Atom Feed (xml)
ရေးသူ မြဆင့်ချယ်
လွမ်းတယ်
မျက်စောင်း ခဏခဏထိုးတဲ့
လက်မောင်းအိုး လှလှလေးကို လွမ်းတယ်..။
လွမ်းတယ်
တွေ့လိုက်တိုင်း အဆင်သင့် အိစိုနေတဲ့
သူ့အကြည့်ချိုချိုလေးကို လွမ်းတယ်..။
လွမ်းတယ်
မစို့မပို့ တို့ထိမိရုံ
ကြုံဖူးတယ်ရှိ နမ်းလိုက်မိတဲ့
အငိုက်မိ ဘယ်ဘက်ပါးလေးကို လွမ်းတယ်..။
လွမ်းတယ်
အသားကျ ပတ္တာကလေး “ဟ” လိုက်သလို
သူ့ အသံထွက် နှုတ်ခမ်းလေးကို လွမ်းတယ်..။
လွမ်းတယ်
နှစ်ခါသာ လှမ်းမြင်ဖူးခဲ့
လွတ်လွတ်လပ်လပ် သူသန်းဝေနေပုံလေးကို
အားရှိပါးရှိ လွမ်းတယ်..။
လွမ်းတယ်
မကောက်တတ် ကောက်တတ် ကောက်ကောက်ပြနေတတ်တဲ့
အသံတိတ် သူ့စိတ်ကောက်ပုံလေးကို လွမ်းတယ်..။
လွမ်းတယ်
ဘာအလေးချိန်မှ စီးမထားတဲ့
သူ့နားရွက်သီး လုံးလုံးကလေးတွေကို လွမ်းတယ်..။
လွမ်းတယ်
လွမ်းတယ်ကွာ
စွမ်းအားရှိသလောက် ပေါက်ပေါက်ရှာရှာ
လက်မောင်းပေါ်က ကျောက်ဆေးထိုးရာ အမာရွတ်ကလေးက အစ
ဖြည့်ပြီးပြောရရင်
ညည်းရဲ့ ထွက်လေ၀င်လေ ကလေးကိုတောင်
တောက်တောက်ပပ လွမ်းမိပါရဲ့ ကောင်မလေးရယ်..။
မြဆင့်ချယ်
(သရဖူ မဂ္ဂဇင်း ၆-၂၀၀၃)
Friday, June 11, 2010
အလွမ်းနက်နက်
Subscribe to:
Post Comments (Atom)
Contact
ဆက်သွယ်ဝေဖန်အကြံပေးနိုင်ပါသည်။
No comments:
Post a Comment
ကျေးဇူးတင်ပါတယ်။