ရေးသူ - ရေခဲပန်း
မြန်မာနိုင်ငံမှာ ကျွန်တော်ချစ်သော မြို့လေးတစ်မြို့ရှိပါတယ်။ အဲဒီမြို့လေးမှာပဲ ကျွန်တော်ရဲ့ဘ၀ ကြီးပြင်းလာ ခဲ့ရတာလဲဖြစ်ပါတယ်။ အဆိုပါမြို့လေးကတော့ ကလေးမြို့လို့ ခေါ်တဲ့ မြို့လေးပဲဖြစ်ပါတယ်။ ၄င်းမြို့လေးဟာ မြန်မာနိုင်ငံရဲ့ အနောက် မြောက်ဖက် ချင်းပြည်နယ်နဲ့ အနီးဆုံးမှာ တည်ရှိပါတယ်။ လူအများစုကတော့ မြန်မာနိုင်ငံရဲ့ ဒေသအနှဲ့အပြားမှ ပြောင်းရွှေ့နေထိုင်လာ ကြသူတွေဖြစ်ကြပြီး လယ်ယာစိုက်ပျိုးရေးကို အဓိကထား လုပ်ကိုင်ကြသူတွေလည်း ဖြစ်ပါတယ်။ ရိုးသားပွင့်လင်းမှု တစ်ဦးနှင့်တစ်ဦး ရင်းနှီးဖော်ရွေ တတ်မှုများဟာ ၄င်းမြို့သူ / သားများရဲ့ ချစ်စရာကောင်းတဲ့ ပင်ကိုယ် စရိုက်လက္ခဏာ တရပ်လည်းဖြစ်ပါတယ်။
၎င်း မြို့လေးကို ရှေးယခင်က ကာလေးမြို့လို့ခေါ်တွင်ခဲ့ပါတယ်။ အကြောင်းကတော့ အဆိုပါမြို့လေးကို လေးဖက်လေးတန်က အရံမြို့လေး လေးမြို့နဲ့ ၀န်းရံပြီး တည်ထောင်ထားတာကြောင့်လို့ ပြောစမတ် ပြုကြပါတယ်။ အဲဒီအရံမြို့ လေးတွေကတော့ အရှေ့မြောက်ထောင့်အရပ်မှာ ရွှေတောင်မြို့၊ အရှေ့တောင်ထောင့်အရပ်မှာ စဥ့်တုံမြို့ ၊အနောက်တောင်ထောင့် အရပ်မှာ မံလုံမြို့ နှင့် အနောက်မြောက် ထောင့်အရပ်မှာ ခမ်းပတ်မြို့ တို့ပဲဖြစ်ကြပါတယ်။
ကလေးမြို့ကို မြန်မာသက္ကရာဇ် (၃၂၈) ခုနှစ် တပို့တွဲလပြည့်ကျော်(၅)ရက် တနင်္ဂနွေနေ့မှာ မဟာစောလုန်ကြီးရဲ့ သမက်တော် ကျေးတောင်ညိုကို စော်ဘွားအရာထားပြီး တည်ထောင်ခဲ့တယ်လို့ အချို့သမိုင်းများအဆိုအရ သိရပါတယ်။
ကလေးမြို့ကို စော်ဘွားစောရွှေက သက္ကရာဇ် (၉၉၉) ခုနှစ်တွင်အသစ် ပြန်လည်ပြုပြင်ပြီး နောက်ပိုင်း သက္ကရာဇ် (၁၁၂၃)ခုနှစ်တွင် စော်ဘွားစောခန်းကယ်မှ၎င်း သက္ကရာဇ် (၁၂၅၁)ခုနှစ်တွင် စော်ဘွားမောင်ဖာကြီးမှ ၄င်း ပြုပြင်ခဲ့ကြသည် ဟုသိရပါတယ်။စော်ဘွား မောင်ဖာကြီးအုပ်ချုပ်စဉ် ကာလအတွင်း အရံမြို့ငယ်များကို အသစ်ဖြစ်တဲ့ နာမည်နှင့် အစားထိုးခဲ့သည် ဟုဆိုပါတယ်။ ထိုအစားထိုး မြို့ငယ်များကတော့ အရှေ့မြောက်ဘက်တွင် တိန်းငြင်းမြို့ ၊အရှေ့တောင်ဘက်တွင် တင်သားမြို့၊ အနောက်တောင်ဘက်တွင် မံလုံမြို့၊ အနောက်မြောက်ဘက်တွင် အိပ်စွတ်မြို့တို့ဖြစ်ပါသည် ဟုသိရပါတယ်။ ကလေးမြို့ကို ပဌမတည်ထောင်ခဲ့စဉ်က အရံမြို့လေးများဖြစ်ခဲ့ကြသော ရွှေတောင်မြို့ စဥ့်တုံ၊ ခမ်းပတ်မြို့နှင့်စတုတ္ထအကြိမ်မြောက် မြို့ကိုပြန်လည်မွမ်းရာတွင် အရံမြို့ထဲတွင်တစ်မြို့ အပါဝင်ဖြစ်ခဲ့သော တိန်းငြင်းမြို့ တို့ကတော့ ယခုအချိန်မှာ တောကြီးအဖြစ် သို့ရောက်ရှိလိုသာ နေပါတော့တယ်။
ကလေးမြို့သည် တတိယမြောက်မြို့တည်နှစ်မှ အမှတ်အသား ပြုမည်ဆိုပါက နှစ်ပေါင်း(၁၂၀) တိုင်ခဲ့ပြီး ပထမမြောက်မြို့ တည်နှစ်မှ အမှတ်အသားပြု မည်ဆိုပါက နှစ်ပေါင်း(၁၀၄၃)တိုင် ခဲ့ပြီဖြစ်ပါတယ်။ ထို့ကြောင့် ကလေးမြို့သည် ရှေးကျ သောမြို့လေး တစ်မြို့ဟု ဆိုနိုင်ပါတယ်။ မြန်မာနိုင်ငံရှိ ရှေး ဟောင်းမြို့ လေးတစ်မြို့ဖြစ်သော တကောင်းမြို့နှင့် ခေတ်ပြိုင်မြို့ တစ်မြို့ဟု လည်ုးဆိုနိုင်ပါတယ်။
ကျွန်တော်ချစ်တဲ့ ကလေးမြို့ကလေးဟာ သေးငယ်တဲ့ မြို့လေးတစ်မြို့ ဖြစ်သလို လူဦးရေအနနဲ့ကလည်း နည်းပါးတဲ့ မြို့လေးတစ်မြို့ သာဖြစ်ပါတယ်။ သို့သော်လည်း ၄င်းမြို့လေးကို မြို့သူ မြို့သားတို့ရဲ့ ရိုးသားပွင့်လင်းမှု ရင်းနှီးဖော် ရွေတတ်မှုတွေနှင့် တန်းဆာဆင်ထားတာကြောင့် မွေ့လျော်ဖွယ်ကောင်းတဲ့ မြို့လေးတစ်မြို့သာ ဖြစ်လို့နေပါတယ်။ စာရေးသူရဲ့ အမြင်ကို အမှန်အတိုင်း တင်ပြရပါရင် နိုင်ငံတစ်နိုင်ငံ ဒါမှမဟုတ် မြို့လေးတစ်မြို့ရဲ့ ကောင်းမြတ်တဲ့ တန်ဖိုးဟာ အဆိုပါနိုင်ငံ သို့တည်းမဟုတ် မြို့လေးရဲ့ အရွယ်ပမာဏ အပေါ်မှာ အဓိက မူမတည်ပါဘူး။ တနည်းအားဖြင့် ပြောရရင် နိုင်ငံတစ်နိုင်ငံ သို့တည်းမဟုတ် မြို့တစ်မြို့ရဲ့ ကောင်းသတင်း ကျော်ဇောချင်း ဂုဏ်သတင်းတန်ဖိုးတွေဟာ နိုင်ငံ မြို့တို့ အကြီးအသေး ပမာဏအပေါ်မှာ အခြေမခံပါဘူး။ ၄င်းနိုင်ငံ သို့မဟုတ် ၄င်းမြို့မှာ နေထိုင်ကြသူတွေရဲ့ ကိုယ်ကျင့် စရိုက် လက္ခဏာ တွေအ ပေါ် မှာသာ အခြေခံပါတယ်။ ဒါကြောင့်မို့လည်း အထက်မှာ ပြောပြခဲ့တဲ့ ရိုးသားပွင့်လင်းမှုဂုဏ် ရင်းနှီးဖော်ရွေတတ်တဲ့ ဂုဏ်တွေနဲ့ ပြည့်ဝတဲ့ကလေးမြို့လေးမြို့လေးဟာ ချစ်စရာကောင်းတဲ့ မြို့လေး နေထိုင်သင့် နေထိုင်ထိုက်တဲ့ မြို့ကလေးရယ်လို့ စာရေးသူ တင်ပြလိုက်ရခြင်းဖြစ်ပါတယ်။
ရေခဲပန်း
Turn to English
No comments:
Post a Comment
ကျေးဇူးတင်ပါတယ်။