယ်ချင်းတွေ နဲ့ ၀ိုင်းဖွဲ့မိရင် မကြာမကြာ ဆိုတဲ့သီချင်း။ ဘီးနံပါတ် ဥု။၀၁၂၂-ူ တို့၊ မေမြို့မိုး တို့၊ မန္တလေးရောက် ရှမ်းတစ် ယောက် တို့ အများကြီးပါ”
“တပည့်တော်ကတော့ သိပါဘူး ဘုရား။ ဖိုးဇော် ဆိုမှ ကြားဖူးတာပါ။ တစ်ခါ တစ်ခါ ဒီကောင်က ထမင်း စားပြီးရင် ဒီကွပ်ပျစ်ပေါ် အိပ် နေတတ်တယ်။ အဲ့တာ တပည့်တော်လည်း ပျင်းပျင်း ရှိရင် သူ့အနားသွားထိုင်ပြီး ဖိုးဇော် သီချင်းတစ်ပုဒ် လောက် လုပ်ပါဦးကွဆိုရင် စတော့တာပဲ။
“အနေကဝေး တော့ အေးခဲတဲ့အချစ်ဟာ... တကယ်တော့ မငြိမ်းသေးဘဲ ဆက်ခဲ့ရင် မခက်ဘူးလား။ ဒီဇာတ်လမ်းလေးအတွက် တစ်ချိန်ချိန် အဆက်ရှိဦးမယ်။ ခုများတော့ တစ်ယောက်က အပြီးတိုင် ကန့်လန့်ကာ ချပြီ”အဲဒီ့နေရာလေး ဖိုးဇော်ဆိုရင် သိပ်နားထောင်ကောင်းတာ။ တပည့်တော်တောင် ဘာလို လိုကြီး ဖြစ်လို့”
“ကပ္ပိယကြီးက ခံစား ချက် ရှိတယ်ထင်တယ်”
“ဟာ... ရှိပါဘူး ဘုရား။ တပည့်တော်က လူပျိုပေါက်မှာပဲ စစ်ထဲ တန်း ၀င်သွားတာ။ စစ်ထဲမှာ ရှစ်နှစ်နဲ့ ခြောက်လကြာ တယ်”
“ဒါဆို ကပ္ပိယကြီးက စစ်ထွက်ပင်စင်စားကြီးပေါ့”
“ပင်စင်စား ဆိုပေမယ့် ထုတ်ရောင်းပြီးတာ ကြာပါ ပြီ။ တပည့်တော် စစ်ထဲဝင် တော့ လူငယ်ကိုး။ ရဲစိတ် ရဲမာန်တွေ တက်<ကနေတဲ့ အချိန်။ အဲဒီတုန်းက တိုက်ရ ခိုက်ရတာကလည်း နေ့မအား ညမနား ဆိုတာမျိုး။ နည်းတဲ့ တိုက်ပွဲကြီးတွေ မဟုတ်ဘူး။ ကိုယ်ကမဆော်၊ သူက ဆော် မှာဆိုတော့ ဆော်ရတာပဲ။ ခုလိုမှ ငြိမ်းချမ်းရေးမရတာ။ အဲဒီတုန်းက စစ်သားဘ၀က နေ့မြင်ညပျောက် ဆိုတာမျိုး။ သောင်းကျန်းသူတွက ပေါမှ ပေါ ဘုရား။ တောင်ဘက် ရှင်းလို့ မပြီးသေးဘူး။ မြောက်ဘက်က ထနေပြီ။ ခုနဲ့တော့ ပြောင်းပြန်ပေါ့။ အဲဒီတုန်းက ကိုယ်ထုလိုက် လို့ ကားခနဲ၊ ကားခနဲ ကျသွားရင် တယ်အားရတာ ကိုး။ အပျော်ဆုံးအချိန်က တော့ ရန်သူ့စခန်းကို ၀င်စီး ပြီးတဲ့အခါ လျှောက်ပတ် လှည့်ကြည့်ချိန်ပဲ။ အားမရ ဆုံး တိုက်ပွဲ ပြပါဆို၊ ဒီချင်း တောင်ပေါ်မှာ ဖြစ်ခဲ့တဲ့ “ခိုင် မိုးလင်း” တိုက်ပွဲပါ။ တပ် ရင်းတွေ ချီသွားပြီး ထင် သလောက် မတိုက်လိုက်ရ ဘူး။ နယ်ခံအကူအညီနဲ့ ဆိုတော့ အလွယ်လေး မိ လိုက်တာ။ ကိုယ့်နယ်မှာ တိုက်ဖူးတာဆိုလို့ ဒီတစ်ပွဲ ရယ်။ ကချင်တို့၊ ကရင်တို့ ဘက်များတာ။ ခုတော့ ဒါ တွေ မရှိဘူးဆိုတော့ “ငြိမ်း” တာပေါ့ ဘုရား။ လေးငါးနှစ် ကြာတော့ တပည့်တော်က မပျော်တော့ဘူး။ တိုက်ရ ခိုက်ရတာ စိတ်မပါတော့ ဘူး။ ဖြစ်ချင်တော့ ရှစ်နှစ် ပြည့်လောက်မှာပဲ တင်ပါး ဆုံကို ကျည်ထိရော။ ဆေး ရုံတက်၊ ဆေးပင်စင်တင်ပြီး ထွက်ခဲ့တော့တာ”
“သြော်... ဒါကြောင့် ကပ္ပိယကြီးက ခြေတစ်ဖက် နည်းနည်းဆာနေတာကိုး”
“စစ်ထဲကသာ ထွက် လာခဲ့တာ။ ကိုယ့်မှာက ဘာ ပညာမှလည်း မတတ်၊ အရင်းအနှီးလည်း မရှိနဲ့ သိပ် ကသီလင်တ နိုင်တာပဲ။ တစ် နှစ်လောက်ကြာတော့ ဒီ အတိုင်းတော့ မဖြစ်တော့ဘူး ဆိုပြီး ကားနောက်လိုက် လုပ်တော့တာပဲ။ ကားစပယ် ယာပေါ့။ စစ်သားဘ၀က လာတာဆိုတော့ ထမ်းရပိုးရ တာ၊ ဖုန်ပေ ရွှံ့လူးတာတွေ က အဆန်းမှမဟုတ်တာ။ အိပ်ရေးပျက်တာလောက် တော့ အပျော့ပေါ့။ ကား စပယ်ယာဘ၀နဲ့ လေးငါးနှစ် ကြာပြန်ရော။ ကားအုံနာက ဒရိုင်ဘာလည်း ဒရိုင်ဘာ။ ဒါပေမယ့် တပည့်တော်ကို ကားမောင်းခွင့် မပေးဘူး။ ကြာရင် အရက်စွဲတာပဲ အဖတ်တင်တော့မှာ။ အဲဒီ တုန်းက ကားက ဒီကျောင်း ၀င်းထဲ လာလာထိုးတာ။ ဘုန်းကြီးနဲ့က ခင်နေတယ်။ တစ်ခါတော့ အုံနာနဲ့တပည့် တော် စကားများကြတယ်။ သူက လခထုတ်ပေးဖို့ကျ အင်မတန် လက်တွန့်တာ။ စကားများ၊ ငွေရအောင် တောင်းပြီးတော့ ဒီကျောင်း မှာ ခဏ၀င်ခိုရာကနေ ခုထိ မြဲနေတော့တာပဲ။ ဦးဇင်း တွက်သလို မိန်းမတွေ ဘာ တွေအတွက် ခံစားချိန်ရှိခဲ့ပါ ဘူး ဘုရား။ “ခံစားချက် ရှိတာက မောင်တင့်ဘုရား။ ဒီကောင် တမူးလမ်းမှာ ခေတ်ကောင်း နေတုန်းက သူ့ရည်းစားလေး ရှိတယ်။ ဗိုလ်ချုပ်လမ်းကပါ ပဲ။ နာမည်ကတော့ ထား လိုက်ပါတော့။ ဒီကောင် လက်ဖျား ငွေသီးနေတဲ့အချိန် ဆိုတော့ ကောင်မလေး မိဘ တွေကလည်း သဘောတူ တယ်။ ယူခါနီးမှာပဲ ဖြစ်ချင် တော့ မောင်တင့်ကုန်ပစ္စည်း တွေ အဖမ်းခံရတယ်။ သူက ဂိတ်တွေနဲ့လည်း အဆင်ပြေ တော့ သူများ မသွားရဲလည်း သွားလိုက်တာပဲ။ မှောင်ခို ခေတ်ကိုး။ တော်တော်ကြီး ကို ထိသွားရော။ ဒါပေမယ့် ဟိုဘက်ကမ်းက ကုလားဆီ မှာ အကြွေးယူ၊ ထပ်လုပ်၊ ထပ်အဖမ်းခံရပြန်ရော။ ဒီတစ်ခါတော့ ကားပါ ပါ သွားတာ။ လူတောင် အချုပ် ထဲက မနည်းထွက်ယူရ တယ်။ နောက်တော့ ဒီကြား ထဲက သူ့ကောင်မလေးက သူ့အခြေအနေသိတော့ မော် တော်ပိုင်ရှင်နဲ့ ယူသွားရော။ မောင်တင့်လည်း အသည်း ကွဲ၊ အရက်သောက်ပေါ့။ တစ်နှစ်လောက်နေတော့ သူ့ အိမ်စီး ဂျစ်ကားလေးကို အမိုးဖွင့်ပြီး ကလေး-ကလေးဝ လူစီးကား လုပ် ဆွဲတယ်။ ခရီးသည်တင်တဲ့ ကားပေါ့ ဘုရား။ ဂျစ်ကား ဆိုတော့ ကုန်တွေဘာတွေမှ မတင်နိုင်တာ။ အစပိုင်းတော့ ဟုတ်သလိုလိုပဲ။ သိပ်မကြာ ပါဘူး။ သူ့ကားပေါ်က ခရီး သည်ဆီက ဘိန်းဖြူမိပြန် ရော။ အဲဒါ လိုက်ရှင်းရင်း ရှင်းရင်းနဲ့ ဂျစ်ကားလေးပါ ပြုတ်သွားပြန်ရော။ အဲဒီ အချိန် အရက်ကလည်း သူ့ကို နိုင်နေပြီဆိုတော့ ဘာမှ မလုပ် တော့ဘူး။ ဘာလုပ်လုပ် လုပ် သမျှ အဆင်မပြေမှတော့ စီးပွားရှာမနေဘူး။ ရှိတာ ထိုင်သုံးပစ်တာ နေစရာအိမ် မရှိတဲ့အထိပဲ ဆိုပါတော့ ဘုရား။ နောက်ဆုံး အရက် ကြောင် ကြောင်သွားပြီး ဒီရောက်နေတော့တာပ”
“ခံစားချက်ရှိတာက မောင်တင့်ဘုရာ့ ဆိုတာက ဘာတုန်း”
“သြော်... ပြောဖို့က အဲ့တာ ဘုရား။ ဘေးချော် သွားတာ။ မောင်တင့်က လည်း တစ်ခါတစ်ခါ သီချင်း ညည်းတတ်တယ်။ ဖိုးဇော် ဆိုတဲ့ ငွေတောင်တန်း သီချင်းပဲ။ သူကတော့ တစ် ပိုဒ်ပဲ ထပ်ထပ်ကျော့ဆိုတာ ပါ။ သူ့ကောင်မလေး ခံစား ချက်နဲ့ရှိမှာပေါ့ ဘုရား။ သူ ဆိုတဲ့အပိုဒ်က ]ဆယ်နှစ်နီး ပါး စောင့်ခဲ့ကြပြီးမှ ဒီအချိန် မှာ တစ်ညဖြစ်ဖြစ် နှစ်သိမ့် ဆုလေးလောက်တော့... တစ်သက်လုံး မခွဲကြခင်...” ဆိုတဲ့နေရာ ဘုရား။ ဒီကောင် စိတ်ကောင်းရှိတဲ့အခါ ဆို တတ်လို့။ ကောင်မလေးကို များ သတိရလို့လားလို့လေ”
“မောင်တင့်ဆိုမှပဲ သီ ချင်းက ပျက်တော့တာ”
“ဦးဇင်းရယ်... လူ့ ဘ၀ဆိုတာ အမျိုးမျိုး ကြုံ တွေ့ရတာပဲနော်။ ရည်ရွယ် ထားသလို မဖြစ်၊ မရည်ရွယ် တာတွေဖြစ်နဲ့။ ကြိုမမြင်ရတဲ့ ပယောဂ အနှောင့်အယှက်တွေ က လူ့ဘ၀တွေကို ကြောက် စရာ ကောင်းအောင် ကပြောင်းကပြန် လုပ်ပစ် တတ်တာပဲ။ မိစိန်ကြည့် ဘုရား။ တကယ်သာ သူတို့ လင်မယားလေးနှစ်ယောက် အေးအေးဆေးဆေးလေး ဈေး ရောင်းပြီး နေခွင့်ရခဲ့ရင် ခုလောက်ဆို ပွဲရုံပိုင်ရှင် ကုန် သည်ကြီးတွေ ဖြစ်ချင်ဖြစ်နေ မှာ။ ခုတော့ အရူးမ မိစိန် ဘ၀နဲ့ ကလေး တွဲလောင်း ဖြစ်ရရှာရော။ လင်သေကုန် ဆုံး လူလုံးမလှရှာဘူး။ ဖိုးဇော်လည်း ဒီလိုပဲ။ သူ့ရည် မှန်းချက်အတိုင်းသာဆို ဆရာဝန်ဖြစ်ဖြစ်၊ အင်ဂျင်နီယာ ဖြစ်ဖြစ်၊ ဂစ်တာသမားတစ် ယောက်ဖြစ်ဖြစ် တစ်ခုခု တော့ ဖြစ်နေမှာပဲ။ ခုတော့ ကြိုမမြင်ရတဲ့ ကံကြမ္မာကို ရှောင်လွှဲမရနိုင်တဲ့အခါ ဒီလို ကြီး ဖြစ်လာခဲ့ရရော။ ဖိုးဇော် သာ ဘိန်းဖြူစွဲလို့ ကြောင် သွားရိုးမှန်ရင်တော့ ကံကြမ္မာ ကြောင့် မဟုတ်ဘူးပေါ့။ ဘာ ပဲဖြစ်ဖြစ်လေ ဖိုးဇော်ဘ၀မှာ ဒီလိုတောင်းစားနေရတဲ့ အရူး တစ်ယောက် ဘ၀ကိုတော့ အိပ်မက်တောင် မက်ခဲ့မှာ မဟုတ်ပါဘူး။ မောင်တင့် ဆိုလည်း ကြည့်ဘုရား... အရက်၊ မိန်းမ ကင်းပြီး ဖြစ် သင့်သလောက်လေး ဖြစ်ခွင့် ရခဲ့ရင် ခုလောက်ဆို ကုမ္ပဏီ တွေ ထောင်ချင် ထောင်ထား မှာ။ ကန်ထရိုက်ကြီး ဖြစ်ချင် ဖြစ်နေမှာ။ ခုတော့ ဦးဇင်း လေး မြင်တဲ့အတိုင်းပဲ”
“ကပ္ပိယကြီးကရော ဘာထူးတုန်း။ တကယ်သာ ကိုယ့်အလုပ်ကလေးမှာပဲ ပျော်ပိုက်လို့ ဒဏ်ရာလည်း မရခဲ့ရင် ရာထူးကြီးကြီးနဲ့ ဟိုဒီလှည့်သွားရင် သွားနေရ မှာ ဟုတ်ဖူးလား”
“အင်း... တပည့်တော် တော့ လွမ်းပါဘူး ဘုရား။ ခုဘ၀လေးကိုပဲ ကျေနပ်ပါ တယ်။ ရှိသေးတယ် ဘုရား။ ကံကြမ္မာက မျက်နှာသာပေး တဲ့ကိစ္စ။ သူတို့ကျတော့ ကံ ကောင်းတယ်”
“ဘယ်သူတုန်း ကပ္ပိယ ကြီးရဲ့”
“မကြည်တို့ လင် မယားလေ”
“လုပ်စမ်းပါဦး”
“ဦးဇင်းလေးပဲ စဉ်းစား ကြည့်။ မကြည်တို့လင်မယား ဒီကျောင်းမှာ လာကူတာက ရည်ရွယ်ချက် ကြီးကြီးရယ် လို့ ရှိတာမဟုတ်ဘူး။ ကျောင်းလာမယ်၊ ထင်းခွဲရေ ခပ်၊ အမှိုက်ရှင်းမယ်။ ဘုန်း ကြီးတွေ ပိုတဲ့ထမင်းဟင်း စား ပြန်မယ်။ နောက်တော့ အပိုအလျှံက များလာတော့ ညစာပါ ထည့်ယူသွားကြ ရော။ အိမ်တစ်အိမ်မှာ စားဖို့ မပူရတော့ရင် တော်တော် ကြီးကို အဆင်ပြေပြီလေ။ ဟော... အဲဒီကနေ တက်ပြီး ပိုလျှံတာတွေ များတော့ “၀က်စာ” လည်း ရပြန်ရော။ ဒါနဲ့တင် ရပ်မနေသေးဘဲနဲ့ အပိုလေးတွေကို သန့်သန့် လေး ဖြစ်အောင် ယူသွားပြီး အိမ်နီးချင်းတွေကို ပြန် ရောင်းပြန်ရော။ တစ်ရက်ကို သုံးလေးရာ ရသတဲ့။ ကဲ... ဒီကျောင်းလေး လာကူလိုက် တာ စားဖို့အပြင် သုံးဖို့ပါ ရလာတယ်။ သူတို့လင် မယား ဒီကို လာကူကြတုန်း က ဒါမျိုးတွေတွက်ပြီး လာ တာမှမဟုတ်ဘဲ။ ကဲ... ကံ ကောင်းချင်တော့ ဒီလိုဖြစ် လာတာ။ ဒါ ကံကြမ္မာမျက် နှာသာပေးတာပဲ ဘုရာ့။ မမြင်ရတဲ့ အရာတွေက သူတို့ကို စောင်မပေးလိုက် တာလို့ ပြောရင်ရမယ်။ မိစိနတို့၊ မောင်တင့်တို့၊ ဖိုးဇော် တို့နဲ့ ကွာသွားရော”
“ဒါပေါ့ ကပ္ပိယကြီး ရယ်။ လူတိုင်းမှာ အတိတ် ကံ၊ ပစ္စုပ္ပန်ကံ၊ အနာဂတ်ကံ ရယ်လို့ ရှိတာကိုး။ အတိတ် ကံနဲ့ ပစ္စုပ္ပန်ကံကောင်းရင် အနာဂတ်ကံဆိုတာ အလိုလို ကောင်းသွားတာကိုး”
“ဒါပေမယ့် တပည့် တော်က ဘုန်းကြီးကျောင်းမှာ သာ နေတာရယ်။ ကံဆိုတာ ကို သိပ်အယုံအကြည် မရှိ ပါဘူး။ ကံဆိုတာ အလုပ်ဆို ပေမယ့် လုပ်တိုင်းမှ မဖြစ် တာ။ လုပ်ချင်တိုင်းမှ လုပ်လို့ မရတာ။ လုပ်တာက တခြား၊ ဖြစ်သွားတာက တခြား။ အဲ့သလိုတွေ တွေ့တွေ့လာရ တော”
“ကံ၊ ဥာဏ်၊ ၀ီရိယတဲ့ ကပ္ပိယကြီးရဲ့။ ကံချည်းပဲ တော့ ဘယ်ဖြစ်မလဲ”
“တပည့်တော် အလို အရတော့ ကံတစ်ခုကောင်း သွားဖို့၊ဆိုးသွားဖို့ဆိုတာ မရေ ရာတဲ့ အနှောင့်အယှက်တွေ အပေါ် ငါးဆယ်ရာခိုင်နှုန်း တည်မယ်လို့ ထင်တာပဲ။ ၀ီရိ ယနဲ့ Óဏ်ဆိုတာက...”
“ဘာမှတော့ ပုံသေ ကားချပ် ပြောလို့မရပါဘူး ကပ္ပိယကြီးရယ်။ အေးအေး ငြိမ်း၊ အိအိငြိမ်းတို့ အမြွှာ ညီအစ်မ ကြည့်ပါလား။ ကံ ဆိုးပြီး “ရင်ဆက်”မွေးခဲ့ကြ တာ။ ဒါပေမယ့် အဲဒီရင်ချင်း ဆက်ခဲ့တာကပဲ ကံကောင်းဖို့ ဖြစ်သွားပြန်ရော။ တကယ် သာ သူတို့ အမြွှာညီအစ်မ နှစ်ယောက် ပကတိ အကောင်းအတိုင်းသာ မွေး ခဲ့ကြရင် သူတို့ရွာကလေးမှာ ပဲ မထင်မရှားနဲ့ နေရရှာမှာ။ ကဲ... ကပ္ပိယကြီးရေ... စကားပြောလို့တော့ ကောင်း သား။ ရေချိုးဦးမှဖြစ်မှာ။ တော်ကြာ... တရားထိုင်သူ တွေ လာလို့ရှိရင် ရေချိုးရတာ မကောင်းဘူး။ အကာမရှိ ဘာမရှိနဲ့”
ဦးဇင်းလေး အဆောင် ဘက် ပြန်ခဲ့တော့ ရေချိုးတွင်း မှာ သံဃာတော်တွေ များနေ ပြီ။ ကိုရင်လေးတွေက တုံကင်ခတ်လို့၊ ကျွိကျွိအသံ က တရစပ်။ ဆ ဒီည ဦးဇင်းလေးခမျာ ဘယ်လိုမှကို ကျိန်းမရဘူး။ ဟိုဘက်လှိမ့်၊ ဒီဘက်လှည့်နဲ့။ လူ့ဘ၀တုန်းက အိပ်မရခဲ့တဲ့ ညတွေကို သတိရမိတယ်။
ဒီည အိပ်မရရခြင်း အကြောင်းကို စစ်လိုက်တော့ ကပ္ပိယကြီးနဲ့ စကားပြောဖြစ် ခဲ့တာက စရမှာပဲ။ မိစိန်၊ ဖိုးဇော်၊ မောင်တင့်၊ ကပ္ပိယ ကြီးနဲ့ မကြည်။ သူတို့တစ် တွေအကြောင်းကို တွေးနေ ရင်းနဲ့ ကိုယ့်အကြောင်းတွေ၊ သူငယ်ချင်း၊ မိတ်ဆွေ အကြောင်းတွေက တသီကြီး ကပ်လိုက်ပါခဲ့ရော။
ဖြစ်ချင် တာ မဖြစ်ခဲ့ပေမယ့် မဖြစ်ချင် တဲ့ ဆိုးဆိုးရွားရွား အဖြစ်ကြီး ကို ဖြစ်နေကြရတဲ့ မိစိန်တို့ တစ်တွေ။ ဖြစ်ချင်တာ မဖြစ် ခဲ့လို့ ဖြစ်ချင်ရာ ဖြစ်သွားခဲ့ ကြတဲ့ ဦးဇင်းလေးရဲ့ မိတ်ဆွေ တွေကရော။ ဖြစ်ချင်တာ မဖြစ်ခဲ့ပေမယ့် မဖြစ်ချင်တာ လည်း ဖြစ်မသွားအောင် ထိန်းသိမ်းတောင့်ထားနိုင်ခဲ့ ကြတဲ့ သူငယ်ချင်းတွေက ရော။ ဖြစ်ချင်တိုင်း မဖြစ်တဲ့ ရောဂါရပြီး ငယ်ငယ်ရွယ် ရွယ်နဲ့ လူလောကကို ကျော ခိုင်းသွားကြတဲ့ ကျောင်းသွား ဖော်တွေကရော။ ဦးဇင်းလေး ကိုယ်၌ကရော။
အားလုံးဟာ တစ် ယောက်ပြီးတစ်ယောက် ဦးဇင်းလေးရှေ့မှာ တန်းစီပြီး လာလာရပ်ပြနေကြသလို။
တချို့က ငိုညည်းအော်ဟစ် လို့။ နားနှစ်ဖက်ပိတ်ထား လည်း အသံတွေက မျက်လုံး ထဲက လှည့်ပတ်ဝင်လာကြ ပြန်တယ်။
နောက်ဆုံး ဦးဇင်း လေးရှေ့မှာ ဦးဇင်းလေးပါ လား။
(ယဿာ နုဘာဝတော ယက္ခာ။ နေ၀ ဒေဿန္တိဘီ သနံ။ ယဥှိစေ၀ါ နုယုÍ္စန္တော။ ရတ္တိန္ဒိဝဒမ တန္ဒိတော။ ကာ မေသု ၀ိနေယျဂေဓံ။ န-ဟိ-ဇာတု ဂ္ဂဗ္ဘသေယျပုနရေတိ) မေတ္တသုတ်ကို မေတ္တာ အပြည့်နဲ့ စိတ်ညွှတ်ရွတ်ဖတ် သရဇ္ဈယ်လိုက်တော့မှ ဦးဇင်း လေး စိတ်တွေငြိမ်စပြုလာ တယ်။
အေးလေ... ဘာပဲ ဖြစ်ဖြစ် တစ်နေ့တော့ သေ ကြရမယ်ဆိုတာ အသေအချာ ပါပဲ ဆိုတဲ့အတွေးက ဘယ် နေရာက ၀င်လာတယ် မသိ ဘူး။ ခုမှ သုံးဆယ်ကျော် ရှိ သေးတာ။ နောက်ထပ် နှစ် နှစ်ဆယ်လောက်တော့ နေလို့ ရပါသေးတယ်။ အဲဒီနှစ် နှစ်ဆယ်အတွင်း ဦးဇင်းလေး က တွေးနေရာကနေ ခေါင်း ရင်းမှာ လက်ရေးနဲ့ကူးပြီး ကပ်ထားတဲ့ စာစုလေးကို ဖျတ်ခနဲ ထဖတ်မိတော့တယ်။
“အသက်ငါးဆယ်နေရ မယ့်သူသည် ဆယ်နှစ်ရွယ် ရှိလျှင် အသက်လေးဆယ် သာ ကျန်တော့သည်။ လွန် ခဲ့သော အသက်ဆယ်နှစ်က သေပြီးသား ဖြစ်နေ၏။ ၄င်း ဆယ်နှစ်ကို ပြန်၍နေချင် သော်လည်း မနေရတော့ပြီ။ ဘုရား၊ ရဟန္တာပင် ဖြစ်သော် ငြားလည်း ပြန်၍နေခြင်းမှာ မတတ်နိုင်ပြီ။
“ထိုသူ အသက်နှစ် ဆယ်ရှိလျှင် နှစ်သုံးဆယ်သာ နေရတော့မည်။ သုံးဆယ်ရှိ လျှင် နှစ်ဆယ်၊ လေးဆယ် ရှိလျှင် ဆယ်နှစ်သာ ကျန် တော့သည်။ ဆယ်နှစ်မျှသာ နေရတော့မည်။ ဆယ်နှစ် တမ်းရောက်ပြီ။ နောင် ကြာ မြင့်မှ ဖြစ်လတ္တံ့သော ဆယ် နှစ်တမ်းကိုတော့ ကြောက် ကြသည်။ ယခုမျက်မှောက် ရောက်နေသော ကိုယ်တွေ့ ဆယ်နှစ်တမ်းကိုတော့ မကြောက်ကြဘူး။ ဆယ်နှစ် တမ်းဟုပင် မထင်ကြ။ ယခု ဆဲဆဲ ဆယ်နှစ်တမ်းသည် သာလျှင် ပို၍ ကြောက်ဖွယ် ကောင်းသည်”
သိမ်တောင် အင်းမကြီး တောရဆရာတော် ဇာတိချက်မြှုပ် မွေးရပ် မြေလေးမှာ ဘယ်လိုမှ ဆက် နေခွင့်မရှိတော့ပြီမို့ မခွဲချင် ခွဲချင်နဲ့ ခွဲခွာခဲ့ရတဲ့ ဦးဇင်း လေးခမျာ ဆယ်နှစ်သက် တမ်းဆိုတာ ဘာမှမကြာ လိုက်ပါလားလို့ တွေးမိရင်း သက်ပြင်းတွေနဲ့ ပြန်မှေးနေ မိတော့တယ်။

ခေါင်ခါးခါး(ကလေး)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အဲတာ ရွှေပေါ်ထိုးနေသည်

ခေါင်ခါးခါး(ကလေး)

အဲတာ၏ အသက် ၁၆ နှစ်သာ ရှိသေးပေမယ့် လူကောင်ကြီးက ထွားလှသည်။ ရုတ်တရက် ဆိုလျှင် ပီဘိ လူကြီး။ နားကြားမှာ ခဲတံထိုး၊ လက်မှာ ကျင်တွယ် ကိုင်ထားပုံက တကယ့် လက်သမား ဆရာကြီး တစ်ဦးလိုပင်။
အဲတာ လက်သမား လောကထဲ ၀င်ခဲ့သည်မှာ ၉ နှစ်သား ကတည်းက။ နွေရာသီ ကျောင်းပိတ် ရက်ရှည်နှင့် စနေ၊ တနင်္ဂနွေနေ့ ရက်တွေမှာ အဖေနှင့် အတူတူ အပျော်လိုက် အလုပ်ကူရင်း ခုတော့ လက်သမား ဆရာကြီး ပီပီ ပေါက်ပေါက် ဖြစ်ခဲ့လေပြီ။ လက်ခ လုပ်အားခ နေ့တွက်သာ တိတိ ကျကျ ရမည် ဆိုပါက အဲတာ ၀င်ငွေက နည်းမှာ မဟုတ်။ အမေနှင့် မိသားစုကို နေ့ဖို့ညစာ မှန်အောင် ထောက်ပံ့နိုင်မှာ သေချာသည်။ ခုတော့ သည်လို မဟုတ်။ အဲတာမှာ လုပ်သာ လုပ်နေ ရသည်။ လုပ်ခက ပီပီသသ မရသေး။ တကယ်ဆိုလျှင် အဲတာက ကျင်တွယ်လည်း ကိုင်တတ်ပြီ။ ရေချိန်လည်း နိုင်ပြီ။ ဆောက်လည်း ကောင်းကောင်း ထွင်းတတ်ပြီ။

လျှာထိုးလည်း ကျွမ်းပြီ။ အသားတေ့ဆက်လည်း တိနေအောင် ဆက်နိုင်ပြီ။ သို့သော် တရားဝင် တာဝန်က ရွေပေါ်ထိုး နေရခြင်းသာ ဖြစ်သည်။ သံဖြောင့် ပျဉ်မ,ကူ၊ တိုင်ထူတွေမှာ နေရာ ရနေခြင်း ဖြစ်သည်။ ဒါကို အဲတာ မကျေနပ်ပါ။ အဲတာ ကိုယ့်နေရာ ကိုယ်နေ ချင်သည်။ အဲတာ ကိုယ့်တန်ဖိုးနှင့် ကိုယ် နေချင်သည်။ သို့သော် တရားဝင် ခေါင်းစီးက နောက်လိုက် ရွေပေါ်ထိုး။ လက်သမားဆရာ အားလုံး၏ တောက်တို မည်ရ စွယ်စုံတပည့်၊ ရံခါ ဆေးလိပ် မီးညှိ ပေးရသေးသည်။ သောက်တော်ရေ ခပ်ပေးရသေးသည်။ လုပ်ငန်းခွင်မှာ ဒဏ်ရာရလျှင် ပရုတ်ဆီ လိမ်း နှိပ်နယ် ပေးရသေးသည်။ တကယ်ဆိုလျှင် အဲတာ ဘ၀က တစ်ကယ့် ပြောင်းပြန်။ သည် လက်သမား အဖွဲ့ကြီး၏ အအုပ်အကြီး ခေါင်းဆောင်ထဲမှာ အဲတာ၏ အဖေ လက်သမား ဆရာကြီး ဦးအောင်သိန်း ဖြစ်သည်။ သည်နယ်မြို့လေးက ဦးအောင်သိန်း တွေထဲမှာ အဲတာ အဖေက လက်သမား ဆရာကြီး ဦးအောင်သိန်း။ ၃-၄ ပင် အိမ် ပေါက်စတွေသာ တည်ဆောက်နိုင်သည့် လက်သမားဆရာ မဟုတ်၊ ၁၀ ပင်ခန်း၊ ၁၂ ပင်ခန်းကြီးတွေကို ခမ်းခမ်းနားနား တည်ဆောက်နိုင်သော လက်သမား ဆရာကြီး ဦးအောင်သိန်း ဖြစ်သည်။ ဦးအောင်သိန်း စိတ်တိုင်းကျသာ လုပ် ဟု ပုံအပ်ခံရသော လက်သမား ဆရာ။ ခု အဲတာတို့ လက်သမား ဆရာက အဖေ ဦးအောင်သိန်း၏ လက်ကျ လက်န တပည့် တစ်ဦး။ အဖေ့ တပည့်တွေက ပညာ အရည်အချင်း အားလုံး အတူတူပင် ဖြစ်သော်လည်း လက်သမား ဆရာက ပြောရည် ဆိုရည်ကောင်း၊ လက်စလက်န သွက်သူမို့ အဖေ ဆုံးပါးတော့ အလိုလို လက်သမား ခေါင်းဆောင် ဖြစ်သွားရခြင်း ဖြစ်သည်။ သည်မှာပဲ အဲတာသည်လည်း အပျော် လက်သမား နောက်လိုက်ဘ၀မှ သူများ လက်အောက်ခံ တရားဝင် လက်သမား နောက်လိုက် ဘ၀ ဖြစ်ရတော့သည်။
အဲတာကလည်း တစ်ချက်ခုတ် နှစ်ချက်ပြတ်။ အဖေ၏ ကြွင်းကျန် ရစ်ခဲ့သော လက်သမား ပစ္စည်းတွေကို လိုက်လံ ထိန်းသိမ်းပေးသည့် သဘောလည်း ပါအောင် လက်သမား ၀င်လုပ်ရခြင်း ဖြစ်သည်။ သို့သော် တတ်ထားသည့် ပညာနှင့် လုပ်နေရသည်က တခြားစီ။ လက်သမား ဆရာက အဲတာကို ရွေ ပေါ်ထိုးခြင်းမှ အခြားမခိုင်း။ "အဲတာ ရွေပေါ်ထိုးနေသည်" ပဲ မြင်ချင်ပုံရသည်။ ပြောရလျှင် လက်သမား ဆရာက အဲတာကို နှစ်လို ပုံမပေါ်။
သွားလေသူ အဖေ့မျက်နှာ၊ ကျန်ရစ်သူ အမေ့မျက်နှာကြောင့်သာ ကြည့်ကျက် ထည့်သုံးပေးသည့် သဘော။

အဖေ့အိမ်ဆောက် ပစ္စည်း တစ်ပုံတစ်ပင်ထက် အဖေ၏ နာမည်ကို ဆက်လက် အသုံးပြုချင်သည့် သဘောကြောင့်သာ လက်ခံသည်ဟု အဲတာ ထင်သည်။ အဖေ့ နာမည်ကလည်း နည်းသည့် နာမည် မဟုတ်။ သည် နာမည် တစ်လုံးကို အဖေ့ သက်တမ်း တစ်လျှောက်လုံး ထိန်းသိမ်းခဲ့သည်။ အဖေ ဆောက်ခဲ့သည့် အိမ်တွေက သည်နယ်မှာ လက်ညှိုးထိုး လွဲဖို့ခက်သည်။ အိမ်ကြီး အိမ်ကောင်း မှန်လျှင် အဖေ ဆောက်လုပ်ခဲ့တာက ခပ်များများ။

လက်သမား ဆရာကြီး ဦးအောင်သိန်း ဆိုလျှင်အားလုံးက ယုံကြည် စိတ်ချပြီး ဖြစ်သည်။ သည်နယ်က ဌာနဆိုင်ရာ အဆောက်အအုံတွေကို အဖေ့ လက်ရာနှင့် မကင်းခဲ့။ အဖေက ကိုယ့်အိမ်လို သဘောထား ဆောက်သည်။ မကုန်သင့်တာ မကုန်အောင်၊ မပိုသင့်တာ မပိုအောင် တွက်ဆ လုပ်ကိုင် တတ်သည်။ သံချောင်း တစ်ချောင်းကစ ဂရုစိုက်သည်။ အောက်ကျသွားလျှင် ချက်ချင်း ပြန်ကောက်သည်။ ပြန်ဖြောင့်ပြီး သုံးလို့ ရမည့် သံချောင်း ဆိုလျှင် စိတ်ရှည်ရှည် ဖြောင့်ပြီး ပြန်သုံးသည်။

"သံချောင်းကိုမှ မရိုသေရင် အဲဒီ လက်သမားဆရာ ဘယ်တော့မှ မကြီးပွားဘူး"

အဖေ၏ လက်သုံး စကား။ တပည့်သား မြေးများကိုလည်း ငဲ့ညာသည်။ လက်သမားဆရာ ဆိုပြီး လက်ဝါးကြီး မအုပ်။ မျှတ ယူသည်။ အလုပ်ပါးသည့် ရက်လများတွင် တပည့်သားမြေးများကို ဆန်၊ဆီ၊ပဲ ထိုက်သလောက် ပေးသည်။ အလုပ်ခွင် အတွင်း ထိခိုက် ဒဏ်ရာရသူများကို ပျောက်ကင်းသည် အထိ တာ ၀န်ယူ ကုသပေးသည်။ နေ့တွက် လုပ်အားခကိုလည်း မဖြတ်။ အလုပ်ဆင်းသည့် နေ့တွက် လုပ်ခအတိုင်း ပေးသည်။

အဖေက လက်အောက် ငယ်သားတွေကိုသာ ငဲ့ညာသည် မဟုတ်။ အလုပ်အပ်သည့် အိမ်ရှင်ကိုလည်း ငဲ့ညာသည်။ မရှိမဲ့ ရှိမဲ့ ခြစ်ခြုတ် ဆောက်ရသူ ဆိုလျှင် လက် သမားခ လျှော့ယူသည်။ အဆင်မပြေလို့ ခဏဆိုင်းပါဦး ဆိုလျှင် ဘာမှမပြော။ သည်လိုနှင့် အိမ်အမိုးတွေသာ တစ်နှစ်ပြီး တစ်နှစ် လဲသွားသည်။ အဖေ့ လုပ်အားခက ကျေအောင် မရသေး။ အိမ်ရှင်ဆီက အိမ်ဆောက်ခ အကျေမရသေးသော်လည်း အောက်လက် ငယ်သားတွေကိုတော့ အဖေက အကြွေးမထားပါ။

ထို့ကြောင့်ပင် ထင်သည်။ အလုပ်နှင့် လက် မပြတ်သော အဖေသည် လက်သမား ဆရာကြီးဟူသည့် ဂုဏ်ပုဒ်နှင့် အတူ ၂ထပ်အိမ် တစ်လုံးသာ ကျန်ခဲ့သည်။ အခြား စုမိ ဆောင်းမိ မရှိ။ အမေကလည်း ခပ်အေးအေးဆိုတော့ အခြားစီးပွားလည်း မရှာတတ်။ ခုတော့ လက်သမား ဆရာက အဖေ့ နာမည်နှင့် အလုပ် ဖြစ်နေပြီ။ အိမ်ကြီးအိမ်ကောင်း တွေကို လက်ညှိုး ထိုးပြပြီး "ကျုပ်ဆောက်ခဲ့တဲ့ အိမ်တွေ ဗျ။ ဦးအောင်သိန်းက လက်သာခံတာ၊ ဆောက်တော့ ကျုပ်တို့က"ဟု အသားယူ ပြောတတ်ပြီ။

ဌာနဆိုင်ရာ အဆောက် အအုံတွေကို ကန်ထရိုက်ယူတော့မည် ဆိုလျှင် အဖေ့နာမည် အဖေ့အရှိန်နှင့် ၀င်တတ်သည်။ "ဦးအောင်သိန်းထက် မသာတောင်၊ ဦးအောင်သိန်းထက် မညံ့ပါဘူး"ဟု အဖေ့ကို လက်ရာ တိုင်းချင်လာသည်။ အခြားပြိုင်ဘက် လက်သမားအဖွဲ့တွေကိုလည်း နှိမ်ပေါက်နှင့် ဆက်ဆံတတ် လာသည်။

"ဦးအောင်သိန်းဆီမှာ တပည့် မခံဖူးဘဲနဲ့တော့ လက်သမားဆရာလို့ လာမပြောနဲ့" ဒါမျိုးကျရင်တော့ အဖေ့ဂုဏ်ကို ထိန်းတတ်သည်။ လက် သမားအဖွဲ့ နာမည်ကိုလည်း အဖေ့နာမည် အတိုင်းပင် ဆက်ပေးထားသည်။ လက်သမားဆရာ၏ အိမ်ရှေ့က ဆိုင်းဘုတ်မှာ အဖေ့နာမည်က ထင်းထင်းကြီး။ အဲတာတို့ အိမ်ရှေ့မှာလည်း အဖေ ရှိစဉ်တုန်းကတိုင်း ဆိုင်းဘုတ် ချိတ်ထားသည်။ သို့သော် ဆိုင်းဘုတ် သာရှိပြီး အလုပ် လက်ခံမည့် သူက လက်သမားဆရာ ဖြစ်နေ၍ လက်သမား ဆရာအိမ်ကိုသာ တန်းသွားကြတော့ သည်။ အဲတာတို့မှာ အဖေ့နာမည် ဆိုင်းဘုတ်လေးသာ ချိတ်ထားရုံ ရှိသည်။
အခြားဘာမှ ရပိုင်ခွင့်၊ လုပ်ပိုင်ခွင့် မရှိတော့။ ဒါကိုလည်း သဘာဝ တစ်ခုဟု နားလည်ပါသည်။ ဖြစ်ရိုးဖြစ်စဉ် ကိစ္စတစ်ရပ်ဟု အဲတာ လက်ခံနားလည် ပါသည်။ အဲတာ နားမလည်သည်က လက်သမား ဆရာကို ဖြစ်သည်။

လက်သမားဆရာ အဖေ့ဆီ စတင် ရောက်ရှိလာစဉ်က ရွေပေါ်ပင် ကောင်းကောင်း မထိုးတတ်သေး။ အိမ်ပေါ်တင် ထမင်းကျွေး၊ ဆေးလိပ် လက်ဖက်ရည်ဖိုး ပါ ပေးရသော တောက ခပ်ရိုးရိုးလူတစ်ယောက်သာ ဖြစ် သည်။ အိမ်မှုကိစ္စတွေ ၀င်လုပ် ကူရင်း အဲတာတို့ မောင်နှမတွေကို ချီပိုးခဲ့သည်။ အဖေ ခေါ်သည့် အခါ အလုပ်ခွင်သို့ လိုက်သွားသည်။ အဖေက လက်သမား အလောင်း အလျာကို ဆေးလိပ်ဖိုး၊ ကွမ်းယာဖိုး ပေးရင်း ပညာ သင်ပေး ခဲ့ရသည့် သဘော။ ခုတော့ လက်သမား ဆရာသည် အဲတာတို့ အဖေ့ မျက်နှာ သာမက အဲတာတို့ မိသားစုကိုပင် မငဲ့တော့။ အဲတာတို့ ဂျီထိုးသမျှ၊ အဲတာတို့ မောင်နှမတစ်တွေ လက် ညှိုးထိုးသမျှ အဲတာတို့ ချီပိုးခိုင်းသမျှ မဆိုင်းမတွ လုပ်ပေးခဲ့ရသည့် တစ်ခါတုန်းက လက်သမား လျောင်းလျာကြီးသည် ခုတော့ အဲတာတို့ အလုပ်ရှင်နှင့် အလုပ်သမား ဆက်ဆံရေးမျိုး ဆက်ဆံလာပြီ။

အလုပ် ခေါ်ထားသည့်တိုင် အဲတာကို ရွေပေါ် လုပ်သားအဖြစ်သာ လက်ခံပြီး ရွေပေါ်ထိုး လုပ်ခသာ ပေးသည်။ လက်သမား လုပ်ငန်းတွင် ရွေပေါ် ထိုးခြင်းသည် အောက်ဆုံး အလုပ်၊ ဘယ်သူမှ မလုပ်ချင်ကြ။ ပင်ပန်းသလို လုပ်အားခလည်း နည်းသည်။ လက်သမားဆရာက တစ်ခါတုန်းက ဆရာ၏ သား တစ်ယောက်ဆိုတာ မေ့နေပုံရသည်။ တကယ့် လက်အောက်ခံ လက်ခစား တစ်ယောက်လိုပင် ပြောင်ပြောင်တင်းတင်း ငေါက်ငေါက်ငမ်းငမ်း ဆက်ဆံသည်။
ဆရာ့သား ဆိုပြီး မငဲ့ မညှာ။ ရွေပေါ်ထိုးခြင်းမှ လွဲ၍ အခြား ဘာမှ မခိုင်း။ အဲတာက အဖေပိုင် ပစ္စည်းတွေနှင့် အလုပ်၌ လုပ်ငန်းခွဲဖို့ အမေ့ကို တိုင်ပင်တော့ "သားက ငယ်ပါ သေးတယ်ကွယ်၊ မောင်စိန့်အောက်မှာပဲ နှစ်နှစ် သုံးနှစ် လုပ်ပါဦး"ဟု လေပြည် ထိုးတားသည်။ လက်သမားဆရာက အမေ့ကို ထိုက်သလောက်တော့ ပိုက်ဆံ ပေးသည်။

ပစ္စည်းတွေက အဖေ့ ပစ္စည်း၊ နာမည်က အဖေ့ နာမည်၊ မိတ်ဟောင်း၊ မိတ်သစ်တွေက အဖေ၏ မိတ်ဟောင်း မိတ်သစ်တွေမို့ အမေနှင့် ပြတ်ပြတ်ကင်းကင်း ကြီးမနေရဲ။ ပစ္စည်းတွေ အလကား သုံးခွင့်ရနေသည်မို့ လစာ သဘောမျိုး အမေ့ကို ပုံမှန် ပေးရသေးသည်မဟုတ်လား။ ဆန်ပေး၊ ဆီပေး လာလာပေး တတ်သည်။ အမေ ကလည်း ဒါလေးနှင့် ကျေနပ်နေသည်။ သို့မဟုတ် ကျေနပ် နေရသည်ပဲလား။ တကယ်ဆို လက်သမားဆရာ ၀င်ငွေကမနည်း။ ခေတ်က ဆောက်လုပ်ရေး လုပ်ငန်းတွေ အားချင်း ဖြစ်နေသည်မို့ အလုပ် မပြတ်။ ဆက်နေသည်။ ထပ်နေသည်။

လက်သမားဆရာ ကံကောင်းသွားသည်က အဖေ့ လူတွေကိုပါ တစ်ခါတည်း ရလိုက်ခြင်းပင်။ အဖေ့တပည့်တွေက လုပ်ငန်းကျွမ်းကျင်မှု ရှိသလို စိတ်စေတနာ လည်း ကောင်းကြသည်။ ရိုးသားပြီး အလုပ်ကို အလုပ်နှင့် တူအောင် လုပ်ကြသည်။ အဖေ၏ သွန်သင် ဆုံးမမှုအောက်မှာ ကြီးပြင်းခဲ့ရသည်မို့ အစစ စိတ်ချ ရသည်။ ဒါကို လက်သမား ဆရာက ဆက်ဆွဲ ထားလိုက်သည်မို့ လက်သမား ဆရာမှာ ခဏချင်းနာမည် ထွက်လာသည်။ ချက်ချင်း ရက်ချိန်းတွေ စီလာသည်။ ချက်ချင်း...။

သို့သော် လက်သမား ဆရာဘက်ကတော့ တပည့်တွေ အပေါ် တာဝန် မကျေပါ။ လုပ်ငန်းရှင်ဆီမှာ ပိုက်ဆံတိုး တောင်းဖို့ လက်မနှေးသော်လည်း တပည့်တွေကို လုပ်အားခ တိုးပေးဖို့ကျတော့ လက်နှေး၊ နှုတ်နှေး လှသည်။ ညည်းပြ၊ ငိုပြ၊ ပခုံးပုတ်၊ ရင်ဘတ်နှိပ်ပြ တတ်လွန်းသူကြီး။ ဇာတ်ဝင်ခန်း အလိုအရ တစ်ခါတစ်ခါ(တကယ်တော့ တစ်ခါတောင် မဟုတ်) ဘီလူးဆိုင်း တီးပြ၊ ဘီးလူးကြိမ်း ပြတတ်သည်။ ခပ်စွာစွာ လုပ်သားကို ပခုံးပေါ် လက်တင်ကာ တိုးတိုး တိတ်တိတ် လက်ဖက်ရည်ဆိုင် ခေါ်သွားတတ်သည်။ လိုအပ်လျှင် ညနေခင်း ရီဝေေ၀ဆိုင်မှာ တစ်ရက်၊ နှစ်ရက်လောက် အတူတူ ထိုင်ပေးကာ စည်းရုံးရေး ဆင်းသွား တတ်သည်။ ခပ်အေးအေး ဆိုလျှင်ဖြင့် အသာကလေး ဝေးဝေးမှာ နေပြလိုက်သည်။ မျက်နှာချင်း ဆိုင်ရဖို့ပင် မလွယ်သည့် သဘော။

လက်သမားဆရာကို ကြည့်လိုက်လျှင် အမြဲ အလုပ်ရှုပ် နေသည်။ သြ၀ါဒတွေ ခြွေနေသည်။ အလုပ် လက်ခံဖို့ ဆိုလျှင် ခုချက်ချင်းပဲ စရန်ငွေ ပေးသွား ချင်အောင် စကား ဖောင်တတ်သည်။ အလုပ်မအား ရက်မအားမရှိ။ ကိုယ့်လူ ကိုယ့်လက်သမား အဖွဲ့တွေနှင့် မလုံလောက်လျှင် အခြား တစ်ဖွဲ့ဖွဲ့မှ အ လုပ်လက်မဲ့ ဖြစ်နေသူတွေကို ချီကောက်ခေါ်ကာ ကောက်သင်းကောက်နေကာ "လက်သမား ဆရာကြီး ဦးအောင်သိန်း အဖွဲ့ ၂" ဆိုပြီး အစီအစဉ် စဆွဲ လိုက်တော့လည်း ချောခနဲ။

အလုပ်မရှိသူ ဆိုတော့ ပေးသမျှနှင့် ကျေနပ်ရသည့် သဘောကို လက်သမားဆရာက နောကျေ အောင် "စောဖေ" ဖြစ်နေပြီးသား။ အဲတာက လက် သမားဆိုလို့ မျက်နှာကြော မတည့်သည်များတွင် ညည ရီဝေ ရီဝေနှင့် အိမ်လာ လည်တာလည်း ပါသည်။ တကယ်တော့ အိမ်လာလည်တာ မဟုတ်ပါ။
အမေ့ဆီ လာလာလည်၊ စကားမရှိ စကားရှာခြင်း ဖြစ်သည်။ အဖေ၏ ကောင်းမွန်ပုံ၊ တပည့်သားမြေးတွေ အပေါ် စာနာတတ်ပုံကို နောက်ကြောင်းပြန် အလွမ်း ပိုပြရင်း လက်သမားဆရာ၏ ကောင်းမွန် ကောင်းလက် တွေဆီ အခန်းပြောင်းကာ အမေ၏ စိတ်နှလုံးတွေကို ပျော့ပျောင်း စေခဲ့သည် ချည်း။ ဒါကိုပဲ အမေက လက်သမားဆရာကို လက်ခံ စကား ပြောနေရသည်လား။ အဲတာ မစဉ်စားတတ်၊ နားမလည်တတ်၊ မကြည်ဖြူ တတ်ပါ။
လက်သမား ဆရာသည် မိန်းမနှင့်၊ ကလေးနှင့်၊ သေးနှင့် ဆိုတာမျိုး။ လက်သမားအဖွဲ့က ပန်းရန် အဖွဲ့နှင့် တွဲဖက်ရသည့် နေ့ရက်တွေ ဆိုလျှင်ဖြင့် လက်သမားဆရာ မျက်နှာထားတော် ကြည်နေ၊ လန်းနေ၊ လင်းနေ၊ လက်နေ၊ လွင်နေ ရသည်ဟု အဲတာ ထင်ပါသည်။
အချိန်တိုင်း မျက်စိအောက်မှာ တောက်တို မယ်ရ လုပ်ကိုင် နေရသည့် အဲတာကို ယောင်လို့မှ လက်ဖက်ရည် တစ်ခွက် တိုက်လိုက်ဖို့ သတိ ရကောင်း ရနိုင်မည် မဟုတ်သော်လည်း ခုမှ (ခုမနက်ခင်းမှ) စတင်တွေ့ရှိ စကား ပြောဖူးသည့် ခပ်သွက်သွက်၊ ခပ်ချောချော၊ ခပ်တောင့်တောင့် ပန်းရန် သမလေးကိုကျ ရေခဲစိမ် ဖျော်ရည်ဘူး ၀ယ်တိုက်ဖို့ ကတိုက် ကရိုက် သတိရသည်။
အကြော် ၀ယ်ကျွေးဖို့ အားစိုက် နေတတ်သည်။ မဆလာသံဒယ်ကို မယူကူပေးကာ ခေါင်းပေါ် အရောက် တင်ပေး တတ်သည်။ လက်သမား ဆရာသည် ပန်းရန် သံလျက်ကိုင် ဘ၀အဖြစ် ချက်ချင်း ပြောင်းလဲသွား တတ်သေးသည်။
လက်သမား ဆရာက မိန်းမကိစ္စ နာမည် ရထားသူမို့ လုပ်ငန်းခွင် အ၀န်းအ၀ိုင်းသည် သားကောင် မရှားသော မုဆိုး ကျော်ကြီး ဖြစ်နေခွင့်ရသည်ကိုလည်း အဲတာ နည်းနည်းမှ မကျေနပ်ပါ။

ထို မုဆိုးကျော်ကြီးက အဖေ၏ အိမ်ပေါက်ဝက ဆိုင်းဘုတ်ကို အသံတိတ် ကျော်ဖြတ်ကာ အိမ်ဦးခန်းထဲ ၀င်ဝင် ထိုင်နေခွင့်ရသည်ကို အဲတာ မကျေနပ်ပါ။
အဲတာ ဘာမှ မတတ် နိုင်သလို အမေကလည်း ဘာမှ မတတ်နိုင်စွာ လက်ခံ စကား ပြောနေရသည်ဟု အဲတာ ထင်ပါသည်။ တစ်ခါ တစ်ခါတော့ အမေက အဲတာတို့ မောင်နှမတွေကို သတိရသည်ထင့်။ လက်သမား ဆရာကို တည်တည် တင်းတင်းဆက်ဆံတာလည်း ရှိသည်။ စကား မတုံ့ပြန်ဘဲ နေမကောင်းသလို နေပြတာ လည်းရှိသည်။ ထိုသောအခါ လက်သမားဆရာဟာ မီးဖိုချောင်သုံး ပစ္စည်းတွေ ဖောဖောသီသီ ၀ယ်ခဲ့လျှင် "ဆရာ ကတော်" အတွက် ဆိုပြီး ပြောင်ချော်ချော် မျက်နှာပေးဖြင့် အမေ၏ အေးစက်စက် အနေအထားကိုေ၀၀ါးပြေ သွားစေခဲ့သည် ချည်းပင်။ ထိုရောအခါ အဲတာ မကျေနပ်စိတ်တွေက ငယ် ထိပ်တွင် ဆောင့်ဆောင့်တက်သည်။

အဖေ့နာမည်၊ အဖေ့ ဆိုင်းဘုတ်၊ အဖေ့ လုပ်သား၊ အဖေ့ နှစ်ကာလများနှင့် အလိုက်သင့်လေး အလုပ်ဖြစ် နေသော လက်သမား ဆရာကို အဲတာ မကျေနပ်။
အဖေ နှစ်ရှည်လများ စိုက်ပျိုးခဲ့ရသော သစ်ပင်အောက်မှာ အသင့် အရိပ်ခို၊ အသင့် အသီးခူးစားရင်း အသင့် အဆင်ပြေနေသော လက်သမား ဆရာကို အဲတာ မကျေနပ်ပါ။

"လက်သမား ဆရာကြီး ဦးအောင်သိန်း"အဖြစ် နာမည် တစ်လုံး ပိုင်ဆိုင်ခွင့်ရချိန်မှာ လူ့လောကကြီးက ဖျတ်ခနဲ ထွက်ခွာသွားခဲ့ရသော အဖေ၏ အမွေအား လုံးကို ပိုင်စား ပိုင်စေခွင့် ရရှိသွားခဲ့သည့် လက်သမားဆရာကို အဲတာ မကျေနပ်။ အဖေက နာမည်သာ ရခဲ့သည်။ လက်သမား ဆရာက နာမည် သာမက ပိုက်ဆံပါ ရသည်။ နာမည် သာမက နေရာပါရသည်။ နာမည် သာမက လုပ်ပိုင်ခွင့်၊ ပိုင်ဆိုင် ခွင့်တွေပါရသည်။ အဲတာ ဒါတွေ တွေးမိတိုင်း ကျေနပ်ဖွယ်ရာ တစ်စုံ တစ်ရာ မရ။ အဲတာ မကျေနပ်သော်လည်း ဘာမှမတတ်နိုင်။

သူတစ်ပါး သူများ ကုသိုလ် အလှူကိုပင် ကိုယ့်ကုသိုလ် ကိုယ့်အလှူလု ပ်တတ် လုပ်ဝံ့လာသော လောကကြီးမှာ လက်သမား ဆရာလို လူသားတွေ ရှိနေ ခြင်းကို အဲတာ မကျေနပ်ပါ။

သူတစ်ပါး နာမည်ကို ကိုယ့်နာမည်၊ သူတစ်ပါး အကူအညီကို ကိုယ့်အကူအညီ၊ သူတစ်ပါး ပေးဆပ်မှုကို ကိုယ့်ပေး ဆပ်မှု၊ ဆိုင်းဘုတ်ပြောင်း ခေါင်းစီး ပြောင်းတတ်သော လူသားတွေကြားက လူသား တစ်ဦးဖြစ်သည့် လက်သမား ဆရာကို အဲတာ မကျေနပ်။ သေချာသည်။

အဲတာ မကျေနပ်သော်လည်း ဘာမှမတတ်နိုင်ပါ။

အဖေ့ပစ္စည်း၊ အဖေ့နာမည်၊ အဖေ့ မျိုးဆက်တွေနှင့် တိုးတက် ကြီးပွားနေသော လက်သမား ဆရာ၏ လက်အောက်မှာ အဲတာ ရွေပေါ် ထိုးနေရပေသည်။

ခေါင်ခါးခါး(ကလေး)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အလွမ်းနက်နက်

ရေးသူ မြဆင့်ချယ်

လွမ်းတယ်
မျက်စောင်း ခဏခဏထိုးတဲ့
လက်မောင်းအိုး လှလှလေးကို လွမ်းတယ်..။

လွမ်းတယ်
တွေ့လိုက်တိုင်း အဆင်သင့် အိစိုနေတဲ့
သူ့အကြည့်ချိုချိုလေးကို လွမ်းတယ်..။

လွမ်းတယ်
မစို့မပို့ တို့ထိမိရုံ
ကြုံဖူးတယ်ရှိ နမ်းလိုက်မိတဲ့
အငိုက်မိ ဘယ်ဘက်ပါးလေးကို လွမ်းတယ်..။

လွမ်းတယ်
အသားကျ ပတ္တာကလေး “ဟ” လိုက်သလို
သူ့ အသံထွက် နှုတ်ခမ်းလေးကို လွမ်းတယ်..။

လွမ်းတယ်
နှစ်ခါသာ လှမ်းမြင်ဖူးခဲ့
လွတ်လွတ်လပ်လပ် သူသန်းဝေနေပုံလေးကို
အားရှိပါးရှိ လွမ်းတယ်..။

လွမ်းတယ်
မကောက်တတ် ကောက်တတ် ကောက်ကောက်ပြနေတတ်တဲ့
အသံတိတ် သူ့စိတ်ကောက်ပုံလေးကို လွမ်းတယ်..။

လွမ်းတယ်
ဘာအလေးချိန်မှ စီးမထားတဲ့
သူ့နားရွက်သီး လုံးလုံးကလေးတွေကို လွမ်းတယ်..။

လွမ်းတယ်
လွမ်းတယ်ကွာ
စွမ်းအားရှိသလောက် ပေါက်ပေါက်ရှာရှာ
လက်မောင်းပေါ်က ကျောက်ဆေးထိုးရာ အမာရွတ်ကလေးက အစ
ဖြည့်ပြီးပြောရရင်
ညည်းရဲ့ ထွက်လေ၀င်လေ ကလေးကိုတောင်
တောက်တောက်ပပ လွမ်းမိပါရဲ့ ကောင်မလေးရယ်..။

မြဆင့်ချယ်
(သရဖူ မဂ္ဂဇင်း ၆-၂၀၀၃)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

လက်ချိတ်ဆိုတဲ့ ရွာကလေး

ရေးသူ ခေါင်ခါးခါး (ကလေး)

လက်ချိတ်……..တဲ့
ချင်းတွင်းမြစ်ကြီးကို
တစ်ပိုင် တစ်နိုင် အရိပ်မိုးလို့ ။
အဝေးက လှမ်းကြည့်ရင်
စေတီလေးဆူ ထီးထီးမားမားဟာ
ထုံးဖြူဖြူ နိုင်းချင်းတွေနဲ့
သီးသီးခြားခြား ထင်ပေါ်နေတဲ့ရွာကလေး၊
အဝေးက လှမ်းကြည့်ရင်
အုန်းပင်မြင့်မြင့်ကြီးတွေ အုပ်မိုးလို့
ရှိုးစမိုး ထုတ်ထားတတ်တဲ့ ရွာကလေး၊
ညနေတိုင်း ရေချိုးဆိပ်ဟာ
ထဘီရင်လျား ကျောပြင်တစိုစိုနဲ့
ကပိုကရို လှနေတဲ့ ရွာကလေး၊
ဖြည့်ပြောပေးရရင်
လက်မောင်းဖွေးဖွေးလေးတွေနဲ့
တသွေး တမွေးဖြစ်နေတဲ့ ရွာကလေး၊
တစ်မိုးတစ်ခါ ရေကြီးပြီးတိုင်း
တစ်သားမွေး တစ်သွေးလှနေတဲ့ ရွာကလေး
နုန်းကျန်မြေနုမှာ
မြေပဲတွေ ဥချင်တိုင်းဥနေတဲ့ ရွာကလေး
ဟိုဘက်“ပင်တင်း” ဘက်ကမ်းနဲ့
သည်ဘက် “လက်ချိတ်” ဘက်ကမ်း
တံတားထိုးမထားနိုင်ပေမယ့်
အလွမ်းတွေ ထိုးထားတဲ့ ရွာကလေး၊
နွေမရောက်ချင်ဘူး
သောင်ထွန်းဖို့တပြင်ပြင်နဲ့
ကျန်းမာရေးကိစ္စ အရေးပေါ်ရင်
ကိုယ်ပိုင် သူနာပြုဆရာမလေးတစ်ယောက်
ခါးထောက်ကြည့်နိုင်တဲ့ ရွာကလေး
မနိုင်ရင်ကာရှိမှ“မင်းကင်း”ကိုပြေးလို့၊
လက်ချိတ်“ဖုတ်မုန့်” ရယ်လို့
မုန့်လောကကို ခါးစောင်းတင်
အောင်မယ်….မှောင်မယ် မပြင်သေးဘူး
မှောင်ရီပျိုးပြီဆိုတာနဲ့
ဗီစီဒီ သီချင်းတွေနဲ့ရေချိုး
ဆွေမျိုးတွေကတောင် မျက်နှာပူရတဲ့ ရွာကလေး၊
တောင်ယာလုပ်သူ ရှိသလို
လယ်စိုက်သူလည်းရှိ၊
ဖျာရက်သူရှိသလို
ကောက်သင်းကောက်သူလည်းရှိ၊
ဖောင်ထိုးလိုက်သူရှိသလို
တံငါလုပ်သူလည်းရှိ၊
သစ်ခုတ်လိုက်သူ ရှိသလို
န၀လီလုပ်သူလည်းရှိ၊
ကြိမ်ခတ်သူရှိသလို
အလုပ်လက်မဲ့တွေလည်းရှိ၊
ရွာနောက်ဖေးချောက်တောကြီးထဲ
ကျားနဲ့နပန်းလုံးပြီး
ပခုံးထမ်းပြန်လာနိုင်တဲ့
အာဂသူရဲကောင်းတွေလည်းရှိတဲ့ ရွာကလေး၊
နိုင်ငံခြားကုမ္ပဏီတွေ
ရေနံလာထူးလို့
ဟယ်လီကော်ပတာ မြင်ဖူးတဲ့ရွာကလေး
ပရိယတ္တိ စာသင်တိုက်ကြီးတွေ
အလှူခံ ခရီးရောက်ရောက်လာတဲ့ ရွာကလေး၊
ဘယ်ကပဲ အလှူလာခံခံ
တူတူတန်တန် လှူလိုက်ရမှ ကျေနပ်၊
ဟိုဘက်ရွာမှာ အလှူခံပြီး
သည်ဘက်ရွာ အလှူလာမခံရင်
ငြူစူမာန်ပြ လိုက်ချပြီး အပြေးလှူ
အကြွေးထူကာမှ ထူရော့၊
အလှူခံတစ်ဖွဲ့ မထွက်ခင်
အလှူခံတစ်ဖွဲ့ ကြိုရောက်လာတတ်
ဘီးဆံပတ် ၀တ်သားချက် တစ်ပိဿာတုံးတွေနဲ့
ဘုရားပွဲလာ ပါးစပ်ပေါက်တွေကို
ပြုံးပြုံး ပြုံးပြုံး နဲ့
ဧည့်ထောက်ဧည့်ခံ ကောင်းတဲ့ ရွာကလေး၊
လက်ချိတ်…တဲ့
မင်းကင်းမုံရွာကြားမှာ
တိတ်တိတ်ပုန်းနေတဲ့ ရွာကလေးပေါ့၊
ဘုန်းကြီးက“ဟေ့”ဆို
ကွေ့နေတဲ့ မြစ်တောင်
ဖြောင့်သွားလောက်အောင် ကြောက်ရတဲ့ ရွာကလေး၊
လက်ချိန်ဘက်ကမ်းမှာ လင်သားဟောင်း
ပင်တင်းဘက်ကမ်းမှာ မယားဟောင်းနဲ့
မြစ်ချောင်း ခြားနေတဲ့ ဇာတ်လမ်းတွေတိုနံ့နံ့
ခြေညောင်းကြွေးတင် ကော်မရှင်ဂဏန်းသမားတွေလည်း
ပျော်ပါးနေတတ်တဲ့ ရွာကလေး
မြစ်ပြင်ထဲ “ရှော်တယ်”သံတွေတထိန်းထိန်းနဲ့
မိုးခြိမ်းသလို အခြိမ်းခံနေရတဲ့ ရွာကလေး၊
တိုးတိုးတိတ်တိတ်ဖြတ်ဖြတ်သွားတဲ့
သစ်ဝါးဖောင်တွေကို
အပြောင်အပြက်စကားဆို
ရင်းနှိးမှုပိုနေတတ်တဲ့ ရွာကလေး၊
မျက်ရည်ထွက်အောင် ရယ်မောတတ်သလို
လက်ဖ၀ါးတွေ ရဲရဲနီအောင် အားပေးတတ်၊
ထန်းပင်က ထန်းရည်ထွက်မပေးရဲအောင်လည်း
ပြောင်ပြောင်တင်းတင်း သောက်စားတတ်၊
ပုစွန်ထုပ်နဲ့ငါးအကြီးကြီးတွေ
တရုတ်ပြည်ခရီးဆန်သွားတာကို
အထီးကျန်စွာငေးကြည့်နေရတဲ့ ရွာကလေး၊
ပါးနှစ်ဖက်မှာ သနပ်ခါးတွေ ၀ါဖွေးနေပေမယ့်
ခြေထောက်မှာ သဲဖုန်မှုန့်တွေနဲ့ နှစ်ပါးသွားလို့
နေပူပူမှာ အလုပ်တွေပူနေရပေမယ့်
အသားဖြူချက်က ကမ်းကုန်နေတဲ့ ရွာကလေး၊
ဟိုဘက်အိမ်က အဝေးဧည့်သည်ကို
သည်ဘက်အိမ်လည်း လာလည်ပါဦးလို့
ဧည့်ချေး ဧည့်ငှား မပြတ်တဲ့ ရွာကလေး၊
ကမ်းနှစ်ဖက် သောင်ပြင်ကျယ်ကျယ်မှာ
ဆော့ချင်တိုင်း ဆော့နေတဲ့ ကလေးတွေနဲ့
“တားဆေး”ဆိုတာမသိတဲ့ရွာကလေး၊
အသက်၄၅ နှစ်မပြည့်ခင်မှာ
ကလေးတစ်ဒါဇင်မွေးပြီးတာတောင်
ကိုယ်ဝန်ဆောင်ဖို့ အားမလျှော့ချင်သေးတဲ့
မိခင်ကောင်းကြီးတွေနဲ့ ရွာကလေး၊
ဘက်ထရီအိုးကို “အားအိုး” လို့ခေါ်
အသံချဲ့စက်ကို“ချဲ့ပုံး”
နာတာရှည်ရောဂါသည်ကို“ဖတ်ဖတ်ကျ ရောဂါ”တဲ့
သည်လို ပြောစရာတွေနဲ့ရွာကလေး၊
ရုပ်ချောချော ချမ်းသာသာ
ဆင်းရဲရဲ ရုပ်ဆိုးဆိုး
အပျိုမှန်ရင် ရေအိုးရွက်လို့
ညနေတိုင်း
မြစ်ဆိပ်မှာ စိတ်ကစားတတ်၊
တွံတေးသိန်းတန် သီချင်းတွေနဲ့ သူစီမ်းမဆန်သေးသလို
တွံတေးစိုးအောင်ကိုလည်း ကိုယ့်မောင်ဘွားလို ခံစားတတ်
သိန်းဇော်ရဲ့ သုဝဏ္ဏဘုမ္မိ ဆံတော်ရှင်ကို နာယူတတ်
ဆုန်းသင်းပါရ်တေးနဲ့ ငါးချေးသင်တတ်
မဖဲကြည်၊မပို၊လှလှဝင်း၊အရီးပြုံး၊မဆင့်
အရွယ်စုံဆိုက်စုံ ပေါင်းပြီးအတင်းတုတ်တတ်၊
ရောက်ဖူးသမျှ ရွာတွေထဲ
သည်လက်ချိန် ရွာကလေးကိုသာ
ပီတိအကျဆုံးလို့ပြောရင်
တခြားရွာသူတွေ
မျက်စောင်းမုန်းမုန်းထိုးရင်ထိုးတော့လို့
စိတ်လျှော့ပြီး ချစ်မက်စေခဲ့တဲ့ ရွာကလေး၊
မုန့်ဟင်းခါးကို ပိဿာချိန်နဲ့ ပြင်တတ်
အစိတ်သား အသုပ်တစ်ပွဲနှစ်ရာ
တစ်ပိဿာ ပွဲကြီး ရှစ်ရာတဲ့
သည်လို ချစ်စရာတွေနဲ့ ပေါက်ပေါက်ရှာရှာ ရွာကလေး၊
ကျောင်းကို ဆွမ်းချိုင့်ပို့ရင်
ခါးအထက် ဆွဲမ တင်ထားပြီးမှ
သဒ္ဓါကြည်လင်စွာ ပို့တတ်တဲ့ရွာကလေး၊
အသင့်သောက် ကော်ဖီထုပ်တွေရှိလာခဲ့ပေမယ့်
အသင့်ပျော် အချစ်တွေမရှိသေး၊
အရက်ဆိုင်နဲ့ လက်ဖက်ရည်ဆိုင်မရှိသေး၊
ဘာလေးပဲလိုလို
ကလေးဝ-မင်းကင်း-မုံရွာကို
ကြုံရာနဲ့ထထလိုက်သွားတဲ့ ရွာကလေး၊
ရွာဦးကျောင်းဆရာတော် ဦးသံဝရ
ဒူးနာရောဂါ ပြန်ပြန်ထရင်ပဲ
ရွာလုံးကျွတ် မျက်နှာညိုချင်တဲ့ ရွာကလေး၊
ဥယျာဉ်ခြံမြေ အကျယ်ကြီးထဲက“ဆရာသိန်း”
အသက်၈၀ ထဲယိမ်းနေတာတောင်
အချစ်တွေ စိမ်းလန်းဆဲ ဖြစ်နေတာကို
တဖျစ်ဖျစ်တောက် အားကျနေတဲ့ ရွာကလေး၊
သြော်………ခုတော့လဲဝေးခဲ့ပေါ့
မဆင့်ရေ……..ကလေးတွေနေကောင်းရဲ့လား
မပို၊မဖဲကြည်………..အသည်းကွဲတုန်းလား
အရီးပြုံးရော သုံးလုံး လေးလုံး တွက်တုန်းလား
လှလှဝင်းရေ……သည်းဗိုက်ကလေး ဖောင်းလာပြန်ပြီလား
နာ့စ်မ….ဒေါ်ရွှေအိုး………ရွာရိုးကိုးပေါက် လျှောက်တုန်းလား
အို……ဒေါ်ဝင်းရီ………သီးပင်တွေ တစ်ဝက်စားနဲ့
ဆွတ်တုန်းလား
ကိုရင်သံချောင်း ခေါင်းမှာ ဒက်တွေပေါက်တုန်းလား
ဆရာတော်ဦးသံဝရ ဒူးပြန်ပြန်နာသေးလား
ကိုယ်ရတဲ့ငါး ကိုယ်မစားရတဲ့ တံငါတွေ ရှိတုန်းလား
လွမ်းပေါ့
လွမ်းပါပေါ့ လက်ချိန်ရေ
အဆိပ်တက်ကာမှ တက်ရော့
ခါချဉ်ဥ ခါချဉ်ကောင်ကြော်……….တဲ့
ချဉ်စိမ့်စိမ့် အရာသာလေးကိုလည်း
ပါးစောင်ရည် တရွှဲရွှဲနဲ့
ချွဲချွဲပစ်ပစ် လွမ်းရပြန်ပေါ့၊
လက်ချိတ်………တဲ့
သူ့ချွေးထဲပျော်ဝင်လို့
သူ့ရင်ခွင်မှာမှီနွဲ့ခဲ့
သူ့မြေပေါ်နင်းပြီး သူ့ရေကြည်သောက်ခဲ့
သူ့ရမ္မက်မှာ “သက်”ပြီး
သူ့ချောမြူမှုမှာ “ဖြူ”ခဲ့၊
အို…ဗျ….လက်ချိတ်
အဝေးက အခက်အရိပ်တွေနဲ့
သည်ရင်ဘက်ကြီးကို တထိတ်ထိတ် လွမ်းစေတုန်းပေါ့၊
ငါးပါးသီလ ကမ်းပါးပေါ်မှာ
မားမားမတ်မတ် ရပ်တည်လို့……..၊
ဖြူစင်ရိုးသားမှူ ကျောက်ဆောင်ကြီးတွေ
ရွာစဉ်တစ်လျှောက် မြင့်မားလို့….၊
ရက်ချိ်းမှန်တဲ့ ကတိဖြူတွေနဲ့
မန်ကျည်းမှည့်ရနံ့တွေ ကြူကြူမွှေးလို့………၊
ချောင်းကြည့်တတ်တဲ့ မျက်လုံးတွေမရှိ
ပကတိ လွတ်လပ်ပွင်းလင်း ရင်းနှီးကြလို့……..၊
အပြုံးချိုချိုတွေ ၀တ်မှုန်ကူးကြ
အကြည့်ဖြူဖြူတွေ ထွန်ယက်ကြ
အသံအေးအေးတွေ ပြတင်းဖွင့်ကြ
တင်းတိမ်ရောင့်ရဲမှုတွေ ဖူးပွင့်ကြ
လှပေါ့
လှချင်တိုင်းလှနေပေါ့၊
လက်ချိတ်တဲ့
မင်းကင်းနဲ့ မုံရွာကြားက
တစိမ့်စမ့်ပြုံးနေတဲ့ရွာကလေး
တထိတ်ထိတ် ရုန်းနေတဲ့ရွာကလေး
သြော…………တိတ်တိတ်ပုန်းနေတဲ့ ရွာကလေးရေ
ခုတော့………..ဝေးခဲ့ပေါ့။ ။


(၂၀၊၃၊၂၀၀၃ မှ ၂၈၊၃၊၂၀၀၃ ချင်းတွင်းကမ်းပါးနေ့ရက်များသို့ အမှတ်တရ)


ခေါင်ခါးခါး(ကလေး)
(ဒီဇင်ဘာ၊၂၀၀၆ ခုနှစ်၊နွယ်နီမဂ္ဂဇင်း)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

အချင်းကဗျာဖတ်သူ

ရေးသူ မြဆင့်ချယ်

အချင်းကဗျာဖတ်သူ(၁)

ဘ၀ဟာ
နံပါတ် တစ်ခုဆိုရင်
ငါတို့မှာ နံပါတ်တွေများပြီ
ကာတွန်းကားတွေမှာ
နောက်ခံစကားပြောရသူလို
ကာတွန်းကားကြိုက်တဲ့ ကလေးတွေ
ကွေးနေအောင် ရယ်မောနေကြချိန်
ကိုယ့်အသံနဲ့ ကိုယ့်အရုပ်တွေ
အဆုတ်ထဲ ရေ၀င်မဆုံး…….။

အချင်းကဗျာဖတ်သူ (၂)

ငါတို့ဟာ
မျိုးရိုးဗီဇ ပြောင်းလဲခံထားရတဲ့
သစ်သီးဝလံတွေလား
သေချာတာကတော့
ငါတို့ကို
တစ်ခုခုက ညှို့ညှို့နေတာကြာပြီ
ခေါင်းခါသလို
ဘ၀ကို ခါပစ်လိုက်ချင်တယ်
ပခုံးတွန်းသလို
ဘ၀ကို တွန့်ပြလိုက်ချင်တယ်
ပြေပြစ်လိုက်
ထစ်အလိုက်
အသိုက်အမြုံတွေ
ပုံဆောင်ခဲဖြစ်လိုက်
လမ်းမတွေဟာ
လွှတ်ကို ဆူးဖြိုး
မိုးမတိတ်ခင်ဘဲ
နှင်းခဲတွေ သည်းလာပြန်တော့
လွမ်းဆွတ်ခြင်းရဲ့ ရနံ့တွေ
လေကို ဆန်တက်လာတယ်………။

အချင်းကဗျာဖတ်သူ (၃)

အချိန်မဟုတ်
အခါမဟုတ်
ထွန်ရေးငင်မဆုံး
တလင်းနယ်မဆုံး
မိုးရေစက်လက်နဲ့
ထုံးခဲ့တဲ့ ကြိုးကုံးလေးတွေ
နှင်းတံစက်မြိတ်မှာ
အရိပ်ဆက်တုန်း၊
နှင်းနဲ့လင်းတဲ့
မြင်ကွင်းထဲ
အဖြူနဲ့အနက်
နှစ်ရောင်ထဲမှာ
ကိုယ့်အဖြူထက်
သူ့အနက်က ပိုများနေမလား၊
သူ့စိတ်ကို ကိုယ်ချောင်းဖမ်းလိုက်
ကိုယ့်စိတ်ကို သူချောင်းဖမ်းလိုက်
အသားတံဆိပ် ရိုက်နှိပ်မထားလည်း
ထင်းနေ၊
နှင်းရေ
ငြင်းမနေနဲ့
နွေဦးအထိ
လွှတ်တင်လိုက်
ကိုယ့်ဘက်က စိုက်ပျိုးဖို့သာ။

အချင်းကဗျာဖတ်သူ (၄)

“ဘ၀” က
နှစ်တစ်ရာ ပြက္ခဒိန်မဟုတ်တော့
ဘာဆိုဘာမှ မတိကျဘူး၊
ဒါပေမယ့်
အထိအရှတွေကတော့
သိကြတဲ့အတိုင်း
အမိအရ အတိအကျ
ရှိသမျှ အန်ချပြထားတာ၊
တစ်နေ့နေ့ တစ်ချိန်ချိန် တစ်ယောက်ယောက်က
နောက်ကျတယ်ဆိုတာ ဖြစ်ပေါ်စမြဲ
မြစ်ရေတွေ ကျသွားပေမယ့်
ဆိပ်ကမ်းမြို့တော်တွေ ပြန်လည်ပြင်ဆင်လို့ မပြီးဘူး။


အချင်းကဗျာဖတ်သူ (၅)

ကဗျာ ဆိုတာ
ကဗျာ မဆန်ရဘူးတဲ့၊
ကဗျာဆိုတာ
ကဗျာ ဆန်ကို ဆန်ရမယ်တဲ့၊
ကဗျာမှာ
ကိုယ်ပိုင်ဟန်ရှိရမယ်၊
မဟုတ်ဘူး
ကဗျာ ဆိုမှတော့
ကိုယ်ပိုင်ဟန်ဆိုတာ မရှိရဘူး၊
ရှိချင်းရှိ
ကိုယ်ပိုင်ဟန်တွေ အများကြီးရှိရမယ်၊
ဒါတွေ…….ထားလိုက်ဦး
ခုအားလုံးစိတ်ဝင်စားနေကြတဲ့
ကဗျာတစ်ပိုဒ် အကြောင်းပြောရအောင်
အဲ့သည် ကဗျာတစ်ပိုဒ်ကို
တိုက်ရိုက် ဆက်စပ်နေသူတွေနဲ့
သီးခြား စုံစမ်းမှု့တွေ
သီးခြား အတည်ပြုချက်ရယူဆဲ
အဲသည် ကဗျာတစ်ပိုဒ်က
ခုလိုရှိုက်ကြီးတငင် ဆက်ပြော
“……..အဲ့သည်တုန်းက ကဗျာအပိုဒ်ပိုဒ်တွေ
ရင်ချင်းတိုက်“တွေး”နေကြတာဗျ
သည်ကဗျာကို “နာမည်” ပေးကြဖို့
နာမည်ဆိုတဲ့နေရာမှာ
“ခေါင်းစီး”ရော၊“ကလောင်” နာမည်ရောပေါ့
ဒါပေမယ့် အချောမသတ်ရသေးခင်မှာပဲ……”
အချင်းကဗျာ ဖတ်သူ(၆)

သည်မေးခွန်းက
သိပ်ကျေးဇူးကြီး
တကယ်ဆို
ဟို…….နှစ်များစွာကတည်းက
မေးသင့်ခဲ့တဲ့ မေးခွန်း
ဟောင်းနေတဲ့ မေးခွန်းပေမယ့်
တောင်းနေဆဲ ကွက်လပ်ပါ၊
သတ်ပုံမှန်စရာ မလိုဘူး
အဓိပ္ပါယ်ပီဖို့ပဲလို၊
နားဝင်ချိုဖို့ မလိုဘူး
အသံထွက် ကြည်ဖို့ပဲလို၊
ကြည့်ကောင်းဖို့မလိုဘူး
ကျန်းမာရေးကောင်းဖို့ပဲလို၊
ခက်တာက
ကျေးဇူးကြီးလှမယ့် မေးခွန်းကို
ဟွန်းတီးပြီး ဘေးဖယ်ခိုင်းနေတာ
မေးခွန်းသံ ပေါ်ထွက်မလာခင်
ဟွန်းသံတွေသာ တပေါ်ပေါ်
ဟောင်းနေတဲ့ မေးခွန်းပေမယ့်
တောင်းနေဆဲ ကွက်လပ်ပါ
မညောင်းတမ်း မတ်မတ်ရပ်နေတုန်း…………။ ။


အချင်းကဗျာဖတ်သူ (၇)

ကျောင်းပြီးကတည်းက
“ခေါင်းမဖြိုးတော့တ” ဆိုတဲ့ငါ့သူငယ်ချင်း
ကိုယ့်လက်ရေးကိုယ် မမှတ်မိလို့
“ကိုယ့်အသက်ဘေးကိုယ် ပြန်ပတ်မိတော့မလို့”တဲ့
မနေ့ကအမြန်ချောနဲ့
ဖောရောင်နေတဲ့ စာအိတ်ကြီးရောက်လာ၊
“ခေါင်းကိုက်တာတောင်မှ ကောင်းလိုက်တာ”ဆိုတဲ့
ငါ့သူငယ်ချင်း အပြင်လောကက လူရွှင်တော်
ခုမှမပျော်ဘူးဆိုတာ နားလည်သတဲ့
ဒုက္ခဆိုတာ ရုပ်မလှသူတွေအတွက်လို့ ရယ်ပွဲဖွဲ့တတ်သူ
ခုတော့အူမရွှင် လူမြင်ရင်တောင် ကြောက်နေရဆိုပဲ
ကျောင်းတုန်းကလို နောက်နေတယ်ပဲအောင့်မေ့တယ်၊
လွန်ခဲ့တဲ့ အနှစ်(၂၀) ထစ်တယ်၊ရစ်တယ်ဆိုတဲ့
ငါ့သူငယ်ချင်းရဲ့လက်ရေး
ဘေးစောင်းလေးနဲ့ အရေးကောင်းဆဲပါ၊
ဖုန်းဆက်ပြောရင် နှလုံးပျက်မောမှာမို့
အမြန်ချောနဲ့ ပြန်ပြောရတာပါတဲ့
“ကြည့်စား၊ ကြည့်နား သတိထား”တဲ့
ခုမှ အသိတရားတွေရနေလိုက်တာ
မယားနဲ့မတည့် ပြိုင်နေရာက
တရားဘက်လှည့်ထိုင်နေရသတဲ့
ကျောင်းတုန်းက စာစီကုံးလို
နိဂုံးမပါ နိဒါန်းမရှိ
စာကိုယ်ကနေ ရေးမိရေးရာ
ဒါပေမယ့် ဖတ်ကောင်းနေဆဲ
သွားတိုက်ဖို့ ပျင်းပေမယ့်
ဟားတိုက်ဖို့ဆို မပျင်းတဲ့သူ
ဧည့်ခံရမှာ ကြောက်သလောက်
ဧည့်ဆန်ဆန်နေရမှာတော့
အမြဲတောက်ပနေတတ်သူ
အဲ့ဒီ…..ငါ့သူငယ်ချင်း။

အချင်းကဗျာဖတ်သူ(၈)

ကလေးတွေက ကောင်းကင်ကျယ်ထဲ
စွန်လွှတ်လို့
လူငယ်တွေက ကံကြမ္မာလွင်ပြင်ထဲ
စွန့်လွှတ်လို့
လူကြီးတွေက သင်္ခါရသဘင်ထဲ
အစွန်းလွှတ်လို့
“ဘ၀”တဲ့လား
မလွန်ဆန်နိုင်ကြခဲ့ အတူတူ
စွန်
စွန့်
စွန်း
တစ်ခွန်းလောက်တော့
ခွန်းထောက်ကလေးပီစေချင်……။

အချင်းကဗျာဖတ်သူ(၉)

မြင်ရတဲ့ ကန်ထဲကငါးတွေ
မျှားရင် မျှားသလောက်
တစ်ကောက်ကောက်
ဒါဆို
ငါးမျိုးဆိုတာတွေကို
အစားထိုးကြည့်လိုက်
မျှားကြိုးတွေကိုလည်း အစားထိုးကြည့်လိုက်

အချင်းကဗျာဖတ်သူ (၁၀)

“ဒါ….အတိတ်ကံတွေ”ဆိုပြီး
သည်ကိစ္စက
စိတ်မာန်ချ စကားပြောလို့မရဘူး
သည်ကိစ္စက
ဒုက္ခထက်ကြီးတယ်
သည်ကိစ္စက
ဒုက္ခထက်ဆိုးတယ်
သည်ကိစ္စက
ဒုက္ခထက်လေးတယ်
အချင်းကဗျာဖတ်သူ
သည်ကိစ္စက သည်ကိစ္စ
သည်ကိစ္စကို
သည်ကိစ္စအတိုင်း ရှင်းရမယ်
ဟုတ်တယ်……….သည်ကိစ္စ။

အချင်းကဗျာဖတ်သူ (၁၁)

“အမေရယ်
အမေ့ဗိုက်ထဲကို
သမီး
ပြန်ဝင်နေလို့ မရဘူးလား”
(လူများ ၊သက္ကရာဇ်များ၊ဘ၀-၁၉၄၁-၁၉၄၅)ထဲက
ဆရာမြသန်းတင့် ဘသာပြန်
“ကလေးစိတ်ရှိသော ဆံပင်ဖြူဖြူနှင့်လူများ”ထဲက
ဂျာမန်တပ်တွေ မော်စကိုမြို့ဆီ ချီတက်လာတဲ့
မြင်ကွင်းကျယ်

အချင်းကဗျာဖတ်သူ(၁၂)

စာတိုက်မှာလည်း
ရွာလိုက်တဲ့နှင်းတွေ……။
ဖုန်းလိုင်းတွေ
ဒုန်းစိုင်းနေသလောက်
ကောက်ကိုင်မယ့်သူ မရှိသေးဘူး………..။


မြဆင့်ချယ်


(၁၃၆၉ ခု၊တော်သလင်းလပြည့်မှ သီတင်းကျွတ်လပြည့်နေ့အတွင်း ရေးသားတဲ့ကဗျာတွေဖြစ်ပါတယ်)
(၂၀၀၈ ခုနှစ်၊ဇူလိုင်လTeen ဖူးငုံဆယ်ကျော်သက်မဂ္ဂဇင်း)

ဆက်လက်ဖတ်လိုလျှင် ....>>

ပြန်သိမ်းပေးပါ ....>>

တိုးတိုးတိတ်တိတ် CDMA ဖုန်း

ကလေးမြို့တွင် ကျပ် (၅) သိန်းတန် CDMA တယ်လီဖုန်း အလုံး ၄၀၀ ကို မေလ ၂၆ ရက်မှ ၃၁ ရက်နေ့ အထိ ရောင်းချ ပေးသွားပါသည်။ အဆိုပါ တယ်လီဖုန်း ရလိုသူများသည် ဟောင် ကောင် လက်ဖက်ရည်ဆိုင် ကိုအောင်ဝင်း၊ ကိုဝင်းမောင် နှင့် ရပ်မိရပ်ဖ ဟု ခေါ်သူများထံတွင် လည်းကောင်း ခယက ရုံးတွင် လည်းကောင်း စာရင်း ပေးသွင်းရသည်ဟု သိရှိရပါသည်။ အဆိုပါ တယ်လီဖုန်း ရရှိသူများသည် စုစုပေါင်း ကျပ် ခြောက်သိန်း သုံးသောင်း ခန့် ကုန်ကျသည်ဟု သိရှိရပါသည်။

ဆက်လက်ဖတ်လိုလျှင် ....>>

ပြန်သိမ်းပေးပါ ....>>