ကျွန်တော့်ရဲ့ အက်ဆေး

ရေးသူ ရွှေလင်းထန်

ခင်ဗျားဘာလုပ်နေလဲ
ဒီလိုမတွေ့တာကြာသူနဲ့တွေ့တော့
အရင်လိုပါဘဲ တလမ်းမောင်းစကားနဲ့
လာဗျာ တွေ့တုန်းလက်ဖက်ရည်သောက်ရအောင်
လမ်းဆုံလမ်းခွကို လူတိုင်းရောက်ဖူးသလို ဧည့်ခံစိတ်ကူးများ
အလာပသလာပအချိန်ကန့်သတ်မထားတဲ့တွေ့ဆုံပွဲမှာ
အမှတ်တရတွေက ကျွှန်တော်တို့လမ်းမကြီးက ဆိုင်ကယ်တွေလို ဝေါကနဲ
ခင်ဗျားအကြောင်တော့ာကြားပါတယ် --- ရင်မှာထိတ်ကနဲ -----
မိုးရာသီမှာ မိုးတော့ရွာမယ်ပေါ့လေ
ကျွှန်တော်ပြောတော့ ယဉ်ထိန်းရဲကိုတွေ့လိုက်သလိုမျက်လုံးနဲ့
ဘာဆက်လုပ်မလဲ -----
လောကဓံမှာ မီးပွိုင့်မရှိပါဘူးဗျာ ကျွှန်တော်ဒီမြို့ မှာနေတာကြာပြီပဲ
အဲလို မိတ်ဆွေတလှဲ့ ကိုယ်တလှဲ့
ဘုံလုံတလှဲ့ ဖျန်တလှဲ့ ဆိုတာကို ကျွှန်တော် လက်မခံဘူးဗျ
ကျွှန်တော်တို့ဆီမှာ ဘာလမ်းညွှန်မှမထားဘူး အဆေင်ပြေသလိုပေါ့
ကျွှန်တော့မိတ်ဆွေ ဆွံ့အသွားလိုက်ပုံများတိတ်ဆိတ်လို့နေတယ်
ဒဏ်ငွေလေးဆောင်လိုက်ယုံနဲ့ ခင်ဗျားလမ်းကကျယ်မသွားပါဘူးဗျာ ----
ဘေးဝိုင်းက ဒသာနဆရာတွေထဲမှာ ကျောင်းနေဖက်ကိုတွေ့လိုက်ရ
သူကမမှတ်မိဘူးဖြစ်နေတယ်
ခက်တယ် ကျွှန်တော်က ဘာနံပါတ်ပြားအတုမှတတ်မမောင်းဘူး
မရှိတော့လဲ ဟာလာဟင်းလင်းပဲထားလိုက်တယ်
အသံတချို့ က ဒီဖက်ထိလွှင့်လာတယ်
မင်းသိင်္ခ ရဲ့  ဖြစ်ချင်ရာဖြစ်မောင်ဘချစ် စာအုပ်ကိုဖတ်ဖို့ မိတ်ဆွေက တိုက်တွန်းတယ်
အေးဗျာ --- ကျွှန်တော်တို့မြို့အကြောင်း ဒေသအကြောင်းသိဖို့
အောင်သူထွန်း(ကလေး)ရဲ့ သတင်းကိုဖတ်ယုံနဲ့လုံလောက်နေတဲ့အဖြစ် - --
တိုးတိုးတိတ်တိတ်ကိစ္စတွေကတိကျနေကြပြန်ရော
အေးစက်နေတဲ့ ကော်ဖီကိုတခါထဲမော့သောက်
ခါးနေတာက မျိုချပြီးရင်ပြီးရောမလား -----
ကမ္ဘာကြီးပူချင်ပူမပူချင်နေ အကောင်းမမြင်နိုင်ကြတာလား အမျှော်အမြင်ကြီးတာလား
ရေခဲတွေအရည်ပျော်မြန်တာ ကြာကြာခဲမထားလို့ပါ
ဂျာလင်းလောက်ကောင်းတာမရှိ်ဘူးဆိုသူတွေ
နောက်ပေါ်တွေ ခဏခဏပြောင်းစီးနေကြတယ်
အရောင်းအ၀ယ်ဟာ စာချုပ်လောက်နဲ့တင် မဖြစ်တော့ဘူးတဲ့
ယဉ်တိုက်မှုတွေများလာတာ စည်ကမ်းထက် စာရိတ္တတွေမကောင်းလို့တဲ့
မားကက်တင်း စီးပွါံးရေးမှာ မာကက်တာတွေကိုယ်တိုင် ရင်းနှီးမြှုတ်နှံမှုပုံသဏ္ဌန်အသစ် ဖြစ်လာနေတယ်ဆိုပဲ
ကျွှန်တော်တို့ ၀ိုင်းက တခါတခါ စာနာခွင့်ရ
တခါတခါ ငတေက မာတယ်
ရံဖန်ရံခါ မျက်နှာလွှဲခဲပစ် ---- အခါခါသက်ပြင်းချ -----
ဒသာနခြေထိုးပွဲက ၀ိုင်းမသိမ်းခင်
ကဲ့ ပြန်ကြအောင်ဗျာ နောက်တွေ့သေးတာပေါ့
ခင်ဗျားလဲ သင့်တော်တဲ့လှေကားတွေ့ရင် တက်တာတက်တဲ့
ကျွှန်တော်က ဟိ(heat)ငါးချက်တိုက်မှနိုးတဲ့ကားပေါ်တက်လာခဲ့တယ်။

ရွှေလင်းထန်