မေမေ

ရေးသူ ယွန်းအိမ်

မေမေ ….
အနှိုင်းမဲ့ခြင်းတွေနဲ့
မလုံလောက်တဲ့ စကားလုံးတစ်ချို့
အတိုင်းဆမဲ့ မေတ္တာတွေကို
ဦးညွှတ် တမ်းတဆဲပါ ….
မေမေ …

အို…. အို …
(လူလေးရေ အိပ်ပါတော့
လမင်းကြီးလည်း သာရော့ပေါ့ )
သားချော့တေးတွေ သီဆိုနေရင်း
အိပ်စက်ခြင်းတို့ အမေ့နို့စို့ကာ
မေတ္တာရိပ်ထဲ ပုခက်လွဲရင်း
နူးညံခြင်းနဲ့ သိပ်ခဲ့ ချိန်ခါ
ကြင်နာမှုတွေ ရေလို အေးမြ
သိကမကြွယ် ရင်ဝယ်ပိုက်တွေး
တိုက်ကျွေးချော့ကာ ဂရုဏာဆင်
ကျေးဇူးရှင် မေမေ ….

ဖေဖေမေမေ သင်ပေးစဉ်က
မပိကလာ တီတာတာနဲ့
ကြည်ကာရွှင်ပြ အလှမျက်နှာ
လမင်းသာသို့ ၀င်းလို့ထိန်ထိန်
တည်ငြိမ်အပြုံး နှောင်ထုံးဖွဲလေ
ပျော်နေခဲ့တဲ့ မေမေ …

မေမေ …
ဟို … အရင် အချိန်တွေတုန်းက
နူနယ်တဲ့ အသိတွေကို
အိပ်ယာဝင် ပုံပြင်တွေနဲ့
အမေ့ရှေးစကားတွေက
သတ္တူရည်သွန်းလောင်း
အားသစ်ပေါင်း၍
ပြောပြခဲ့တာ ``မေမေ´´ ပါ

ကလေး အရွယ် ငယ်စဉ်ဘ၀
ကျောင်းစပို့တော့
စာသင်ပျော်အောင်
သိမှု တတ်မှု ပညာတွေစုံအောင်
အနာဂါတ်ရဲ့ လမ်းမတွေမှာ
ဝင့်ထည်ဝါ၀ါ လျှောက်လှမ်းနိုင်ဖို့
ကျောင်းပျင်းတဲ့ ကျွန်တော်
အဖေါ်တွေနဲ့ ပျော်နေအောင်လို့
ကျောင်းလိုက်ပို့တဲ့ မေမေ ..

သက္ကရာဇ်တွေ ဖြတ်သန်း
အတန်းစဉ် ကျော်လွှားလို့
အားမာန်တွေနဲ့ ခုတ်မောင်း
အဟောင်းဟောင်းတွေ ချန်ရစ်
တရိပ်ရိပ်နဲ့ တိုက်စားသွား
ကုန်လွန်ခဲ့ နာရီများ
ပြောင်းလည်းခဲ့ အိပ်မက်တွေနဲ့
ထားရစ်ခဲ့ နေ့စွဲတွေ
ပျော်ရွင်မှုတွေ အပြည့်နဲ့ အားပေးခဲ့တဲ့
မေမေ …..

ဆယ်စုနှစ်တွေ စွန်းထင်းခဲ့တော့
ဘ၀ရဲ့ လှိုင်းတပိုးတွေကြားမှာ
ဖြတ်သန်းရင်းနဲ့
မေမေ့ရဲ့ မေတ္တာတရားတွေ
ဝါသနာတွေနဲ့ ဘ၀ကို မြှုပ်နှံ
စိုက်ပျိုးခဲ့ ပျိုးပင်တွေ အတွက်
လမ်းပြကြယ်ဟာ မေမေပါ
ထုဆစ်ခဲ့ လက်တွေဟာ
မွန်မြတ်သန့်စင်စွာပဲ မေမေ ….

နှစ်ဆယ်နှစ်နားနီးတော့
မေမေ့သား ကျောင်းလစ်တတ်ပေါ့ ..
ရာဘင်ဒ္ဒြာနတ်တဂိုးကို အားကျ
ယောနသံဇင်ယောကို အားကျ
မိုးနေရဲ့ ခေတ်တွေဆီ လျှောက်သွား
နေကြာပန်းခင်းတွေကို သဘောကျ
ဂေါကီရဲ့ အမေကို မက်မော
သား အတွက်တော့ မေမေဟာ
အတောက်ပဆုံးသော အလင်းရောင်တွေနဲ့ …..

အသွားအပြန် အလျှားအနံ ဆိုတဲ့
စကားလုံးတွေ
သူငယ်ချင်းတွေရဲ့ မြှောက်ပင့်ပေးမှု
ကူညီခြင်း ဆိုတာတွေနဲ့
သမုခရတနာ ကိုလည်း
ချစ်ခဲ့ဘူးပါတယ် ….
သင်္ချာဗေဒအရ
ကိန်းဂဏန်း တန်ဖိုးတွေ
ကြီးမာခဲ့ပေမယ့်
မေမေ့ မေတ္တာလောက်
မအေးမြခဲ့ပါဘူး မေမေ …

မေမေ …
တကယ်တော့ ရူးသွပ်ခြင်းတွေနဲ့
ရင်ခုန်သံ လှိုင်းတပိုးတွေက
ရိုက်ခိုက်ခြင်း ကျောက်ဆိုင်ကျောက်သား
တ၀ုန်းဝုန်း တောက်လောင်နေတဲ့
အနာဂါတ် ခရီးကြမ်းတွေမှာ
အသဲကွဲ လမ်းမပေါ် လျှောက်ဆဲ
တစ်ယောက်တည်းပါ မေမေ ….

နှင်းဆီပန်းနဲ့ သေနတ်အဖွဲ့ကို ရင်ခုန်
သူရဲကောင်းလေတွေ အားကျ
ဘီတဲလ် သီချင်းတွေ ယစ်မူး
ကျေးလက်သီချင်းတွေနဲ့ ကြီးပြင်း
ကိုယ်ပွား သံစဉ်တွေနဲ့ နေသားကျ
လောကကြီးက ပြောတယ်
ဟစ်ဟော့တွေ မခံစားတတ်ရင်
နှစ်ဆယ့်တစ် ရာစု လူသား မဟုတ်ဘူးတဲ့ ….
မေမေ့သားတော့
ကျောက်ခေတ်လူသား ဖြစ်နေပြီ ထင်ရဲ့ …

ဟို … အဝေး တစ်နေရာ
ဘ၀ရဲ့ ရွက်တိုင်တွေ ၀ယ်ယူ
တည်ဆောက် တပ်ဆင်ချိန်တုန်းက
မေမေ့ရဲ့ မေတ္တာတွေကို လွမ်းတယ်
မေမေ့ရဲ့ လက်ရာတွေကို လွမ်းတယ်
မေမေ့ရဲ့ ဂရုဏာတွေကို လွမ်း
မမောမပန်းနဲ့ ဖြတ်သန်း
တစ်ခန်းရပ် ဇတ်လမ်းတွေ ရပ်လို့
ကြယ်တာရာတွေရဲ့ အလင်းတန်းအောက်မှာ
အိပ်ယာဝင် ပုံပြင်တွေကိုလွမ်း
ကျေးလက်တောတန်းလေးနဲ့
အမေ့ရဲ့ အိမ်ကိုလွမ်း
မြစိမ်းရောင် လယ်ကွင်းကြီးနဲ့
ရွာဦးက စေတီလေးကို လွမ်း
ရိုးပြတ်တောတွေနဲ့
အမေ့ရဲ့ ယာခင်းလေးကိုလွမ်း
ညီမလေးနဲ့ မနက်ခင်းကို လွမ်း
ကွက်လပ် များစွာကို ဖြည့်ပေးတဲ့
မေမေ …
ဦးခိုက် တမ်းတဆဲပါ …

အနုပညာတွေကို မက်မောရင်း
ကာရန်လွတ် ၀ါကျ အချို့
လေးသုံးနှစ် ပုံသေနည်းတွေ
ထိကွာ လွတ်လပ်မှုတွေနဲ့
အပေါင်းအသင်းကြားမှာ
ကဗျာရေးတဲ့ ကျွန်တော့်ကို
နားလည်မှု အပြုံးတွေနဲ့
အားပေးတဲ့ မေမေ …..
ခေတ်ပြိုင် ခံစားမှုတွေကို ကူးခတ်ရင်း
နိုင်ငံတကာ မော်ဒန်ခံစားမှုတွေ
ပိုစ့်မော်ဒန် ပါဖေါင့်မင့်တွေက
အသွေးအသားထဲကို စီးဝင်
ပြင်းပြတဲ့ နမိတ်ပုံ ဖန်တီးမှု
အနားမရှိတဲ့ သံစဉ်တွေကြားက
မေမေ့ရဲ့သား ကျွန်တော်
ပျော်ရွင်ခြင်းတွေနဲ့ ….။

မေမေ …
ဘ၀ဟာ ရိုးသားနေတုန်း
အတ္တရဲ့ ရိုက်ခိုက်ချက်တွေ အောက်မှာ
ယုံကြည်ရာကို မရောင်းချရဲခဲ့
မိုက်မဲစွာ သန့်စင်နေခဲ့တော့
အဆင်မပြေမှုတွေက ရစ်ပတ်
ကံကြမ္မာကို ပုံချ အပြစ်တင်ရင်း
အချည်းအနှီး အင်အားများ
ကိုယ်ခံအား နည်းနည်း အလင်းမဲ့
အနှစ်မဲ့ ၀တ်ရုံတွေကို
တပ်မက်ခြင်း ကင်းစွာနဲ့
ထွက်ပေါက်တွေကို ရှာဖွေနေတုန်း
ပိုးစုံးကြူး အလင်းရောင် အချို့က
ရပ်တည်ခြင်းတွေကို နားမလည်ခဲ့ ….

အိုင်တီ ဆိုတဲ့နည်းပညာခေတ်ကြီးမှာ
ကမ္ဘာဟာ ရွာလေး တစ်ခုဆိုရင်
သားဟာ ပုရွက်ဆိတ် တစ်ကောင် ဖြစ်သွား
မြေကြောတွေ ရှုံ့နေတဲ့ ခေတ်ကြီးမှာ
ကွန်ပျုတာလေး တစ်လုံးနဲ့
အိပ်မက်လှလှ မက်ချင်သေးတယ် …
အင်တာနက်ရဲ့ စွမ်းအားတွေအောက်မှာ
ညီမလေးရဲ့ ကုဒ်နံပါတ်ကို သိချင်ခဲ့
ပါ့စ၀ါဒ်တွေ ခဏခဏမှားနှိပ်မိလို့
ပြစ်ဒဏ် မကျူးလွန်ပဲ
ကွင်းထဲကထုတ်ခံရတဲ့ ဘောလုံးသမားရဲ့
အဖြစ်မျိုး ကြုံခဲ့ရသူဟာလည်း
မေမေ့ရဲ့သားပါ …….။

ရာစု အသစ်ရဲ့ နေထိုင်မှု စနစ်
ခမ်းနားကြီးကျယ်မှု နိဗ္ဗာန်
လိုက်လျှောညီထွေဖြစ်မှု
အင်နားရှားများ ယုတ်လျှော့မှု
မော်လီးကျူးတို့၏ အရေးပါခြင်း
အိပ်မက်များကို ဖျက်ဆီးပိုင်ခွင့်
ဘုံသုံးစနစ်၏ အရေးပါခြင်း
အင်္ကျီဝတ် ယဉ်ကျေးမှုတွေ အောက်မှာ
အံချော်နေခဲ့တဲ့ မေမေရဲ့သား
တံခါးတချပ်မှ မဖွင့်နိုင်ခဲ့ …..

မေမေ
တာဝန်ဆိုတဲ့ စကားလုံးဘောင်ခတ်မှု
ခြေနှစ်ခုရဲ့ မားမတ်မှုတွေ
စက်တပ်ပစ္စည်းများရဲ့
ယဉ်ကျေးမှုတွေ အောက်မှာ
လူးလွန့်ကူးခတ် ကြိုးစားရင်း
ဇရာရဲ့ စွန်းထင်းခဲ့ ပြယုဂ်များ
တစ်သတ်မတ် ဖြစ်တည်မှုတစ်ခု
သေဆုံးခြင်း အိမ်မက်နံရံတို့
ဝေးကွာခဲ့ မျော်လင့်ချက်တွေနဲ့
ဘ၀မှာ
တောကျီးကန်း တို့အာနေခဲ့…….။
မေတ္တာ ဖယောင်းပန်းနှင်းစက်လက်
ကလေးဘ၀ အရောင်းမဲ့ မိုးကောင်းကင်
ပင်လယ်ချို မြင့်မိုရ်တောင် ရာသီဦး
တောင်ပြန်အလင်းတန်း လမင်းငိုသံ
ကျေးလက်သီချင်း အပြုံးနုနု ပြက္ခဒိန်
အသဲကွဲ ကံကြမ္မာ နှင်းဆီပန်း
ဖြတ်သန်းပုံဆောင်ခဲ ဇာတ်လမ်းမရှိ
ထုဆစ်ခြင်း ပန်းပွင့်ဟောင်း မာယာ
ညနက်နက် အကာမဲ့ တစ်တောလုံး
ရာစုသစ်မှတ်တမ်း သွေးဆာခြင်း
ညီမလေး အိုင်ကျူ နာရီ သံပတ်ကုန်း
မိုးအမည်း ရှင်သန်ခြင်း ဂျစ်ပစီများ
လေလွင့်ခြင်း ယဉ်ကျေးမှု အဟောင်းအမြှင်း
စိတ်ကူးများ အေးစက်စက် ငွေကြေး
သေဆုံးခဲ့မှု တယ်လီဖုန်း အသံများ
မော်လီကျူး တာဝန် စက္ကူအပိုင်းအစ
ပြယုဂ် ကိုယ်ခံအား ထွက်ပေါက်
မီးလျှံများ လင်းလက်ခဲ့……….။

မေမေ
မတည်မြဲခြင်းတွေက ထိုးထိုးထောင်ထောင်
ပြောင်းလဲခဲ့ မြစ်ရေ အလျှင်း
သေခြင်းတွေကို နားလည်ခဲ့တော့
သစ္စာလေးပါး တရားတွေကို ရိုက်သွင်း
ဂုဏ်တော် ပုတီးတွေ အထပ်ထပ်စိပ်
တတ်သမျှ မှတ်သမျှ ဂါထာတွေ
ရွက်ဆိုရင်း
သံသရာ စက်ဝိုင်းကြီးကို ကြောက်နေခဲ့……….။

မေမေ
အနှိုင်းမဲ့ခြင်းတွေနဲ့
မလုံလောက်တဲ့ စကားလုံးအချို့
အတိုင်းအဆမဲ့ မေတ္တာတွေကို
ဦးညွတ်တမ်းတဆဲပါ …..။

ယွန်းအိမ်
၂၃-၉-၂၀၀၂

(ပြာသိုလပြည့်နေ့ အမေနေ့ အမှတ်တရ)