ရင်ဖိုဆောင်း

တသိမ့်သိမ့် တွေးစရာကောင်းတဲ့
ဆောင်းရဲ့ ပန်းချီကားတစ်ချပ်မှာ ….
အဆက်အသွယ် ပြတ်နေတာ ကြာပြီဖြစ်တဲ့
ခွာညိုနဲ့ ဆုံဖြစ်ဖို့ ….
မြောက်ပြန်လေတို့နဲ့ အမှာပါး
ရင်ကြားစေ့ တွေ့ဆုံဖို့တဲ့ ……….။
ပြေပြေလေးဆိုင်းထားတဲ့
နှင်းမြူလှိုင်းလေးတွေက
မိုးနဲ့ဆောင်းကို ………..
ကာလအားဖြင့် ပိုင်းခြားလိုက်တယ် ………။
မနှစ်က ဆောင်းလက်ကျန် အငွေ့အသက်က
မျက်ဝန်းထဲ ……..
စိုစိုစက်စက်ကြီးကို ရှိနေသေးတယ် …….။
ခွာညိုရဲ့ မျက်တောင် ကော့ကော့တွေပေါ်
နှင်းမှုံ နှင်းစက်လေးတွေက
ဖေါ့ဖေါ့လေး ခိုသီထားတဲ့ဆောင်း
ချင်းတောင်တန်းကြီးတွေ ……..
အ၀တ်ဖြူကို ခေါင်းပေါင်းထားသလိုမျိုးနဲ့
မြို့ကလေးကို ……
အပေါ်စီးကနေ မိုးကြည့်နေတဲ့ဆောင်း …
ကြယ်မှိန်မှိန် လရိပ်မှုန်ရီညမှာ
ခွာညိုရဲ့ ကိုယ်သင်းနံ့တွေ ထုံအီနေတဲ့ဆောင်း
မီးလင်းဖိုလေးနံဘေး ………..
ဝါကျတွေ အေးခဲသွားတဲ့ဆောင်း
ရှေ့ကဖြတ်လျှောက်သွားတဲ့ဆောင်းနဲ့
တရိပ်ရိပ် ပြေးလားနေတဲ့ ဆောင်းရဲ့ကြားမှာ …
ရာသီကန့်လန့်ကာ နှစ်ခုခြားတယ် ……..
ကျွန်တော်ကတော့ ……..
မောင်လေးအောင်ရဲ့ ချစ်ခဲ့ရသော နေ့တစ်နေ့
သီချင်းကို ဆိုညည်းရင်း ……
နှင်းငွေမှုံထဲ ……… ၀ိုးတ၀ါး …….
ကိုယ့်ချစ်သူများ ပြေးလာမလား ……..
အသည်းများရင်ဖို ……… စောင့်ကြိုမိသေးတယ် …….။

မောင်ကိုမောင် (ကလေး)

၂၀၁၁ ခုနှစ်၊ဖေဖေါ်ဝါရီလထုတ် ရနံ့သစ် မဂ္ဂဇင်းမှ ကူးယူဖေါ်ပြသည် ။