ရသနယ်ပယ်

ထမင်းတစ်ခါပြင် အသားနဲ့တစ်ပွဲဟေ့ အသီးအရွက် အစုံချ
အဖေပြောတာ သတိရတယ် သူ့အသက်(၇၀) ထမင်းစားတာ
အနပ်ပေါင်း(၅၀၀၀၀) လောက်ရှိပြီ ဘာမှ အဖတ်မတင်ဘူး
ထမင်းဖြူလိုက်ပွဲပေးပါဦး မြန်မြန် ပြီးတော့ပြောသေးတယ်
အကောင်းဆုံးအစားအသောက်ဆိုတာ လျော့စားတာကိုပြောတာ
အခု ကျွန်တော်ခါး(၃၄) ဘာစားစား အရအကုန်ရှိတယ်
ကမ္ဘာ့စားနပ်ရိက္ခာအဖွဲ့မှာ အလုပ်လျှောက်ရင် တစ်နေရာရလောက်တယ်
ခင်ဗျားလည်း တစ်ခုခုမှာစားဦးလေ လက်ဖက်ရည်ပဲ လား တစ်ခုခု
အစာအိမ်ဟုတ်လား ကျွန်တော်မှာလည်း အစာအိမ်ရှိတာပဲ အံ့သြစရာ
ဒီလောက်ဟာလေးထဲကို အစားအသောက်တွေ အကြိမ်ကြိမ်မျိုချနေရတာ
လက်ဖက်ရည်တစ်ခွက်ပေးပါဦး ထမင်းစားပြီးရင် အချိုလေးတည်းရမှ
ဝင်ငွေ(၁)ဒေါ်လာအောက်ဖြင့် ရပ်တည်နေရသော တတိယကမ္ဘာမှ လူများစု
အခုခင်ဗျားဖတ်နေတာ ဘာကြောင်းများလဲဗျ ထူးထူးဆန်းဆန်း စားစရာလေးများ
တွေ့လိုက်သေးလား အလှူရှင်နိုင်ငံများအား သံသယမဖြစ်စေသင့်ဆိုလား ဘာလား
အစည်းဝေးကျင်ပသည့်နေရာသို့ ဖိတ်ကြားမီဒီယာနှင့်ဟိုတယ်ဝန်ထမ်းများသာ
ဖြတ်သန်းသွားလာခွင့် မရှိတဲကနေရာတွေ ကမ္ဘာမှာ ဘယ်လောက်များနေပြီလဲလို့
ကျွန်တော်မေးခွန်းမှားနေယ်ဆိုရင် ခင်ဗျားအဖြေ ဘယ်လောက်မှန်နိုင်မလဲဆိုတာ
လေယာဉ်တင်သင်္ဘောပေါ်က တက်လာတဲ့ ဒေါ်လာသန်းချီတန် ခရီးစဉ်အများစုဟာ
ဓါတ်ပုံရိုက်ဖို့ သဘာဝ ပတ်ဝန်းကျင်အတွက် ကမ္လာ့ရာသီဥတုအတွက် ဒီလိုလား
စပယ်ရှယ်အေးဂျင့်တစ်ယောက် ရန်သူနယ်မြေထဲ၌ ရုတ်တရက် ကျဆုံးသွားခြင်းအား
ဒီလက်ဖက်ရည်ခွက် ပြန်လဲပေးပါလား ညီလေး ဒီမှာ ယင်ကောင်ကျသေနေလို့
ခင်ဗျားအခု ဘာဆက်လုပ်ဖို့ စဉ်းစားထားလဲ ထမင်းစားရဖို့ အရေးကြီးတယ်နော်
ဟိုဖက်ဝိုင်းမှာ ထိုင်နေတဲ့ ကောင်မလေးတွေ ဘာလုပ်စားကြတယ်လို့ ခင်ဗျားထင်သလဲ
ကျွန်တော်လည်းမသိပါဘူးခင်ဗျားစဉ်စားကြည့်ဖို့ ပြောကြည့်လိုက်တာပါ
ဟိုမှာ ဂျာနယ်ရောင်းတဲ့ ကောင်လေးကကော ဘယ်နှတန်းလို့ ခင်ဗျားထင်ထားသလဲ
တတိယကမ္ဘာ၏ လူသားအရင်းအမြစ်များအား ဖော်ထုတ်မြှင့်တင်ပေးရန်
ရီးဒါးဒိုင်ဂျက်က အဲ့ဒီဟာသလေးတွေ ကောင်းတာဗျ ဒါကခင်ဗျားအမြင်ကို
ကဗျာမပါတာ စိတ်ဆိုးစရာလားဗျာ သူတို့မှာလည်း သူတို့အကြောင်းနဲ့သူတို့
ရသနယ်ပယ်၏ လက်နက်ဝယ်လိုအားနှင့် ဈေးကွက်အနေအထားများအရ
ပြဿနာတက်ပြီဗျို့ ကျွန်တော်ပိုက်ဆံအိတ် ရုံးပေါ်မှာ ကျန်ခဲ့ပြီထင်တယ်
ခင်ဗျားပဲ ရှင်းလိုက်ပါဗျာ နောက်တစ်ကြိမ်ကျ ကျွန်တော်ရှင်းပါ့မယ် ဆောရီး။။

ကိုဇော်(ကလေးမြို့)

၂၀၁၀ခုနှစ်၊ဇွန်လထုတ် ပေဖူးလွှာ မဂ္ဂဇင်းမှ ကူးယူဖေါ်ပြသည်။