တမူးသတင်း

▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

အေးသန်း(စိန်တုံးကြီး)

သင်္ကြန်မတိုင်မီရက်တစ်ရက်တွင် မရောက်သည်မှာကြာပြီဖြစ်သည့် ကဘော်ချိုင့်ဝှမ်း ဒေသအခေါ် မြန်မာ-အိန္ဒိယနယ်စပ် တမူးမြို့လေးသို့ အလယ်တစ်ခေါက်ရောက်ခဲ့သည်။ တမူးကိုရောက်လျှင်ရောက်ချင်း တမူးမြို့ နယ် လဝကရုံးမှာ တာဝန်ထမ်းဆောင်နေတဲ့ သားကြီးက ''အဖေတို့ကို ထူးထူးခြားခြား ငွေဆံတော်ပွင့်ဘုရားနဲ့ အဘိုး ဘိုးသီလအရှင်နန်းတော်ကို လိုက်ပို့ပေးရဦးမယ်''ဟု ပြောလာသဖြင့် ''အေးကွာ အဖေလည်း စိတ်ဝင်စားတယ်၊ ညနေကျရင် သွားဖူးကြရအောင်''ဟု ပြောလိုက်ပါတော့ သည်။

တမူးမြို့လေး၏ ရာသီဥတုက နေ့လယ်ပိုင်းမှာ ပူလွန်း၍ စာရေးသူတို့ ရန်ကုန်ရာသီဥတုနှင့်မခြား ရှိနေသော်လည်း ညနေပိုင်းနှင့် ညပိုင်းတွင် နေလို့ ကောင်းသည့် ရာသီဥတုမျိုးဖြစ်နေ၍ နေ့ရောညပါ အပူဒဏ်ကို ခံစားလာခဲ့ရသည့် ကျွန်တော်တို့ ယခုမှ အတိုးချပြီး အနားယူရပေတော့မည်။ ဤသို့ဖြင့် နေ့အပူချိန် လျော့နည်းစပြု လာပြီဖြစ်သော်လည်း ညနေ ၄ နာရီကျော်လောက် တွင် စာရေးသူတို့ဇနီးမောင်နှံနှင့်အတူ သားကြီးတို့မိသားစုလိုက်ပါလျက် သုံးဘီးယာဉ်ဖြင့် ဆံတော်ပွင့်ဘုရားဖူးရန် ထွက်ခဲ့ပါတော့သည်။

ငွေဆံတော်ပွင့်ဘုရားသည် တမူးမြို့ မြို့မသာသနာ့ရိပ်သာကျောင်းတိုက် အရှေ့ဘက် ဘုရားငါးဆူကျောင်းတိုက်စံကျောင်းတော် ဂန္ဓကုဋိတိုက်တွင် ကိန်းဝပ်စံပယ်တော်မူနေသည်ကို ဖူးမြော်တွေ့ရှိခဲ့ရပေသည်။ ငွေဆံတော်ပွင့် ဘုရားနှင့်ပတ်သက်၍ အလှည့်ကျဂေါပကအဖွဲ့ထံမှ သိရှိခဲ့ရသည်မှာ ၂ဝဝ၉ ခုနှစ်က တမူးမြို့စော်ဘွား (၁ဝ/က) ရပ်ကွက်နေ ကိုရာကျော်-မဖြူဖြူသွယ်၊ သမီးမယွန်းနဒီကျော်နှင့် သားမောင်ဥက္ကာကျော်တို့ မိသားစုက မြို့ပေါ်ရှိ ဇာနီဦး (ကွန်ပျူတာမိတ္တူနှင့် စာရေးကိရိယာဆိုင်)မှ ဘုရားဆင်းတုတော်တစ်ဆူ ကို ဝယ်ယူပူဇော်ခဲ့ကြကြောင်း၊ ၎င်းတို့နေအိမ်တွင် ငါးနှစ်ကျော်ပူဇော်ခဲ့ရာမှ ၂ဝ၁၄ ခုနှစ် ဇွန် ၂ ရက်တွင် ဆင်းတုတော်မှ ထူးခြားစွာဆံတော်ရှစ်ဆူ ပွင့်ထွန်းပေါ်ပေါက်လာခဲ့သည်ကို မဖြူဖြူသွယ်က မြင်တွေ့ခဲ့ရပြီး အဘွား ဖြစ်သူကို တစ်ဆင့်ပြောပြရာမှ ၂ဝ၁၄ ခုနှစ် ဇွန် ၇ ရက်မှစ၍ အိမ်နီးချင်း များမှတစ်ဆင့် ပတ်ဝန်းကျင်သို့ သတင်းပျံ့နှံ့ကာ ဘုရားဖူးလာသူများနှင့် စည်ကားလာခဲ့ကြောင်း၊ ၁၃-၆-၂ဝ၁၄ ရက် (သောကြာနေ့) နံနက် အရုဏ်တက်ချိန်တွင် သံဃာတော်ကိုးပါးပင့်၍ ဗုဒ္ဓါဘိသေက ဘုရားအနေကဇာတင် လှူခဲ့ပြီး ယင်းနေ့ညနေ ၃ နာရီတွင် ငွေဆံတော်ဘုရားရှင်ကို ပင့်ဆောင်ကာ တမူးမြို့တွင်းသို့ စည်ကားသိုက်မြိုက်စွာ ဒေသစာရီ ကြွချီအပူဇော်ခံခဲ့ကြောင်း၊ ထိုမှတစ်ဆင့် တမူးမြို့ မြို့မကျောင်းတိုက် ပဓာနနာယကဆရာတော် အဂ္ဂ မဟာသဒ္ဓမ္မဇောတိကဓဇ ဘဒ္ဒန္တမာနိတသိရိ၏ သြဝါဒခံယူကာ မြို့မကျောင်း တိုက် အရှေ့ဘက် ဘုရားငါးဆူကျောင်းတိုက်တွင် အများပြည်သူများ ဖူးမြော် အပူဇော်ခံနိုင်ရန် ငွေဆံတော်ရှင် မြတ်စွာဘုရားကို ပင့်ဆောင်ထားခဲ့ကြောင်း၊ ဘုရားဖူးလာပြည်သူများ အဆင်ပြေချောမွေ့စွာ ဖူးမြော်ကြည်ညိုနိုင်ရန် မြို့မ ကျောင်းတိုက် ဂေါပကအကျိုးတော်ဆောင်ခြောက်ဖွဲ့ဖြင့် အလှည့်ကျ တာဝန် ယူဆောင်ရွက်လျက်ရှိကြောင်း၊ ငွေဆံတော်ဘုရားရှင်၏ ထူးခြားချက်မှာ ၂၃-၅-၂ဝ၁၄ ရက်နေ့ ညသန်းခေါင်ယံအချိန် တွင် ငွေဆံတော်ဘုရား ဆင်းတုတော်မှ အစိမ်းရောင်များဖြင့် ရောင်ခြည် ကွန့်မြူးနေသည်ကို မဖြူဖြူသွယ်မှ မြင်တွေ့ရခြင်းနှင့် ၁ဝ-၆-၂ဝ၁၄ ရက်နေ့ မိုးသောက်ယံချိန်တွင် ရောင်ခြည်များ ကွန့်မြူးနေသည်ကို မဖြူဖြူသွယ်၏ဖခင် ဦးမောင်မောင်ကိုယ်တိုင် မြင်တွေ့ ဖူးမြော်ခဲ့ရကြောင်း၊ ငွေဆံတော်ဘုရားကို စတင်ဖူးတွေ့ခဲ့စဉ်က ဦးခေါင်းတော်မှ ဓာတ်တော်အလုံးအဖုလေးများသာ ဖူးတွေ့ခဲ့ရပြီးနောက် တဖြည်းဖြည်း ဓာတ်တော်အလုံးအဖုလေးများ မှ ငွေဆံတော်များ ပွင့်ထွန်းရှည်ထွက်လာသည်ကို ယနေ့ဖူးမြော်ရသည့်အတိုင်း တွေ့မြင်ရကြောင်းတို့ကို ငွေဆံတော်ရှင်မြတ်စွာ ဘုရားထိန်းသိမ်းစောင့်ရှောက်ရေး အလှည့်ကျ ဂေါပကအဖွဲ့ထံမှ သိရှိခဲ့ရပေသည်။

အဆိုပါ ငွေဆံတော်ရှင်မြတ်စွာဘုရားအား ရပ်နီးရပ်ဝေးပြည်သူများ ဖူးမြော်ကြည်ညိုနိုင်ရန်အတွက် ဘုရားဒါယကာ ကိုရာကျော်မိသားစုက မတည်လှူဒါန်းငွေ သုံးသိန်းကျော်နှင့် ဘုရားဖူးခရီးသည်များ ထည့်ဝင်လှူဒါန်းငွေများဖြင့် ငွေဆံတော်ရှင်မြတ်စွာဘုရား စံကျောင်းတော် ဂန္ဓကုဋိ တိုက်ကို ၂ဝ-၆-၂ဝ၁၄ ရက်နေ့က မြို့မကျောင်းဆရာတော်ကိုယ်တိုင် ပန္နက်ချ မင်္ဂလာတင်၍ ဆောက်လုပ်လှူဒါန်းခဲ့သည်။ စံကျောင်းတော်၌ သပ္ပာယ်စွာ ဖူးမြော်ကြည်ညိုနိုင်ကြမည်ဖြစ်သည်။

ငွေဆံတော်ရှင်မြတ်စွာဘုရားရှင်အား ဖူးမြော်ကြည်ညိုခဲ့ပြီးနောက် စာရေးသူတို့မိသားစုလည်း မြို့မကျောင်း သာသနာ့နယ်မြေ အနောက် မြောက်ဘက်တွင်ရှိသော အဘိုးဘိုးသီလအရှင်နန်းတော်ဘက်သို့ ထွက်လာခဲ့သည်။ အဘိုးဘိုးသီလအရှင်နန်းတော်တွင် အဘိုးဘိုးသီလရုပ်တုကို ကြည်ညိုဖွယ်ရာတွေ့မြင်ခဲ့ရသည်။ ရုပ်တုမှာ မတ်တပ်ရပ်လျက် ညာဘက်တွင် တောင်ဝှေးတစ်ချောင်းထောက်ထားပြီး ဘယ်ဘက်လက်တွင် စိတ်ပုတီးနှင့် အဖြူရောင်ထိုင်မသိမ်းအင်္ကျီကို ဝတ်ဆင်ကာ ဦးခေါင်းအလယ်တည့်တည့် တွင် ရောင်ထုံးရှိပြီး ဇောင်းရစ် ကို ဆောင်းထားသည့် မင်းဝတ်မင်းစားပုံဖြစ်သည်။ ရုပ်တု၏ လက်ယာဘက်တွင် ဆင်ဖြူတော်တစ်စီးနှင့် လက်ဝဲဘက် တွင် မြင်းဖြူ တော်တစ်စီးရှိသည်။ ထို့ပြင် အဘိုးဘိုးသီလ ကိုစောင့်ရှောက်နေသော လက်ျာရံ စစ်သူကြီးသုံးပါးဖြစ်သည့် ဝဲဇလွန်စစ်သူကြီး၊ ဝဲဇာလောင်စစ်သူကြီးနှင့် ဇလုံမော် စစ်သူကြီးတို့အပြင် လက်ဝဲရံစစ်သူကြီးများဖြစ်သော နွိုင်ခေါမာစစ်သူကြီး၊ မူသီပါစစ်သူကြီးနှင့် နန်းသညစ်စစ်သူကြီးဟူသည့် စစ်သူကြီးသုံးဦးကလည်း စောင့်ရှောက်နေကြောင်း သိမြင်တွေ့ရှိခဲ့ရသည်။

အဘိုးဘိုးသီလကို စောင့်ရှောက်ပေးနေသော လက်ဝဲရံစစ်သူကြီးတစ်ဦး ဖြစ်သည့် နွိုင်ခေါမာစစ်သူကြီး၏ နန်းတော်ကို အဘိုးဘိုးသီလအရှင်နတ်နန်း တော်၏ အနောက်ဘက်တွင် တွေ့ရှိရမည်ဖြစ်သည်။ ''နွိုင်ခေါမာ''ဟူသည် အိန္ဒိယ-မြန်မာနယ်စပ်ဘေးရှိ မြင်းလည်ပင်းနှင့်တူသော တောင်၏အမည် ဖြစ်ပြီး ထိုနွိုင်ခေါမာတောင်ပေါ်တွင် အိန္ဒိယ-မြန်မာနယ်စပ်နေ နယ်သူ နယ်သားအပေါင်းတို့ကို အန္တရာယ်အသွယ်သွယ်မှ စောင့်ရှောက်ပေးသော နတ်စစ်သူကြီးကို အစွဲပြု၍ ခေါ်ဝေါ်ခြင်းဖြစ်သည်။ နွိုင်ခေါမာစစ်သူကြီးသည် အဘိုးဘိုးသီလအရှင်နှင့်အတူ အိန္ဒိယ-မြန်မာနယ်စပ်ဒေသနှင့် နယ်သူ နယ်သားများကို စောင့်ရှောက်သည်ဟု ယုံကြည်လာ၍ ယနေ့တိုင်အစဉ်အဆက် ကိုးကွယ်လာခဲ့ကြောင်းကိုလည်း မှတ်သားခဲ့ရသည်။ နွိုင်ခေါမာစစ်သူကြီး ရုပ်တုမှာ စစ်သူကြီးချပ်ဝတ်တန်ဆာများဝတ်ဆင်ပြီး မြင်းစီးနေပုံဖြစ်သည်။ နွိုင်ခေါမာစစ်သူကြီးတွင် မောလုံမော်နွဲ့နတ်၊ ရမန္တရီခေါ် ကွန်းတောင်းနတ်နှင့် နန်းသညစ်တောင်စောင့်နတ်ဟူသည့် ညီတော်သုံးပါးရှိကြောင်းကိုလည်း ထပ်မံလေ့လာသိရှိရပေတော့သည်။

စာရေးသူလည်း အဘိုးဘိုးသီလအရှင်နတ်နန်းတော်အား လှည့်လည် ဖူးမြော်ပြီးနောက် အဘိုးဘိုးသီလနှင့် ပတ်သက်၍ သိလိုသည်များကို အဆိုပါ ဘိုးသီလရုပ်တုနှင့် နန်းတော်အား ထိန်းသိမ်းစောင့်ရှောက်နေသော အလှည့်ကျ ဂေါပကအဖွဲ့ထံ မေးမြန်းခဲ့ရာ ဤသို့ သိရှိလာခဲ့ရပေသည်။

ဗုဒ္ဓမြတ်စွာဘုရားရှင်လက်ထက်က ကပိလဝတ်ပြည်ကို အရှင်အနုရုဒ္ဓါ မထေရ် အုပ်ချုပ်ခဲ့စဉ်က အဘိုးဘိုးသီလသည် အရှင်အနုရုဒ္ဓါ မထေရ်၏ နောင်တော်ကြီးဖြစ်ခဲ့ကြောင်း၊ အနုရုဒ္ဓါမထေရ်နတ်ရွာစံပြီးနောက် နောင်တော် ကြီးဖြစ်သူ မဟာနမ်မင်းသားကြီးက ဆက်လက်အုပ်ချုပ်ခဲ့ကြောင်း၊ ကပိလဝတ် ပြည်ကို ဝိဋဋူပတို့ ရန်မူလာခြင်းကြောင့် သာကီဝင်မင်းမျိုးမင်းနွယ်များနှင့် သာကီဝင်အချို့ မောရင်္ဂ ခေါ် ယခုကဘော်ချိုင့်ဝှမ်းဒေသ(တမူး)သို့ ပြောင်းရွှေ့ လာကြကြောင်း၊ သာကီဝင်များနှင့်အတူ ဝတ်ဖြူစင်ကြယ်နှင့် သူတော်စင် တစ်ဦးပါလာကြောင်း၊ ထိုသူတော်စင်ပုဂ္ဂိုလ်မှာ မင်းသားကြီး မဟာနမ် ဖြစ်ကြောင်း၊ မင်းသားကြီးမဟာနမ်မှာ ဗုဒ္ဓဘုရားရှင်၏ တရားတော်နှင့်အညီ ကျင့်ကြံအားထုတ်ခြင်းကြောင့် သောတာပန် အရိယာကြီးလည်း ဖြစ်လာခဲ့ ကြောင်း၊ သီလသမာဓိနှင့်ပြည့်စုံသဖြင့် မြို့သူမြို့သားအားလုံးက အဘိုး ဘိုးသီလဟု စတင်ခေါ်ဝေါ်ခဲ့ကြကြောင်း သိရှိရပေသည်။

အဘိုးဘိုးသီလသည် တမူးမြို့နယ်၊ ဖောင်းပြင်မြို့နယ်၊ မော်လိုက်မြို့နယ် အဆုံးထိ သြဇာသက်ရောက်ခဲ့ကြောင်း၊ အဘိုးဘိုးသီလကွယ်လွန်ပြီးနောက် ပိုင်းတွင်လည်း စဉ်ဆက်မပြတ် ကိုးကွယ်လာခြင်းကြောင့် မြို့ရွာနယ်ပယ် အန္တရာယ်မကျရောက်အောင် စောင့်ရှောက်သော နယ်ပယ်ရှင်ပယ် သူတော် စင်တစ်ပါးအဖြစ် ယုံကြည်သက်ဝင်ခဲ့ကြကြောင်း၊ ရှေးအခါက ကလေးသူငယ် များနေထိုင်မကောင်းဖြစ်လျှင် အဘိုးဘိုးသီလထံ အပ်နှံ၍ ရောဂါကင်းရှင်း စေလိုကြောင်း မစကြည့်ရှုပေးရန် တောင်းဆို လာသည့်အခါတွင်လည်း သိသိသာသာ ပျောက်ကင်းစေကြောင်း၊ နယ်သူနယ်သားများ မိမိတို့၏ ရင်သွေးများအား သာသနာ့ဘောင်သို့သွတ်သွင်းရန်အတွက် ရှင်ပြုအလှူပွဲမတိုင်မီ တစ်ရက် အလို အဘိုးဘိုးသီလထံအပ်နှံပြသရသည့် အစဉ်အလာများ ယနေ့တိုင် ဆက်လက်ဆောင်ရွက်နေကြကြောင်း၊ လယ်ယာများပိုးကျလျှင် သက်သတ်လွတ် ထမင်း၊ ဟင်း၊ သစ်သီးများတင်၍ တိုင်တည်ပူဇော်ပသသည့်အခါတွင်လည်း ပိုးမွှားကျသော လယ်ယာများသို့ ဆက်ရက်အုပ်များ ကျရောက်ကာ ပိုးမွှား အန္တရာယ်ကို ရှင်းလင်းပေးကြကြောင်း၊ ကား၊ ဆိုင်ကယ်အသစ်ဝယ်ယူလျှင်လည်း အဘိုးဘိုးသီလ နန်းတော်ရှေ့တွင်ပြသပြီး ဖယောင်းတိုင်၊ အမွှေးတိုင်၊ ငှက်ပျောပွဲ၊ အုန်းပွဲများနှင့် ပူဇော်ပသကာ စောင့်ရှောက်ပေးပါရန်တောင်းပန် တိုင်တည်ခြင်းများနှင့် ခရီးဝေးထွက်ခွာကြမည့် မော်တော်ယာဉ်များကိုလည်း နန်းတော်ရှေ့ အဘိုးဘိုးသီလအား သုံးကြိမ်ဦးတိုက်ပြီး ပူဇော်သွားပါက ခရီး လမ်းပန်းချောမွေ့ပြီး အန္တရာယ်ကင်းရှင်းကြသည်ဟု ယုံကြည်မှုရှိလာကြကြောင်း ကိုလည်း လေ့လာသိရှိမှတ်သားခဲ့ရသည်။

ထို့ပြင် ဤဒေသ ဤမြို့နယ်တွင် သဘာဝဘေးအန္တရာယ်ကြီးကြီးမားမား မဖြစ်ဖူး၊ မကြုံဖူးခြင်းသည်လည်း ယင်းဘိုးသီလအရှင်၏ စောင့်ရှောက် မှုကြောင့် ဟု မြို့သူမြို့သားများက ယုံကြည်နေကြသည်။ ပို၍ထူးခြားသည်မှာ ဒုတိယ ကမ္ဘာစစ်အတွင်းက ဤဒေသသည် စစ်မြေပြင် စစ်လမ်းကြောင်းဖြစ်ခဲ့သော်လည်း အသေအပျောက်နည်းပါးခဲ့ခြင်းနှင့် စစ်ကြီးဖြစ်နေစဉ်အတွင်း အဘိုး သီလသည် မြင်းစီးကာ မြို့ကိုလှည့်ပတ်စောင့်ရှောက်နေသည်ကို အင်္ဂလိပ်၊ ဂျပန်အရာရှိများက တွေ့မြင်ခဲ့ကြကြောင်း တစ်ဆင့်စကားတစ်ဆင့်ကြားခဲ့ရာမှ သိရှိခဲ့ရသည်။ ထို့ကြောင့်ပင် အလွန်ဆိုးရွားရက်စက် ယုတ်မာလှသည့် ဖက်ဆစ်ဂျပန်တို့၏ ရက်စက်ယုတ်မာမှုဒဏ်ကို မြို့သူ၊ မြို့သားများ မခံစားခဲ့ရကြောင်းကိုလည်း လေ့လာသိရှိခဲ့ရပေသည်။

အဘိုးဘိုးသီလအရှင်ကြီး၏ စောင့်ရှောက်မှုကြောင့် ကဘော်ချိုင့်ဝှမ်း ဒေသ(တမူးမြို့) တစ်မြို့လုံးက အဘိုးဘိုးသီလရှင်ကြီးကို ယုံကြည်ကိုးကွယ် လာကြသည်။ အားထားရာဖြစ်လာခဲ့သည်။ ဗုဒ္ဓဘာသာဝင်များသာမက ဟိန္ဒူ၊ ခရစ်ယာန်ဘာသာဝင်များကပင် အန္တရာယ်ကင်းရေး၊ စီးပွားလာဘ်လာဘ တိုးပွားစေရေးတို့အတွက် အဘိုးဘိုးသီလနတ်နန်းနှင့် အဘိုးဘိုးသီလရုပ်တုတို့အား လာရောက်ဆည်းကပ်လှူဒါန်းပြီး တိုင်တည်ခြင်းများကို နေ့စဉ် ညနေ ၄ နာရီမှစ၍ ဖယောင်းဆီမီး၊ အမွှေးတိုင်များ၊ ကန်တော့ပွဲများဖြင့် လာရောက် ပူဇော်ကြခြင်းနှင့် နှစ်စဉ်သီတင်းကျွတ်လပြည့်နေ့နှင့် နှစ်ဆန်း ၁ ရက်နေ့ များတွင် သက်သတ်လွတ် ထမင်းဟင်းများ၊ မုန့်ဖြူ၊ မုန့်နီ၊ သစ်သီးနှင့် ဆန်၊ ပန်း၊ ပေါက်ပေါက်များ၊ ဆင်စာ၊ မြင်းစာများ၊ အမွှေးတိုင်၊ ဖယောင်းတိုင်များဖြင့် စည်ကားသိုက်မြိုက်စွာ မြို့ခံများနှင့် ရပ်နီး၊ ရပ်ဝေးမှသိရှိထားသူများက လာရောက်ပူဇော်ကြကြောင်းတို့ကို အသေးစိတ်လေ့လာမှတ်သား သိရှိခဲ့ရသည်။

သို့ပါ၍ စစ်ကိုင်းတိုင်းဒေသကြီး မြန်မာ-အိန္ဒိယနယ်စပ်ရှိ ကဘော် ချိုင့်ဝှမ်းဒေသခေါ် တမူးမြို့လေးသို့ မြန်မာပြည်အရပ်ရပ်မှ ပြည်သူများ တာဝန်နှင့်ဖြစ်စေ၊ အလည်အပတ်သွားရောက်ခြင်းကြောင့်ဖြစ်စေ ရောက်ရှိ ခဲ့ပါလျှင် တမူးမြို့မြို့မရပ် မြို့မကျောင်းတိုက်အရှေ့ဘက်ရှိ ဘုရားငါးဆူတိုက် ငွေဆံတော်ရှင်မြတ်စွာဘုရား စံကျောင်းတော် ဂန္ဓကုဋိတိုက်တွင် ကိန်းဝပ် စံပယ်တော်မူနေသည့် ငွေဆံတော်ရှင်မြတ်စွာ ဘုရားနှင့် မြို့မကျောင်းသာသနာ့ နယ်မြေအနောက်မြောက်ဘက်တွင်ရှိသော အဘိုးဘိုးသီလအရှင် နန်းတော်သို့ သွားရောက်ဖူးမြော်ကြည်ညိုသဒ္ဓါပွား များကြစေလိုကြောင်း စေတနာကောင်း ဖြင့် ရေးသားလိုက်ရပါတော့သည်။